#🕉️🔱சர்வம் சிவா மாயம்🔱 . 🟨. 🕉️🟨
*சர்வம் சிவமயம்*
*ஆன்மீக பயணம்*
*✶⊷⊷❍ 𝑴K ❍⊶⊷✶*
🟨🦚. 🟨. 🦚🟨
*சகல வல்லமையும் தரும்* *சதுர தாண்டவ நடராஜர்*!
இருகால்களையும் தரையில் ஊன்றிய நிலையில், சடாமுடியை முடிந்து, கால்களின் கீழே முயலகன் இல்லாத சதுர தாண்டவ நடராஜர் என்ற ஆதிரை நாயகனின் திருக்கோலம் இருக்குமிடம் தெரியுமா?
அனைத்து கோவில்களிலும் நடராஜர் காலைத் தூக்கி வைத்தபடி ஆடிய கோலத்திலேயேதான் பார்த்திருப்போம்.
ஆனால் திருச்சி மாவட்டம் குமாரவயலூரில் உள்ள அருள்மிகு சுப்ரமணிய சுவாமி திருக்கோவிலில் அபூர்வமாக இருகால்களையும் தரையில் ஊன்றிய நிலையில், சடாமுடி முடியப்பட்டும், கால்களின் கீழே முயலகன் இல்லாத, ஆரம்ப நிலையிலான சதுர தாண்டவக் கோலத்தில் "சதுர தாண்டவ நடராஜர் "என்ற நாமத்துடன் அற்புதத் திருமேனியராகக் காட்சி தருகிறார் ஸ்ரீநடராஜப் பெருமான்.
சிவனார் தாண்டவமாடிய தலங்களில் ஒன்று என்பதால், இந்தத் தலத்தை உப விடங்கத் தலம் என்கிறார்கள்!
சிவனார் ஆடிய 108 தாண்டவங்களில் முதன்மையான சதுர தாண்டவக் கோலத்தில்
இங்கே காட்சி தரும் ஸ்ரீநடராஜ பெருமானை பார்த்துக் கொண்டே இருக்கலாம்!
சிதம்பரம் தலத்தில் தில்லை அம்பலவாணனுக்குச் செய்யப்படுவது போலவே,இங்கு அனைத்து ஆராதனைகளும் "சதுர
தாண்டவ நடராஜருக்கு" செய்யப்படுகின்றன.
கால்கள் இரண்டையும் மடக்கி, முன்னும் பின்னுமாக சதுர வடிவில் வைத்தபடி ஆடும் அரிய கோலத்தில் காட்சி தரும் சதுர தாண்டவ நடராஜரை தரிசித்து வணங்குவது சிறப்பான பலனைத் தருமாம்!
நடராஜருக்கு உகந்த ஆறு அபிஷேக காலங்களில் இவரை வணங்குவது சிறப்பு.
திருவாதிரை நட்சத்திர நாளில், இங்கு வந்து "சதுர தாண்டவ நடராஜருக்கு "அபிஷேகம் செய்து வணங்கினால், நினைத்த காரியங்கள் யாவும் கைகூடும் .
முக்கியமாக, திருவாதிரை நாளில், சதுர தாண்டவ நடராஜரை வணங்கினால், பெரும் வல்லமையும் பேராற்றலும் பெறுவர்; எவரையும் வெல்லும் திறன் அதிகரிக்கும்; கலைகளில் ஆர்வமும் திறனும் ஏற்படும்.
தவிர, திருவாதிரை நட்சத்திரக்காரர்கள்
மார்கழித் திருவாதிரையிலும் மற்ற தமிழ்மாத திருவாதிரை நட்சத்திர நாட்களிலும் இங்கு வந்து அம்பலவானனை ஆத்மார்த்தமாக வேண்டி வழிபட்டால்,அவர்களது ஜாதகத்தில் உள்ள அனைத்து கிரக தோஷங்கள் யாவையும் விலக்கி அனைத்து வரங்களையும் தந்தருள்கிறார் இந்த அபூர்வமான ஆதிரை நாயகன்!
ஆதிரை நாயகன் அபூர்வமான,அற்புதமான சதுர தாண்டவ திருமேனியராகக் காட்சி தரும் படம்
🟨🕉️🟨🕉️🟨🕉️🟨
*சர்வம் சிவமயம்*
*ஆன்மீக பயணம்*
*✶⊶⊷⊷❍ 𝑴K ❍⊶⊶⊷✶*
🟨🦚🟨🦚🟨🦚🟨
