ସମ୍ବଲପୁର କୁଚିଣ୍ଡାରେ ଲଗାଣ ବର୍ଷା ଆଣିଛି ଭୟଙ୍କର ସ୍ଥିତି । ସାରା ରାତି ଧରି ଲାଗି ରହିଥିବା ପ୍ରବଳ ବର୍ଷା ଯୋଗୁଁ ପାହାଡ଼ରୁ ହଠାତ୍ ପ୍ରବଳ ବେଗରେ ଝରଣା ପାଣି ତଳକୁ ଆସିଛି । ଫଳରେ କୁଚିଣ୍ଡା ଚକଧର ଶିବ ମନ୍ଦିର ପରିସରରେ ପାଣି ପଶିବା ସହ ମନ୍ଦିରର ଏକ ବଡ଼ ଅଂଶ ପାଣିରେ ବୁଡ଼ିଯାଇଛି । ହଠାତ୍ ପାଣିର ସ୍ରୋତ ବଢ଼ିଯିବାରୁ ମନ୍ଦିର ଭିତରେ ପୂଜକ ଓ ଅନ୍ୟ କର୍ମଚାରୀ ଫସି ରହିଥିଲେ । ଚାରିଆଡ଼େ ପାଣିର ପ୍ରବଳ ସ୍ରୋତ ରହିଥିବାରୁ ସେମାନଙ୍କୁ ବାହାରକୁ ଆଣିବା ଉଦ୍ଧାରକାରୀ ଦଳ ପାଇଁ ଚ୍ୟାଲେଞ୍ଜ ପାଲଟିଥିଲା । ବିଶେଷକରି ପାହାଡ଼ ଉପରୁ ବହି ଆସୁଥିବା ଝରଣା ପାଣିର ସ୍ରୋତ ଏତେ ପ୍ରଖର ଥିଲା ଯେ, ଘଟଣାସ୍ଥଳରେ ଉଦ୍ଧାର କାର୍ଯ୍ୟ କରିବାରେ ଅନେକ ସମସ୍ୟା ଉପୁଜିଥିଲା । ତଥାପି ପରିସ୍ଥିତିକୁ ନଜରରେ ରଖି ଅଗ୍ନିଶମବାହିନୀର ଟିମ୍ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି । ପ୍ରବଳ ବର୍ଷା ଓ ଜଳସ୍ରୋତ ଯୋଗୁଁ ମନ୍ଦିର ପରିସର ଜଳମଗ୍ନ ହୋଇଥିବାରୁ ସ୍ଥାନୀୟ ଲୋକଙ୍କ ମଧ୍ୟରେ ମଧ୍ୟ ଚିନ୍ତା ବଢ଼ିଛି । ଉଦ୍ଧାର କାର୍ଯ୍ୟ ସମ୍ପୂର୍ଣ୍ଣ ହେବା ପରେ ହିଁ ପୂରା ସ୍ଥିତି ସ୍ପଷ୍ଟ ହେବ । ସାରା ରାତିର ବର୍ଷା ପରେ କୁଚିଣ୍ଡାର ଚକଧର ଶିବ ମନ୍ଦିରର ଏହି ଦୃଶ୍ୟ ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । #📢ସୁନା-ରୂପା ବଜାରରେ ବଡ଼ ହଲଚଲ😱