സംസ്ഥാനത്തെ സിനിമ തിയറ്ററുകളിൽ പോപ്കോണും കുപ്പിവെള്ളവും അമിതവിലയ്ക്ക് വിൽക്കുന്ന സംഭവത്തിൽ സർക്കാരിന് ഇടപെടാൻ പരിമിതിയുണ്ടെന്ന് ഭക്ഷ്യമന്ത്രി അനൂപ് ജേക്കബ് വ്യക്തമാക്കി. തുറന്ന പായ്ക്കറ്റുകളിൽ വിൽക്കുന്ന പോപ്കോണിന് എം.ആർ.പി ബാധകമല്ല. അതേസമയം വിലവിവരപ്പട്ടിക പ്രദർശിപ്പിക്കാതിരിക്കുകയോ രേഖപ്പെടുത്തിയതിനേക്കാൾ കൂടുതൽ തുക ഈടാക്കുകയോ ചെയ്താൽ കർശന നടപടിയുണ്ടാകും. തിയറ്ററുകൾക്കുള്ളിലേക്ക് പുറത്തുനിന്നുള്ള കുടിവെള്ളം അനുവദിക്കാതിരിക്കുന്നത് ഉപഭോക്തൃ അവകാശങ്ങളുടെ ലംഘനമാണ്. പരീക്ഷാഹാളുകളിലും വിമാനത്താവളങ്ങളിലും വെള്ളം അനുവദിക്കുമ്പോൾ തിയറ്ററുകളിൽ തടയുന്നത് ശരിയല്ല. ഉൽപ്പന്നങ്ങളുടെ വില നിശ്ചയിക്കാൻ ലീഗൽ മെട്രോളജി വകുപ്പിന് അധികാരമില്ല. എന്നാൽ അളവിലും തൂക്കത്തിലും കുറവുണ്ടായാൽ കേസെടുക്കാൻ വകുപ്പിന് സാധിക്കും. സിവിൽ സപ്ലൈസ് വകുപ്പ് വിലവിവരപ്പട്ടിക കൃത്യമായി പരിശോധിക്കും. #KeralaNews #TheatreFoodPrice #ConsumerRights #LegalMetrology #MovieTheatreIssues #🆕 ലേറ്റസ്റ്റ് അപ്ഡേറ്റ്