BG (ISKCON) 2 ശ്ലോകം 23 തീക്കട്ടയിൽ നിന്നുദ്ഭവിക്കുന്ന തീപ്പൊരികൾ തീക്കു വെളിയിൽപ്പോകുമ്പോൾ അണഞ്ഞുപോകുന്നതു പോലെ ഭഗവാന്റെ സത്സംഗത്തിൽ നിന്നു വിട്ടുപോകുന്ന ജീവാത്മാക്കൾ മായാശക്തിക്കടിപ്പെടുന്നു. നൈനം ഛിന്ദന്തി ശസ്ത്രാണി നൈനം ദഹതി പാവകഃ ന ചൈനം ക്ലേദയന്ത്യാപോ ന ശോഷയതി മാരുതഃ ഏനം - ഇവനെ (ആത്മാവിനെ); ശസ്ത്രാണി - ആയുധങ്ങൾ; ന ഛിന്ദന്തി - ഛേദിക്കുന്നില്ല; പാവകഃ - പാവകൻ (തീ); ഏനം - ഇവനെ; ന ദഹതി - ദഹിപ്പിക്കുന്നില്ല; ആപഃ - വെള്ളം; ഏനം - ഇവനെ; ന ക്ലേദയന്തി - നനയ്ക്കുന്നില്ല; മാരുതഃ – കാറ്റ്; ന ശോഷയതി ച - ശോഷിപ്പി ക്കുന്നുമില്ല (ഉണക്കുന്നുമില്ല). ആത്മാവിനെ ആയുധങ്ങൾക്ക് മുറിക്കാനാവില്ല. അഗ്നിക്കു ദഹിപ്പിക്കാനോ വെള്ളത്തിന് നനയ്ക്കാനോ കാറ്റിനു ശോഷിപ്പിക്കാനോ കഴിയുകയില്ല. ഭാവാർത്ഥം: വിവിധ ശസ്ത്രങ്ങളാകട്ടെ. തീനാളങ്ങൾ, പേമാരി, കൊടുങ്കാറ്റ് ഇവയാകട്ടെ, ആത്മാവിനെ ഹനിക്കുവാൻ ഉതകുകയില്ല. ആധുനിക കാലത്തെ ആഗ്നേയായുധങ്ങൾക്ക് പുറമേ പ്യഥി, ജലം, അഗ്നി, വായു, ആകാശം എന്നിവ കൊണ്ടെല്ലാം നിർമ്മിക്കപ്പെട്ട പലവിധം ആയുധങ്ങൾ ഉണ്ടായിരുന്നുവെന്നുവേണം കരുതാൻ. ആധുനിക കാലത്തെ അണ്വായുധങ്ങളെ ആഗ്നേയാസ്ത്രങ്ങളായി തരംതിരിച്ചി രിക്കുന്നു. എന്നാൽ മുൻപ് വിവിധ തരം ഭൗതിക വസ്തുക്കളാൽ നിർമ്മിതമായ അനേകം ആയുധങ്ങൾ ഉണ്ടായിരുന്നു. അഗ്ന്യായുധങ്ങളെ ജലായുധങ്ങൾകൊണ്ട് എതിരിട്ടു പോന്നു. ഇന്നത്തെ സയൻസിന് അവയെപ്പറ്റി അറിഞ്ഞുകൂടാ. കൊടുങ്കാറ്റുണർത്തുന്ന ആയുധങ്ങ ളെപ്പറ്റിയും ആധുനിക ശാസ്ത്രജ്ഞന്മാർക്കറിയില്ല. പക്ഷേ എത ശാസ്ത്രീയങ്ങളായ ഉപകരണങ്ങൾ ഉണ്ടായാലും ആത്മാവിനെ കീറി മുറിക്കാനോ നശിപ്പിക്കാനോ അവയ്ക്ക് സാധിക്കുകയുമില്ല. ജീവാത്മാവ് എങ്ങനെ നിലവിൽ വന്നു എന്നും അജ്ഞതമൂലം മായാശക്തിയാൽ ആവരണം ചെയ്യപ്പെട്ടു എന്നും മായാവാദികൾക്ക് വിശദീകരിക്കാൻ സാദ്ധ്യമല്ല. ജീവാത്മാവിനെ പരമാത്മാവിൽ നിന്നും വേർപെടുത്താനാവില്ല; അവ എന്നെന്നും പരമാത്മാവിന്റെ ഭിന്നാംശങ്ങളാണ്. ശാശ്വതനായ ജീവാത്മാവ് അണുമാത്രനാകയാൽ മായാശക്തിക്കടിപ്പെടുമെന്നുള്ളത് ഉറപ്പാണ്. തീക്കട്ടയിൽ നിന്നുദ്ഭവിക്കുന്ന തീപ്പൊരികൾ തീക്കു വെളിയിൽപ്പോകുമ്പോൾ അണഞ്ഞുപോകുന്നതു പോലെ ഭഗവാന്റെ സത്സംഗത്തിൽ നിന്നു വിട്ടുപോകുന്ന ജീവാത്മാക്കൾ മായാശക്തിക്കടിപ്പെടുന്നു. വരാഹപുരാണത്തിൽ ജീവാത്മാക്കളെ പരമാത്മാവിന്റെ വിഭിന്നാംശങ്ങളായി പറഞ്ഞിട്ടുണ്ട്. ഭഗവദ്ഗീത സിദ്ധാന്തിക്കുന്നതും അവ എക്കാലത്തും അങ്ങനെയിരിക്കുമെന്നാണ്. മായാശക്തിയിൽ നിന്നും മോചനം ലഭിച്ചാലും ജീവാത്മാവ് പ്രത്യേകമായ വ്യക്തിത്വം പുലർത്തുന്നു. ഗീതോപദേശത്തിൽ നിന്ന് ഇത് വ്യക്ത മാകുന്നുണ്ട്. കൃഷ്ണനിൽ നിന്ന് ആർജ്ജിച്ച അറിവുകൊണ്ട് അർജുനൻ മുക്തനായി; എന്നാൽ അദ്ദേഹം കൃഷ്ണനോട് ഒരിക്കലും ഏകീഭവിച്ചില്ല. #🙏 ശ്രീകൃഷ്ണ ഭജനകൾ ##𝗔𝗗𝗩𝗢𝗖𝗔𝗧𝗘𝗠𝗔𝗡𝗢𝗝𝗚𝗨𝗥𝗨𝗩𝗔𝗬𝗨𝗥 #Devotional #🆕 ലേറ്റസ്റ്റ് അപ്ഡേറ്റ് #💭 Best Quotes