🇪🅳︎🅸︎🆃︎🅾︎🆁︎ 🆂︎🅳︎
1K views • 4 hours ago
#😭ਪੰਜਾਬ: ਰੱਖੜੀ ਤੋਂ ਪਹਿਲਾਂ ਮਾਸੂਮ ਭੈਣ-ਭਰਾ ਦੀ ਦਰਦਨਾਕ ਮੌਤ #🌍 ਪੰਜਾਬ ਦੀ ਹਰ ਅਪਡੇਟ 🗞️ #👉 ਤਾਜ਼ਾ ਅਪਡੇਟਸ ⭐ #😲ਅਜ਼ਬ-ਗਜ਼ਬ #👉🏻 ਸਥਾਨਕ ਅਪਡੇਟਸ 📰 ਰੱਖੜੀ ਦੇ ਪਵਿੱਤਰ ਤਿਉਹਾਰ ਤੋਂ ਠੀਕ ਪਹਿਲਾਂ ਲੁਧਿਆਣਾ ਦੇ ਕਸਬਾ ਰਾਏਕੋਟ ਅਧੀਨ ਪੈਂਦੇ ਪਿੰਡ ਬੱਸੀਆਂ ਤੋਂ ਇੱਕ ਬੇਹੱਦ ਦਰਦਨਾਕ ਅਤੇ ਰੂਹ ਕੰਬਾਊ ਘਟਨਾ ਸਾਹਮਣੇ ਆਈ ਹੈ। ਘਰ ਦੇ ਵਿਹੜੇ ਵਿੱਚ ਸੁੱਤੇ ਪਏ ਦੋ ਮਾਸੂਮ ਭੈਣ-ਭਰਾ ਨੂੰ ਜ਼ਹਿਰੀਲੇ ਸੱਪ ਨੇ ਡੰਗ ਲਿਆ, ਜਿਸ ਕਾਰਨ ਪਹਿਲਾਂ ਛੋਟੀ ਭੈਣ ਅਤੇ ਕਰੀਬ 18 ਘੰਟਿਆਂ ਬਾਅਦ ਇਲਾਜ ਦੌਰਾਨ ਭਰਾ ਨੇ ਵੀ ਦਮ ਤੋੜ ਦਿੱਤਾ। ਮ੍ਰਿਤਕ ਬੱਚਿਆਂ ਦੀ ਪਛਾਣ ਜੋਬਨਪ੍ਰੀਤ ਸਿੰਘ (8 ਸਾਲ) ਅਤੇ ਉਸ ਦੀ ਛੋਟੀ ਭੈਣ ਜਸ਼ਨਪ੍ਰੀਤ ਕੌਰ (6 ਸਾਲ) ਵਜੋਂ ਹੋਈ ਹੈ। ਇੱਕੋ ਘਰ ਵਿੱਚੋਂ ਦੋ ਮਾਸੂਮਾਂ ਦੀਆਂ ਅਰਥੀਆਂ ਇਕੱਠੀਆਂ ਉੱਠਣ ਅਤੇ ਇੱਕੋ ਚਿਤਾ ‘ਤੇ ਅੰਤਿਮ ਸਸਕਾਰ ਹੋਣ ਕਾਰਨ ਪੂਰੇ ਇਲਾਕੇ ਵਿੱਚ ਸੋਗ ਦੀ ਲਹਿਰ ਦੌੜ ਗਈ ਹੈ।ਪ੍ਰਾਪਤ ਜਾਣਕਾਰੀ ਅਨੁਸਾਰ ਪਿੰਡ ਬੱਸੀਆਂ ਦੇ ਵਸਨੀਕ ਅਮਨਦੀਪ ਸਿੰਘ ਦਾ ਪਰਿਵਾਰ ਭਾਰੀ ਗਰਮੀ ਅਤੇ ਹੁੰਮਸ ਕਾਰਨ ਘਰ ਦੇ ਵਿਹੜੇ ਵਿੱਚ ਮੰਜੇ ਡਾਹ ਕੇ ਸੁੱਤਾ ਹੋਇਆ ਸੀ। ਪਰਿਵਾਰ ਵਿੱਚ ਅਮਨਦੀਪ ਸਿੰਘ, ਉਨ੍ਹਾਂ ਦੀ ਪਤਨੀ, ਤਿੰਨ ਬੱਚੇ ਅਤੇ ਬਜ਼ੁਰਗ ਮਾਤਾ ਜਿੰਦਰ ਕੌਰ ਮੌਜੂਦ ਸਨ। 8 ਸਾਲਾ ਜੋਬਨਪ੍ਰੀਤ ਸਿੰਘ ਅਤੇ 6 ਸਾਲਾ ਜਸ਼ਨਪ੍ਰੀਤ ਕੌਰ ਆਪਣੀ ਦਾਦੀ ਦੇ ਕੋਲ ਮੰਜੇ ‘ਤੇ ਸੁੱਤੇ ਹੋਏ ਸਨ।ਬੁੱਧਵਾਰ ਤੜਕੇ ਕਰੀਬ 3 ਵਜੇ ਜੋਬਨਪ੍ਰੀਤ ਸਿੰਘ ਨੇ ਜਾਗ ਕੇ ਆਪਣੀ ਦਾਦੀ ਨੂੰ ਦੱਸਿਆ ਕਿ ਉਸ ਦੇ ਹੱਥ ‘ਤੇ ਕਿਸੇ ਕੀੜੇ ਨੇ ਕੱਟ ਲਿਆ ਹੈ। ਸ਼ੁਰੂਆਤ ਵਿੱਚ ਦਾਦੀ ਨੇ ਇਸ ਨੂੰ ਆਮ ਮੱਛਰ ਦਾ ਕੱਟਣਾ ਸਮਝਿਆ, ਪਰ ਜਦੋਂ ਬੱਚੇ ਨੇ ਦਰਦ ਨਾਲ ਚੀਕਣਾ ਅਤੇ ਜ਼ੋਰ-ਜ਼ੋਰ ਨਾਲ ਰੋਣਾ ਸ਼ੁਰੂ ਕਰ ਦਿੱਤਾ ਤਾਂ ਪਰਿਵਾਰ ਦੇ ਹੋਰ ਮੈਂਬਰ ਵੀ ਜਾਗ ਪਏ। ਬੱਚੇ ਦੇ ਹੱਥ ‘ਤੇ ਡੰਗ ਦਾ ਨਿਸ਼ਾਨ ਦੇਖ ਕੇ ਜਦੋਂ ਆਲੇ-ਦੁਆਲੇ ਜਾਂਚ ਕੀਤੀ ਗਈ ਤਾਂ ਮੰਜੇ ਦੇ ਹੇਠਾਂ ਇੱਕ ਜ਼ਹਿਰੀਲਾ ਸੱਪ ਘੁੰਮਦਾ ਨਜ਼ਰ ਆਇਆ, ਜਿਸ ਨਾਲ ਸੱਪ ਦੇ ਡੰਗਣ ਦੀ ਪੁਸ਼ਟੀ ਹੋ ਗਈ।ਸੱਪ ਦੇ ਡੰਗਣ ਦਾ ਪਤਾ ਲੱਗਦਿਆਂ ਹੀ ਦਾਦੀ ਨੇ ਜ਼ਹਿਰ ਨੂੰ ਸਰੀਰ ਵਿੱਚ ਫੈਲਣ ਤੋਂ ਰੋਕਣ ਲਈ ਜੋਬਨਪ੍ਰੀਤ ਦੇ ਹੱਥ ‘ਤੇ ਕੱਪੜਾ ਬੰਨ੍ਹ ਦਿੱਤਾ। ਇਸੇ ਦੌਰਾਨ ਉਸ ਨੂੰ ਸਾਹ ਲੈਣ ਵਿੱਚ ਭਾਰੀ ਦਿੱਕਤ ਹੋਣ ਲੱਗੀ। ਰੌਲਾ ਸੁਣ ਕੇ ਛੋਟੀ ਭੈਣ ਜਸ਼ਨਪ੍ਰੀਤ ਵੀ ਜਾਗ ਪਈ ਅਤੇ ਆਪਣੇ ਪਿਤਾ ਨੂੰ ਭਰਾ ਨੂੰ ਤੁਰੰਤ ਹਸਪਤਾਲ ਲਿਜਾਣ ਲਈ ਕਹਿਣ ਲੱਗੀ। ਹਾਲਾਂਕਿ, ਕੁਝ ਹੀ ਪਲਾਂ ਬਾਅਦ ਜਸ਼ਨਪ੍ਰੀਤ ਦੀ ਹਾਲਤ ਵੀ ਅਚਾਨਕ ਵਿਗੜਨ ਲੱਗੀ ਅਤੇ ਉਹ ਬੇਹੋਸ਼ ਹੋਣ ਲੱਗੀ, ਜਿਸ ਤੋਂ ਬਾਅਦ ਪਰਿਵਾਰ ਨੂੰ ਅਹਿਸਾਸ ਹੋਇਆ ਕਿ ਸੱਪ ਨੇ ਉਸ ਨੂੰ ਵੀ ਡੰਗ ਲਿਆ ਹੈ। ਪਰਿਵਾਰ ਬਿਨਾਂ ਸਮਾਂ ਗਵਾਏ ਦੋਵਾਂ ਬੱਚਿਆਂ ਨੂੰ ਸਿਵਲ ਹਸਪਤਾਲ ਰਾਏਕੋਟ ਲੈ ਕੇ ਪਹੁੰਚਿਆ।
ਹਸਪਤਾਲ ਪਹੁੰਚਦਿਆਂ ਹੀ ਭੈਣ ਦੀ ਮੌਤ
ਸਿਵਲ ਹਸਪਤਾਲ ਰਾਏਕੋਟ ਦੇ ਡਾਕਟਰਾਂ ਨੇ ਸੱਪ ਦੇ ਡੰਗਣ ਦੀ ਪੁਸ਼ਟੀ ਕਰਦਿਆਂ 6 ਸਾਲਾ ਜਸ਼ਨਪ੍ਰੀਤ ਕੌਰ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਦੂਜੇ ਪਾਸੇ 8 ਸਾਲਾ ਜੋਬਨਪ੍ਰੀਤ ਦੀ ਨਾਜ਼ੁਕ ਹਾਲਤ ਨੂੰ ਦੇਖਦਿਆਂ ਉਸ ਨੂੰ ਲੁਧਿਆਣਾ ਦੇ ਸੀ.ਐੱਮ.ਸੀ. (CMC) ਹਸਪਤਾਲ ਰੈਫ਼ਰ ਕਰ ਦਿੱਤਾ ਗਿਆ। ਉੱਥੇ ਬੱਚਿਆਂ ਦੇ ਆਈ.ਸੀ.ਯੂ. (ICU) ਵਿੱਚ ਉਸ ਨੂੰ ਵੈਂਟੀਲੇਟਰ ‘ਤੇ ਰੱਖ ਕੇ ਬਚਾਉਣ ਦੇ ਪੂਰੇ ਯਤਨ ਕੀਤੇ ਗਏ, ਪਰ ਸਰੀਰ ਵਿੱਚ ਜ਼ਹਿਰ ਬਹੁਤ ਜ਼ਿਆਦਾ ਫੈਲ ਚੁੱਕਾ ਸੀ। ਬੁੱਧਵਾਰ ਦੇਰ ਰਾਤ ਕਰੀਬ 11 ਵਜੇ ਜੋਬਨਪ੍ਰੀਤ ਨੇ ਵੀ ਆਈ.ਸੀ.ਯੂ. ਵਿੱਚ ਦਮ ਤੋੜ ਦਿੱਤਾ।
ਇਹ ਵੀ ਪੜ੍ਹੋ
ਫ਼ੈਕਟਰੀ ਦੀ ਮਸ਼ੀਨ 'ਚ ਦੁਪੱਟਾ ਫਸਣ ਕਾਰਨ ਔਰਤ ਦੀ ਧੌਣ ਧੜ ਤੋਂ ਵੱਖ, ਹੋਈ ਮੌਤ
ਫ਼ੈਕਟਰੀ ਦੀ ਮਸ਼ੀਨ 'ਚ ਦੁਪੱਟਾ ਫਸਣ ਕਾਰਨ ਔਰਤ ਦੀ ਧੌਣ ਧੜ ਤੋਂ ਵੱਖ, ਹੋਈ ਮੌਤ
ਜਲੰਧਰ 'ਚ ਗਰਜੇ CM, ਬਿਨਾਂ ਰਿਸ਼ਵਤ ਤੇ ਸਿਫ਼ਾਰਸ਼ ਦੇ ਘਰ-ਘਰ ਪਹੁੰਚਾਇਆ ਰੁਜ਼ਗਾਰ
ਜਲੰਧਰ 'ਚ ਗਰਜੇ CM, ਬਿਨਾਂ ਰਿਸ਼ਵਤ ਤੇ ਸਿਫ਼ਾਰਸ਼ ਦੇ ਘਰ-ਘਰ ਪਹੁੰਚਾਇਆ ਰੁਜ਼ਗਾਰ
ਤਰਨਤਾਰਨ ਸਰਹੱਦ ਨੇੜਿਓਂ ਖੇਤ 'ਚੋਂ 4.4 ਕਿਲੋ ਹੈਰੋਇਨ ਬਰਾਮਦ, ਤਸਕਰਾਂ ਦੀ ਭਾਲ ਤੇਜ
ਮਾਸੂਮ ਜਸ਼ਨਪ੍ਰੀਤ ਪਹਿਲੀ ਜਮਾਤ ਵਿੱਚ ਪੜ੍ਹਦੀ ਸੀ ਜਦਕਿ ਜੋਬਨਪ੍ਰੀਤ ਤੀਜੀ ਜਮਾਤ ਦਾ ਵਿਦਿਆਰਥੀ ਸੀ। ਪਿਤਾ ਅਮਨਦੀਪ ਸਿੰਘ ਨੇ ਦੱਸਿਆ ਕਿ ਗਰਮੀ ਜ਼ਿਆਦਾ ਹੋਣ ਕਾਰਨ ਉਹ ਰੋਜ਼ਾਨਾ ਵਿਹੜੇ ਵਿੱਚ ਸੌਂਦੇ ਸਨ, ਪਰ ਉਨ੍ਹਾਂ ਨੂੰ ਅੰਦਾਜ਼ਾ ਨਹੀਂ ਸੀ ਕਿ ਇਹ ਰਾਤ ਉਨ੍ਹਾਂ ਦੇ ਹੱਸਦੇ-ਵਸਦੇ ਪਰਿਵਾਰ ਲਈ ਅਜਿਹਾ ਕਹਿਰ ਬਣ ਕੇ ਆਵੇਗੀ। ਰੱਖੜੀ ਦੇ ਤਿਉਹਾਰ ਤੋਂ ਪਹਿਲਾਂ ਵਾਪਰੇ ਇਸ ਦੁਖਾਂਤ ਨੇ ਪਰਿਵਾਰ ਦੇ ਨਾਲ-ਨਾਲ ਸਮੁੱਚੇ ਇਲਾਕੇ ਨੂੰ ਗ਼ਮਗੀਨ ਕਰ ਦਿੱਤਾ ਹੈ।
ਸਿਵਲ ਹਸਪਤਾਲ ਰਾਏਕੋਟ ਦੇ ਡਾਕਟਰਾਂ ਨੇ ਸੱਪ ਦੇ ਡੰਗਣ ਦੀ ਪੁਸ਼ਟੀ ਕਰਦਿਆਂ 6 ਸਾਲਾ ਜਸ਼ਨਪ੍ਰੀਤ ਕੌਰ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਦੂਜੇ ਪਾਸੇ 8 ਸਾਲਾ ਜੋਬਨਪ੍ਰੀਤ ਦੀ ਨਾਜ਼ੁਕ ਹਾਲਤ ਨੂੰ ਦੇਖਦਿਆਂ ਉਸ ਨੂੰ ਲੁਧਿਆਣਾ ਦੇ ਸੀ.ਐੱਮ.ਸੀ. (CMC) ਹਸਪਤਾਲ ਰੈਫ਼ਰ ਕਰ ਦਿੱਤਾ ਗਿਆ। ਉੱਥੇ ਬੱਚਿਆਂ ਦੇ ਆਈ.ਸੀ.ਯੂ. (ICU) ਵਿੱਚ ਉਸ ਨੂੰ ਵੈਂਟੀਲੇਟਰ ‘ਤੇ ਰੱਖ ਕੇ ਬਚਾਉਣ ਦੇ ਪੂਰੇ ਯਤਨ ਕੀਤੇ ਗਏ, ਪਰ ਸਰੀਰ ਵਿੱਚ ਜ਼ਹਿਰ ਬਹੁਤ ਜ਼ਿਆਦਾ ਫੈਲ ਚੁੱਕਾ ਸੀ। ਬੁੱਧਵਾਰ ਦੇਰ ਰਾਤ ਕਰੀਬ 11 ਵਜੇ ਜੋਬਨਪ੍ਰੀਤ ਨੇ ਵੀ ਆਈ.ਸੀ.ਯੂ. ਵਿੱਚ ਦਮ ਤੋੜ ਦਿੱਤਾ।ਮਾਸੂਮ ਜਸ਼ਨਪ੍ਰੀਤ ਪਹਿਲੀ ਜਮਾਤ ਵਿੱਚ ਪੜ੍ਹਦੀ ਸੀ ਜਦਕਿ ਜੋਬਨਪ੍ਰੀਤ ਤੀਜੀ ਜਮਾਤ ਦਾ ਵਿਦਿਆਰਥੀ ਸੀ। ਪਿਤਾ ਅਮਨਦੀਪ ਸਿੰਘ ਨੇ ਦੱਸਿਆ ਕਿ ਗਰਮੀ ਜ਼ਿਆਦਾ ਹੋਣ ਕਾਰਨ ਉਹ ਰੋਜ਼ਾਨਾ ਵਿਹੜੇ ਵਿੱਚ ਸੌਂਦੇ ਸਨ, ਪਰ ਉਨ੍ਹਾਂ ਨੂੰ ਅੰਦਾਜ਼ਾ ਨਹੀਂ ਸੀ ਕਿ ਇਹ ਰਾਤ ਉਨ੍ਹਾਂ ਦੇ ਹੱਸਦੇ-ਵਸਦੇ ਪਰਿਵਾਰ ਲਈ ਅਜਿਹਾ ਕਹਿਰ ਬਣ ਕੇ ਆਵੇਗੀ। ਰੱਖੜੀ ਦੇ ਤਿਉਹਾਰ ਤੋਂ ਪਹਿਲਾਂ ਵਾਪਰੇ ਇਸ ਦੁਖਾਂਤ ਨੇ ਪਰਿਵਾਰ ਦੇ ਨਾਲ-ਨਾਲ ਸਮੁੱਚੇ ਇਲਾਕੇ ਨੂੰ ਗ਼ਮਗੀਨ ਕਰ ਦਿੱਤਾ ਹੈ।
11 shares
