ಜಿಯೊ ಚಂದಾದಾರರ ಸಂಖ್ಯೆ 48.47 ಕೋಟಿಗೆ ಏರಿಕೆ: ಟ್ರಾಯ್‌ ಪ್ರಸಕ್ತ ವರ್ಷದ ಅಕ್ಟೋಬರ್‌ ತಿಂಗಳಿನಲ್ಲಿ ದೇಶದ ದೂರಸಂಪರ್ಕ ಸೇವಾ ಕಂಪನಿ, ರಿಲಯನ್ಸ್ ಜಿಯೊಗೆ ಹೊಸದಾಗಿ 19.97 ಲಕ್ಷ ಚಂದಾದಾರರು ಸೇರ್ಪಡೆ ಆಗಿದ್ದಾರೆ. ಈ ಸೇರ್ಪಡೆಯಿಂದ ಕಂಪನಿಯ ಒಟ್ಟು ಚಂದಾದಾರರ ಸಂಖ್ಯೆ 48.47 ಕೋಟಿಗೆ ಏರಿಕೆಯಾಗಿದೆ ಎಂದು ಭಾರತೀಯ ದೂರಸಂಪರ್ಕ ನಿಯಂತ್ರಣ ಪ್ರಾಧಿಕಾರ (TRAI) ತಿಳಿಸಿದೆ. ಭಾರ್ತಿ ಏರ್‌ಟೆಲ್‌(AIRTEL)ಚಂದಾದಾರರ ಪ್ರಮಾಣ 12.52 ಲಕ್ಷ ಹೆಚ್ಚಳವಾಗಿದೆ. ಇದರಿಂದ ಕಂಪನಿಯ ಒಟ್ಟು ಚಂದಾದಾರರ ಸಂಖ್ಯೆ 39.36 ಕೋಟಿಗೆ ಏರಿಕೆಯಾಗಿದೆ. ಸೆಪ‍್ಟೆಂಬರ್‌ನಲ್ಲಿ ಇದು 39.24 ಕೋಟಿಯಷ್ಟಿತ್ತು. ಸರ್ಕಾರಿ ಸ್ವಾಮ್ಯದ ಭಾರತ್ ಸಂಚಾರ ನಿಗಮ ಲಿಮಿಟೆಡ್‌ಗೆ (BSNL) 2.69 ಲಕ್ಷ ಮೊಬೈಲ್ ಚಂದಾದಾರರು ಸೇರ್ಪಡೆಯಾಗಿದ್ದು, ಒಟ್ಟು ಚಂದಾದಾರರು 9.25 ಕೋಟಿಯಾಗಿದೆ. ಆದರೆ, ಇದೇ ಅವಧಿಯಲ್ಲಿ ವೊಡಾಫೋನ್ ಐಡಿಯಾ (VIL) 20.83 ಲಕ್ಷ ಚಂದಾದಾರನ್ನು ಕಳೆದುಕೊಂಡಿದ್ದು, 20.07 ಕೋಟಿಗೆ ಚಂದಾದಾರರ ಸಂಖ್ಯೆ ಇಳಿದಿದೆ. ದೇಶದ ಒಟ್ಟು ಮೊಬೈಲ್‌ ಚಂದಾದಾರರ ಸಂಖ್ಯೆ 123.1 ಕೋಟಿಯಾಗಿದೆ. ಈ ಪೈಕಿ 118.4 ಕೋಟಿ ವೈರ್‌ಲೆಸ್‌ ಮತ್ತು 4.6 ಕೋಟಿ ವೈರ್‌ಲೈನ್ ಆಗಿದೆ. ಅಕ್ಟೋಬರ್ ಅಂತ್ಯದ ವೇಳೆಗೆ ಒಟ್ಟು ಬ್ರಾಡ್‌ಬ್ಯಾಂಡ್ ಚಂದಾದಾರರ ಸಂಖ್ಯೆ 99.98 ಕೋಟಿಗೆ ಏರಿದೆ ಎಂದು ತಿಳಿಸಿದೆ. #LATEST #NEWDELHI #TRAI #JIODIGITALLIFE #AIRTEL #BSNL #VIL