#👩‍🍳 പാചകലോകം +------+------+------+-------+ *🌶️ ഇന്നത്തെ പാചകം 🍳* *കോക്കനട്ട് കേക്ക്* +------+-----+------+-------+ ```പ്ലം കേക്ക് മുതൽ വാൻചോ കേക്ക് വരെ, ഇങ്ങനെ വിവിധ പേരുകളിൽ വ്യത്യസ്ത രുചികളിലും ആകൃതിയിലും കേക്ക് വിപണിയിൽ ലഭ്യമാണ്. ബേക്കറികളിൽ മാത്രം ലഭ്യമായിരുന്ന കേക്ക് ഇപ്പോൾ വീടുകളിലും തയ്യാറാക്കാം. ഓവനും, ബേക്കിങ് സിസ്റ്റവും, മുട്ടയും, ക്രീമുകളും ഇല്ലാതെ തന്നെ ഇത് സാധ്യമാണ്. ഇന്ന് നമുക്ക് കൊക്കനട്ട് കേക്ക് എങ്ങനെ തയ്യാർ ആക്കാം എന്ന് നോക്കാം.. കുറച്ച് തേങ്ങ ചിരകിയതും കശുവണ്ടിയും അടുക്കളയിൽ ഉണ്ടെങ്കിൽ മിനിറ്റുകൾക്കുള്ളിൽ കേക്ക് സ്വയം തയ്യാറാക്കാം, ചൂടോടെ കഴിക്കുകയും ചെയ്യാം.``` _______________________ *ചേരുവകൾ* _______________________ _റവ - ഒന്നേ മുക്കാൽ കപ്പ്_ _തേങ്ങ - കാൽ കപ്പ്_ _തേങ്ങാപ്പാൽ - ഒന്നേ മുക്കാൽ കപ്പ്_ _ബേക്കിങ് പൗഡർ - മൂന്ന് ടീസ്പൂൺ_ _ഏലക്കപ്പൊടി - അര ടീസ്പൂൺ_ _വെണ്ണ - അര കപ്പ്_ _ബ്രൗൺ ഷുഗർ - രണ്ട് കപ്പ്_ _കശുവണ്ടി - കുറച്ച്_ ________________________ *തയ്യാറാക്കുന്ന വിധം* ________________________ ```ഒന്നേ മുക്കാൽ കപ്പ് റവ ഒരു ബൗളിൽ എടുത്തതിലേക്ക് കാൽ കപ്പ് തേങ്ങ ചിരകിയതും, ഒന്നേ മുക്കാൽ കപ്പ് കട്ടിയുള്ള തേങ്ങാപ്പാലും, കാൽ ടീസ്പൂൺ ഉപ്പ്, മൂന്ന് ടീസ്പൂൺ ബേക്കിങ് പൗഡർ, അര ടീസ്പൂൺ ഏലക്ക പൊടിച്ചത്, അര കപ്പ് വെണ്ണ ഉരുക്കിയത്, ഒപ്പം രണ്ട് കപ്പ് ബ്രൗൺ ഷുഗർ കൂടി ചേർത്ത് ഇളക്കുക. ആവിയിൽ വേവിക്കുന്നതിനായി ഒരു പാത്രത്തിൽ ബട്ടർ പേപ്പർ വെച്ച് അൽപ്പം വെണ്ണയോ നെയ്യോ പുരട്ടി തയ്യാറാക്കിയ മാവ് അതിലേക്ക് ഒഴിക്കുക. മുകളിലായി അൽപ്പം തേങ്ങ വറുത്തതും കശുവണ്ടിയും കൂടി ചേർക്കുക. ശേഷം അടച്ചു വെച്ച് ആവിയിലോ ഓവൻ ഉപയോഗിച്ചോ വേവിക്കുക.``` +------+------+------+-------+