#📝 ഞാൻ എഴുതിയ വരികൾ #📙 നോവൽ #📔 കഥ #✍ നാടോടിക്കഥകൾ ## ഭാഗം 44 # ഓർമ്മകൾക്ക് തീ പിടിച്ച നിമിഷങ്ങൾ എങ്ങനെ തരണം ചെയ്യണമെന്ന് അറിയാതെ ഉഴറുകയായിരുന്നു ഉമ... ഗാർഗിയെ ഇല്ലാതാക്കണം എന്ന് ചിന്തിച്ചു തന്നെയാണ് തിരികെ എത്തിയത്... അതിനു കാരണം മുകുന്ദനുമായുള്ള അവളുടെ ഒത്തു ചേരൽ മാത്രമല്ല കാരണം... തന്റെ രഹസ്യങ്ങൾ പലതും അവൾ മനസ്സിലാക്കി തുടങ്ങിയിരിക്കുന്നു എന്ന thirichariv വൈകിയാണ് മനസ്സിലാക്കിയത്.. പക്ഷേ കാവിനുള്ളിൽ താൻ എത്തുന്നതിനു തൊട്ട് മുൻപ് ആരോ ആ കൃത്യം നടത്തി മടങ്ങി... ആരാണത്...? എത്ര ചിന്തിച്ചിട്ടും മനസ്സിലാകുന്നില്ല... താൻ എത്തുമ്പോ ജീവനില്ലാത്ത ഗാർഗിയുടെ ശരീരം കരിയിലകൾക്ക് മുകളിൽ കിടപ്പുണ്ട്... വല്ലാത്തൊരു കാഴ്ചയായിരുന്നു... കൂടപ്പിറപ്പിനെ പോലെ കൊണ്ട് നടന്നതാണ്... ഒരിക്കൽ പോലും അവളെ മറ്റൊരു രീതിയിൽ കണ്ടിട്ടില്ല... പക്ഷേ താൻ സ്വന്തമാക്കാൻ ആഗ്രഹിച്ച മുകുന്ദനെ അവൾ... ഇപ്പൊ ജീവനോടെ ഇല്ലെങ്കിലും അവളോടുള്ള ദേഷ്യം അടക്കാൻ കഴിയുന്നില്ല ഇപ്പോഴും.. ചെറുപ്പം മുതൽ ഉള്ള ശീലമാണ്... ആഗ്രഹിച്ചത് സ്വന്തമാക്കുക എന്നത്... അതിനു വേണ്ടിതാൻ ഏതറ്റം വരെയും പോകും... ഏതറ്റം വരെയും... ഉമ്മറത്തു അങ്ങോട്ടുമിങ്ങോട്ടും ഉലാത്തുന്നതിനിടയിൽ അവൾ മുകുന്ദനെ പലവട്ടം ഫോണിൽ ബന്ധപ്പെടാൻ നോക്കി കിട്ടുന്നില്ല... ഇനി എന്താ ചെയ്യുക എന്നാലോചിക്കുന്നതിനിടയിൽ പെട്ടന്ന് അവൾക്കൊരു ഉപായം തോന്നി... ധൃതയിൽ അകത്തേക്ക് നടന്നു ഉമ.... ******* ഉല്ലാസവതിയായി കാവിനുള്ളിലേക്ജ് കടന്ന ഗാർഗി കണ്ടത് പിൻ തിരിഞ്ഞ് നിന്ന് വിളക്ക് തെളിക്കുന്ന നീലിയെ ആയിരുന്നു.. പിന്നിൽ കാൽപെരുമാറ്റം കേട്ട് മുഖം തിരിച്ചു അവൾ നോക്കി... ഒപ്പം ഒന്ന് ചിരിച്ചു... എന്താ ഗാർഗി സുഖമാണോ...? പക്ഷേ ശബ്ദം കേട്ടത് പിന്നിൽ നിന്ന്... ഞെട്ടി പിന്നിലേക്ക് നോക്കിയ ഗാർഗി കണ്ടത് നീലിമ പിന്നിൽ നിൽക്കുന്നത്.. വിശ്വാസം വരാതെ വീണ്ടും നോക്കി... ശരിയാണ് മുന്നിൽ നിൽക്കുന്ന ആൾ നേരെ തിരിഞ്ഞ് അഭിമുഖമായി വന്നു... ഈശ്വരാ... ഇതും നീലിമ തന്നെയോ...? പേടിച്ചോ നീ... ആരാ.... ആരാ നീ...? മുന്നിലുള്ള രൂപം ചിരിച്ചു ഉച്ചത്തിൽ.. ഞൊടിയിടയിൽ പിന്നിൽ നിന്ന മറ്റൊരു രൂപം അവളുടെ മുന്നിലേക്ക് വന്നു കരിയിലകൾക്ക് മുകളിലേക്ക് വീണു.. അതേ സമയം... ഗാർഗിയുടെ കാലിൽ എന്തോ തുളച്ചു കയറി... അറിയാതെ വാവിട്ടു നിലവിളിച്ച അവളുടെ രണ്ടു കരങ്ങൾ ചേർത്ത് പിടിച്ചു... ശബ്ദം പുറത്തേക്ക് വരാതിരിക്കാൻ... (തുടരും )