#😍 ആദ്യ പ്രണയം #💑 Couple Goals 🥰 #📙 നോവൽ #കഥകൾ, പ്രണയകഥകൾ, തുടർക്കഥ, നോവൽ #✍️ Novel

Part 14 a അന്തമില്ലാത്ത വരികൾ - സഖിയുടെ സഖാവ് - ലക്ഷ്മി പാർട്ടി ഓഫീസിൽ നിന്ന് പുറത്തേക്ക് നടന്നു. വാതിൽ മെല്ലെ അടഞ്ഞ ശബ്ദം കോളേജിന്റെ നിശ്ശബ്ദതയിൽ അലിഞ്ഞുചേർന്നു. ഒരിക്കൽക്കൂടി അവൾ തിരിഞ്ഞുനോക്കി. അടഞ്ഞുകിടക്കുന്ന ആ വാതിലിനപ്പുറം എന്തോ അവശേഷിക്കുന്നപോലെ. ഒരു ചെറുപുഞ്ചിരിയോടെ അവൾ നടന്നു. അവളുടെ കാലൊച്ച അകന്നുപോയെന്ന് ഉറപ്പായ ശേഷമാണ്… ജനൽപ്പാളികൾക്കരികിൽ നിന്നിരുന്ന ആ നിഴൽ മെല്ലെ അകത്തേക്ക് കടന്നത്. മേശപ്പുറത്ത് കിടന്നിരുന്ന “അന്തമില്ലാത്ത വരികൾ” എന്ന പുസ്തകത്തിലേക്ക് അവന്റെ കണ്ണുകൾ പതിഞ്ഞു. ഒരു നിമിഷം അവൻ അനങ്ങാതെ നിന്നു. പിന്നെ പുസ്തകം തുറന്നു. ചുവന്ന മഷിയിൽ എഴുതിയ പുതിയ വരികൾ അവന്റെ മുന്നിലുണ്ടായിരുന്നു. ഒന്നും പറയാതെ അവൻ ഷർട്ടിന്റെ പോക്കറ്റിലേക്ക് കൈ നീട്ടി. ശ്രദ്ധയോടെ മടക്കിവെച്ചിരുന്ന ഒരു ചെറിയ കടലാസ് പുറത്തെടുത്തു. സെമിനാർ ഹാളിൽ നിന്ന് ലഭിച്ച അതേ കടലാസ്… അത് പുസ്തകത്തിന്റെ താളിനോട് ചേർത്ത് വെച്ചു. അവന്റെ കണ്ണുകൾ രണ്ടിലെയും അക്ഷരങ്ങളിലൂടെ മാറിമാറി സഞ്ചരിച്ചു. തുടരും part 14 b കാത്തിരിക്കൂ അഭിപ്രായം comment ചെയു അക്കൗണ്ട് ഫോളോ ചെയു #📙 നോവൽ #💞 പ്രണയകഥകൾ #📔 കഥ #📝 ഞാൻ എഴുതിയ വരികൾ #കഥകൾ, പ്രണയകഥകൾ, തുടർക്കഥ, നോവൽ

part 28 ആ അന്തമില്ലാത്ത വരികൾ - സഖിയുടെ സഖാവ് - കോളേജിന്റെ പ്രധാന കവാടം കടന്ന് പുറത്തേക്കിറങ്ങിയ ലക്ഷ്മി പതിയെ ബസ് സ്റ്റോപ്പിലേക്ക് നടന്നു. കണ്ണുകൾ തുടച്ചെങ്കിലും, നിറഞ്ഞുവന്ന കണ്ണുനീർ വീണ്ടും കാഴ്ച മങ്ങിച്ചു. കയ്യിലിരുന്ന നോട്ടീസ് അവൾ നെഞ്ചോട് ചേർത്ത് പിടിച്ചു. അതിലെ ചുവന്ന മഷിയിൽ എഴുതിയ വരികളിലേക്ക് അവളുടെ വിരലുകൾ വീണ്ടും വീണ്ടും തഴുകി. “കൊതിക്കുന്നു, സഖി…” ആ അവസാന വരി മാത്രം അവളുടെ മനസ്സിൽ വീണ്ടും വീണ്ടും മുഴങ്ങിക്കൊണ്ടിരുന്നു. “ആരായിരിക്കും…?” അവൾ സ്വയം പതിയെ ചോദിച്ചു. “എന്തിനാണ് എന്നെ ഇങ്ങനെ പരീക്ഷിക്കുന്നത്…?” ഒരു ദീർഘനിശ്വാസം വിട്ട് അവൾ ബസ് സ്റ്റോപ്പിലെ ബെഞ്ചിൽ ഇരുന്നു. അപ്പോഴേക്കും ഒരു ബസ് വന്ന് നിർത്തി. കണ്ടക്ടറുടെ വിളി കേട്ടെങ്കിലും, ലക്ഷ്മി അതൊന്നും ശ്രദ്ധിച്ചില്ല. അവളുടെ മനസ്സ് ഇപ്പോഴും കോളേജിലായിരുന്നു… ദേവിന്റെ മുന്നിൽ നിന്ന് ഒന്നും പറയാനാകാതെ നിന്ന നിമിഷം… അവന്റെ കണ്ണുകളിലേക്ക് നോക്കിയ നിമിഷം… “വെറുതെയാണോ…?” ആ ചോദ്യം വീണ്ടും അവളുടെ കാതുകളിൽ മുഴങ്ങി. അറിയാതെ തന്നെ അവളുടെ ചുണ്ടിൽ ഒരു ചെറുപുഞ്ചിരി വിരിഞ്ഞു. പക്ഷേ അടുത്ത നിമിഷം അവൾ സ്വയം തലകുലുക്കി. അല്ല… അവനല്ല…” അവൾ മനസ്സിൽ ഉറപ്പിച്ചു. “എന്റെ സഖാവ് ദേവ് ആകാൻ വഴിയില്ല…” അതിനിടയിലാണ് ഒരു ബസ് വന്ന് നിർത്തിയത്. അപ്പോഴാണ്…. “കട… കട… കട…” ഒരു ബുള്ളറ്റിന്റെ പരിചിതമായ ശബ്ദം അവിടെ മുഴങ്ങിയത്. ആ ശബ്ദം കേട്ട് ലക്ഷ്മി ഞെട്ടലോടെ മുന്നിലേക്ക് നോക്കി. ബസ് സ്റ്റോപ്പിൽ നിർത്തിയിരുന്ന ബസിന്റെ പിന്നിലായി, തന്റെ ബുള്ളറ്റിൽ ചാരിയിരുന്ന ദേവ് അവളെത്തന്നെ നോക്കിക്കൊണ്ടിരുന്നു. ആ നിമിഷമാണ് മുന്നിൽ നിർത്തിയിരുന്നത് തനിക്ക് പോകാനുള്ള ബസാണെന്ന് അവൾക്ക് ബോധ്യമായത്. ഒരു നിമിഷം പോലും പാഴാക്കാതെ അവൾ ബസിലേക്ക് ഓടിക്കയറി. ബസ് പതിയെ മുന്നോട്ടെടുത്തപ്പോൾ, ജനൽച്ചില്ലിലൂടെ അവൾ അറിയാതെ പുറത്തേക്ക് നോക്കി. ദേവ് അപ്പോഴും അതേ സ്ഥാനത്ത് നിന്നുകൊണ്ട് ബസ് അകലുന്നതും നോക്കുകയായിരുന്നു. അവരുടെ കണ്ണുകൾ ഒരു നിമിഷം തമ്മിൽ ഉടക്കി. എന്നാൽ… തുടരും part 28 B വായിക്കൂ#📙 നോവൽ #💞 പ്രണയകഥകൾ #📝 ഞാൻ എഴുതിയ വരികൾ #കഥകൾ, പ്രണയകഥകൾ, തുടർക്കഥ, നോവൽ

part 11 a അന്തമില്ലാത്ത വരികൾ - സഖിയുടെ സഖാവ് - പ്രഭാതസൂര്യന്റെ ഇളംകിരണങ്ങൾ കോളേജ് ക്യാമ്പസിനെ മെല്ലെ ഉണർത്തുകയായിരുന്നു. വിദ്യാർത്ഥികളുടെ ശബ്ദങ്ങളും ബൈക്കുകളുടെ മുഴക്കവും കൊണ്ട് ക്യാമ്പസ് വീണ്ടും സജീവമായി. ദേവ് പതിവുപോലെ മുത്തശ്ശിമാവിന്റെ ചുവട്ടിലേക്ക് നടന്നു. കൂട്ടുകാർ എന്തൊക്കെയോ സംസാരിച്ചുകൊണ്ടിരുന്നെങ്കിലും, അവന്റെ മനസ്സ് മറ്റെവിടെയോ ആയിരുന്നു. അറിയാതെ തന്നെ അവന്റെ നോട്ടം പാർട്ടി ഓഫീസിലേക്ക് നീണ്ടു. എന്താടാ… ഇന്ന് ആളാകെ ആലോചനയിലാണല്ലോ?” ദീപക് ചിരിച്ചുകൊണ്ട് ചോദിച്ചു. ഒന്നുമില്ല…” ദേവ് ഒരു ചെറുപുഞ്ചിരിയോടെ മറുപടി പറഞ്ഞു. ⸻ അതേസമയം… ലക്ഷ്മിയും നിയയും ക്ലാസിലേക്ക് നടക്കുകയായിരുന്നു. എന്താ… രണ്ട് ദിവസമായി ആലോചനയിലാണല്ലോ?” നിയ കളിയാക്കി. അങ്ങനെയൊന്നുമില്ല.” ലക്ഷ്മി വിഷയം മാറ്റാൻ ശ്രമിച്ചു. പക്ഷേ… അവളുടെ മനസ്സും ഒരേയൊരു ചോദ്യത്തിലായിരുന്നു. താൻ എഴുതിയ വരികൾ ആരെങ്കിലും വായിച്ചിട്ടുണ്ടാകുമോ…? വായിച്ചിട്ടുണ്ടെങ്കിൽ… മറുപടി എഴുതിയിട്ടുണ്ടാകുമോ… ക്ലാസിലേക്ക് അധ്യാപിക എത്തിയതും പഠനം തുടങ്ങി. പക്ഷേ… അധ്യാപിക പറയുന്ന ഓരോ വാക്കുകളും അവളുടെ ചെവികളിലെത്തിയെങ്കിലും, ഒന്നും മനസ്സിൽ പതിയുന്നുണ്ടായിരുന്നില്ല. അവളുടെ നോട്ടം അറിയാതെ ജനാലയിലൂടെ പുറത്തേക്ക് നീണ്ടു. ഒരു നിമിഷമെങ്കിലും ആരും കാണാതെ പാർട്ടി ഓഫീസിലേക്ക് പോയി ആ പുസ്തകം വീണ്ടും തുറക്കണമെന്ന ആഗ്രഹം അവളുടെ ഹൃദയത്തിലും ശക്തമായിക്കൊണ്ടിരുന്നു. കോളേജിന്റെ ബെൽ മുഴങ്ങിയപ്പോൾ,” പുറത്തേക്ക് നോക്കിനിന്നിരുന്ന ലക്ഷ്മി ശ്രദ്ധ ക്ലാസിലേക്ക് തിരിച്ചു. സാർ പുസ്തകങ്ങൾ അടച്ച് ഒരു നോട്ടം മുഴുവൻ ക്ലാസിലേക്കും വീശിയ ശേഷം പുറത്തേക്ക് നടന്നു. സാർ പോയതും മറ്റൊരു വിദ്യാർത്ഥി വാതിൽക്കൽ പ്രത്യക്ഷപ്പെട്ടു. ഇവിടെ നിയ ആരാണ്?” നിയ പതിയെ എഴുന്നേറ്റു. ഞാനാണ്.” റഷീദ് സാർ ഡിപ്പാർട്മെന്റിലേക്ക് വിളിക്കുന്നുണ്ട്.” അതും പറഞ്ഞ് ആ വിദ്യാർത്ഥി തിരിഞ്ഞ് നടന്നു. കോറിഡോറിൽ എത്തിയപ്പോൾ നിയയുടെ മനസ്സിൽ ചോദ്യങ്ങൾ നിറഞ്ഞു. എന്തിനായിരിക്കും സാർ ഇപ്പോൾ വിളിപ്പിച്ചത്?” ഒരു നിമിഷം അവൾ സ്വയം ആലോചിച്ചു നിന്നു. പിന്നെ എന്തോ മനസ്സിൽ ഉറപ്പിച്ചപോലെ, ചെറിയൊരു നിശ്വാസമെടുത്ത് ഡിപ്പാർട്മെന്റിലേക്ക് നടന്നു. പെട്ടെന്ന് എന്തോ തീരുമാനിച്ചപോലെ, തുടരും part 11 b#📙 നോവൽ #💞 പ്രണയകഥകൾ #📔 കഥ #📝 ഞാൻ എഴുതിയ വരികൾ #കഥകൾ, പ്രണയകഥകൾ, തുടർക്കഥ, നോവൽ

Part 6 ആ അന്തമില്ലാത്ത വരികൾ - സഖിയുടെ സഖാവ് - കോളേജിന്റെ രാജപാതയിലൂടെ മുന്നോട്ട് നടക്കുന്നതിനിടെയായിരുന്നു അത് സംഭവിചത് ഇളം വെയിലിൽ മുങ്ങിനിന്ന ക്യാമ്പസിന് മുകളിലേക്ക് പതിയെ കാർമേഘങ്ങൾ ഒഴുകിയെത്തി. ആരും ശ്രദ്ധിക്കുന്നതിനുമുമ്പ് മഴത്തുള്ളികൾ നിലത്തേക്ക് പതിച്ചു. ഒരുനിമിഷം കൊണ്ട് ക്യാമ്പസാകെ മഴയുടെ ശബ്ദം കൊണ്ട് മൂടി. ... കൂട്ടംകൂടി നിന്നിരുന്ന വിദ്യാർത്ഥികൾ ഓടിയും ചിരിച്ചും ഓരോ കെട്ടിടങ്ങളിലേക്ക് അഭയം തേടി. ലക്ഷ്മി നേരെ ലൈബ്രറിയിലേക്ക് ഓടിക്കയറി. ലൈബ്രറിയുടെ വരാന്തയിൽ നിന്ന് മഴ ആസ്വദിച്ച് നിൽക്കുകയായിരുന്നു ലക്ഷ്മി. തണുത്ത കാറ്റും മഴയുടെ മണമുമെല്ലാം അവളെ മറ്റൊരു ലോകത്തേക്ക് കൂട്ടിക്കൊണ്ടുപോയിരുന്നു. അപ്പോഴാണ് തന്റെ തൊട്ടരികിൽ ആരോ വന്ന് നിൽക്കുന്നതായി അവൾക്ക് തോന്നിയത്. തിരിഞ്ഞുനോക്കിയപ്പോൾ, ചുണ്ടിൽ ഒരു വഷളൻ ചിരിയുമായി അഭിരാം. തന്നോട് ചേർന്ന് നിൽകാൻ നോക്കുകയാണ് … അവനെ കണ്ടതും ലക്ഷ്മി അസ്വസ്ഥതയോടെ ഒരു ചുവടു മാറിനിന്നു. എന്നാൽ അഭിരാം വീണ്ടും അവൾക്കരികിലേക്ക് നീങ്ങാൻ ശ്രമിച്ചു. അതേ സമയം, ലൈബ്രറിയുടെ ഉള്ളിൽ നിന്ന് ദേവും കൂട്ടുകാരും പുറത്തേക്ക് ഇറങ്ങി. പുറത്തുള്ള കാഴ്ച കണ്ട അവർ ഒരു നിമിഷം അവിടെത്തന്നെ നിന്നു. ദേവിന്റെ കണ്ണുകൾ നേരെ ലക്ഷ്മിയിലേക്കും അവളുടെ അരികിൽ നിൽക്കുന്ന അഭിരാമിലേക്കും പതിഞ്ഞു.ആ കാഴ്ച കണ്ടതും ദേവിന്റെ മുഖത്തെ ചിരി മാഞ്ഞു. അറിയാത്ത ഒരു ദേഷ്യം നെഞ്ചിനുള്ളിൽ ഉയർന്നു. പക്ഷേ അത് മുഖത്ത് കാണിക്കാതെ അവൻ മുന്നോട്ട് നടന്നു ഒന്നും സംഭവിച്ചിട്ടില്ലെന്ന ഭാവത്തിൽ ദേവ് മുന്നോട്ട് നടന്നു. അഭിരാമിന്റെ തൊട്ടരികിലെത്തിയപ്പോൾ, തിരക്കിനിടയിൽ അറിയാതെ തട്ടിയതുപോലെ അവന്റെ തോളിൽ ചെറുതായി ഇടിച്ചു. അടുത്ത നിമിഷം സന്തുലനം തെറ്റിയ അഭിരാം പിന്നിലേക്ക് വീണു. അത് അപകടമായിരുന്നോ, അതോ മനപ്പൂർവമായിരുന്നോ എന്ന് അവിടെയുണ്ടായിരുന്ന ആർക്കും മനസ്സിലായില്ല. പക്ഷേ ദേവിന്റെ കണ്ണുകളിലെ ശാന്തത മറ്റെന്തോ പറയുന്നുണ്ടായിരുന്നു. പെട്ടെന്നുണ്ടായ സംഭവത്തിൽ അവിടെ നിന്നിരുന്നവരുടെ ശ്രദ്ധ മുഴുവൻ അഭിരാമിലേക്കായി. എന്താണ് സംഭവിച്ചതെന്ന് മനസ്സിലാകാതെ അഭിരാം എഴുന്നേൽക്കാൻ ശ്രമിച്ചു. ഇതെല്ലാം കണ്ട ലക്ഷ്മി ഒരു നിമിഷം ഞെട്ടി. അവളുടെ കണ്ണുകൾ ദേവിലേക്കു നീങ്ങി തുടരും part 6 ബി#💞 പ്രണയകഥകൾ #📔 കഥ #📙 നോവൽ #കഥകൾ, പ്രണയകഥകൾ, തുടർക്കഥ, നോവൽ #📝 ഞാൻ എഴുതിയ വരികൾ

അന്തമില്ലാത്ത വരികൾ” -സഖിയുടെ സഖാവ് - Part6 ഉടൻ. വായിക്കാൻ ഫോളോ ചെയ്യൂ… ❤️#കഥകൾ, പ്രണയകഥകൾ, തുടർക്കഥ, നോവൽ #നോവൽ # പ്രണയകഥകൾ # തുടർക്കഥ #💞 പ്രണയകഥകൾ #📙 നോവൽ #📔 കഥ

Part 5 c അന്തമില്ലാത്ത വരികൾ - സഖിയുടെ സഖാവ് -സായാഹ്നത്തിന്റെ ഇളംതെളിച്ചം പാർട്ടി ഓഫീസിന്റെ ജനലിലൂടെ അകത്തേക്ക് പതിഞ്ഞു. ദേവും കൂട്ടുകാരും പാർട്ടി ഓഫീസിലേക്ക് കയറി. മീറ്റിങ്ങിന് ശേഷം ചിതറിക്കിടന്നിരുന്ന കസേരകൾ അവർ ഒതുക്കിവെച്ചു. മേശപ്പുറത്ത് അലസമായി കിടന്നിരുന്ന പത്രങ്ങളും പുസ്തകങ്ങളും അടുക്കിവെക്കുന്നതിനിടയിൽ, ദേവിന്റെ ശ്രദ്ധ ആ വലിയ പുസ്തകത്തിലേക്ക് തിരിഞ്ഞു. പുസ്തകം കൈയിലെടുത്ത് തുറന്ന നിമിഷം, ചുവന്ന മഷിയിൽ എഴുതപ്പെട്ട പുതിയ ചില വരികളിൽ അവന്റെ കണ്ണുകൾ ഉടക്കി. ആ വരികൾ വായിച്ച നിമിഷം, സമയം പോലും ഒരു നിമിഷം നിശ്ചലമായതുപോലെ അവന് തോന്നി. “കാലം മാറ്റങ്ങൾ കൊണ്ടുവന്നാലും ചില ഓർമ്മകൾ മായില്ല ….. കാരണം, അവ ഓരോ ദിവസവും വായിച്ചുതീർക്കാൻ തോന്നുന്ന പുസ്തകത്താളുകളാണ്…… ഹൃദയത്തിൽ പതിഞ്ഞ താളുകൾ.”ആ വരികൾ അവൻ വീണ്ടും വീണ്ടും വായിച്ചു. ഓരോ വായനയിലും ആ അക്ഷരങ്ങൾ മനസ്സിലേക്ക് കൂടുതൽ ആഴത്തിൽ പതിയുകയായിരുന്നു. ചുണ്ടിൽ അറിയാതെ ഒരു പുഞ്ചിരി വിരിഞ്ഞു. കുറച്ചുനേരം ആലോചിച്ച ശേഷം, പേന മെല്ലെ തുറന്ന് അതേ താളിൽ രണ്ട് വരികൾ കൂടി ചേർത്തു… ചുണ്ടിൽ വിരിഞ്ഞ ആ ചെറിയ നുണക്കുഴി മാത്രം മതി, ആ രണ്ട് വരികളും ഹൃദയത്തിൽ നിന്നാണ് പിറന്നതെന്ന് പറയാൻ.” അവൻ പതിയെ പുസ്തകം അടച്ചു ആരാണെന്ന് അറിയില്ല… പക്ഷേ ആ അക്ഷരങ്ങൾക്ക് പിന്നിലെ കരങ്ങളെ ഒരിക്കലെങ്കിലും കാണണമെന്നൊരു കൗതുകം, അവന്റെ മനസ്സിൽ മെല്ലെ മുളച്ചുതുടങ്ങിയിരുന്നു.” ആ ചിന്തകളുമായി അവൻ പാർട്ടി ഓഫീസിൽ നിന്ന് പുറത്തിറങ്ങി. ആകാശം ഓറഞ്ച് നിറത്തിൽ മങ്ങിത്തുടങ്ങിയിരുന്നു. കാറ്റിൽ മഴയുടെ മണം ഇപ്പോഴും തങ്ങിനിന്നു. ക്യാമ്പസിൽ പാർക്ക് ചെയ്തിരുന്ന തന്റെ ബുള്ളറ്റിന്റെ അടുത്തേക്ക് അവൻ പതിയെ നടന്നു. അവൻ അറിയില്ലായിരുന്നു.... ആ അക്ഷരങ്ങൾക്ക് പിന്നിലെ പെൺകുട്ടി നാളെ വീണ്ടും ആ പുസ്തകം തുറക്കുമെന്ന്... അതുപോലെ, ലക്ഷ്മിക്കും അറിയില്ലായിരുന്നു… അവൾ എഴുതിവെച്ച ആ വരിക്കൾ മറ്റൊരാളുടെ മനസ്സിൽ നിശ്ശബ്ദമായി ഇടംപിടിച്ചുകഴിഞ്ഞിരുന്നുവെന്ന്. തുടരും…. മുഴുവൻ വായിക്കാൻ അക്കൗണ്ട് ഫോളോ ചെയു അപിഭ്രായം പറയൂ #📙 നോവൽ #💞 പ്രണയകഥകൾ #📔 കഥ #കഥകൾ, പ്രണയകഥകൾ, തുടർക്കഥ, നോവൽ #പ്രതിലിപി...✍️