മഴമേഘങ്ങൾ ഭാഗം 03 കിച്ചു ഏട്ടൻ ……! ഇങ്ങനെ ഒരിഷ്ടം ..... സേതു മാഷേ എന്ന് കോളേജിൽ വിളിക്കുമ്പോഴും അനുവിനെ പോലെ തന്നെ എനിക്കും കിച്ചുവേട്ടനായിരുന്നു ..സേതുമാഷ് .. കിച്ചുവേട്ടന് ഇങ്ങനെ ഒരു ഇഷ്ടം ഉണ്ടായിരുന്നത് അറിഞ്ഞില്ല ... അദ്ദേഹത്തിന്റെ ഭാഗത്തു നിന്ന് അങ്ങനെ ഒന്നും ഉണ്ടായതുമില്ല ... അനുവിനെ ശാസിക്കുന്നതു പോലെ തന്നെയും ശാസിക്കുമായിരുന്നു ... പഠിക്കാൻ നിർബന്ധിക്കുമായിരുന്നു ... ഒരു മുതിർന്ന ചേട്ടനെ പോലെ തന്നെ ഓർമ്മ വെച്ചനാൾ മുതൽ കിച്ചുവേട്ടനെയും അനുവിനെയും അറിയാം ... ഏഴാം ക്ലാസ് വരെ അമ്മേടെ വീട്ടിൽ നിന്നാണ് പഠിച്ചത് ... അവിടെ ആണ് അവരുടെ വീട് അനുവിനെ ഒരു കൈയിൽ ചേർത്ത് പിടിക്കുമ്പോൾ തന്നെയും മറു കൈയിൽ ചേർത്ത് പിടിച്ചിരുന്നു ... അനു പറയുമായിരുന്നു ... കിച്ചു ഏട്ടന് എന്നെക്കാൾ ഇഷ്ടം വന്ദനയെയാ .എന്ന് ...അറിയാതെ പോയാരു ഇഷ്ടം .... അറിയാൻ ഏറെ വൈകിയതും .... വൈകിട്ട് ക്ലാസ് കഴിഞ്ഞു ഇറങ്ങിയപ്പോൾ റീത്തയും സമീറയും എന്തെല്ലാമോ തമാശകൾ പറഞ്ഞു ചിരിക്കുമ്പോഴും വന്ദന വേറെ എവിടേയോ ആയിരുന്നു ... ഒരു മാന്ത്രിക ശബ്ദമാണ് കിച്ചു ഏട്ടന് ....ഹിസ്റ്ററീടെ പീരിയഡ്‌സ് ആരും കട്ട് ചെയ്യാറില്ല .... കിച്ചു ഏട്ടനെ കേട്ടിരിക്കാൻ മറ്റുള്ളവർക്ക് എന്ന പോലെ തനിക്കും വലിയ ഇഷ്ടമായിരുന്നു.... ബസിൽ ഇരിക്കുമ്പോഴും വന്ദന ഒന്നും മിണ്ടിയില്ല " നിനക്ക് എന്ത് പറ്റിയെടി " റീത്ത ചോദിച്ചു ... "ഒന്നുമില്ലെടി ചെറിയ തലവേദന " എന്ന് പറഞ്ഞു ഒഴിഞ്ഞു അവൾ .... വീട്ടിലെത്തി കാപ്പി കുടിച്ചു റൂമിൽ പോയ് കിടന്നു.... ചിലരുടെ അപ്രതീക്ഷിതമായ വാക്കുകൾ നമ്മളിൽ തീർക്കുന്നത് വലിയ ആഘാതമായിരിക്കും ...കിച്ചു ഏട്ടന്റെ സൗമ്യ മുഖം ഓർമ്മകളിൽ നിറയുന്നു .... എല്ലാം കൊണ്ടും അറിയുന്ന ഒരാൾ... ഇന്നലെ വരെ സ്വന്തം ചേട്ടനെ പോലെയേ കണ്ടിട്ടുള്ളു .... ഇന്ന് ....! ശോഭന അവളുടെ റൂമിലേക്ക് വന്നു "എന്താ മോളെ സുഖമില്ലേ വന്ന പാടെ കേറി കിടക്കുന്നു " അവർ അവളുടെ നെറ്റിയിൽ തൊട്ട് നോക്കി ... "ഒന്നൂല്ല്യ അമ്മെ ചെറിയ തലവേദന "വെയിലത്തു നടന്നത് കൊണ്ട് ആയിരിക്കും നീ കുറച്ചു കിടക്ക് " ശോഭന പുറത്തേക്കു ഇറങ്ങുന്നതിനിടയിൽ അവളോട് പറഞ്ഞു "മോളെ ഹരിയുടെ വീട്ടീന്ന് വിളിച്ചിരുന്നു ... അവർക്കു സമ്മതമാണ് ഞങ്ങൾ ഡേറ്റ് കണ്ടിരിക്കുന്നു ... .."എന്ത് പറയണമെന്നറിയാതെ അവൾ അമ്മയെ തന്നെ നോക്കി കിടന്നു ♥️♥️♥️♥️♥️♥️♥️ അന്ന് സൺ‌ഡേ ആയിരുന്നു വന്ദന ഇന്നലെ ക്ലാസ് കഴിഞ്ഞു നേരെ അമ്മ വീട്ടിലേക്കു വന്നതാണ് അവിടെ അമ്മൂമ്മ സുലോചനഅമ്മയും മാമൻ ഗോപീകൃഷ്ണനും മാമി രേഖയും മകൻ രോഹനുമാണുള്ളത് ... ശനിയാഴ്ച ക്ലാസ് കഴിഞ്ഞാൽ ചിലപ്പോൾ വന്ദന അവിടെ പോയ് താമസിക്കാറുണ്ട് .... അമ്മൂമ്മ ഇടയ്ക്കു തന്നെ കാണണമെന്ന് പറയും .... ഗോപി മാമനും വലിയ വാത്സല്യമാണ് .... "മാമി ഞാൻ അനുവിനെ ഒന്ന് കണ്ടിട്ട് വരാം "വന്ദന രേഖയോട് പറഞ്ഞു ഇറങ്ങി രണ്ടു വീട് അപ്പുറമാണ് അവളുടെ വീട് .... അവൾ ചെന്നപ്പോൾ സേതു ഇല്ലായിരുന്നു അമ്മ സുഭദ്രയും അനുവും മാത്രം അമ്മക്ക് വലിയ സ്നേഹമാണ് തന്നോട് ..അച്ഛൻ രാമകൃഷ്ണനും അവിടെ ഉണ്ടായിരുന്നില്ല ..... ചോദിച്ചപ്പോൾ രണ്ടുപേരും ഒരു കല്യാണത്തിന് പോയതാണെന്ന് പറഞ്ഞു വന്ദനയെ കണ്ടപ്പോൾ അനു ഓടിവന്നു ..... നീ എന്താടി ഇത്ര രാവിലെ പതിവില്ലാതെ " അനു വന്ദനയെ നോക്കി . .."ഒന്നൂല്ല്യ ....വാ നമ്മക്ക് ഒന്ന് നടക്കാൻ പോവാം ..." അനു അവളുടെ കൂടെ ഇറങ്ങി അവർ പഠിച്ച സ്കൂളിന്റെ ഗ്രൗണ്ടിലൂടെ...മുട്ടായിമാമന്റെ പെട്ടിക്കടയും കടന്നു ... മുള്ളുകായകൾ പറിച്ചു തിന്ന ....നീല കൊടുവേലിയും കൂവളവും നിറഞ്ഞ പറമ്പിനു നടുവിലൂടെ ..... അമ്മേടെ വീട്ടിൽ വരുമ്പോൾ ഇവിടെ കൂടെ കളിയ്ക്കാൻ കിച്ചു ഏട്ടനും അനുവും ഉണ്ടാവും ... എന്ത് രസമായിരുന്നു അന്നൊക്കെ വന്ദന ഓർത്തു … തിരിച്ചു കിട്ടാത്ത ബാല്യത്തിന്റെ നിറമുള്ള ഓർമ്മകൾ പെയ്തു കൊണ്ടേ ഇരിക്കും ...."നിന്റെ കല്ല്യാണം തീരുമാനമായല്ലേ " അനു അവളെ നോക്കി "ഉം " അവൾ മൂളി ..."സേതുവേട്ടൻ എന്തെങ്കിലും പറഞ്ഞിരുന്നോ നിന്നോട് " "സേതുവേട്ടന് ഇങ്ങനെ ഒരു ഇഷ്ടം ഉണ്ടായിരുന്നത് എനിക്ക് അറിയില്ലായിരുന്നു അനു അല്ലെങ്കിൽ ഞാൻ .... .."അവൾ മുഴുവനായി പറഞ്ഞില്ല "എനിക്ക് പലപ്പോഴും തോന്നിയിരുന്നു വന്ദനെ ...ഏട്ടന്റെ റൂമിൽ ,ബുക്കിൽ എവിടേയോ ഞാൻ നിന്റെ ഫോട്ടോസ് കണ്ടിട്ടുണ്ട് ..... പക്ഷെ ഏട്ടന് ജോലി ഇല്ലാത്തതു കൊണ്ട് പറയാൻ മടി ആയിരുന്നു പാരലൽ കോളേജിൽ പഠിപ്പിച്ചു തുടങ്ങിയിട്ട് അല്ലെ ഉള്ളു ... പല ജോലിക്കും ശ്രമിക്കുന്നുണ്ട് ... നിന്റെ വീട്ടു കാർക്ക് അത് ഇഷ്ടാവില്ല ... ഞാനും നീ എന്റെ വീട്ടിൽ വരണമെന്ന് ആഗ്രഹിച്ചിരുന്നു ... വന്ദന അവളെ നോക്കി ... അനുവിന്റെ കണ്ണുകൾ ഈറനായിരുന്നു .. ..”സാരമില്ല നമ്മൾ ആഗ്രഹിച്ചത് എല്ലാം നടക്കില്ലല്ലോ അല്ലെ വന്ദനെ “ അവളോട് എന്ത് പറയണമെന്ന് വന്ദനക്കു അറിയില്ലായിരുന്നു ..... തിരിച്ചു വീട്ടിലെ ത്തുമ്പോൾ അവിടെ സേതുവും രാമകൃഷ്ണനും ഉണ്ടായിരുന്നു .. .. "വീട്ടിലെല്ലാവരും സുഖമായിരിക്കുന്നോ മോളേ "കണ്ട ഉടനെ രാമകൃഷ്ണൻ ചോദിച്ചു .. .."സുഖമായിട്ടിരിക്കുന്നു"വന്ദന അയാളെ നോക്കി ഒന്നു ചിരിച്ചു സേതു കിണറിനടുത്ത് നിൽപ്പുണ്ടായിരുന്നു .... "കിച്ചുവേട്ടാ "വന്ദന അങ്ങോട്ടു ചെന്നു "എന്താ വന്ദന ഇന്നലെ ഇങ്ങോട്ട് വന്നോ ....ഇപ്പോൾ ക്ലാസിലൊക്കെ ഉഴപ്പാണല്ലോ " അവൾ ഒന്നും മിണ്ടിയില്ല .. മറ്റു ഉള്ളവരുടെ തലയിൽ ബോംബ് വെച്ച് പൊട്ടിച്ചിട്ടു പറയുവാ ഉഴപ്പാണെന്ന് .... ദേഷ്യം തോന്നി ... . ”പിന്നെ ഞാൻ പറഞ്ഞത് താൻ കാര്യമായി എടുക്കേണ്ട ….ആരും അറിയുകേം വേണ്ട ..... നടപ്പില്ലാത്ത കാര്യങ്ങൾക്കു പിറകെ പോകണ്ട മനസ്സിലായോ എക്സാം അടുത്തില്ലേ ഇങ്ങനെ കറങ്ങി നടക്കാതെ പോയ് പഠിക്ക് " "ഓഹ് സേതു മാഷെ ബാധ കേറി ... ഇനി ഇവിടെ നിൽക്കണ്ട " വന്ദന സേതുവിനെ തറപ്പിച്ചു ഒന്ന് നോക്കി കൊണ്ട് അവിടെ നിന്നും അടുക്കളയിലേക്കു പോയ് ...ചായ കുടിച്ചു വന്ദന അവിടെ നിന്നും ഇറങ്ങി .... "നീ എവിടെ പോയ് കിടക്കുവാരുന്നു മോളെ ഒന്നും കഴിക്കണ്ടേ " സുലോചനയമ്മ അവളെ കാത്തിരുന്നു മടുത്തിരുന്നു ...ഉച്ചക്ക് എല്ലാവരും കൂടി ഊണ് കഴിച്ചു ... രോഹൻ രണ്ടാം ക്ലാസ്സിൽ പഠിക്കുന്നു രേഖക്ക്‌ ജോലി ഒന്നുമില്ല ഗോപികൃഷ്ണന് ഒരു സ്റ്റേഷനറി കടയുണ്ട് ... ഊണ് കഴിക്കാൻ ഉച്ചക്ക് വീട്ടിൽ വരും ...ഊണ് കഴിഞ്ഞപ്പോൾ വന്ദനയും ഗോപികൃഷ്ണന്റെ കൂടെ സ്കൂട്ടറിൽ കയറി .... ബസ് സ്റ്റോപ്പിലിറങ്ങി .... വീട്ടിലെത്തുമ്പോൾ ശോഭന ദേഷ്യത്തിലായിരുന്നു ... "നിനക്ക് കുറച്ചു നേരെത്തെ വന്നൂടെ .....നിന്റേതു അലക്കാൻ എത്ര കിടക്കുന്നു പിന്നെ എക്സാം അടുത്ത് ഇങ്ങനെ ചുറ്റി നടന്നാല് എങ്ങിനെയാ അച്ഛൻ അറിയണ്ട "വന്ദന വീട്ടിലോട്ടു കയറി അലക്കാനുള്ളതെല്ലാം എടുത്തു പുറത്തേക്കു വരുമ്പോൾ അച്ഛൻ വരുന്നു .... "കല്ല്യാണത്തിനു തിയ്യതി കുറിച്ച് തന്നിരിക്കുന്നു ജോത്സ്യൻ വരുന്ന ചിങ്ങം പന്ത്രണ്ടിന് .... എന്ന്‌ വെച്ച കഷ്ടി ഒരു മാസം....അവൾ അമ്പരപ്പോടെ അച്ഛനെ നോക്കി തുടരും രചന :: 🌹🌹🌹ആന്റണി 🌹🌹🌹 #📝 ഞാൻ എഴുതിയ വരികൾ #💞 പ്രണയകഥകൾ #📙 നോവൽ #📔 കഥ