মই ৰাধা হাজৰিকা মই ৰাধা হাজৰিকা উপন্যাসৰ লিখক সঞ্জীত দাস । তেওঁৰ উপন্যাসখন পঢ়ি চাবলৈ কোৱাৰ বাবে আমি তেখেতৰ উপন্যাসখনৰ লগতে বেটু-পাতটো চাই দিলো। এই উপন্যাসখনৰ চৰিত্ৰ সমূহ খুব সুন্দৰ ভাবে উপস্থাপন কৰিছে । উপন্যাসখনে বৰ্তমান সমাজত প্ৰচলিত ঘটনাক প্ৰতিনিধিত্ব কৰিছে । ৰাধা হাজৰিকা এখন পিচ পৰা গাওঁৰ ছোৱালী। তাইৰ পিতৃ মাতৃ দুগৰাকীও সহজ সৰল। ঠগ প্ৰৱঞ্চনা তেওঁলোকে বুজি নাপায় । যাৰ পৰিণতিত পৰি ৰাধাক এজন চহৰৰ ডেকাৰ সৈতে বিবাহত বহুৱাব । ৰাধা হাজৰিকাই পিতৃ মাতৃৰ ম'তক সন্মান জনাই চহৰৰ ডেকাৰ লগত বিবাহ পাশত বহে । বিবাহৰ কিছু দিন পিছত প্ৰবঞ্চক ল'ৰাজনে তাইক চহৰত এৰি পলায়ন কৰে । মুখলজ্জাৰ বাবে ৰাধা পুণৰ গাওঁলৈ উভতি নাহে । চহৰৰ বহু পুৰুষে ৰাধাক লেলুপ দৃষ্টিৰে চাই । অৱশেষত পেটৰ তাৰনাত পৰি ৰাধাই বেয়া কাৰ্যত লিপ্ত হয় । যদিওৱা ৰাধাৰ উপাৰ্জনৰ পথ বেয়া তাই উপাৰ্জন কৰা টকা কেইটা কিন্তু সমাজৰ হকে সৎ কামত খটুৱায় । তাই উপাৰ্জন কৰা টকাৰে অনাথাশ্ৰম চলে । অনাথক চিকিৎসাৰ সুবিধা কৰাই দিয়ে । অনাথক সহায়ৰ হাত আগবঢ়াই । যি কাম বহু টকা পইচা থকা মানুহেওঁ নকৰে । যি পথেৰে ৰাধা হাজৰিকাই টকা উপাৰ্জন কৰে । এই ক্ষেত্ৰত আমাৰ সমাজত থকা বহু মূখা পিন্ধা ভদ্ৰলোকৰ মূখা খোল খাই পৰে । আমাৰ সমাজত যে অকল বেয়া মানুহে আছে তেনে নহয় । যদিও বেয়াৰ সংখ্যা অত্যাধিক তাৰ মাজতে দুই এজন ভাল মানুহও আছে । তেনেকুৱা চৰিত্ৰ এটি পি.চি বৰুৱা । পি.চি বৰুৱাই আলঙে আলঙে ৰাধাক লক্ষ্য কৰিছিল আৰু ৰাধাৰ যি মহানুভৱতা এই পি.চি বৰুৱাক আকৰ্ষিত কৰিছিল আৰু শেষত ক'ব নোৱাৰাকৈ ৰাধাৰ প্ৰেমত পৰিছিল । কাৰণ ৰাধাৰ মহানুভৱতা আৰু পি.চি বৰুৱাৰ মহানুভৱতা প্ৰায় মিল আছিল । শেষলৈ পি.চি বৰুৱাই ৰাধাক নিজৰ কৰি লয় । বৰ্তমান সময়তো আমাৰ সমাজত দেখা যায় যে নাতি নাতিনীৰ মূখ দেখা নাপায় তেতিয়া হ'লে শাহু গৰাকীয়ে বোৱাৰীক মৰম আদৰ নকৰা হয় । প্ৰয়োজনত পুত্ৰৰ পুণৰ বিবাহৰ কথা চিন্তা কৰে । লিখকে এই চৰিত্ৰটো খুব সুন্দৰকৈ ফুটাই তুলিছে । আমি বিশ্বাস কৰোঁ যে আমি যি লাভ কৰো সেয়া আমাৰ কৰ্মৰ ফল ॥ ৰাধাই কৰা সৎ কৰ্মৰ বাবে তাই অৱশেষত সন্তানৰ মূখ দেখিবলৈ সামৰ্থ হ'ল । যদিও প্ৰথম অৱস্থাত ৰাধা হাজৰিকাই গুৱাহাটী মহানগৰত বহু দুখ কষ্টৰ সন্মুখীন হয় । অৱশেষত তাইৰ জীৱন সুখকৰ হয় । এনে ধৰনৰ বহু কেইটা চৰিত্ৰ উপন্যাসখনৰ মাজেৰে উপস্থাপন কৰিবলৈ সক্ষম হৈছে । গতিকে উপন্যাসখন খুৱ সুন্দৰ হোৱা বুলি অনুভৱ কৰি এই চমু অভিমত ব্যক্ত কৰিলোঁ । #assamese