सातारा जिल्ह्यातील माण तालुक्यात मोडणारा ‘किल्ला महिमानगड’...🚩 किल्ले हे मुख्य डोंगररांगेपासून वेगळं झालेल्या डोंगरावर विराजमान झालेले आहेत सातारा-पंढरपूर रस्त्यावर महिमानगड गाव आहे.. गावाच्या मागे मुख्य डोंगररांगेपासून अलग झालेल्या डोंगरावर असलेला महिमानगड किल्ला त्याच्या ताशीव कातळ कड्यांमुळे आपले लक्ष वेधून घेतो...! सेनापती संताजी व धनाजीस रामचंद्रपंत येऊन मिळाले तेव्हा या तिघांनी महिमानगड जिंकण्याची योजना आखली. याच वेळी महिमानगडच्या किल्लेदाराने तातडीने निरोप पाठविला, तो १ ऑगस्ट १६९४ च्या बातमी पत्रात पुढील प्रमाणे दिसतो : “महिमान (महिमानगड, महिपतगड-बेळगावजवळ) चा किल्लेदार याने कळविले की, संताजी घोरपडे व धनाजी जाधव हे सैन्यासहित वारूगडाजवळ होते. त्यांनी किल्ल्याला वेढा घालण्याच्या उद्देशाने तुकड्या रवाना केल्या असून रस्ते अडवून धरले आहेत. कुमकेवाचून आमचा सर्वनाश होईल, लवकर कुमक धाडावी...” (कित्ता) यावर कार्यवाही करण्यासाठी बक्षी-उल-मुल्क मुखलिसखान यास सांगण्यात आले. याच वेळी अकलुज- सातारा भागात मराठ्यांचा जोर वाढल्याने हिम्मतखानाने बादशहाकडे सैनिकी मदतीची याचना केली. त्या प्रमाणे बादशहाने आतिशखान व ईस्माईलखान मखा यांना हिम्मतखानाच्या मदतीस पाठविले. यानंतर ९ सप्टेंबर १६९४ च्या बातमी पत्राची नोंद मिळते. “हिम्मतखान बहादूरच्या फौजेसाठी लागणाऱ्या दारू गोळ्यासाठी आठ हजार अश्रपया (सोन्याची नाणी) वारूगडाजवळील हिम्मतखानाच्या छावणीत पोहोचवाव्या...” याचा अर्थ महिमानगड व वारूगड परिसरात मराठ्यांचा जोर वाढला असावा व त्यांचा प्रतिकार करण्यासाठी जादा कुमक व आर्थिक मदत हिम्मतखानाकडे पाठविलेली दिसते... #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त