பிரபலங்களின் விவாகரத்தில் உள்ள சிக்கல்கள்... இன்றைய காலகட்டத்தில் விவாகரத்து என்பது சாதாரணமாக நடக்கிற விஷயம்தான். ஆனால் சில விவாகரத்துக்கள் சமூகத்தில் அதிகம் பேசப்படுகின்றன, விவாதிக்கப்படுகின்றன. அவை சினிமா நடிகர்கள், தொழிலதிபர்கள் மற்றும் அரசியல்வாதிகள் போன்ற பிரபலங்களுடைய விவாகரத்துகள். முதலில் பிரபலங்கள், குறிப்பாக அரசியல்வாதிகள் 24 மணி நேரமும் மீடியா வெளிச்சத்தில் இருப்பவர்கள். அவர்களுடைய விவாகரத்தைப் பற்றி அந்த காலகட்டங்களில் தேவையற்ற பல செய்திகள் அல்லது ஹேஷ்யங்கள் உலாவருவதைத் தடுக்க முடிவதில்லை. பிரபலங்களுக்கும் சாதாரண மக்களைப்போல உளவியல் சம்பந்தப்பட்ட பிரச்சினைகள் இருப்பது சகஜம். ஆனால், சாதாரண மக்களுக்கு கிடைக்கும் ஆலோசனைகள் அவர்களுக்கு கிடைக்கும் என்று சொல்வதற்கில்லை. ஏனென்றால் அவர்களுக்கு தகுந்த ஆலோசனைகளை சொல்வதற்கு பல்வேறு காரணங்களால் யாரும் முன்வருவதில்லை. சொல்லப்போனால், அவர்களிடம் இதைப்பற்றி பேசுவதற்கே மற்றவர்கள் தயங்குவார்கள். அதை விட அதைப் பற்றி பிரபலத்தின் கருத்து எதுவாக இருக்கிறதோ, அதையே சரியான கருத்து என்று ஏற்றி விடுபவர்களே அதிகம்! அவர்களது பெற்றோர்களின் கருத்தும் குடும்பம் மற்றும் உறவுமுறை கோணத்தில்தான் இருக்கும்; ஆகையால் இதில் பொதுவாக, அவர்களுடைய விருப்பத்தைத் திணிக்கவே முயல்வார்கள். இந்தப் பிரச்சினையை எதார்த்தமாக அணுகுவதே சிறப்பாக இருக்கும். விவாகரத்தே சரியான தேர்வு என்று அவர்கள் ஒரு கட்டத்தில் முடிவெடுத்திருந்தால், அதன்படி நடப்பதே உசிதம் எனலாம். அதை மறுபரிசீலனை செய்து ஒட்டவைக்கவேண்டிய அவசியம் இல்லை. இந்த புரிதல் மட்டும் இருந்துவிட்டால் எல்லாம் நலமே! சொல்லப்போனால், ஒட்டுப்போடுவது நீண்டகால அணுகுமுறையில் தீராத பிற பிரச்சினைகளையே உருவாக்கும். அந்த பிரபலங்களை மீடியா தொடர்ந்து கண்காணித்து வரும். தேவையில்லாத கதைகளைக் கட்டிவிட்டு அவருடைய நடத்தைக்கு களங்கம் விளைவித்து, அவருக்கு துரோகி என்று பழி சுமத்தப் பார்ப்பார்கள். தேர்தல் சமயத்தில் கிசுகிசுக்கள் ரெக்கைகட்டிப் பறக்கும். அதுமட்டுமல்ல, இது கணவன் மனைவி ஆகியோரைத் தவிர குழந்தைகளையும் குடும்பத்தினரையும் பாதிக்கும்; அரசியலை வெகுவாக பாதிக்கும். இதை கணவன் மனைவி இருவருமே உணர்ந்து, கலந்து பேசி இதற்கு இடம் கொடுக்காதபடி கண்ணியமாகப் பிரிவதற்கு முயல்வது நல்லது. சுமுகமான பிரிவுகளினால் உறவுகள் மேம்படுமே தவிர சீர்குலையாது. மேலும் அந்த பிரபலங்களுடைய குழந்தைகளின் தேவையில்லாத மனஇறுக்கத்திற்கும் சஞ்சலங்களுக்கும் தீர்வு கிடைக்கிறது. அதுமட்டுமல்ல, தொழில் மற்றும் அரசியல் எதிரிகள் நாளை தனிப்பட்ட விஷயங்களில் மறைமுகமாகத் தலையிட்டு சதித்திட்டங்கள் தீட்டுவதும் தவிர்க்கப்படுகிறது. மொத்தத்தில் Reunion என்ற மகிழ்ச்சியான செய்தி ஒருநாள்தான் இருக்கும். ஆனால் அதன்பின் சம்பந்தப்பட்டவர்கள் அனைருமே காலமெல்லாம் சிக்கல்களில் சிக்கித் தவிப்பது போலாகிவிடும். எது எப்படி இருந்தாலும் இது தனிப்பட்ட இருவரின் முடிவு. மற்றவர்களுக்கு அதைப்பற்றி என்ன தெரியும்? எனவே, அதில் யாரும் தலையிடுவதற்கில்லை! எது எப்படியோ, நல்லதே நடக்கட்டும், நல்லபடி நடக்கட்டும்! Lux Cozi T Shirts #Ad https://amzn.to/4f6mqvg #🚹உளவியல் சிந்தனை #📺அரசியல் 360🔴