സർക്കാർ ആശുപത്രികളിൽ ജനിക്കുന്ന നവജാത ശിശുക്കൾക്ക് ഒരു ഗ്രാം വീതം സൗജന്യ സ്വർണ്ണമോതിരം നൽകുന്ന തമിഴ്‌നാട് സർക്കാരിന്റെ പദ്ധതിയാണ് 'തായ്മാമൻ തങ്ക മോതിരം'. 755 കോടി രൂപ അടങ്കൽ പ്രതീക്ഷിക്കുന്ന ഈ പദ്ധതിയുടെ ആദ്യഘട്ടത്തിൽ 4.42 ലക്ഷം കുഞ്ഞുങ്ങൾക്കാണ് ആനുകൂല്യം ലഭിക്കുക. പ്രമുഖ മലയാളി ജ്വല്ലറി ഗ്രൂപ്പുകളായ ജോയ് ആലുക്കാസും കല്യാൺ ജ്വല്ലേഴ്‌സുമാണ് പദ്ധതിയുടെ കരാർ സ്വന്തമാക്കിയത്. സ്വർണ്ണവിലയ്‌ക്ക് പുറമെ അനുബന്ധ ചെലവുകൾക്കായി വെറും ഒരു പൈസ മാത്രം സർവീസ് ചാർജ് ക്വാട്ട് ചെയ്താണ് ജോയ് ആലുക്കാസ് ഒന്നാം സ്ഥാനത്തെത്തിയത്. തുടർന്ന് ഈ കുറഞ്ഞ നിരക്ക് അംഗീകരിച്ചതോടെ കല്യാൺ ജ്വല്ലേഴ്‌സിനും ഓർഡർ പങ്കുവെച്ചു നൽകാൻ തമിഴ്‌നാട് സർക്കാർ തീരുമാനിക്കുകയായിരുന്നു. #CMVijay #Joyalukkas #KalyanJewellers #TamilNaduGovt #ThaimamanScheme #GoldRingScheme #CM Joseph Vijay