പ്രസവവേദന തുടങ്ങിയത് ഒട്ടും വിചാരിക്കാത്ത നേരത്താണ് .. ഹോസ്റ്റലിന്റെ ഡോർ ഉള്ളിൽ നിന്നും പൂട്ടി അവൾ ബാത്ത് റൂമിലേക്ക് നടന്നു . അടിവയറ്റിൽ നിന്നും തുടങ്ങിയ വേദന വ്യാപിച്ച് അവളുടെ ജീവന് വിലപറഞ്ഞു കൊണ്ടിരുന്നു . അടിവസ്ത്രങ്ങളൂരി കട്ടിലിലേക്കെറിഞ്ഞു , നെഞ്ചിടിപ്പ് പതിവിലും കൂടി .. ഇടവിട്ട് ഇടവിട്ട് വേദനയുടെ കാഠിന്യം അവളുടെ കണ്ണുകളിൽ ഇരുട്ടു പരത്തി ... ബക്കറ്റ് പൈപ്പിനു താഴോട്ട് വെച്ച് വെള്ളം തുറന്നിട്ടു. വേദന കൊണ്ട് മുറുകി പിടിക്കാൻ അടുത്തവൾ പലതും തപ്പി നോക്കി . ക്ലോസറ്റിനു പുറത്ത് ചാരി അവൾ കാലുകളകത്തിവെച്ചു . യൂ ടൂബിലും ,ഗുഗിളിലും തിരഞ്ഞ അറിവു മാത്രമേ അവൾക്ക് പ്രസവത്തിനെ കുറിച്ചുള്ളു . അടക്കിപിടിച്ച പല നിലവിളികളും പുറത്തേക്ക് വന്നപ്പോൾ ബാത്ത് റൂമിലെ അയയിൽ കിടന്നതോർത്തെടുത്ത് വായയിൽ തിരുകി ... ശ്വാസം എവിടെയോ തടഞ്ഞ പോലെ ,,ബാത്ത് റുമിലെ നിലത്ത് വെള്ളത്തിനോട് ചേർന്ന് ചോര പടർന്നു തുടങ്ങി .. ഉറക്കെയൊന്ന് കരയാൻ അവളുടെ തൊണ്ട ആവേശം കൊണ്ടു .. പെട്ടെന്നാണ് ഡോറിൽ ആരോ മുട്ടിയത് അവളൊന്നു ഞെട്ടി .. എന്തു ചെയ്യണമെന്നറിയാതെ അവൾ തുടകളിൽ അമർത്തിപ്പിടിച്ചു . വീണ്ടും ആരോ വാതിലിൽ മുട്ടി കൊണ്ടിരുന്നു എഴുന്നേൽക്കുക എന്നത് അസാദ്യമാണ് .പതിയെ അവൾ നിരങ്ങി ,രക്തം നിലത്ത് വരപോലെ പടർന്നുകൊണ്ടിരുന്നു . 'ആരാ ' ഡീ ,,, ഞാനാ സുമ വാതില് തുറക്ക് എഡീ .. ഞാൻ പുറംവേദനയായിട്ട് മരുന്നു പുരട്ടി കിടക്കാണ് അതിനെന്താ തറക്ക് ശ്ശോ ഞാൻ തുണിയുടുത്തിട്ടില്ല .. എങ്കിൽ നീ വേദന കുറഞ്ഞാ മുറിയിലോട്ട് വാ നീ പൊക്കോ ... ഞാൻ വരാം ... കുറച്ച് നേരം കിടക്കട്ടെ .. സുമയുടെ കാലടി പുറത്തു നീങ്ങുന്നവരെ അവൾ കൈക്കൊണ്ട് വായ പൊത്തി .. മേശക്കരികോട് ചേർന്നിരിക്കുന്ന കത്രിക എടുത്തു ... മുറി മുഴുവൻ ചോരയാണ് .. അവളുടെ കൈകൾ വിറക്കുന്നുണ്ടായിരുന്നു .. വീണ്ടും ഇഴഞ്ഞ് ക്ലോസ്സറ്റിനടുത്തെത്തി .. കൈ കൊണ്ട് പതിയെ തൊട്ട് നോക്കി ,,, ഇനി എന്തു ചെയ്യണം എന്ന് അവൾക്കറിയില്ലായിരുന്നു .. അവൾ പല്ലുകൾ കടിച്ച് പിടിച്ച് ബലമായി മുക്കി ..ഒരു പുഴയെന്ന പോലെ അവളുടെ ചുറ്റും വെള്ളം നിറഞ്ഞു ഒരു തല പതിയെ പുറത്തു വരുകയും തിരികെത്തന്നെ പോവുകയും ചെയ്തു ... വിശർപ്പ് അവളെ നനച്ചു കൊണ്ടിരുന്നു ... ആരെങ്കിലും അറിഞ്ഞാൽ .....? ഒരു തുണിക്കടയിലെ സെയിൽസ് ഗേളായിരുന്നു അവൾ ,പേര് ധന്യ, അവൾക്ക് താഴെ രണ്ട് അനിയത്തിമാർ , .... ഒട്ടും സാമ്പത്തികമുള്ള കുടുംബമായിരുന്നില്ല അവരുടെത് ... കുടിയനായ അച്ഛൻ തരുന്ന മിച്ചം കൊണ്ടായിരുന്നു അവരുടെ ജീവിതം , പെണ്ണുങ്ങൾ പഠിക്കാൻ പോകുന്നതോ പണിക്കു പോകുന്നതോ അയാൾക്കിഷ്ടമുണ്ടായിരുന്നില്ല .. ആ വീടിനപ്പുറം അയാളുടെ ഭാര്യയോ മക്കളോ ലോകം കണ്ടിരുന്നില്ല .അതുകൊണ്ടുത്തന്നെ അച്ഛന്റെ മരണത്തോടെ അവർ പകച്ചുപോയി .. പിന്നീട് ഒരു നെട്ടോട്ടമായിരുന്നു അങ്ങനെയാണ് അത്യാവശ്യം വലിയ തുണിക്കടയിൽ സെയിൽസ്ട്രൈയ്നിയായി ജോലി കിട്ടിയത്. അവളെ കണ്ടപ്പോൾ തൊട്ട് പ്രകാശിന് അവളെ ഇഷ്ടമാണ് . ആ നാട്ടിലെ ഒരു രാഷ്ട്രീയ പ്രവർത്തകനാണവൻ ... നാട്ടിലെ എന്തിനും ഏതിനും ഓടിയെത്തുന്നവൻ ,അവന്റെ മനസ്സിലുള്ള പെണ്ണായിരുന്നു അവൾ .പതിയെ പതിയെ അവളും അവനോടടുത്തു . ഒരിക്കലും ആരും അവളെ ഇത്ര സ്നേഹിച്ചട്ടില്ല .. പേടിയുണ്ടെങ്കിലും അവൻ സ്നേഹത്തോടെ വിളിക്കുമ്പോൾ അവൾക്കത് നിരസിക്കാൻ കഴിഞ്ഞില്ല ... എപ്പോഴൊക്കെയോ അവൾ അവന്റെതായി മാറി , ഒരാളെങ്കിലും രക്ഷപ്പെടുന്നതിന് അമ്മക്കും എതിർപ്പില്ലായിരുന്നു .. പിന്നീട് നിറമുള്ള ദിവസങ്ങളെ അവർ സ്വപ്നം കണ്ടു . അന്നൊരു ഞായറാഴ്ചയായിരുന്നു .... കടയിൽ പോവാത്തതിനാൽ ഉറങ്ങുന്നതിനിടയിൽ പാലു വാങ്ങാൻ പോയ അനിയത്തി തിരികെ ഓടി വന്നു ... ചേച്ചീ എന്താടി ചേച്ചി പ്രകാശേട്ടന് വിളിക്ക് എന്തെ ചേച്ചി ... ചേട്ടനെ ആരോക്കെയോ ചേർന്ന് മാർക്കറ്റിലിട്ട് വെട്ടീന്ന് അവൾക്ക് അത് കേൾക്കാൻ കൂടി കഴിഞ്ഞില്ല ... തളർന്ന് കട്ടിലിലിരുന്നു ... വിളിച്ചാൽ ആ ഫോണിനപ്പുറം എന്താടി എന്ന വിളി കേട്ടില്ലെങ്കിലോ ? അന്നു രാത്രി അവൻ പോയി ...... ഒരു മരവിപ്പായിരുന്നു അവൾക്ക് .... എങ്കിലും കുടുംബം പട്ടിണി കിടക്കാതിരിക്കാൻ അവൾ ജോലിക്ക് പോയി .... പുറത്തായിട്ട് മൂന്നു മാസായി ... എന്തോ അവൾക്ക് പേടി തോന്നി ...... ആ പേടിയെ ശരിവെച്ച് അവളുടെ ശരീരം അമ്മയാകാനൊരുങ്ങി ... എ ടി മൂദേവി .... ഇതിനിടക്ക് ഇതും ഒപ്പിച്ചോ താഴെയുള്ളവരെ എന്ത് ചെയ്യും ഇനി .... ഈ തന്തയില്ലാത്ത കുട്ടിയെയും കൊണ്ട് ഈ നാട്ടിൽ നിന്നാൽ പറ്റ്വോ ? കടയിലെ ഒരു സെയിൽസ് ഗേൾവഴി അവൾ മറ്റൊരു ജില്ലയിലേക്ക് ജോലിക്കായി പോയി ... അനിയത്തിമാരോ കൂടെയുള്ളവരോ ഇതറിഞ്ഞില്ല ... എല്ലാമാസവും അവൾ വീട്ടിലേക്ക് മടങ്ങാതെ കാശയച്ചു .... നാട്ടിൽ പോവാതെ ദിവസങ്ങൾ നീക്കി ..... അതിനിടയിൽ ദിവസമടുക്കും മുൻപ് അവൾ പ്രസവവേദനയാൽ പുളഞ്ഞു തുടങ്ങി . കൈകൾ മുറുക്കി അവൾ ശക്തിയായി മുക്കി ... ഇടക്കിടെ പ്രകാശിന്റെ മുഖം മനസ്സിലൂടെ മിന്നി ... തൊണ്ടയിൽ ശ്വാസം പിടിച്ച് വായയിലെ തുണി ഉറക്കെ കിടിച്ച്, കണ്ണുകളടച്ച് അവളുറത്തെ മുക്കി ... ഒരു നീണ്ട കരച്ചിലൂടെ കുഞ്ഞ് പുറത്തു വന്നു , കുഞ്ഞിനെ വാരിയെടുത്ത് അവൾ പൊക്കിക്കൊടി മുറിച്ചുനീക്കി .... രക്തം ഒഴുകി പരന്നിരിക്കുന്നു ..... അവൻ തന്ന സ്വപ്നങ്ങളൊക്കെ ഓർമ്മയായിട്ടും ബാക്കി വന്ന ഒന്നിനെ അവർ നെഞ്ചോട് ചേർത്തു .... ഇന്നലെ കൂടി അവൾ വായിച്ചതാണ് ഒരു കുഞ്ഞിനെ കൊന്ന കഥ ... ഹോസ്റ്റൽ മുഴുവൻ കുഞ്ഞിന്റെ കരച്ചിൽ മുഴങ്ങി ... ഓരോ മുറിയുടെ വാതിലിലും മുട്ടുകൾ കേട്ടു തുടങ്ങി ... ഇല്ല , അമ്മ നിന്നെ ഇല്ലാതാക്കില്ല .... അവൾ കുഞ്ഞിനെ മാറോടണച്ചു ... അപരിചിതമായ ലോകത്ത് കണ്ണുകൾ തുറന്ന് അവൻ അമ്മയെ നോക്കി ... #📔 കഥ #📙 നോവൽ