#📝 ഞാൻ എഴുതിയ വരികൾ #📙 നോവൽ #📔 കഥ #✍ നാടോടിക്കഥകൾ # ഭാഗം 45 ## കണ്ണുകളിൽ ഇരുട്ട് മൂടി... ശരീരം തളരുന്ന പോലെ... എന്തോ തനിക്ക് സംഭവിച്ചു എന്ന് തിരിച്ചറിയും മുൻപ് ഗാർഗി അബോധാവസ്ഥയിലേക്ക് വഴുതിവീണു... അതിനിടയിൽ കണ്ണുകൾ ആയാസപ്പെട്ടു തുറന്ന് നോക്കവേ.. നീലിമയുടെ അതേ രൂപത്തിൽ മറ്റൊരാൾ കൂടി ആർത്തട്ടഹസിച്ചു തനിക്ക് ചുറ്റും നൃത്തമാടുന്ന പോലെ തോന്നി അവൾക്ക്.. ക്രമേണ ചലനം നിലച്ചു അവളുടെ ശരീരം... കാൽ പാദത്തിന് മുകളിലായി മുറിവിൽ നിന്ന് രക്തം വാർന്നോഴുകാൻ തുടങ്ങി... വെയിൽ നാളങ്ങൾ സർപ്പാക്കാവിനുള്ളിൽ എത്തിനോക്കാൻ മടിച്ചു നിൽക്കവേ മഞ്ചാടി മരങ്ങൾക്ക് താഴെ നിഴലുകൾ നൃത്തമാടി വന്യമായൊരു താളത്തിൽ.... ******** മാലാതി ടീച്ചർ നൽകിയ ഡയറി മറിച്ചു നോക്കവേ മുകുന്ദന് ഉള്ളിൽ അത്ഭുതം തോന്നി.... മുഖമുയർത്തി അവരെ ശ്രദ്ധിക്കുന്നതിനിടയിലും അയാളുടെ ചിന്തകൾ മറ്റേതോ ലോകത്തായിരുന്നു... പോറ്റി സാറിന്റെ മരണത്തിനു ശേഷം ആദ്യമായ് ആണ് അവരെ കാണുത്... അതും അവരുടെ ആവശ്യ പ്രകാരം...ഇത്രയും ദൂരെ... മകന്റെ വീട്ടിൽ.... ഈ യാത്ര അത്രയും രഹസ്യമാക്കിവച്ചതും മനഃപൂർവം ആയിരുന്നു... ആരോടും പറഞ്ഞിരുന്നില്ല.. ഗാർഗിക്ക് സംഭവിച്ച അപകടം പോലും മുകുന്ദൻ അറിഞ്ഞില്ല... അന്ന് അവസാനമായി ഭദ്രയെ പുഴക്കരയിൽ കണ്ടതിൽ പിന്നെയാണ് ഈ യൊരു യാത്ര വേണ്ടി വന്നത്... ഒരിക്കലും മാപ്പ് അർഹിക്കാത്ത കുറ്റമാണ് എന്റെ ആൾ ചെയ്തത്... എന്നാലും ഒരു പക്ഷേ ഇങ്ങനെയൊക്കെ ആകുമെന്ന് അറിയില്ലായിരുന്നിരിക്കാം അയാൾക്കും... മാലാതി ടീച്ചർ പറഞ്ഞു തുടങ്ങി... ഞാൻ ഇതൊന്നും ആരോടും വെളിപ്പെടുത്തില്ലായിരുന്നു... അമിതയെ കണ്ടില്ലായിരുന്നു എങ്കിൽ... ആ കുട്ടിയാണ് മുകുന്ദൻ ആരെന്ന് എന്നോട് പറഞ്ഞത്... ആദ്യം വിശ്വസിച്ചില്ല.. ഒരു എഴുത്തു കാരന് അപ്പുറം മുകുന്ദൻ ഒരു വലിയ അന്നെഷണഏജൻസിയുടെ ആളാണെന്നു... അത് ഞങ്ങളുടെ ജോലിയുടെ ഭാഗമാണ്... അമിതയ്ക്ക് പോലും ഈ അടുത്ത കാലത്താണ് അത് അറിയാൻ കഴിഞ്ഞത്... എന്റെ അന്നെഷണം അവസാന ഘട്ടത്തിൽ ആണ്... ഈ കിട്ടിയ വിവരങ്ങൾ വളരെ വിലപ്പെട്ടതും... എങ്ങനെ നന്ദി പറയണമെന്ന് അറിയില്ല ടീച്ചരോട്... ഒരു പക്ഷേ കുറച്ചു കൂടി മുൻപ് കിട്ടിയിരുന്നെങ്കിൽ പോറ്റി സാറിന്റെ... മുഴുമിക്കാൻ കഴിയും മുൻപ് ടീച്ചറുടെ ഫോൺ ശബ്‌ദിച്ച.... അതുമായി അകത്തേക്ക് നടക്കവേ അവർ ഇത്രയും പറഞ്ഞുപിൻ തിരിഞ്ഞ് നടന്നു... ഇത് വിധിയാണ്... അതിലും അപ്പുറം സ്വയം ഇരന്നു വാങ്ങിയ വിധി... അങ്ങനെ പറയുന്നതാവും ശരി... ജാലകത്തിലൂടെ അകത്തേക്കൊഴുകി എത്തിയ കാറ്റിനു ഇലഞ്ഞി പൂക്കളുടെ മണമായിരിന്നു.. കാത്തിരിക്കുന്ന നടുക്കുന്ന മറ്റൊരു വിവരം അറിയാതെ മുകുന്ദൻ പുറത്തേക്കിറങ്ങി..... (തുടരും)