⛳आजचे शिव'कालीन ऐतिहासिक दिनविशेष⛳ 📜 १० डिसेंबर इ.स.१५१० भारतावर सर्वाधिक काळ (४५० वर्षे) युरोपियन-(पोर्तुगीज) सत्तेने राज्य केले गोव्यात पोर्तुगीज सत्ता १० डिसेंबर १५१० पासून १८ डिसेंबर १९६१ पर्यंत म्हणजे ४५० वर्षं व ८ दिवस होती. त्यापूर्वी १७ फेब्रुवारी १५१० ते ३० मे १५१० म्हणजे ३ महिने १३ दिवस त्यांनी गोवा आपल्या ताब्यात ठेवलं होतं. एकूण ४५० वर्षं, ३ महिने व २१ दिवस त्यांनी गोव्यावर राज्य केलं. गोव्याचा इतिहास हा एका पारतंत्र्यानं पीडलेल्या, आर्थिक मागासलेपणानं गांजलेल्या, हताश होऊन जे भोगवट्याला आलं आहे ते निमूट स्वीकारणा-या सोशीक जनसमूहाचा इतिहास आहे. अंधा-या खोलीत वर्षानुवर्षं कोंडून पडलेल्या माणसाला दरवाजा अचानक सताड उघडा झाल्यावर जे वाटेल, ते व तसंच मुक्तीनंतर गोव्याच्या जनतेला वाटलं असलं पाहिजे. फ्रेंच राज्यक्रान्तीच्या वेळी बंडखोरांनी बॅस्टिल व कॅसल तुरुंग फोडून वर्षानुवर्षं अंधारकोठड्यात खितपत पडल्या कैद्यांना मोकळं केलं, तेव्हा त्यांना कुठं जावं ते कळेना. ते भिरभिरले नि त्यातले बरेच जण आपापल्या कोठड्यात जाऊन पडून राहिले. तसंच काहीसं सुरुवातीला गोव्यातील एका विशिष्ट वर्गाचं झालं. स्वातंत्र्याचा अर्थ त्यांना कळायला काही वर्षं जावी लागली. 🏇🚩🏇🚩🏇🚩🏇🚩🏇 https://www.instagram.com/the_great_maratha_warriors/ #🙏शिवदिनविशेष📜 #🚩शिवराय #🗿शिवकालीन पुराणवस्तू #🚩छत्रपती संभाजी महाराज स्टेटस🙏 #📜इतिहास शिवरायांचा https://wa.me/message/Y2WBK2HSVXL5I1 शिव दिनविशेष Video Link🔗 https://youtu.be/TkDVTCMS9o0 📜 १० डिसेंबर इ.स.१६६२ छत्रपती शिवाजी महाराजांनी चौल ते दाभोळ ही किनारपट्टी जिंकली. शिवकाळात दाभोळ हे नावाजलेले बंदर होते १६५९ ते १६६१ या दोन्ही वर्षात मराठ्यांनी दाभोळ वर हल्ले केले. का तर फीरंग्यांवर दहशत बसावी म्हणून १६६२ मध्ये शिवाजीराजांनी दाभोळचा स्वराज्यात समावेश केला. छत्रपती शिवाजी महाराजांनी दाभोळला पुन्हा नव्याने वैभवाचे दिवस दाखवले. 🏇🚩🏇🚩🏇🚩🏇🚩🏇 📜 १० डिसेंबर इ.स.१६७८ (पौष शुद्ध सप्तमी शके १६०० कालयुक्त संवत्सर वार मंगळवार) महाराजा जसवंतसिंह राठोड यांचा मृत्यू! अफगाणिस्तानात जामरुद येथे जोधपुरचा राजा नरेश जसवंतसिंह राठोड मृत्यू पावला. मारवाडचे राज्य गिळंकृत करू पाहणाऱ्या मुघल बादशहा औरंगजेब याने मारवाडचे राज्य आपल्या साम्राज्यास जोडून टाकले! औरंगजेबाची धर्मांध महत्वाकांक्षा एवढी टोकास गेली होती की आपल्याशी एकनिष्ठ असणाऱ्या हिंदु सरदारांचीही जिझिया करासाठी त्याने गय केली नाही. त्याने जसवंतसिंहाच्या बायकापोरास कैद करून दिल्लीत नजरकैदेत ठेवले. जसवंतसिंहाचा मुलगा अजितसिंहास मुसलमान करण्याचा इरादा होता. जर अजितसिंहाने मुसलमान होऊन इस्लामचा स्विकार केला तर त्यास मारवाडचे राज्य देण्याचे आमिष दाखवले होते. मात्र जसवंतसिंहाच्या मृत्यू नंतर त्याचा एकनिष्ठ सरदार दुर्गादास राठोड याने मोठ्या चातुर्याने अजितसिंहाची व जसवंतसिंहाच्या पत्नीची सुटका केली. 🏇🚩🏇🚩🏇🚩🏇🚩🏇 📜 १० डिसेंबर इ.स.१७४७ नानासाहेबांनी उत्तरेत चार स्वाऱ्या केल्या त्यापैकीच ही चौथी शेवटची नेवाईची स्वारी. पेशवे तारीख १० डिसेंबर १७४७ रोजी उत्तरेत जाण्यासाठी पुण्यातून निघाले. सन १७४८ च्या एप्रिल महात पेशवे जयपूर मुलुखात आले. त्यास माधोसिंह सामोरे जाऊन भेटले ही भेट नेवाईस झाली. म्हणून पेशव्यांच्या ह्या स्वारीस नेवाईची स्वारी असे म्हणतात. उत्तरेतील नमूद केलेली पेशव्यांची ही शेवटची स्वारी होय. यानंतर पेशवे उत्तरेस गेलेले दिसत नाहीत. (कालावधी:- १० डिसेंबर १७४७ ते ९ जुलै १७४८.) 🏇🚩🏇🚩🏇🚩🏇🚩🏇 YouTube चैनल वर हि video स्वरूपात शिवदिनविशेष पाहू शकता खालील लिंक वर👇 https://youtube.com/c/thegreatmarathawarriors . . . 👉अतिशय महत्त्वाचे : सर्व शिवप्रेमींना विनंती आहे या पोस्ट मध्ये कोणीही आपली स्वताची प्रसिध्दी करु नये. 🏇🚩🏇🚩🏇🚩🏇🚩🏇 ✍ लेखन / माहिती संकलन : राहूल बोरसे पाटील. शिवकालीन दिनविशेष व इतिहासावरील दर्जेदार माहिती https://www.facebook.com/TheGreatMarathaWarriorss/ 🏇🚩🏇🚩🏇🚩🏇 🚩🏇 ☀🚩⚔️|| हर हर महादेव, जय श्रीराम || || जय भवानी, जय शिवाजी.||⚔️🚩☀