#🙏श्री गुरुदेव दत्त💐 होणे किंवा नष्ट होणे याला आपण हानी म्हणतो . हानी हि अनेक प्रकारची असू शकते . पैसा अडका यांचा नाश झाल्यास वित्त हानी ,कोणाच्या जीवाची इति झाल्यास जीवहानी ,शरीराला एखाद्या रोगाने ग्रासल्यास आरोग्यहानी . आनंदाची देखील हानी होऊ शकते बरं का ! या आनंदाच्या हानीला छोटेसे निमित्त पुरते . उदाहरणार्थ , नात्यातील कटुता आणि यामूळे मनाला आलेली निराशा म्हणजेच आनंदाची हानी ,लोकापवाद हि देखील हानीच आहे . कीर्तीची झालेली हानी म्हणजेच लोकापवाद . सर्व प्रकारची हानी पुन्हा भरून काढता येत असली तरी व्यर्थ गेलेले आयुष्य किंवा गेलेला काळ पुन्हा येत नाही . हि झालेली आयुष्याची हानी कळून येत नसली तरी याचे मोल सर्वात जास्त किंवा न मोजता येणारे आहे . जाणारा काळ हा नदीच्या पुराप्रमाणे अत्यंत वेगवान असल्याने कळून येत नाही . थोरल्या महाराजांनी दत्त माहात्म्यात याला म्हणूनच सरित्पूर म्हटलेले आहे . .पण मग या नकळत होणाऱ्या आयुष्याच्या हानीवर काही उपाय नाही का ?? दत्त महाराजांची सेवा , प्रार्थना हा एकमेव उपाय यावर आहे .या उपायाने आयुष्य परत जरी येत नसले तरी पुढील जन्मातील मानुष आयुष्याची आणि त्यातही दत्त महाराजांच्या सान्निध्याची शाश्वती अवश्य मिळते . त्रिशति गुरुचरित्र दत्त काव्यातील पहिल्या शतकात सुरेख वर्णन आहे . अंबामाता गर्भवती होती आणि तिच्या मुखातून वैराग्यपूर्ण वचने ऐकू येत होती . (क्षणलव चपलं किलायुरेषा ll ( प्रथम शतक श्लोक ८४) ---- अहो आयुष्य अत्यंत क्षणभंगुर आहे ) वैराग्याचा राजा गर्भस्थ असताना हे बोल स्वाभाविक आहेत . महाराज मौंजीबंधनानंतर काशीला निघताना आपल्या मातेला म्हणाले ,हा संसार नाशिवंत ,मिथ्या ,असार आणि तरण्यास अशक्य असा आहे . (त्रिशति १/९२) दत्त माहात्म्यात विष्णुदत्ताच्या सात गाथात दत्त महाराज म्हणतात ,कर्माची गती गहन l दुर्लभ हे नरजनन l सर्वेंद्रिय निधान l पुण्यवंता मिळे क्वचित ll पण मग असा जन्म मूल्यवान असताना सध्या व्यर्थ काळ गमावणे कितपत योग्य आहे त्याचा अवश्य विचार करावा , सेवेकरी दत्त महाराजांचे व्हा ! श्रीगुरुदेव दत्त !!!--- अभय आचार्य