#ନମୋ ଭଗବତେ ବାସୁଦେବାୟ #🙏ମୋ ଆଣ୍ଠୁଆ ଗୋପାଳ☺️🪈 #😍ପ୍ରେମଭରା ଶୁଭେଚ୍ଛା💚 #🦚ପବିତ୍ର ଜନ୍ମାଷ୍ଟମୀର ଶୁଭେଚ୍ଛା🍯🌸 #✍🏻ଶ୍ରୀକୃଷ୍ଣଙ୍କ ନୀତିବାଣୀ📘 🔴 ଜନ୍ମାଷ୍ଟମୀ ନିର୍ଣ୍ଣୟଃ 🔴 🟣 ➖➖➖➖➖➖➖➖➖➖➖ ( ଶ୍ରୀକୃଷ୍ଣୋତ୍ପତ୍ତେରଷ୍ଟମୀ ତିଥିଃ ) ▪️( ଭାଦ୍ରବକୃଷ୍ଣାଷ୍ଟମୀ । )▪️ 🔸 ସା ଚ ଶ୍ରୀକୃଷ୍ଣସ୍ୟ ଜନ୍ମତିଥିଃ । 🔴 ଶ୍ରୀକୃଷ୍ଣସ୍ୟ ଜନ୍ମକାଳଃ ଯଥା, ଵ୍ରହ୍ମପୁରାଣେ - " ଅଥ ଭାଦ୍ରପଦେ ମାସି କୃଷ୍ଣାଷ୍ଟମ୍ୟାଂ କଳୌ ଯୁଗେ । ଅଷ୍ଟାବିଂଶତିମେ ଜାତଃ କୃଷ୍ଣୋଽସୌ ଦେବକୀସୁତଃ ।। 🔸ବିଷ୍ଣୁପୁରାଣେ ମହାମାୟାଂ ପ୍ରତି ଭଗବଦ୍ବାକ୍ୟମ୍ ଯଥା- " ପ୍ରାବୃଟ୍କାଳେ ଚ ନଭସି କୃଷ୍ଣାଷ୍ଟମ୍ୟାଂ ମହାନିଶି । ଉତ୍ପତ୍ସ୍ୟାମି ନବମ୍ୟାନ୍ତୁ ପ୍ରସୂତିଂ ତ୍ବମବାପ୍ମ୍ୟସି ।। ଶ୍ରାବଣେ ବା ନଭସ୍ୟେ ବା ରୋହିଣୀସହିତାଷ୍ଟମୀ । ଯଦା କୃଷ୍ଣେ ନରୈର୍ଲଵ୍ଧା ସା ଜୟନ୍ତୀ ପ୍ରକୀର୍ତ୍ତିତା ।।" 🔸 ଅଗ୍ନିପୁରାଣେ । " ରୋହିଣୀସହିତା କୃଷ୍ଣା ମାସି ଭାଦ୍ରପଦେଽଷ୍ଟମୀ । ସପ୍ତମ୍ଯାମର୍ଦ୍ଧରାତ୍ରାଧଃ କଳୟାପି ଯଦା ଭବେତ୍ ।। ତତ୍ର ଜାତୋ ଜଗନ୍ନାଥଃ କୌସ୍ତୁଭୀ ହରିରୀଶ୍ବରଃ । ତମେବୋପବସେତ୍ କାଳଂ ତତ୍ର କୁର୍ଯ୍ଯାଚ୍ଚ ଜାଗରମ୍ ।। ଅବିଦ୍ଧାୟାଞ୍ଚ ସର୍କ୍ଷାୟାଂ ଜାତୋ ଦେବକୀନନ୍ଦନଃ ।।" ଇତି ସପ୍ତମ୍ୟବେଧେ ଜନ୍ମଶ୍ରବଣକଳ୍ପଭେଦାଦବିରୁଦ୍ଧମ୍ ।। 🔸 ନବମ୍ୟାଦିଯୋଗସ୍ୟ ପ୍ରଶଂସା ଯଥା, ଵ୍ରହ୍ମବୈବର୍ତ୍ତେ " ଉଦୟେ ଚାଷ୍ଟମୀ କିଞ୍ଚିନ୍ନବମୀ ସକଳା ଯଦି । ଭବେତ୍ତୁ ଵୁଧସଂଯୁକ୍ତା ପ୍ରାଜାପତ୍ୟର୍କ୍ଷସଂଯୁତା । ଅପି ବର୍ଷଶତେନାପି ଲଭ୍ୟତେ ବା ନ ବା ବିଭୋ ! ।। 🔸 " ପଦ୍ମପୁରାଣେ - " ପ୍ରେତଯୋନିଗତାନାନ୍ତୁ ପ୍ରେତତ୍ବଂ ନାଶିତନ୍ତୁ ତୈଃ । ଯୈଃ କୃତା ଶ୍ରାବଣେ ମାସି ଅଷ୍ଟମୀ ରୋହିଣୀୟୁତା ।। କିଂ ପୁନର୍ଵୁଧବାରେଣ ସୋମେନାପି ବିଶେଷତଃ । କିଂ ପୁନର୍ନବମୀଯୁକ୍ତା କୁଳକୋଟ୍ୟାସ୍ତୁ ମୁକ୍ତିଦା ।।" 🔸 ଉପବାସାଦିଫଳଂ ଯଥା ଭବିଷ୍ୟପୁରାଣେ । " ଏକେନୈବୋପବାସେନ କୃତେନ କୁରୁନନ୍ଦନ ! । ସପ୍ତଜନ୍ମକୃତାତ୍ ପପାନ୍ମୁଚ୍ୟତେ ନାତ୍ର ସଂଶୟଃ ।।" 🔸 ଵ୍ରହ୍ମବୈବର୍ତ୍ତେ । " ମନ୍ବାଦିଦିବସେ ପ୍ରାପ୍ତେ ଯତ୍ ଫଳଂ ସ୍ନାନପୂଜନୈଃ । ଫଳଂ ଭାଦ୍ରପଦେଽଷ୍ଟମ୍ୟାଂ ଭବେତ୍ କୋଟିଗୁଣଂ ଦ୍ୱିଜ ! ।। ତସ୍ୟାନ୍ତିଥୌ ବାରିମାତ୍ରଂ ପିତୄଣାଂ ଯଃ ପ୍ରଯଚ୍ଛତି । ଗୟାଶ୍ରାଦ୍ଧଂ କୃତଂ ତେନ ଶତାବ୍ଦଂ ନାତ୍ର ସଂଶୟଃ ।।" 💥 ଉପବାସାକରଣେ ଦୋଷୋ ଯଥା ଭବିଷ୍ୟୋତ୍ତରେ । " ଶ୍ରାବଣେଽଵହୁଳେ ପକ୍ଷେ କୃଷ୍ଣଜନ୍ମାଷ୍ଟମୀବ୍ରତମ୍ । ନ କରୋତି ନରୋ ଯସ୍ତୁ ସ ଭବେତ୍ କ୍ରୁରରାକ୍ଷସଃ ।। ବର୍ଷେ ବର୍ଷେ ଚ ଯା ନାରୀ କୃଷ୍ଣଜନ୍ମାଷ୍ଟମୀବ୍ରତମ୍ । ନ କରୋତି ମହାକ୍ରୂରା ବ୍ୟାଳୀ ଭବତି କାନନେ ।।" 🔸 ସ୍କାନ୍ଦେ । " ନ କରୋତି ଯଦା ବିଷ୍ଣୋର୍ଜ୍ଜୟନ୍ତୀସଂଜ୍ଞକଂ ବ୍ରତମ୍ । ଯମସ୍ୟ ବଶମାପନ୍ନଃ ସହତେ ନାରକୀଂ ବ୍ୟଥାମ୍ ।।" 🔸 ଭବିଷ୍ୟେ । ତୁଷ୍ଟ୍ୟର୍ଥଂ ଦେବକୀସୂନୋର୍ଜ୍ଜୟନ୍ତୀସଂଜ୍ଞକଂ ବ୍ରତମ୍ । କର୍ତ୍ତବ୍ୟଂ ଚିନ୍ତ୍ୟମାନେନ ଭକ୍ତ୍ୟା ଭକ୍ତଜନୈଃ ସହ ।। ଅକୁର୍ବ୍ବନ୍ ନରକଂ ଯାତି ଯାବଦିନ୍ଦ୍ରାଶ୍ଚତୁର୍ଦ୍ଦଶ ।।" 🔸 ତତ୍ରୋପବାସକ୍ରମଃ ଭବିଷ୍ୟପୁରାଣେ । ପାର୍ଥ ! ତଦ୍ଦିବସେ ପ୍ରାପ୍ତେ ଦନ୍ତଧାବନପୂର୍ବ୍ବକମ୍ । ଉପବାସସ୍ୟ ନିୟମଂ ଗୃହ୍ଣୀୟାଦ୍ଭକ୍ତିଭାବତଃ ।। ବାସୁଦେବଂ ସମୁଦ୍ଦିଶ୍ୟ ସର୍ବ୍ବପାପପ୍ରଶାନ୍ତୟେ । ଉପବାସଂ କରିଷ୍ୟାମି କୃଷ୍ଣାଷ୍ଟମ୍ୟାଂ ନଭସ୍ୟହମ୍ ।। ଅଦ୍ୟ କୃଷ୍ଣାଷ୍ଟର୍ମାଂ ଦେବୀଂ ନଭଶ୍ଚନ୍ଦ୍ରସରୋହିଣୀମ୍ । ଅର୍ଚ୍ଚୟିତ୍ବୋପବାସେନ ଭୋକ୍ଷ୍ୟେଽହମପରେଽହନି ।। ଏନସୋ ମୋକ୍ଷକାମୋଽସ୍ମି ଯଦ୍ଗୋବିନ୍ଦ ! ତ୍ରିୟୋନିଜମ୍ । ତନ୍ମେ ମୁଞ୍ଚତୁ ମାଂ ତ୍ରାହି ପତିତଂ ଶୋକସାଗରେ ।। ଆଜନ୍ମମରଣଂ ଯାବଦ୍ୟନ୍ମୟା ଦୁଷ୍କୃତଂ କୃତମ୍ । ତତ୍ ପ୍ରଣାଶୟ ଗୋବିନ୍ଦ ! ପ୍ରସୀଦ ପୁରୁଷୋତ୍ତମ ! ।।" 🔸 ଗୃହମୁପକ୍ରମ୍ୟ "ତନ୍ମଧ୍ୟେ ପ୍ରତିମା ସ୍ଥାପ୍ୟା କାଞ୍ଚନାଦିବିନିର୍ମ୍ମିତା । ପ୍ରତପ୍ତକାଞ୍ଚନାଭା ସା ଦେବକୀ ସୁତପସ୍ବିନୀ ।। ମାଞ୍ଚାପି ଵାଳକଂ ସୁପ୍ତଂ ପ୍ରସୂତା ନୀରଦଚ୍ଛବିମ୍ । ବସୁଦେବୋଽପି ତତ୍ରୈବ ଖଙ୍ଗଚର୍ମ୍ମଧରଂ ସ୍ଥିତମ୍ ।। ଯଶୋଦା ଚାପି ତତ୍ରୈବ ପ୍ରସୂତବରକନ୍ୟକା । ଵଳଭଦ୍ରସ୍ତଥା ନନ୍ଦୋ ଦକ୍ଷୋ ଗର୍ଗଶ୍ଚତୁର୍ମୁଖଃ ।। ଏବଂ ସଂପୂଜୟେଦ୍ଭକ୍ତ୍ୟା ଗନ୍ଧପୁଷ୍ପାକ୍ଷତୈଃ ଫଳୈଃ । ସ୍ଥଣ୍ଡିଳେ ସ୍ଥାପୟେଦ୍ଦେବୀଂ ସଚନ୍ଦ୍ରାଂ ରୋହିଣୀନ୍ତଥା ।। ଦେବକୀଂ ବସୁଦେବଞ୍ଚ ଯଶୋଦାଂ ନନ୍ଦମେବ ଚ । ଚଣ୍ଡିକାଂ ଵଳଦେବଞ୍ଚ ପୂଜ୍ୟ ପାପୈଃ ପ୍ରମୁଚ୍ୟତେ ।। ଅର୍ଦ୍ଧରାତ୍ରେ ବସୋର୍ଧାରାଂ ପାତୟେଦ୍ଗୁଡସର୍ପିଷା । ତତୋ ବର୍ଦ୍ଧାପନଂ ଷଷ୍ଠୀଂ ନାମାଦେଃ କରଣଂ ମମ ।। କର୍ତ୍ତବ୍ୟଂ ତତ୍କ୍ଷଣାଦ୍ରାତ୍ରୌ ପ୍ରଭାତେ ନବମୀଦିନେ । ଯଥା ମମ ତଥା କାର୍ଯ୍ଯୋ ଭଗବତ୍ୟା ମହୋତ୍ସବଃ ।। ଵ୍ରାହ୍ମଣାନ୍ ଭୋଜୟେଦ୍ଭକ୍ତ୍ୟା ତେଭ୍ୟୋ ଦଦ୍ୟାଚ୍ଚ ଦକ୍ଷିଣାମ୍ । ସୁବର୍ଣ୍ଣଂ କାଞ୍ଚନଂ ଗାଶ୍ଚ ବାସାଂସି କୁସୁମାନି ଚ ।। ଯଦ୍ୟଦିଷ୍ଟତମଂ ଲୋକେ କୃଷ୍ଣୋ ମେ ପ୍ରୀୟତାମିତି । ଯଂ ଦେବଂ ଦେବକୀ ଦେବୀ ବସୁଦେବାଦଜୀଜନତ୍ ।। ଭୌମ୍ୟସ୍ଯ ଵ୍ରହ୍ମଣୋ ଗୁପ୍ତ୍ୟୈ ତସ୍ମ୍ୟୈ ଵ୍ରହ୍ମାତ୍ମନେ ନମଃ । ସୁଵ୍ରହ୍ମବାସୁଦେବାୟ ଗୋଵ୍ରାହ୍ମଣହିତାୟ ଚ ।। ଶାନ୍ତିରସ୍ତୁ ଶିବଞ୍ଚାସ୍ତୁ ଇତ୍ୟୁକ୍ତ୍ରା ତାନ୍ ବିସର୍ଜ୍ଜୟେତ୍ ।। ଏବଂ ଯଃ କୁରୁତେ ଦେବ୍ୟା ଦେବକ୍ୟା ସୁମହୋତ୍ସବମ୍ । ବର୍ଷେ ବର୍ଷେ ଭଗବତୋ ମଦ୍ଭକ୍ତ୍ୟା ଧର୍ମ୍ମନନ୍ଦନ ! । ନରୋ ବା ଯଦି ବା ନାରୀ ଯଥୋକ୍ତଫଳମାପ୍ନୁୟାତ୍ ।। ସମ୍ପର୍କେଣାପି ଯଃ କୁର୍ଯ୍ଯାତ୍ କଶ୍ଚିଜ୍ଜନ୍ମାଷ୍ଟମୀବ୍ରତମ୍ ।। ବିଷ୍ଣୁଲୋକମବାପ୍ନୋତି ନରୋ ନାସ୍ତ୍ୟତ୍ର ସଂଶୟଃ ।।" 🔸 ପୂଜା ଚ ମଧ୍ୟରାତ୍ରେ, ଗାରୁଡେ - ➖➖➖➖➖➖➖➖➖ " କୃଷ୍ଣାଷ୍ଟମ୍ୟାନ୍ତୁ ରୋହିଣ୍ୟାମର୍ଦ୍ଧରାତ୍ରେଽର୍ଚ୍ଚନଂ ହରେଃ ।। 🔸 ବ୍ରତପାରଣୟୋଃ କାଳନିୟମଃ । ➖➖➖➖➖➖➖➖➖➖ 🔸 ଏକଦିନେ ଜୟନ୍ତୀଲାଭେ ତତ୍ରୈବୋପବାସଃ । 🔸 ଉଭୟଦିନେ ଚେତ୍ତଦା ପରଦିନେ । 🔸 ଜୟନ୍ତ୍ୟଲାଭେ ତୁ ରୋହିଣୀଯୁକ୍ତାଷ୍ଟମ୍ୟାମ୍ । 🔸 ଉଭୟଦିନେ ରୋହିଣୀଯୁତାଷ୍ଟମୀଲାଭେ ପରଦିନେ । 🔸 ତଦଲାଭେ ତୁ ନିଶୀଥସମ୍ବନ୍ଧିନ୍ୟାମଷ୍ଟମ୍ୟାଂ ଉଭୟଦିନେ ନିଶୀଥସମ୍ବନ୍ଧେ ତଦସମ୍ବନ୍ଧେ ବା ପରଦିନେ ଇତି । 🔸 ଉପବାସପରଦିନେ ତିଥିନକ୍ଷତ୍ରୟୋରବସାନେ ପାରଣମ୍ । ଯଦା ମହାନିଶାୟାଃ ପୂର୍ବ୍ବମେକତରସ୍ୟାବସାନମନ୍ୟତରସ୍ଯ ମହାନିଶାୟାଂ ତଦନନ୍ତରଂ ବା ତଦୈକତରାବସାନେ ପାରଣଂ ଯଦା ମହାନିଶାୟାମୁଭୟସ୍ଥିତିସ୍ତଦା ଉତ୍ସବାନ୍ତେ ପାରଣମ୍ ।" ➖ ଇତି ତିଥ୍ୟାଦିତତ୍ତ୍ବମ୍ ।। 🔸 ହରିଭକ୍ତିବିଳାସମତେ ତୂପବାସକାଳୋ, ଯଥା- " ଜନ୍ମାଷ୍ଟମୀ ପୂର୍ବ୍ବବିଦ୍ଧା ନ କର୍ତ୍ତବ୍ୟା କଦାଚନ । ପଳବେଧେ ତୁ ବିପ୍ରେନ୍ଦ୍ର ! ସପ୍ତମ୍ୟାଂ ଚାଷ୍ଟମୀଂ ତ୍ୟଜେତ୍ ।। ସୁରାୟା ଵିନ୍ଦ୍ବନା ସ୍ପୃଷ୍ଟଂ ଗଙ୍ଗାମ୍ଭଃ କଳସଂ ଯଥା । ବିନା ଋକ୍ଷେଣ କର୍ତ୍ତବ୍ୟା ନବମୀସଂଯୁତାଷ୍ଟମୀ ।। ସଋକ୍ଷାପି ନ କର୍ତ୍ତବ୍ୟା ସପ୍ତମୀସଂଯୁତାଷ୍ଟମୀ । ତସ୍ମାତ୍ ସର୍ବ୍ବପ୍ରଯତ୍ନେନ ତ୍ୟାଜ୍ୟମେବାଶୁଭଂ ଵୁଧୈଃ ।। ବେଧେ ପୁଣ୍ୟକ୍ଷୟଂ ଯାତି ତମଃ ସୂର୍ଯ୍ଯୋଦୟେ ଯଥା । ଯଚ୍ଚ ବହ୍ନିପୁରାଣାଦୌ ପ୍ରୋକ୍ତଂ ବିଦ୍ଧାଷ୍ଟମୀବ୍ରତମ୍ । ଅବୈଷ୍ଣବପରଂ ତଚ୍ଚ କୃତଂ ବା ଦେବମାୟୟା ।।" 🔸 ପାରଣକାଳେ ଯଥା - " ଯଦ୍ବା ତିଥ୍ୟର୍କ୍ଷୟୋରେବ ଦ୍ବୟୋରନ୍ତେ ତୁ ପାରଣମ୍ । ସମର୍ଥାନାମଶକ୍ତାନାଂ ଦ୍ବୟୋରେକବିୟୋଗତଃ ।। କେଚିଚ୍ଚ ଭଗବଜ୍ଜନ୍ମମହୋତ୍ସବଦିନେ ଶୁଭେ । ଭକ୍ତ୍ୟୋତ୍ସବାନ୍ତେ କୁର୍ବ୍ବନ୍ତି ବୈଷ୍ଣବା ବ୍ରତପାରଣମ୍ ।।" 🌹🌹 ଵ୍ରତକଥା 🌹🌹 🔸 ତଦ୍ ବ୍ରତକଥା ଯଥା - " ଏକଦା ଶ୍ରୀକୁଳାଚାର୍ଯ୍ୟଂ ବଶିଷ୍ଠମୃଷିସତ୍ତମମ୍ । ରାଜା ଦିଲୀପଃ ପପ୍ରଚ୍ଛ ବିନୟାବନତଃ ସୁଧୀଃ ।। ଦିଲୀପ ଉବାଚ । ଭାଦ୍ରେ ମାସ୍ୟସିତେ ପକ୍ଷେ ଯସ୍ଯାଂ ଜାତୋ ଜନାର୍ଦ୍ଦନଃ । ତତ୍କଥାଂ ଶ୍ରୋତୁମିଚ୍ଛାମି କଥୟସ୍ବ ମହାମୁନେ ! ।। କଥଂ ବା ଭଗବାନ୍ ଜାତଃ ଶଙ୍ଖଚକ୍ରଗଦାଧରଃ । ଦେବକୀଜଠେରେ ବିଷ୍ଣୁଃ କିଂ କର୍ତ୍ତୁଂ କେନ ହେତୁନା ।। ବଶିଷ୍ଠ ଉବାଚ । ଶୃଣୁ ରାଜନ୍ ! ପ୍ରବକ୍ଷାମି ଯସ୍ମାଜ୍ଜାତୋ ଜନାର୍ଦ୍ଦନଃ । ପୃଥିବ୍ୟାଂ ତ୍ରିଦିବଂ ତ୍ୟକ୍ତ୍ରା ଭବତେ କଥୟାମ୍ୟହମ୍ ।। ପୁରା ବସୁନ୍ଧରା ହ୍ୟାସୀତ୍ କଂସାରାଘନତତ୍ପରା । ସ୍ବାଧିକାରପ୍ରମତ୍ତେନ କଂସଦୂତେନ ତାଡିତା ।। କ୍ରନ୍ଦନ୍ତୀ ଲଜ୍ଜିତା ସାପି ଯୟୌ ଘୂର୍ଣ୍ଣିତଲୋଚନା । ଯତ୍ର ତିଷ୍ଠତି ଦେବେଶ ଉମାକାନ୍ତୋ ବୃଷଧ୍ବଜଃ ।। କଂସେନ ତାଡିତା ନାଥ ! ଇତି ତସ୍ମୈ ନିବେଦିତମ୍ । ବାସ୍ପଧାରାଂ ପ୍ରବର୍ଷନ୍ତୀଂ ବିବର୍ଣ୍ଣାମପମାନିତାମ୍ ।। କ୍ରନ୍ଦନ୍ତୀଂ ତାଂ ସମାଲୋକ୍ୟ କୋପେନ ସ୍ଫୁରିତାଧରଃ । ଉମୟା ସହିତଃ ସର୍ବ୍ବେଦ୍ଦେବବୃନ୍ଦୈରନୁଦ୍ରୁତଃ ।। ଆଜଗାମ ମହାଦେବୋ ବିଧାତୁର୍ଭବନଂ ଋଷା । ଗତ୍ବା ଚୋବାଚ ଵ୍ରହ୍ମାଣଂ କଂସଧ୍ବଂସନିମିତ୍ତକମ୍ ।। ଉପାୟଃ ସୃଜ୍ୟତାଂ ଵ୍ରହ୍ମନ୍ ! ଭବତା ବିଷ୍ଣୁନା ସହ । ଐଶ୍ବରଂ ତଦ୍ବଚଃ ଶ୍ରୁତ୍ବା ଗନ୍ତୁଂ ପ୍ରାକାମଦାତ୍ମଭୂଃ ।। କ୍ଷୀରୋଦେ ଯତ୍ର ବୈକୁଣ୍ଠଃ ସୁପ୍ତଃ ସ ଭୁଜଗୋପରି । ହଂସପୃଷ୍ଠେ ସମାରୁହ୍ୟ ହରେରନ୍ତିକମାୟୟୌ ।। ତତ୍ର ଗତ୍ବା ହରିଂ ଧ୍ୟାତ୍ବା ଦେବବୃନ୍ଦୈର୍ହରାଦିଭିଃ । ତୁଷ୍ଟାବ ଭଗବାନ୍ ବାଗ୍ଭିରର୍ଥାଭିର୍ବ୍ବାଗ୍ବିଦାମ୍ବରଃ ।। ନମଃ କମଳନେତ୍ରାୟ ହରୟେ ପରମାତ୍ମନେ । ଜଗତଃ ପାଳୟିତ୍ରେ ଚ ଲକ୍ଷ୍ମୀକାନ୍ତ ! ନମୋଽସ୍ତୁ ତେ ।। ନମଃ କମଳକିଞ୍ଜଳ୍କପୀତନିର୍ମ୍ମଳବାସସେ । ନମଃ ସମସ୍ତଦେବାନାମଧିପାୟ ମହାତ୍ମନେ ।। ନମୋ ଵ୍ରହ୍ମଣ୍ୟଦେବାୟ ଗୋଵ୍ରାହ୍ମଣହିତାୟ ଚ । ଜଗଦ୍ଧିତାୟ କୃଷ୍ଣାୟ ଗୋବିନ୍ଦାୟ ନମୋ ନମଃ ।। ଇତି ତେଭ୍ୟଃ ସ୍ତୁତୀଃ ଶ୍ରୁତ୍ବା ପ୍ରତ୍ୟୁବାଚ ଜନାର୍ଦ୍ଦନଃ । ଦେବା ନମ୍ରମୁଖାଃ ସର୍ବ୍ବେ ଭବତାମାଗମଃ କଥମ୍ ।। ଵ୍ରହ୍ମୋବାଚ । ଶୃଣୋ ଦେବ ! ଜଗନ୍ନାଥ ! ଯସ୍ମାଦସ୍ମାକମାଗମଃ । କଥୟାମି ସୁରଶ୍ରେଷ୍ଠ ! ତଦହଂ ଲୋକତାରଣ ! ।। ଶୂଳିଦତ୍ତବରୋନ୍ମତ୍ତଃ କଂସରାଜୋ ଦୁରାସଦଃ । ବସୁଧା ତାଡିତା ତେନ ପଦାଘାତେନ ମୁଷ୍ଟିନା ।। ବରଂ ଦତ୍ତ୍ବା ପୁରାପ୍ୟୁଗ୍ରୋ ମାୟୟା ସ ରବଞ୍ଚିତଃ । ଭାଗିନେୟଂ ବିନା ରାଜନ୍ ! ଶାସ୍ତା ନ ଭବିତା ତବ ।। ତସ୍ମାଦ୍ଗଚ୍ଛ ସ୍ବୟଂ ଦେବ ! ହନ୍ତୁଂ କଂସଂ ଦୁରାସଦମ୍ । ଦେବକୀଜଠରେ ଜନ୍ମ ଲଭ ଗତ୍ବା ଚ ଗୋକୁଳମ୍ ।। ଵ୍ରହ୍ମଣା ପ୍ରେଷିତୋ ବିଷ୍ଣୁଃ ପ୍ରତ୍ୟୁବାଚ ପଶୋଃ ପତିମ୍ । ପାର୍ବ୍ବତୀଂ ଦେହି ଦେବେଶ ! ଅବ୍ଦଂ ସ୍ଥିତ୍ବାଗମିଷ୍ୟତି ।। ଉମୟା ରମୟା ସାର୍ଦ୍ଧଂ ଶଙ୍ଖଚକ୍ରଗଦାଧରଃ । ଉଦ୍ଦିଶ୍ୟ ମଥୁରାଂ ଚକ୍ରେ ପ୍ରୟାଣଂ କଂସନାଶନମ୍ ।। ଦେବକୀଜଠରେ ଜନ୍ମ ଲେଭେ ବିଷ୍ଣୁର୍ଗଦାଧରଃ । ଯଶୋଦାକୁକ୍ଷିମଧ୍ୟେ ତୁ ସର୍ବ୍ବାଣୀ ମୃଗଲୋଚନା ।। ନବ ମାଂସାଂଶ୍ଚ ବିଶ୍ରାମ୍ୟ କୁକ୍ଷୌ ନବଦିନାଧିକାନ୍ । ଭାଦ୍ରେ ମାସ୍ୟସିତେ ପକ୍ଷେ ଅଷ୍ଟମୀସଂଜ୍ଞୟା ତିଥୌ ।। ରୋହିଣୀତାରକାଯୁକ୍ତା ରଜନୀ ଘନଘୋରିତା । ଧୂମଯୋନୌ ତଡିଦ୍ୟୁକ୍ତେ ବାରି ବର୍ଷତି ସର୍ବ୍ବଦା ।। ତସ୍ୟାଂ ଜାତୋ ଜଗନ୍ନାଥଃ କଂସାରିର୍ବ୍ବସୁଦେବଜଃ । ବୈରାଟେ ନନ୍ଦପତ୍ନୀ ଚ ଯଶୋଦାଜୀଜନତ୍ ସୁତାମ୍ ।। ପୁତ୍ତ୍ରଂ ପଦ୍ମକରଂ ପଦ୍ମନାଭଂ ପଦ୍ମଦଳେକ୍ଷଣମ୍ । ରମ୍ୟଂ ଚତୁର୍ଭୁଜଂ ଶାନ୍ତଂ ଶଙ୍ଖଚକ୍ରଗଦାଧରମ୍ ।। ତଦା କ୍ରନ୍ଦିତୁମାରେଭେ ଦୃଷ୍ଟ୍ବା ଚାନକଦୁନ୍ଦୁଭିଃ । ତତ୍ରୈବ ବାଣ୍ୟଭୂଦ୍ଦେବୀ ଦେବକୀମାତ୍ରଗୋଚରା ।। ପୁତ୍ରଂ ଦତ୍ବା ଯଶୋଦାୟୈ କନ୍ୟାଂ ତସ୍ୟାଃ ସମାନୟ । କଂସାସୁରଭୟାତ୍ତଂ ହି ଉବାଚ ଦେବକୀ ତଦା ।। ବୈରାଟଂ ଗଚ୍ଛ ବିପ୍ରେନ୍ଦ୍ର ! ସୁତଂ ପ୍ରତ୍ୟର୍ପିତୁଂ ପ୍ରଭୋ ! । ପୁତ୍ରଂ ଦତ୍ବା ଯଶୋଦାୟୈ ସୁତାଂ ତସ୍ୟାଃ ସମାନୟ ।। ତାଂ ଦୃଷ୍ଟ୍ବା କଂସରାଜୋଽପି ସଭାୟାଂ ନ ହନିଷ୍ୟତି । ତସ୍ୟା ବଚଃ ସମାକର୍ଣ୍ଯ ବସୁଦେବୋଽତିଦୁଃଖିତଃ ।। ଅଙ୍କେ କୁମାରମାଦାୟ ବୈରାଟଭିମୁଖଂ ଯଯୌ । ଯମୁନା ଜଳସଂପୂର୍ଣ୍ଣା ତତ୍ପଥେ ମଧ୍ୟବର୍ତ୍ତିନୀ ।। ଅତିଶ୍ରୋତା ମହାବୀର୍ଯ୍ଯା ସୁତୀକ୍ଷ୍ଣୋର୍ମ୍ମିଭୟାକୁଳା । ତାଂ ଦୃଷ୍ଟ୍ବା ତତ୍ତଟେ ସ୍ଥିତ୍ବା ଯମୁନାମବଲୋକୟନ୍ ।। ବସୁଦେବୋଽତିଦୁଃଖାର୍ତ୍ତୋ ବିଲୋଳଚେତନୋଽଭବତ୍ । କିଂ କରୋମି କ୍ବ ଗଚ୍ଛାମି ବିଧିନାତ୍ରାପି ବଞ୍ଚିତଃ ।। କଥମଦ୍ୟ ଗମିଷ୍ୟାମି ବୈରାଟେ ନନ୍ଦମନ୍ଦିରମ୍ । ହରିଣା ତତ୍ର ସାନନ୍ଦଂ ମାୟୟା ବଞ୍ଚିତଃ ପିତା ।। କ୍ଷଣମାତ୍ରଂ ତଟେ ସ୍ଥିତ୍ବା ଯମୁନାମପ୍ୟଲୋକୟତ୍ । ତେନ ଦୃଷ୍ଟ୍ବା ପୁନଃ ସାପି କ୍ଷୀଣା ଜାନୁବହାଭବତ୍ । ତତଃ ସୋଽପି ପୁରୋ ଦୃଷ୍ଟ୍ବା ଧାବନ୍ତଂ ଖଳୁ ଜମ୍ବୁକମ୍ । କ୍ରୋଡେ କୃତ୍ବା ସୁତଂ ସ୍ବୈରଂ ଗନ୍ତୁଂ ପାରଂ ପ୍ରଚକ୍ରମେ ।। ତଂ ଦୃଷ୍ଟ୍ବା ହୃଷ୍ଟଚିତ୍ତନ୍ତୁ ଭଗବାନ୍ ଯମୁନାଜଳେ । ମାୟାଂ କୃତ୍ବା ଜଗନ୍ନାଥୋ ହ୍ୟଙ୍କାତ୍ ସ ପତିତଃ ପିତୁଃ ।। ତଂ ସୁତଂ ପତିତଂ ଦୃଷ୍ଟ୍ବା ସୂର୍ଯ୍ଯଜାଜୀବନେ ଦ୍ବିଜଃ । ତଦା କ୍ରନ୍ଦିତୁମାରେଭେ ଭାଲେ ଘାତ୍ବା କରଂ ଦୃଢମ୍ ।। ବିଧିନା ବୈରିଣା ହ୍ୟତ୍ର ଦୁଃଖିତୋଽହଂ ପ୍ରବଞ୍ଚିତଃ । ତ୍ରାହି ମାଂ ଜଗତାଂ ନାଥ ! ପୁତ୍ତ୍ରଂ ଦେହି ସୁରୋତ୍ତମ ! ।। ଜନକଂ କ୍ରନ୍ଦିତଂ ଦୃଷ୍ଟା କଂସାରିଃ କୃପୟା ବିଭୁଃ । ଜଳକ୍ରୀଡାଂ ସମାଚର୍ଯ୍ଯ ପିତୁରଙ୍କେବସନ୍ ପୁନଃ ।। ପଥା ତେନ ଦ୍ବିଜଶ୍ରେଷ୍ଠୋ ଗତବାନ୍ନନ୍ଦମନ୍ଦିରମ୍ । ସୁତଂ ଦତ୍ତ୍ବା ଯଶୋଦାୟୈ ସୁତାଂ ତସ୍ୟାଃ ସମାନୟତ୍ ।। ସୁତାମଙ୍କେ ତଥା ସୋଽପି ଗୃହୀତ୍ବାନକଦ୍ରୁନ୍ଦୁଭିଃ । ନିଜାଗାରଂ ପୁନଃ ପ୍ରାପ୍ୟ ପ୍ରତ୍ୟର୍ପ୍ୟ ତାଦୃଶୀଂ ସୁତାମ୍ ।। ପ୍ରତିଯୁଜ୍ୟ ପଦେ ଲୋହମାସୀତ୍ ପୂର୍ବ୍ବବଦାବୃତଃ । ଦେବକୀ ଚ ପ୍ରସୂତେତି ବାର୍ତ୍ତା ପ୍ରାପ୍ତା ସୁରାରିଣା ।। ଆନେତୁଂ ପ୍ରହିତୋ ଦୂତଃସୁତଂ ଦୁହିତରଞ୍ଚ ବା । ଆଗତ୍ୟ କଂସଦୂତୋଽସୌ ସୁତାଂ ନେତୁଂ ପ୍ରଚକ୍ରମେ ।। ଵଳାଦଙ୍କାତ୍ ସମାକୃଷ୍ୟ ଦେବକୀବସୁଦେବୟୋଃ । କଂସଦୂତୋ ଗୃହୀତ୍ବା ତାଂ କଂସାୟାଦର୍ଶୟତ୍ ପୁନଃ ।। ଦୃଷ୍ଟ୍ବା ତାଂ କଂସରାଜୋଽପି ସଭୟୋଽଭୂଦ୍ଦୁରାସଦଃ । ଶୁଦ୍ଧକାଞ୍ଚନବର୍ଣ୍ଣାଭାଂ ପୂର୍ଣ୍ଣେନ୍ଦ୍ବସଦୃଶାନନାମ୍ ।। ଦୃଷ୍ଟ୍ବା କଂସୋ ବିହସ୍ୟନ୍ତୀଂ ବିଦ୍ୟୁତ୍ସ୍ଫୁରିତଲୋଚନାମ୍ । ଆଦିଦେଶାସୁରଶ୍ରେଷ୍ଠୋ ବଧ ନୀତ୍ବା ଶିଳୋପରି ।। ଆଜ୍ଞାଂ ଲବ୍ଧ୍ବାସୁରାସ୍ତେ ତୁ ନିଷ୍ପେଷ୍ଟୁଂ ତାଂ ପ୍ରବର୍ତ୍ତିତାଃ । ବିଦ୍ୟୁଦ୍ରୁପଧରା ଗୌରୀ ଜଗାମ ଶଙ୍କରାନ୍ତିକମ୍ ।। ଅନ୍ତରୀକ୍ଷେ କ୍ଷଣଂ ସ୍ଥିତ୍ବା କଂସଂ ପ୍ରୋବାଚ ଶଙ୍କରୀ । ତ୍ବାଂ ହନ୍ତୁଂ ଗୋକୁଳେ ଜାତଃ ପୂର୍ବ୍ବଶତ୍ରୁର୍ନ ସଂଶୟଃ ।। ତତ୍ରାତିଷ୍ଠଜ୍ଜଗନ୍ନାଥଃ କଂସାରିଃ ସୁରକୃତ୍ୟକୃତ୍ । କ୍ରୀଡିତ୍ବା ଵାଳଭାବେନ କଂସଧ୍ବଂସେ ମନୋ ଦଧୌ ।। ପ୍ରାପ୍ତିମାତ୍ରେଣ ତଂ କଂସଂ ଜଘାନ ଜଗଦୀଶ୍ବରଃ । ଏତତ୍ତେ କଥିତଂ ରାଜନ୍ ! କୃଷ୍ଣଜନ୍ମାଷ୍ଟମୀବ୍ରତମ୍ ।। ଯ ଇଦଂ କୁରୁତେ ରାଜନ୍ ! ଯା ଚ ନାରୀ ହରେର୍ବ୍ରତମ୍ । ପ୍ରାପ୍ନୋତ୍ୟୈଶ୍ବର୍ଯ୍ଯମତୁଳମିହ ଲୋକେ ଯଥେପ୍ସିତମ୍ ।। ଅନ୍ତକାଳେ ହରେଃ ସ୍ଥାନଂ ଦୁର୍ଲ୍ଲଭଞ୍ଚ ଗମିଷ୍ୟତି । ଏକେନୈବୋପବାସେନ କୃତେନ କୁରୁନନ୍ଦନ ! ।। ସପ୍ତଜନ୍ମକୃତାତ୍ ପାପାନ୍ମୁଚ୍ୟତେ ନାତ୍ର ସଂଶୟଃ । ବତ୍ସରଦ୍ବାଦଶେ ଚୈବ ଯତ୍ ପୁଣ୍ୟଂ ସମୁପାର୍ଜ୍ଜିତମ୍ ।। ବିଫଳଂ ତଦ୍ଭବେତ୍ ସର୍ବ୍ବଂ ପୁରା ବ୍ୟାସେନ ଭାଷିତମ୍ । ନ ଦ୍ରଷ୍ଟବ୍ୟଂ ସୁଖଂ ତେଷାଂ ନରାଣାଂ ନ ଚ ଯୋଷିତାମ୍ ।। ଜୟନ୍ତୀ ନ କୃତା ଯୈସ୍ତୁ ଜାଗରାଦିସମନ୍ବିତା । ଶ୍ବାନଶ୍ଚୈତେ ତୁ ବିଜ୍ଞେୟା ଜୟନ୍ତୀବିମୁଖା ନରାଃ ।। ଯୋଷିତଶ୍ଚ ନ ସନ୍ଦେହଃ ସତ୍ୟୋକ୍ତଂ ତବ ସୁବ୍ରତେ ! ।।" ଇତି ଭବିଷ୍ୟପୁରାଣେ ବଶିଷ୍ଠଦିଲୀପସଂବାଦେ ଶ୍ରୀକୃଷ୍ଣଜନ୍ମାଷ୍ଟମୀବ୍ରତକଥା ସମାପ୍ତା ।। ।। ଶ୍ରୀକୃଷ୍ଣାର୍ପଣମସ୍ତୁ ।। 🌹( ସେବାୟାଂ, ରୋହିତଃ )