भगवंताने कृपा करावी म्हणजे नेमके काय करावे? तर आपल्या जवळ सर्व सुखसोयी असाव्यात, धन मुबलक प्रमाणात उपलब्ध असावे. मनात जी इच्छा असेल ती ओठांवर येण्यापुर्वी पुर्ण व्हावी. सर्वांनी मला मान द्यावा, माझेच ऐकावे असे असले तर भगवंत आपल्यावर प्रसन्न आहेत असे समजावे का? बरं असं जर सगळं असेल तर देव, गुरु हे वरील सर्व गोष्टी मध्ये कुठे गणल्या जातात. उलट या सर्व गोष्टी मर्जीत आल्या तर तो भगवंत नक्की दुर जाईल पहा. कृपा नेमकी कशी होते मग, आहे ना विचार करण्यासारखी गोष्ट ! मुळात आपली विचारसरणीच बदलत आहे. मायेत गुंतुण बसलो आहोत. हे माझा तो माझा यात एवढो अडकून आहोत की जो खरंच माझा आहे त्यालाच विसरत आहोत. कृपा झाली म्हणजे काय तर माझ्या मुखात नेहमी त्यांचे नाव असावे. मी जे काही काम करत असेल तेव्हा अगोदर त्यांचे स्मरण व्हावे. अडचणीच्या वेळी तो पाठीमागं भक्कमपणे आहे असा विश्र्वास असावा तर सुखात तो माझ्या समोर असावा. माझे चित्त अखंड त्या चरणी लागलेलं असावे उघड्या डोळ्यांसमोर तो तर आहेच पण डोळे मिटल्यावर ही त्याचेच पद्मकमळ समोर दिसावेत. यालाच तर कृपा म्हणावी ना! श्री दत्तगुरु 🙏 लेखन - © रमण #🙏श्री गुरुदेव दत्त💐