#✨ଶ୍ରାବଣ ସ୍ପେଶାଲ ଷ୍ଟେଟସ🌿 ଜ୍ୟୋତିର୍ଲିଂଗ ସ୍ତୋତ୍ରମ୍ ଲଘୁ ସ୍ତୋତ୍ରମ୍ ସୌରାଷ୍ଟ୍ରେ ସୋମନାଧଂଚ ଶ୍ରୀଶୈଲେ ମଲ୍ଲିକାର୍ଜୁନମ୍ । ଉଜ୍ଜୟିନ୍ୟାଂ ମହାକାଲଂ ଓଂକାରେତ୍ଵମାମଲେଶ୍ଵରମ୍ ॥ ପର୍ଲ୍ୟାଂ ଵୈଦ୍ୟନାଧଂଚ ଢାକିନ୍ୟାଂ ଭୀମ ଶଂକରମ୍ । ସେତୁବଂଧେତୁ ରାମେଶଂ ନାଗେଶଂ ଦାରୁକାଵନେ ॥ ଵାରଣାଶ୍ୟାଂତୁ ଵିଶ୍ଵେଶଂ ତ୍ରୟଂବକଂ ଗୌତମୀତଟେ । ହିମାଲୟେତୁ କେଦାରଂ ଘୃଷ୍ଣେଶଂତୁ ଵିଶାଲକେ ॥ ଏତାନି ଜ୍ୟୋତିର୍ଲିଂଗାନି ସାୟଂ ପ୍ରାତଃ ପଠେନ୍ନରଃ । ସପ୍ତ ଜନ୍ମ କୃତଂ ପାପଂ ସ୍ମରଣେନ ଵିନଶ୍ୟତି ॥ ସଂପୂର୍ଣ ସ୍ତୋତ୍ରମ୍ ସୌରାଷ୍ଟ୍ରଦେଶେ ଵିଶଦେଽତିରମ୍ୟେ ଜ୍ୟୋତିର୍ମୟଂ ଚଂଦ୍ରକଳାଵତଂସମ୍ । ଭକ୍ତପ୍ରଦାନାୟ କୃପାଵତୀର୍ଣଂ ତଂ ସୋମନାଥଂ ଶରଣଂ ପ୍ରପଦ୍ୟେ ॥ 1 ॥ ଶ୍ରୀଶୈଲଶୃଂଗେ ଵିଵିଧପ୍ରସଂଗେ ଶେଷାଦ୍ରିଶୃଂଗେଽପି ସଦା ଵସଂତମ୍ । ତମର୍ଜୁନଂ ମଲ୍ଲିକପୂର୍ଵମେନଂ ନମାମି ସଂସାରସମୁଦ୍ରସେତୁମ୍ ॥ 2 ॥ ଅଵଂତିକାୟାଂ ଵିହିତାଵତାରଂ ମୁକ୍ତିପ୍ରଦାନାୟ ଚ ସଜ୍ଜନାନାମ୍ । ଅକାଲମୃତ୍ୟୋଃ ପରିରକ୍ଷଣାର୍ଥଂ ଵଂଦେ ମହାକାଲମହାସୁରେଶମ୍ ॥ 3 ॥ କାଵେରିକାନର୍ମଦୟୋଃ ପଵିତ୍ରେ ସମାଗମେ ସଜ୍ଜନତାରଣାୟ । ସଦୈଵ ମାଂଧାତୃପୁରେ ଵସଂତଂ ଓଂକାରମୀଶଂ ଶିଵମେକମୀଡେ ॥ 4 ॥ ପୂର୍ଵୋତ୍ତରେ ପ୍ରଜ୍ଵଲିକାନିଧାନେ ସଦା ଵସଂ ତଂ ଗିରିଜାସମେତମ୍ । ସୁରାସୁରାରାଧିତପାଦପଦ୍ମଂ ଶ୍ରୀଵୈଦ୍ୟନାଥଂ ତମହଂ ନମାମି ॥ 5 ॥ ୟଂ ଡାକିନିଶାକିନିକାସମାଜେ ନିଷେଵ୍ୟମାଣଂ ପିଶିତାଶନୈଶ୍ଚ । ସଦୈଵ ଭୀମାଦିପଦପ୍ରସିଦ୍ଧଂ ତଂ ଶଂକରଂ ଭକ୍ତହିତଂ ନମାମି ॥ 6 ॥ ଶ୍ରୀତାମ୍ରପର୍ଣୀଜଲରାଶିୟୋଗେ ନିବଧ୍ୟ ସେତୁଂ ଵିଶିଖୈରସଂଖ୍ୟୈଃ । ଶ୍ରୀରାମଚଂଦ୍ରେଣ ସମର୍ପିତଂ ତଂ ରାମେଶ୍ଵରାଖ୍ୟଂ ନିୟତଂ ନମାମି ॥ 7 ॥ ୟାମ୍ୟେ ସଦଂଗେ ନଗରେଽତିରମ୍ୟେ ଵିଭୂଷିତାଂଗଂ ଵିଵିଧୈଶ୍ଚ ଭୋଗୈଃ । ସଦ୍ଭକ୍ତିମୁକ୍ତିପ୍ରଦମୀଶମେକଂ ଶ୍ରୀନାଗନାଥଂ ଶରଣଂ ପ୍ରପଦ୍ୟେ ॥ 8 ॥ ସାନଂଦମାନଂଦଵନେ ଵସଂତଂ ଆନଂଦକଂଦଂ ହତପାପବୃଂଦମ୍ । ଵାରାଣସୀନାଥମନାଥନାଥଂ ଶ୍ରୀଵିଶ୍ଵନାଥଂ ଶରଣଂ ପ୍ରପଦ୍ୟେ ॥ 9 ॥ ସହ୍ୟାଦ୍ରିଶୀର୍ଷେ ଵିମଲେ ଵସଂତଂ ଗୋଦାଵରିତୀରପଵିତ୍ରଦେଶେ । ୟଦ୍ଦର୍ଶନାତ୍ ପାତକଂ ପାଶୁ ନାଶଂ ପ୍ରୟାତି ତଂ ତ୍ର୍ୟଂବକମୀଶମୀଡେ ॥ 10 ॥ ମହାଦ୍ରିପାର୍ଶ୍ଵେ ଚ ତଟେ ରମଂତଂ ସଂପୂଜ୍ୟମାନଂ ସତତଂ ମୁନୀଂଦ୍ରୈଃ । ସୁରାସୁରୈର୍ୟକ୍ଷ ମହୋରଗାଢ୍ୟୈଃ କେଦାରମୀଶଂ ଶିଵମେକମୀଡେ ॥ 11 ॥ ଇଲାପୁରେ ରମ୍ୟଵିଶାଲକେଽସ୍ମିନ୍ ସମୁଲ୍ଲସଂତଂ ଚ ଜଗଦ୍ଵରେଣ୍ୟମ୍ । ଵଂଦେ ମହୋଦାରତରସ୍ଵଭାଵଂ ଘୃଷ୍ଣେଶ୍ଵରାଖ୍ୟଂ ଶରଣଂ ପ୍ରପଦ୍ୟେ ॥ 12 ॥ ଜ୍ୟୋତିର୍ମୟଦ୍ଵାଦଶଲିଂଗକାନାଂ ଶିଵାତ୍ମନାଂ ପ୍ରୋକ୍ତମିଦଂ କ୍ରମେଣ । ସ୍ତୋତ୍ରଂ ପଠିତ୍ଵା ମନୁଜୋଽତିଭକ୍ତ୍ୟା ଫଲଂ ତଦାଲୋକ୍ୟ ନିଜଂ ଭଜେଚ୍ଚ ॥