काल एक साधक बोलला की, "जर ईश्वर सर्वत्र आहे, कणाकणात आहे, तर तो आम्हाला का दिसत नाही माउली?? तो असता तर तो आज ना उद्या दिसला असता. जगात सर्वकाही दिसते, पण ईश्वर दिसत नाही हे मात्र त्रिवार सत्य आहे..." मी त्याला सांगितले, "ईश्वर नसता तर इतके महान ग्रंथ कोणी लिहिलेच नसते. ज्यांनी दर्शन घेतले त्यांनीच तर स्व-अनुभवातून ग्रंथ लिहिले... आज लाखो लोक प्रवचन, कीर्तन, कथा व गुरुकुल चालवण्यासाठी ईश्वर माहीत असणे गरजेचे आहे. या सर्व गोष्टी दिवसेंदिवस वाढतच आहेत, याचा अर्थ ईश्वर आहे. अनेक लोक ध्यान, तपस्या, भक्ति मनोभावे करतात, याचा अर्थ ईश्वर आहे म्हणूनच ना??? ईश्वर आपल्या जागी अगदी बरोबर आहे... आम्ही तिथपर्यंत पोहोचत नाही??? तुम्ही म्हणालात, 'जगात सर्व दिसते पण ईश्वर दिसत नाही.' तुम्ही कधी पाण्यात जंतू पाहिलेत का??? तुम्ही कधी जमिनीच्या खाली ज्वालामुखी शांत आहे हे पाहिलेत का?? तुम्ही कधी स्वतःची झोप पाहिलीत का?? तुम्ही स्वतःच्या आत कधी आकाश व बाहेरचे आकाश जसेच्या तसे कधी पाहिलेत का?? तुम्ही फुलातील सुगंध कधी पाहिलात का?? तुम्ही माणसाच्या अंतरंगात देव, दानव व मानव पाहिलात का?? साधं तुमचे मन, बुद्धी तुम्ही कधी पाहिलीत का, कुठे राहते? नक्की काय करते...... ईश्वर दिसतो १००%, पण जो मनापासून ईश्वराला शोधतो, तो त्याला दर्शन देतो. ईश्वर दर्शन जगातली सर्वात सोपी गोष्ट आहे. ईश्वर कृपाळू, दयाळू आहे. प्रेमस्वरूप, आनंदस्वरूप आहे. परमानंद आहे. त्याचे दर्शन एकदा का माणसाला झाले, तर त्याचा: * देह पवित्र होतो * मन तृप्त होते * बुद्धी प्रतिभाशाली होते * अंतरंग शुद्ध होते * दृष्टी दिव्य होते * जीवन धन्य होते साधा सूर्य आला की काळाकुट्ट अंधार नाहीसा होतो. पाऊस आला की सुकलेल्या नदी-तलाव भरभरून वाहतात. वसंत ऋतू आला की फळेच फळे झाडावर दिसू लागतात. तसेच ईश्वर जीवनात आला की, तो त्याचे सर्वच ऐश्वर्य घेऊन आपल्या दारी येतो. राजा आपल्या आवडत्या मित्राला भेटायला जाताना जशा मूल्यवान वस्तू भेट देतो, तसेच ब्रह्मांडाचा स्वामी तुम्हाला दर्शन देणार, तेव्हा तो संपूर्ण ब्रह्मांड तुमच्या हातात देतो व सांगतो, 'आजपासून तूही ब्रह्मांडाचा स्वामी आहेस.' काय मागावे ईश्वराकडे? तो निशब्द करून ठेवतो. आपल्या कल्पनेपेक्षा १००० पटीने तो ईश्वर सहज देतो, त्याचे मूल्य-माप आपण करूच शकत नाही. तो जी दृष्टी आपल्याला देतो, जगात ईश्वरिय तत्व पाहण्याची, ती दृष्टी कोणीच बाहेर देऊच शकत नाही??? बोध: ईश्वर निराकार आहे. सर्वव्यापी आहे, अनंत विशाल आहे, अमरत्व आहे. आज आपण बोलतो ईश्वर दिसत नाही, कारण तो आकाराच्या आत निराकार रूपात आहे. त्याला पाहायचे असेल तर तुम्हाला निराकार अवस्थेत जावे लागेल. जसे अनेक गाड्या- बैलगाडी, सायकल, मोटरसायकल, कार, बस, ट्रेन, विमान; पण रॉकेटमधून अंतराळात प्रवास करणार, तर तुम्हाला त्या वेगात प्रवास करायला लागेल ना?? या विश्वात अणु, रेणू, परमाणु आपापल्या जागेवर युगानयुगे आहेत, ते तुम्हाला दिसत नाहीत; कारण तुम्ही तसे त्याच्या लेव्हलला जाऊन पाहत नाहीत. प्रत्येक सूक्ष्मात सूक्ष्म गोष्ट किंवा आकाशातील लांबचे ग्रह साध्या डोळ्यांना दिसत नाहीत, मध्ये कोणीतरी दुर्बीण किंवा सूक्ष्मदर्शक लागतो; तसेच ईश्वराला साक्षात पाहण्यासाठी एक मार्गदर्शक गुरुत्व लागते, त्याच्या दृष्टीने पाहावे लागते. एकदा का ईश्वर दर्शन झाले की, मग तुम्ही तुमच्या दृष्टीने २४ तास ऑनलाईन ईश्वर दर्शन घेऊ शकता." 🙏🏻🙏🏻🇮🇳🇮🇳🌼🌼🌼🌸🌼🌼 जय सनातन संस्कृति #🌸संतश्रेष्ठ ज्ञानेश्वर माउली🙏 #🌻आध्यात्म 🙏 #🧾भगवद्गीता श्लोक🙏 #✍ज्ञानेश्वरी📖 #😇भक्तांचा शनिदेव