#🗳️ രാഷ്ട്രീയം #💓 ജീവിത പാഠങ്ങള്‍ #🌞 ഗുഡ് മോണിംഗ് #🙋‍♀️ എൻ്റെ സ്റ്റാറ്റസുകൾ ചൂരൽമല-മുണ്ടക്കൈ ഉരുൾപൊട്ടൽ ദുരന്തത്തിൽ സർവ്വതും നഷ്ടപ്പെട്ട് വാടക വീടുകളിൽ കഴിയുന്നവർക്ക് വീണ്ടും ഇരുട്ടടി. ദുരിതബാധിതർക്കുള്ള ഈ മാസത്തെ വാടകയും ദിനബത്തയും സർക്കാർ ഇതുവരെ നൽകിയിട്ടില്ല. എല്ലാ മാസവും 2-ാം തീയതി കൃത്യമായി ലഭിക്കേണ്ട തുകയാണ് എട്ടാം തീയതി ആയിട്ടും നൽകാത്തത്. സർക്കാരിൽ നിന്ന് ഫണ്ട് എത്തിയിട്ടില്ല എന്ന സ്ഥിരം പല്ലവിയാണ് ഉദ്യോഗസ്ഥർ ആവർത്തിക്കുന്നത്. പ്രതിമാസം 12,500 രൂപയൊക്കെയാണ് പലരും വാടകയായി നൽകുന്നത്. സർക്കാരിന്റെ സഹായം ലഭിക്കാത്തതു കാരണം, വീട്ടുടമകൾ വാടക ചോദിക്കുമ്പോൾ പലരും കൊള്ളപ്പലിശയ്ക്ക് പണമെടുക്കേണ്ട ഗതികേടിലാണ് ഇന്നുള്ളത്. ഉറ്റവരെയും ഉടയവരെയും നഷ്ടപ്പെട്ട്, ജീവൻ മാത്രം ബാക്കിയായ ഒരു ജനതയോടാണ് അധികാരികൾ ഈ ക്രൂരത കാണിക്കുന്നത്. എത്രയും വേഗം ഈ വിഷയത്തിൽ സർക്കാർ ഇടപെടുകയും, ദുരിതബാധിതർക്കുള്ള സഹായധനം ഉടൻ വിതരണം ചെയ്യുകയും വേണം. ദുരന്തത്തിൽ എല്ലാം നഷ്ടപ്പെട്ടവരെ വീണ്ടും കടക്കെണിയിലേക്ക് തള്ളിവിടരുത്.