#🙋‍♀️ എൻ്റെ സ്റ്റാറ്റസുകൾ സോഷ്യൽ മീഡിയയിൽ വ്യക്തിപരമായ കുടുംബപ്രശ്നങ്ങളും വ്യക്തിജീവിതത്തിലെ വീഴ്ചകളും വലിയ രീതിയിൽ ചർച്ചയാക്കപ്പെടുകയും ആഘോഷിക്കപ്പെടുകയും ചെയ്യുന്ന പ്രവണതയ്ക്കെതിരെ രൂക്ഷവിമർശനവുമായി നടനും ഇൻഫ്ലുവൻസറുമായ കാർത്തിക് ശങ്കർ. ഇൻഫ്ലുവൻസറായ അഖിൽ എൻ.ആർ.ഡിയുടെ ദാമ്പത്യ ജീവിതവുമായി ബന്ധപ്പെട്ട് നിലവിൽ സോഷ്യൽ മീഡിയയിൽ നടക്കുന്ന ചർച്ചകളുടെയും സൈബർ വിചാരണകളുടെയും പശ്ചാത്തലത്തിലാണ് കാർത്തിക്കിന്റെ പ്രതികരണം. ഒളിച്ചോട്ടം പോലുള്ള വിഷയങ്ങൾ സോഷ്യൽ മീഡിയയിൽ ഏറ്റവും വലിയ പ്രശ്നമായി മാറിയിരിക്കുകയാണെന്നും, ഇത് ഒരു ദേശീയ തലത്തിലുള്ള വിഷയം പോലെ ആഘോഷിക്കപ്പെടുന്നത് മോശമായ പ്രവണതയാണെന്നും കാർത്തിക് ശങ്കർ ചൂണ്ടിക്കാട്ടി. വ്യക്തിജീവിതത്തിൽ, പ്രത്യേകിച്ച് ഒരു കുടുംബത്തിനുള്ളിൽ നടക്കുന്ന അസ്വാരസ്യങ്ങൾ പൊതുസമൂഹത്തിൽ ചർച്ചയാക്കപ്പെടുന്നതിനേക്കാൾ മോശമായ വേറൊന്നുമില്ലെന്ന് അദ്ദേഹം അഭിപ്രായപ്പെട്ടു. ഇതേ വിഷയം വച്ച് യൂട്യൂബിൽ റിയാക്‌ഷൻ വിഡിയോ ചെയ്യുന്ന സീക്രട്ട് ഏജന്റ് പോലുള്ള ആളുകളെയും നടൻ രൂക്ഷമായി വിമർശിച്ചു.