ഒരേ കുറ്റകൃത്യം നിരവധി തവണ ചെയ്ത് വിജയിക്കുമ്പോൾ കിട്ടുന്ന അമിത ആത്മവിശ്വാസത്തിൽ ആരെയും കൂസാതെ, പിഴവുകളെ കുറിച്ച് ചിന്തിക്കാതെ കണ്ണുംപൂട്ടി അടുത്ത കുറ്റകൃത്യം ചെയ്ത് പിടിക്കപ്പെടുന്ന ചില കുറ്റവാളികളുണ്ട്. അത്തരത്തിലൊരു വിഡ്ഢിത്തരമാണ് ബിജെപി ബീഹാറിൽ ചെയ്‍തിരിക്കുന്നത്. വോട്ട് ചോരി അതിന്റെ ഏറ്റവും പാരമ്യത്തിൽ നടന്നിരുന്ന സംസ്ഥാനമാണ് ബീഹാർ എന്നത് ഒറ്റനോട്ടത്തിൽ തന്നെ വ്യക്തമാണ്. ഇന്ത്യയുടെ രാഷ്ട്രീയ ചരിത്രത്തിൽ ഒരു രാഷ്ട്രീയ പാർട്ടിക്കും കഴിഞ്ഞിട്ടില്ലാത്ത വിധം 90% സ്ട്രൈക്ക് റേറ്റോടെ അധികാരത്തിൽ കയറുന്ന പരിപാടിയാണ് ബിജെപി ചെയ്തിരിക്കുന്നത്. ജെ.ഡി.യു ഇന്ത്യ സഖ്യത്തിനൊപ്പം ചേർന്നാൽ പോലും സർക്കാർ ഉണ്ടാക്കാൻ കഴിയാത്ത വിധം ഡിസൈൻ ചെയ്തെടുത്ത തിരഞ്ഞെടുപ്പ് ഫലം നീതിയുക്തമാണെന്ന് ഇപ്പോഴും ചിന്തിക്കുന്ന നിഷ്കളങ്കരുണ്ടെങ്കിൽ അവരോടൊന്നും തർക്കിച്ചു നേരം കളയാൻ തീരുമാനിച്ചിട്ടില്ല. കേരളത്തിൽ മുൻപ് നടന്നൊരു പി.എസ്.സി കോപ്പിയടി പിടിക്കപ്പെട്ടതിലെ ഒരു പ്രധാന കാരണം അത്തരത്തിൽ കോപ്പിയടിച്ചവർ ആ പരീക്ഷയിൽ ഒന്നാം റാങ്ക് പോലും കരസ്ഥമാക്കി എന്നുള്ളതായിരുന്നു. കള്ളം ചെയ്യുന്നവർക്കുള്ള ബുദ്ധി പോലുമില്ലാതെ മുഴുവനായി കട്ടുമുടിക്കുന്നവർ പിടിക്കപ്പെടുന്നത് സ്വാഭാവികമാണ്. എന്നും അധികാരം തങ്ങളിൽ ഒതുങ്ങുമെന്ന വിശ്വാസത്തിലാണ് ഇവർ ഈ കൊള്ളരുതായ്മകളൊക്കെ ചെയ്യുന്നത്. നാനൂറിലധികം സീറ്റ് നേടി അധികാരത്തിൽ വന്ന രാജീവ് ഗാന്ധിയെ തൊട്ടടുത്ത തിരഞ്ഞെടുപ്പിൽ പ്രതിപക്ഷത്തിരുത്തിയ ജനതയ്ക്ക് ഒന്നും അസാധ്യമല്ലെന്ന് ഇടയ്ക്കെങ്കിലും ഓർക്കുന്നത് നല്ലതാണ്. ആരൊക്കെ ഏറ്റെടുത്താലും ഇല്ലെങ്കിലും ആവർത്തിച്ചു പറയുന്നു, ബീഹാറിലെ തിരഞ്ഞെടുപ്പിൽ ജനാധിപത്യത്തിന്റെയോ നീതിയുക്തമായ വോട്ടിങ്ങിന്റെയോ കണിക പോലുമുണ്ടായിട്ടില്ല. ഈ രാജ്യത്തെ മുഴുവൻ ജനങ്ങളെയും സാക്ഷിയാക്കി ആ സത്യം എന്നെങ്കിലും തെളിയിക്കപ്പെടുക തന്നെ ചെയ്യും. അതുകൊണ്ട് തന്നെ പകുതി വഴിയിൽ ഈ പോരാട്ടം ഉപേക്ഷിക്കാനോ രാഹുൽ ഗാന്ധിയെ തള്ളിപറയാനോ മുതിരില്ല തന്നെ. അയാളാണ് ശരിയുടെ പാതയിൽ സഞ്ചരിക്കുന്നത്. ആ വഴി പിന്തുടരുക തന്നെ ചെയ്യും. ഈ പോരാട്ടം അവസാനിക്കുമ്പോൾ എതിർപക്ഷത്തുണ്ടായിരുന്ന മുഴുവൻ പേരോടും ക്ഷമിച്ചാലും രാജ്യത്തെ ജനാധിപത്യത്തെ തീറെഴുതി കൊടുത്ത ഗ്യാനേഷ് കുമാറിനോടും സംഘത്തോടും ക്ഷമിക്കാനുള്ള വിശാലമനസ്കതയൊന്നും ഞങ്ങൾക്കുണ്ടാവില്ല. അതുവരെ നിങ്ങൾ ആഘോഷിക്കുക ! #🔶 BJP #🗳️ രാഷ്ട്രീയം #🔴 എൽഡിഎഫ് #🔵 യുഡിഎഫ് #🙏 രാഹുൽ ഗാന്ധി