#👨‍👨‍👧‍👦 ജീവിതം #😔വേദന #😞 വിരഹം ദാമ്പത്യത്തിനുള്ളിൽ തന്നെ മനുഷ്യരിൽ ചിലർ ഉപേക്ഷിക്കപ്പെടുന്നുണ്ട്! വിവാഹ ജീവിതമെന്നത് പോകെപ്പോകെ ഭാരങ്ങൾ നിറഞ്ഞതായി മനുഷ്യർക്കിടയിൽ മാറുന്നുമുണ്ട് ! അതിനൊക്കെയപ്പുറം ഏറ്റവും കൂടുതൽ ഒറ്റപ്പെടലുകൾ മനുഷ്യർക്ക് അനുഭവിക്കേണ്ടി വരുന്നത് തന്നെ ദാമ്പത്യങ്ങൾക്കുള്ളിൽ തന്നെയാണ് ! ഏറ്റവും കൂടുതൽ അവഗണനകളൂം ഏറ്റവും കൂടുതൽ വേദനകളും മനുഷ്യർക്ക് കിട്ടുന്നതും വിവാഹ ജീവിതത്തിൽ നിന്നുമൊക്കെയാണ് !! ഏറ്റവും മോശമായി വ്യ്കതികളെ ട്രീറ്റ് ചെയ്യുന്ന ഒരിടം കൂടിയായി ബന്ധങ്ങളും ദാമ്പത്യവുമൊക്കെ മാറുന്നുണ്ട് ! അധികാരം പ്രയോഗിച്ച് വ്യക്തിയെ അടിച്ചമർത്തുന്ന ആനന്ദം ആസ്വദിക്കുന്ന വികലചിന്തകളെ നിസ്സഹായതയോടെ നേരിടേണ്ടി വരുന്ന മനുഷ്യർ വിവാഹ ജീവിതങ്ങൾക്കുള്ളിൽ കുടുങ്ങി കിടപ്പുണ്ട് ! കൃത്യമായി പറഞ്ഞാൽ അതിനെ ജീവിതമെന്നൊരിക്കലും പറയാൻ കഴിയില്ല ! മാനുഷികതയുടെ തെല്ലൊരു ശതമാനം പോലും കാണിക്കാതെ ഒപ്പമുള്ളവരെ മോശമായി ട്രീറ്റ് ചെയ്യുന്നത് എങ്ങനെ ജീവിതമാകും ! വിവാഹമെന്നത് പല വ്യക്തികളെയും ചുരുക്കി കളയുന്ന ഒന്നായി മാറിയിട്ടുണ്ടെന്നതിലും നേരുണ്ട് ! സ്നേഹ രാഹിത്യങ്ങൾ അത്രയേറെ ചിലർക്ക് നേരിടേണ്ടി വരുന്നു ! ഭയന്നും വിറച്ചും ദാമ്പത്യത്തിനുള്ളിൽ തുടരുന്ന മനുഷ്യരുണ്ട്! ലൈംഗികമായ ആവശ്യതകൾക്ക് വേണ്ടി മാത്രമുള്ള ഒരു ഉപകരണമെന്ന പോലെ മാത്രം ഒപ്പമുള്ളയാളെ കൊണ്ട് നടക്കുന്ന,പരിഗണിക്കുന്ന ഒരുമിച്ച് ജീവിക്കൽ മാത്രമായി ബന്ധങ്ങൾ മാറുന്നുമുണ്ട് ! നമ്മളൊക്കെ കരുതുന്നത് പോലെയാകില്ല വൈവാഹിക ജീവിതത്തിനുള്ളിൽ പലരും തന്നെയും ! പുറമേ കാണിക്കുന്ന സന്തോഷവും സമാധാനവും പലർക്കുമുള്ളിൽ ഇല്ലെന്നുള്ളത് പല അനുഭവങ്ങളും നമ്മളോട് കാണിക്കുന്നു ! ചുമരുകൾക്കുള്ളിൽ ഉയരുന്ന നിലവിളികൾ നമ്മൾ കേൾക്കുന്നില്ലെന്ന് കൂടിയാണ് !വിവാഹമെന്നതിലൂടെ ഒട്ടും തന്റേതല്ലാത്ത ഇടങ്ങളിൽ എത്തിയ മനുഷ്യർ അകപ്പെട്ട്‌ പോയത് പോലെ യാന്ത്രികമായ ജീവിതത്തിൽ ഞെരിഞ്ഞമരുന്നതും നമ്മളൊക്കെ അറിയുന്നു പോലുമുണ്ടാകില്ല !! ദാമ്പത്യമെന്നാൽ ഒരുമിച്ചുള്ള ജീവിതമെന്നാണ് പറഞ്ഞു വയ്പ്പ് ! എന്നാൽ അതിനുള്ളിൽ പോലും ഒറ്റപ്പെടലും ഏകാന്തതകളും സമാധാനക്കേടുകളും പേറുന്നവർ അധികമാണ്! സ്നേഹമൊക്കെ നഷ്‌ടമായ മനുഷ്യർ എന്തിനൊക്കെയോ വേണ്ടി ഒരുമിച്ച് ജീവിക്കുന്ന ഒന്നായി ചിലയിടങ്ങളിലെങ്കിലും ദാമ്പത്യങ്ങൾ മാറുന്നുണ്ട് ! ചിലർക്ക് ഏറ്റവും അൺഹാപ്പിനെസ്സ് ഉള്ളൊരു ഇടവും അത് തന്നെയാകും !! ©ടിങ്കു ജോൺസൺ 🤍