#📙 നോവൽ നിലയിലെ വരാന്തയിൽ പുറത്തെ ഇരുട്ടിലേക്ക് നോക്കി അരുണിമ ചാരു പടിയില് ഇരുന്നു ..... വീട്ടിൽ എല്ലാവരും ഉറങ്ങിയിരിക്കുന്നു .ഇന്ന് നടന്നത് സ്വപ്‌നമായിരുന്നോ ? തിരിച്ചു വരുമെന്ന് ഒരു പ്രതീക്ഷ പോലും ഇല്ലാതെ ഇരുന്ന ഒരാൾ ... ഒരിക്കലും കാണില്ലെന്നും ... ഈ ജീവിതമെന്നു പറയുന്നത് എത്ര വിചിത്രമാണ് .... എത്ര എത്ര തീവ്രമായ പ്രണയങ്ങൾ എവിടെയും എത്താതെ പോയിട്ടുണ്ട് ....ആരും അറിയാതെ... അവർ പിന്നെയും വെവ്വേറെ കുടുംബങ്ങളുമായി സന്തോഷമായി കഴിയുന്നു ... എനിക്കെന്തേ കഴിഞ്ഞില്ല ... ഒരു കാലത്തു ദത്തേട്ടൻ തന്റെ പ്രാണനായിരുന്നു .... പിന്നെ ഒരു പുരുഷനെയും ആ സ്ഥാനത്തു സങ്കൽപ്പിക്കാൻ കഴിഞ്ഞിട്ടില്ല ... അതിനു മുന്പും ആരോടും പ്രണയം തോന്നിയിട്ടില്ല സ്കൂൾ കാലഘട്ടത്തിലും കോളേജ് പഠന കാലത്തും ... എല്ലാ സ്ത്രീകളും അങ്ങനെ ആയിരിക്കുമോ..?.. അറിയില്ല ..... ദത്തേട്ടനെ കണ്ടപ്പോൾ എന്തെല്ലാമോ ചോദിക്കണമെന്നുണ്ടായിരുന്നു ..അപ്പോഴേക്കും മാഷും കൂട്ടരും വന്നു ... അല്ലെങ്കിൽ തന്നെ എന്ത് ചോദിക്കും ...! ജീവിതത്തിൽ പ്രത്യേകിച്ച് ലക്ഷ്യങ്ങളില്ല .. രാവിലെ എഴുന്നേൽക്കുന്നു ഇവിടുത്തെ ജോലികളിൽ മുഴുകുന്നു അച്ഛൻ ഇടയ്ക്കു ഓരോ കല്യാണ ആലോചനകള് പറഞ്ഞിട്ട് വരും ... ഒന്നിനും ചെവി കൊടുക്കാറില്ല ഒരിക്കലും അച്ഛൻ പറയുന്ന പോലെ ഒരു വാശി ഒന്നുമായിരുന്നില്ല ... എന്തോ കഴിഞ്ഞിരുന്നില്ല ..... പ്രണയം എന്നും ദത്തെട്ടനോടു മാത്രം .... ദത്തേട്ടൻ കല്യാണം കഴിച്ചിട്ടുണ്ടാവുമോ ... ചോദിച്ചപ്പോൾ അങ്ങനെ ഒരാളെ കണ്ടുകിട്ടിയില്ല എന്ന് മാത്രം പറഞ്ഞു ..... വെറുതെ പറഞ്ഞതായിരിക്കുമോ ?.ഒരു പാട് ചിന്തകൾ അരുണിമയുടെ മനസിലൂടെ കടന്നു പോയ് .... ഓർമ്മകളിലെവിടെയോ പ്രണയത്തിന്റെ തണുപ്പിറങ്ങി .... പതിനെട്ടു വർഷം മുമ്പുള്ള ഗ്രാമം അതി മനോഹരമായിരുന്നു.... എന്നും വൈകുന്നേരം അമ്പലത്തിലേക്ക് പോകുന്ന വഴിയിൽ കാത്തു നിൽക്കും ദത്തേട്ടൻ .കൈയിൽ രാമേട്ടന്റെ കടയിൽ നിന്നും വാങ്ങിയ തേൻ മിട്ടായി ....തനിക്കായി നീട്ടും.... പ്രണയത്തിന്റെ വേരുകൾ പടർന്നിറങ്ങിയ വഴികൾ .... കൈതകൾ പൂത്തു നിൽക്കുന്ന തോട്ടു വരമ്പുകൾ .... കൈവിരൽ തുമ്പു പോലും ഒന്ന് സ്പർശിക്കാതെ ആ കണ്ണിൽ നോക്കിയിരിക്കും ... പലപ്പോഴും തോന്നിയിട്ടുണ്ട് ആ മുഖം ഇങ്ങനെ കൈകുമ്പിളിലെടുത്തു ആ കവിളിൽ ഒന്ന് ചുംബിക്കാൻ ..... പേടിയായിരുന്നു ... പരസ്പരം എന്തെല്ലാം വാഗ്ദാനങ്ങൾ ... അന്ധത ബാധിച്ച ചില നിമിഷങ്ങൾ ...ആ കണ്ണുകളിലേക്കു നോക്കിയിരിക്കുമ്പോൾ വേറെ ഏതോ ഒരു ലോകത്തായിരുന്നു ... ."അരുണിമേ നിന്നെയും കൊണ്ട് ഈ ലോകത്തിന്റെ ഏതെങ്കിലും കോണിൽ ഓടിയൊളിക്കണം ആർക്കും കൊടുക്കാതെ ഇങ്ങനെ നെഞ്ചോടു ചേർത്ത് പിടിക്കണം .." ദത്തേട്ടൻ പറയുമായിരുന്നു ... ജീവിതത്തിൽ പലതും സംഭവിക്കുന്നത് യാദൃശ്ചികമായാണല്ലോ .... അച്ഛൻ തിരുമേനിയുടെ അസുഖത്തോടെ ... എല്ലാം കീഴ്മേൽ മറിഞ്ഞു ... പിന്നെ ദത്തേട്ടൻ തന്നെ ഒഴിവാക്കാൻ ശ്രമിക്കുന്നത് പോലെ തോന്നി നേരം ഏറെയായി ഇനി ഇങ്ങനെ ഇരുന്നാൽ നേരം വെളുക്കും ... അവൾ കിടക്കാനായി എഴുന്നേറ്റു ..... 🏆🏆🏆 മഹാദേവ ബിൽഡേഴ്‌സ്ന്റെ ഓഫീസിൽ ദത്തനിരിക്കുമ്പോൾ ഓഫീസ് സ്റ്റാഫ് രമ അങ്ങോട്ട് വന്നു "സർ ഒരു വിസിറ്റർ ഉണ്ട് വരാൻ പറയട്ടെ ". "യെസ് വരാൻ പറയു" ദത്തൻ ഫയലിൽ നിന്നും കണ്ണെടുത്തു കുറച്ചു സമയം കഴിഞ്ഞു ഡോർ തള്ളി തുറന്നു ഒരു യുവതി അകത്തേക്ക് വന്നു .... ദത്തൻ തല ഉയർത്തി നോക്കി ആദ്യം മനസിലായില്ല ഓർമ്മയിലെവിടെയോ കണ്ടുമറന്ന മുഖം പിന്നെ ഓർത്തെടുത്തു ഗൗരി......! "ഗൗരി നീ എന്താ ഇവിടെ "അയാൾക്കു അത്ഭുതം തോന്നി ... "എന്റെ ഹസ്ബന്റിന്റെ വീട് ഇവിടെ ആണ് " ഉത്സവത്തിന് പോയപ്പോൾ മനസിലായി ഇത് ചേട്ടന്റെ സ്ഥാപനമണെന്നു... അതാ ഒന്ന് കാണാമെന്നു വെച്ചത് " ഗൗരി ഇരിക്കു .. ...."അയാൾ അവളെ ക്ഷണിച്ചു . സുഖമാണോ ഗൗരി .... ഫാമിലിയൊക്കെ ?" സുഖമായിട്ടിരിക്കുന്നു ഹസ്ബന്റ് ഇവിടെ ഹെൽത്ത് ഡിപ്പാർട്മെന്റിൽ ജോലിചെയ്യുന്നു ഒരു മകൾ ടെൻ ത്തിൽ പഠിക്കുന്നു ....." അവളെ കണ്ടിരുന്നോ ". ഒരു നിമിഷത്തിനു ശേഷം അവൾ ചോദിച്ചു "ഉം..... കണ്ടു " സുഖായിട്ടിരിക്കുന്നു എന്ന് പറഞ്ഞു കൂടുതൽ ഒന്നും ചോദിച്ചില്ല കൂടെ മകളും ഉണ്ടായിരുന്നു ". "മകളോ ആരുടെ .... നിങ്ങളോടു പറഞ്ഞോ " അവളുടെ സ്വരത്തിൽ നീരസം ഉണ്ടായിരുന്നു ... എന്തെ അയാൾ മനസിലാവാതെ അവളെ നോക്കി "അവൾ ഇത് വരെ കല്യാണം കഴിച്ചിട്ടില്ല ...കിട്ടാഞ്ഞിട്ടല്ല .. അറിയാലോ ...നിങ്ങൾ ..........നിങ്ങൾ .മാത്രമാണ് അതിനു കാരണക്കാരൻ .... പണമുണ്ടാക്കാൻ ഓടി നടക്കുമ്പോൾ ഒരു പെണ്ണിന്റെ മനസ് കാണാതെ പോയ് ....നിങ്ങൾ അവളോട് ചെയ്തതു എത്ര വലിയ ക്രൂരത ആണെന്നു അറിയുമോ .... ഒരിക്കൽ പോലും അവൾ നിങ്ങളെ കുറ്റപ്പെടുത്തി സംസാരിക്കുന്നതു കണ്ടിട്ടില്ല ...എന്നോട് പോലും അവൾ മനസ് തുറന്നിട്ടില്ല .... ആരോടും ഒരു പരിഭവവും പരാതിയുമില്ല എല്ലാം ഒരു ചിരിയിലൊതുക്കും അരുണിമയെ പോലെ ഒരു പെണ്ണിനെ എന്റെ ലൈഫിൽ കണ്ടിട്ടില്ല ...." " ദത്തൻ തരിച്ചിരുന്നു പോയ് ...! അരുണിമ ഇതുവരെ വിവാഹം കഴിച്ചില്ലേ അതും താൻ കാരണം .... എല്ലാം മറന്നു ഒരു ജീവിതത്തിലേക്ക് പൊയ്ക്കോട്ടേ എന്ന് കരുതി ... തനിക്കു അതിനു ഒരിക്കലും കഴിയില്ല എന്നറിഞ്ഞിട്ടും "ഞാൻ അന്ന് അവളോട് പറഞ്ഞതാ നിങ്ങള് വേറെ കല്യാണം കഴിച്ചു സുഖമായി ജീവിക്കും എന്ന് അവള് മാത്രം ഒറ്റപെട്ടു ... നിങ്ങൾ ജീവിതം ആഘോഷിക്കുകയല്ലേ" അവളുടെ ശബ്ദം ഉയർന്നു എങ്കിലും സ്വരം ഇടറിയിരുന്നു അതെ ആഘോഷം ...അയാൾ ചിരിച്ചു...സൗമ്യമായി...വേദനയോടെ .... കണ്ണിൽ നനവ് പൊടിഞ്ഞിരുന്നു ....... 💐💐💐💐💐 കടമ്പ് ക്ഷേത്രത്തിനടുത്തുള്ള ആൽത്തറക്കടുത്ത് ദത്തൻ കാർ പാർക്ക് ചെയ്തു ... ആളുകൾ അധികമില്ല ഇന്ന് വിശേഷ ദിവസമൊന്നുമല്ല അതുകൊണ്ടായിരിക്കാം .. പുറത്തിറങ്ങിയില്ല ... അറിയുന്ന ആളുകൾ കണ്ടാൽ പിന്നെ വിശേഷം ചോദിക്കലാവും..... അരുണിമ അമ്പലത്തിലേക്ക് കയറി പോകുന്നത് കണ്ടു .. ഇന്നലെ ഗൗരി വന്നു പറഞ്ഞത് കേട്ടപ്പോൾ ഇന്ന് തന്നെ വന്നു കാണണമെന്ന് തോന്നി ... താൻ ചെയ്തു പോയത് തെറ്റിയായിപ്പോയില്ലേ ... പ്രണയിച്ചവളെ ചേർത്ത് നിർത്താൻ കഴിഞ്ഞില്ലെങ്കിൽ പ്രണയിക്കാൻ പോകരുതായിരുന്നു ... പക്ഷെ അന്ന് ചിന്തിച്ചിരുന്നത് അവൾ രക്ഷപെടട്ടെ എന്ന് മാത്രമായിരുന്നു... തന്റെ ദുരിതങ്ങളിലേക്കു അവളെ പോലെ ഒരു നല്ല കുട്ടിയെ ചേർത്ത് വെയ്ക്ക്യാൻ തോന്നിയില്ല ... കുറച്ചകലെ പടികളിറങ്ങിവരുന്ന അരുണിമയെ കണ്ടു അയാൾ ... എന്തൊരു അഴകാണ് ... പതിനെട്ടു വർഷം മുൻപ് കണ്ട അതുപോലെ തന്നെ ..... അയാൾ മിഴിയനക്കാതെ അവളെ തന്നെ നോക്കി നിന്നു .... തുടരും ❤️❤️ആന്റണി ❤️❤️