மத்திய தொழிலாளர் சட்டங்களை ஒன்றிணைத்து, நான்கு பிரதானச் சட்டங்களாக (Codes) மத்திய அரசு அமல்படுத்தியுள்ளது. இந்த நான்கு குறியீடுகளும் நவம்பர் 21 முதல் நடைமுறைக்கு வந்துள்ளன. இது, இந்தியாவின் தொழிலாளர் முறையின் "வரலாற்று நவீனமயமாக்கல்"> இந்தக் சட்டங்களை அமல்படுத்துவது குறித்து X பக்கத்தில் அறிவித்த தொழிலாளர் துறை அமைச்சர் மன்சுக் மாண்டவியா, இந்தக் குறியீடுகள் அனைத்துத் தொழிலாளர்களுக்கும் சரியான நேரத்தில் குறைந்தபட்ச ஊதியம், அனைத்து ஊழியர்களுக்கும் நியமனக் கடிதங்கள், பெண்களுக்குச் சம ஊதியம் மற்றும் அதிகமான பணியிடக் கண்ணியம், ஓராண்டுக்குப் பிறகு ஒப்பந்த அடிப்படையிலான ஊழியர்களுக்கு கிராட்டுவிட்டி (Gratuity), 40 வயதுக்கு மேற்பட்ட தொழிலாளர்களுக்கு இலவச ஆண்டு சுகாதாரப் பரிசோதனைகள் ஆகியவற்றை உறுதி செய்யும் என்று கூறினார். சட்டங்கள் அறிவிக்கப்பட்டாலும், விதிகள் அடுத்த 5-7 நாட்களில் வெளியிடப்படும் என்றும், விதிகளுக்குத் தேவைப்படாத பிரிவுகள் உடனடியாக அமல்படுத்தப்படும் என்றும் ஒரு மூத்த அரசு அதிகாரி இந்தியன் எக்ஸ்பிரஸுக்குத் (IE) தெரிவித்தார். முக்கிய சீர்திருத்தங்கள்: பெண்களுக்கான புதிய அத்தியாயம் இந்த நான்கு சட்டங்களும்—சம்பளச் சட்டம், தொழில்துறை உறவுகள் சட்டம், சமூகப் பாதுகாப்பு சட்டம், மற்றும் தொழில் பாதுகாப்பு, ஆரோக்கியம் மற்றும் பணிச்சூழல் சட்டம்—ஆகியவை பெண்களின் உரிமைகளையும் பாதுகாப்பையும் குறிப்பிடத்தக்க அளவில் விரிவாக்கியுள்ளன: இரவுப் பணிக்கு அனுமதி: இனி, சுரங்கம் மற்றும் கனரகத் தொழில்கள் உட்பட அனைத்துத் துறைகளிலும் பெண்கள் இரவுப் பணியில் ஈடுபட அனுமதிக்கப்பட்டுள்ளனர். இதற்கு அவர்களின் சம்மதம் மற்றும் தேவையான பாதுகாப்பு ஏற்பாடுகள் கட்டாயம். ஏற்றுமதி மற்றும் உற்பத்தித் துறைகளிலும் சம்மதத்துடன் இரவுப் பணிக்கு அனுமதி உண்டு. சம வேலைக்குச் சம ஊதியம் என்பது சட்டப்பூர்வமாக உறுதி செய்யப்பட்டு, நடைமுறைப்படுத்தப்பட உள்ளது. பணியிடக் குறை தீர்க்கும் குழுக்களில் (Grievance Redressal Committees) பெண்களின் கட்டாயப் பிரதிநிதித்துவம் உறுதி செய்யப்பட்டுள்ளது. பெண் ஊழியர்களுக்கான குடும்ப வரையறையில் மாமனார், மாமியார் ஆகியோரும் சேர்க்கப்பட்டுள்ளனர். ஏற்றுமதி மற்றும் உற்பத்தித் துறைகளில் சம்மதத்துடன் இரவுப் பணிக்கு அனுமதிக்கப்படுகிறது. குழந்தைப் பராமரிப்பு (Crèche): 2017 ஆம் ஆண்டில் மகப்பேறு நலச் சட்டம் (Maternity Benefit Act) திருத்தப்பட்டு, பெண்களுக்குச் சம்பளத்துடன் கூடிய மகப்பேறு விடுப்பு 12 வாரங்களில் இருந்து 26 வாரங்களாக நீட்டிக்கப்பட்டது. புதிய சீர்திருத்தங்கள் 50 அல்லது அதற்கு மேற்பட்ட ஊழியர்களைக் கொண்ட அனைத்து நிறுவனங்களிலும் குழந்தைப் பராமரிப்பு இல்லங்கள் (Crèche facilities) கட்டாயமாக்கியுள்ளன. தற்காலிக பணியாளர்கள்: சமூகப் பாதுகாப்பு வலையின் கீழ்! இந்தச் சட்டங்களின் மூலம், தற்காலிக பணியாளர்கள் (Gig workers) மற்றும் 'தள'ப் பணியாளர்கள் (Platform workers) சட்டபூர்வமாக முதன்முறையாக வரையறுக்கப்பட்டுள்ளனர். ஸ்விக்கி, ஸொமாட்டோ, ஓலா, ஊபர் போன்ற ஆப் சார்ந்த டெலிவரி மற்றும் போக்குவரத்து நிறுவனங்களில் பணிபுரியும் கோடிக்கணக்கானோர் இனி முறைப்படுத்தப்பட்ட சமூகப் பாதுகாப்பு திட்டங்களின் கீழ் வருகின்றனர். ஸ்விக்கி, ஸொமாட்டோ போன்ற நிறுவனங்கள் தங்கள் ஆண்டு வருவாயில் 2% வரை 'கிக்' மற்றும் 'தள'ப் பணியாளர்களுக்கான சமூகப் பாதுகாப்பு நிதிக்கு ஒதுக்க வேண்டும். வருங்கால வைப்பு நிதி (PF), காப்பீடு, மகப்பேறு உதவி, ஊனமுற்றோருக்கான பாதுகாப்பு மற்றும் முதியோர் பாதுகாப்பு போன்ற அரசு ஆதரவு பெற்ற நலத்திட்டங்களைப் பெற இந்தப் பணியாளர்கள் தகுதி பெறுகின்றனர். இந்த நடவடிக்கைகள், நிதி ஆயோக்கின் 2020-21 தரவுகளின்படி 70 இலட்சத்துக்கும் அதிகமான தொழிலாளர்களைப் பணியமர்த்தியுள்ள இந்தியாவின் 'கிக்' பொருளாதாரத்தை மறுவடிவமைக்க வாய்ப்புள்ளது. மேலும், 2029-30க்குள் இந்த எண்ணிக்கை 23.5 மில்லியனாக விரிவாக்கப்பட வாய்ப்புள்ளது என்றும் அந்த அறிக்கை கூறுகிறது. #📢 நவம்பர் 22 முக்கிய தகவல்🤗 #⭐ தொழிலாளர் தின ஸ்டேட்ஸ் #🔴இன்றைய முக்கிய செய்திகள்