ബെല്ലാ.... എടി ബെല്ലാ.... എഴുന്നേക്കടീ കൊച്ചേ... നിനക്കിന്ന് കോളേജിൽ പോണ്ടേ... റോസമ്മ സോഫയിൽ ഇരുന്നിരുന്ന ഫിലിപിന് ചായ കൊടുത്തു കൊണ്ട് മുകളിലേക്ക് നോക്കി വിളിച്ചു പറഞ്ഞു. നീ രാവിലെ തന്നെ കിടന്ന് കാറുന്നത് എന്നാത്തിനാ എന്റെ റോസമ്മേ... ഫിലിപ്പ് ചായ ഗ്ലാസ്സ് വാങ്ങി കയ്യിൽ പിടിച്ചു കൊണ്ട് ചോദിച്ചു. നിങ്ങടെ മോൾക്കേയ് 24 മണിക്കൂറും ഫോണാ, അതിൽ തോണ്ടി തോണ്ടി ഉറങ്ങാൻ സമയം വേണ്ടേ... റോസമ്മ പറഞ്ഞു, ഫിലിപ്പ് അത് കേട്ട് ചിരിച്ചു. അതിനാണോ നീ കിടന്ന് കാറുന്നത് (ഫിലിപ്പ്) അതിനല്ല.. ഇന്ന് കോളേജിലെ അവളുടെ first day യാ.. (റോസമ്മ) അതിന് 7 അര ആയല്ലേ ഒള്ളൂ.. (ഫിലിപ്പ്) ആ.. ഒള്ളൂ.. 9 മണിക്കാ ക്ലാസ് start ചെയ്യുന്നത്. അവളെ ഇപ്പോ വിളിച്ചാലേ 8 അര ആയാലെങ്കിലും എണീക്കു.. അവർ അങ്ങനെ സംസാരിച്ചിരിക്കുമ്പോൾ ആണ് അങ്ങോട്ട് അവരുടെ മൂത്ത പുത്രനായ ബ്രയാൻ വരുന്നത്. എന്താ അമ്മച്ചി രാവിലെ തന്നെ ഇവിടെ ഒരു ചർച്ച.. ബ്രയാൻ കോണിപ്പടികൾ ഇറങ്ങുന്നതിനിടെ ചോദിച്ചു. നിന്റെ പുന്നാര പെങ്ങൾ എണീറ്റിട്ടില്ല, ഒരുങ്ങാൻ 1 മണിക്കൂർ എങ്കിലും വേണം എന്ന് നിനക്ക് അറിയാലോ. ഇപ്പോ വിളിക്കാൻ തുടങ്ങിയാലല്ലേ എണീക്കത്തുള്ളൂ, അതിന് നിന്റെ അപ്പച്ചൻ ഓരോന്ന് പറയുവാ.. റോസമ്മ ഫിലിപിനെ നോക്കി ചുണ്ട് കോട്ടി കൊണ്ട് പറഞ്ഞു, അത് കണ്ട് ഫിലിപ്പ് ചിരിച്ചു. ഹ്മ്മ്.. ഇനി വിളിക്കണ്ട സമയാവുമ്പോ എണീറ്റ് പൊക്കോളും.. അതും പറഞ്ഞ് break fast കഴിച്ച്, അവൻ അവന്റെ bullet എടുത്ത് കോളേജിലേക്ക് പോയി. bullet പോകുന്ന ശബ്ദം കേട്ടാണ് ബെല്ല മുഖത്തുള്ള പുതപ്പ് മാറ്റുന്നത്.. നേരം വെളുത്തോ ആവോ.. എണീക്കാനും തോന്നുന്നില്ലല്ലോ മാതാവെ.. അവൾ ഒരു കോട്ടുവായി ഒക്കെ ഇട്ട് പതുക്കെ ബെഡിൽ എഴുന്നേറ്റിരുന്നു. മുഖം ഒന്ന് അമർത്തി തുടച്ച് അവൾ റൂമിൽ ഉള്ള ക്ലോക്കിലേക്ക് നോക്കി. അപ്പോൾ സമയം 8:15 ആയിരുന്നു. എ... 8:15... എന്റെ മാതാവേ... എന്നെ ഉണർത്താൻ ഈ വീട്ടിൽ ആരും ഉണ്ടായില്ലേ... അവൾ തലക്കും കൈ കൊടുത്ത് എണീക്കാൻ നിന്നപ്പോൾ ആണ് വാതിൽക്കൽ കയ്യും കെട്ടി ഫിലിപ്പ് നിൽക്കുന്നത് കണ്ടത്. Good morning അപ്പചാ.. അവൾ ഫിലിപിനെ നോക്കി ഇളിച്ചു കാണിച്ചു. ഫിലിപ്പ് അപ്പോൾ അവളുടെ അടുത്തേക്ക് ചെന്നു. Good morning ബെല്ല ക്കുട്ടീ... സ്വപ്നം കാണൽ ഒക്കെ കഴിഞ്ഞെങ്കി വേഗം എണീറ്റ് കോളേജിൽ പോകാൻ നോക്ക്. റോസമ്മ കലിപ്പിലാ.. (ഫിലിപ്പ്) നിങ്ങക്ക് ആർക്കും എന്നെ ഒന്ന് വന്ന് വിളിക്കാൻ തോന്നിയില്ലല്ലോ അപ്പച്ചാ.. ബെല്ല ബെഡിൽ നിന്ന് എഴുന്നേറ്റ് കൊണ്ട് പറഞ്ഞു. ആ.. നീ ഇതും പറഞ്ഞ് താഴേക്ക് ചെല്ല്. നിന്നെ റോസമ്മ ഫ്രൈ ഫാനിലിട്ട് പൊരിച്ചെടുക്കും. ബെല്ല അത് കേട്ട് ചിരിച്ചു കൊണ്ട് തോർത്തെടുത്ത് ബാത്‌റൂമിലേക്ക് പോയി. കാവ്യ റൂമിലേക്ക് വന്നപ്പോൾ തല വഴി പുതപ്പ് മൂടി കിടന്നുറങ്ങുകയായിരുന്നു കാർത്തിക്. ഏട്ടാ... ഏട്ടാ... കാവ്യ അവന്റെ മുഖത്ത്‌ നിന്ന് പുതപ്പ് മാറ്റി ഇട്ടു കൊണ്ട് വിളിച്ചു. ഓരോ വിളിക്കും ഓരോ മൂളൽ സമ്മാനിക്കുന്നുണ്ടായിരുന്നു അവൻ. ഒന്ന് എഴുന്നേക്ക് ഏട്ടാ.. കോളേജിൽ പോണ്ടേ.. അവൾ ബെഡിലേക്ക് ഇരുന്ന് പുതപ്പ് വലിച്ചു കൊണ്ട് പറഞ്ഞു. ഈ കുരുപ്പ് മനുഷ്യനെ മനസമാധാനമായിട്ട് കിടന്നുറങ്ങാനും സമ്മതിക്കില്ല. കാർത്തി അതും പറഞ്ഞ് തിരിഞ്ഞു കിടന്നു, അവൾ അത് കണ്ട് ബെഡിൽ നിന്ന് എണീറ്റു. ടോ.. മര്യാദക്ക് എണീറ്റ് പൊക്കോ, അല്ലെങ്കി ചവിട്ടി കൂട്ടും ഞാൻ.. അവൾ കുറച്ചു ഉച്ചത്തിൽ ആണ് അത് പറഞ്ഞത്. അത് കേട്ടതും കാർത്തി ബെഡിൽ നിന്ന് ചാടി എണീറ്റു. എന്താടി.. നീ എന്തിനാ നേരം വെളുക്കുമ്പോഴേ എന്നോട് ചൂടാവുന്നെ.. (കാർത്തി) ഇല്ല, ചൂടാവില്ല, കെട്ടി പിടിച്ച് ഉമ്മ തരാം, ഇന്നലെ എന്ത് പറഞ്ഞിട്ടാ കിടന്നത്.. കാവ്യ ബെഡിൽ അവന്റെ അടുത്ത് ഇരുന്നു കൊണ്ട് ചോദിച്ചു. എന്താ.. അവൻ അത് കേട്ട് നിഷ്കളങ്കമായി ചോദിച്ചു. ഓ... മറന്നോ അപ്പോഴേക്കും... ഇന്ന് കോളേജിൽ എന്റെ first day യാ.. എന്നെ നേരത്തെ കൊണ്ട് വിടാന്ന് പറഞ്ഞതല്ലേ ഇന്നലെ.. കാവ്യ അത് പറഞ്ഞപ്പോൾ ആണ് കാർത്തി കണ്ണ് തള്ളുന്നത്, പറഞ്ഞിരുന്നു അവൻ മറന്നതായിരുന്നു. ഓ... ഞാനത് വിട്ട് പോയടി മോളേ.. നീയെന്തായാലും പോയി ഒരുങ്.. ഏട്ടൻ റെഡി ആയി വരാം.. അത് കേട്ടതും അവൾ താഴേക്കും, കാർത്തി തോർത്തെടുത്ത് ബാത്‌റൂമിലേക്കും പോയി. എവിടെ അവൻ നിന്റെ പുന്നാര ആങ്ങള.. എണീറ്റില്ലേ ഇതുവരെ.. കാവ്യ കോണിപ്പടികൾ ഇറങ്ങി വരുന്നത് കണ്ട് അമ്മയായ കല്യാണി food മേശപ്പുറത്ത് വച്ചു കൊണ്ട് ചോദിച്ചു. എണീറ്റു fresh ആകാൻ പോയിരിക്കാ.. അവൾ അമ്മയുടെ അടുത്തേക്ക് ചെന്നു. അവിടെ അച്ഛൻ വരുൺ ദോശ കഴിക്കുക ആയിരുന്നു. എന്തായാലും മോൾ ഇരിക്ക് അവൻ വന്നോളും. വരുൺ പറഞതും കാവ്യ അദ്ദേഹത്തിന്റെ കൂടെ food കഴിക്കാൻ ഇരുന്നു. അവൾ കഴിച്ച് കഴിയാറായപ്പോൾ ആണ് കാർത്തി അങ്ങോട്ട് വന്നത്. പിന്നെ അവനും കഴിച്ചു. ശേഷം കാവ്യയും, കാർത്തിക്കും അവന്റെ ബൈക്കിൽ കോളേജിലേക്ക് പോയി. ബെല്ലയെയും, കാവ്യയെയും കോളേജിന് പുറത്തുള്ള കടയിൽ‌ wait ചെയ്ത് നിൽക്കുകയാണ് ദിയയും, റീത്തയും. അവളുമാര് നേരത്തെ വരാമെന്ന് പറഞ്ഞു നമ്മളെ പറ്റിച്ചെടി.. ദിയ ദേഷ്യത്തിൽ പറഞ്ഞു. ഇങ്ങോട്ട് വരട്ടെ രണ്ടിനെയും ശരിയാക്കുന്നുണ്ട്... റീത്ത പല്ല് കടിച്ചു. വാ നമുക്ക് ക്ലാസ്സിൽ പോകാം, അവര് വന്നോളും.. നിക്ക് ദേ.. ആ മൂദേവി വരുന്നുണ്ട്.. റീത്ത തല പൊക്കി കാണിച്ചു, ദിയ ആ ഭാഗത്തേക്ക് നോക്കുമ്പോൾ കാവ്യ ചിരിച്ചു കൊണ്ട് അങ്ങോട്ട് വരുന്നുണ്ടായിരുന്നു. hello guyzzzz... എന്റെ പേരാണ് ഡോറ.. നിങ്ങൾക്കെന്നെ അറിയാമോ.. കാവ്യ അവരുടെ അടുത്തേക്ക് പോയി രണ്ട് പേരുടെയും തോളിൽ പിടിച്ചു തൂങ്ങി. ആ... വിടടീ ഡോറെ.. നീ എവിടെ ആയിരുന്നു ഇത്ര നേരം നേരത്തെ വരാമെന്ന് പറഞ്ഞതാണല്ലോ രണ്ടും.. റീത്ത ദേഷ്യത്തിൽ ചോദിച്ചു. ഒന്നും പറയണ്ട ഏട്ടൻ എണീക്കണ്ടേ.. (കാവ്യ) മ്മ്.. അല്ല ബുജി എന്ത്യേ... ദിയ ചിരിയോടെ ചോദിച്ചു. ആഹാ.. വന്നില്ലേ.. അവളേം എന്റെ ഏട്ടനേം ഒരു അച്ചിൽ ഇട്ട് വാർത്തതാ.. രണ്ടിനും രാവിലെ എണീക്കാൻ കുറച്ചു മടിയാ.. അത് കേട്ട് ദിയയും, റീത്തയും ചിരിച്ചു. എന്തായാലും വാ നമുക്ക് ക്ലാസ്സിൽ കയറാം.. റീത്ത പറഞ്ഞു, അതും പറഞ്ഞ് അവർ കോളേജിലേക്ക് നടന്നു. വലതു കാൽ വെക്കണോടി... കോളേജിന് മുമ്പിൽ എത്തിയതും ദിയ തിരക്കി. നമ്മൾ ചെല്ലുന്നോടത്ത് ഏതു വച്ചാലും കണക്കാ.. റീത്ത ചിരിച്ചു കൊണ്ട് പറഞ്ഞു. ശരിയാ.. ഏതേലും വച്ചങ്ങ് പോര്.. കാവ്യ വാ പൊത്തി ചിരിച്ചു കൊണ്ട് മുമ്പോട്ട് നടന്നു. പുറകെ ദിയയും, റീത്തയും. അവർ വലതുകാലും, ഇടതുകാലും ഒരുമിച്ചങ്ങ് വച്ചു, കൈകൾ കോർത്തു പിടിച്ച് തവള ചാടും പോലെ ഒരു ചാട്ടമായിരുന്നു മൂന്നും. അവരുടെ ചാട്ടം കണ്ട് അവിടെ ഉള്ളവരൊക്കെ അവരെ നോക്കിയെങ്കിലും അവർ അതൊന്നും ശ്രദ്ധിക്കുക പോലും ചെയ്തില്ല. എനിക്ക് അറിയാൻ പാടില്ലാഞ്ഞിട്ട് ചോദിക്കുവാ എന്താ രണ്ടിന്റെയും ഉദ്ദേശം.. അഗസ്റ്റിൻ ഒരു ബൈക്കിൽ ചാരി നിൽക്കുന്ന കാർത്തിയെയും, ബ്രയാനെയും നോക്കി ചോദിച്ചു. എന്ത് ഉദ്ദേശം... രണ്ട് പേരും ഒരുമിച്ച് ചോദിച്ചു. രണ്ട് പേർക്കും പ്രേമിക്കാൻ ഒന്നും ഉദ്ദേശമില്ലേ.. (അഗസ്റ്റി) എന്തിന്... ഉള്ള സമാധാനം കൂടി കളയാനൊ.. ബ്രായാൻ കലിപ്പിൽ പറഞ്ഞു. പ്രേമിച്ചാ എങ്ങനെയാ സമാധാനം പോകുന്നത്.. (അഗസ്റ്റി) അതൊക്കെ പോകും.. നീ ഒന്ന് പ്രേമിച്ചു നോക്ക് അപ്പോ മനസിലാകും.. ബ്രയാൻ കലിപ്പിട്ടു. നിന്നോട് പറഞ്ഞിട്ട് കാര്യമൊന്നും ഇല്ല, മോനെ കാർത്തീ നീയെങ്കിലും ഞാൻ പറയുന്നത് ഒന്ന് കേൾക്ക്. (അഗസ്റ്റി) എന്താ സാറെ പറ കേൾക്കാം.. കാർത്തി കളിയോടെ പറഞ്ഞു, അത് കേട്ട് ബ്രയാന് ചിരി വന്നു. നീയും ഇവനെ പോലെ പ്രേമിക്കാണ്ട് നടക്കാനാണോ പ്ലാൻ.. (അഗസ്റ്റി) എയ്യ്... എനിക്ക് നല്ലോരു കുട്ടിയെ കിട്ടിയാൽ ഞാൻ പ്രേമിക്കും, വേണമെങ്കി കല്യാണവും കഴിക്കും.. കാർത്തി നാണത്തോടെ പറഞ്ഞു. പിന്നേ... കല്യാണം... അവമ്മാരുടെ ഒരു പ്രേമം.. ബ്രായാൻ അതും പറഞ്ഞ് അവിടെ നിന്ന് എങ്ങോട്ടോ പോയി. അവൻ പോണെങ്കി പോട്ടെ.. നീ പറ. (അഗസ്റ്റി) എന്ത്.. (കാർത്തി) പ്രേമം... കല്യാണം.. (അഗസ്റ്റി) ഒന്ന് പോടാ.. ആദ്യം spark അടിക്കണം എന്നിട്ടല്ലേ പ്രേമവും കല്യാണവും ഒക്കെ... (കാർതി) excuse me.... പെട്ടന്ന് ഒരു പെണ്ണിന്റെ ശബ്ദം കേട്ടതും കാർത്തി തിരിഞ്ഞു നോക്കി. പുറകിൽ നിൽക്കുന്ന പെൺകുട്ടിയെ കണ്ടതും അവന്റെ കണ്ണുകൾ വിടർന്നു. അത് ബെല്ല ആയിരുന്നു. ചേട്ടാ.. ഈ first years ഇന്റെ ക്ലാസ് എവിടെയാ.. ബെല്ല കാർത്തിയെ നോക്കി ചോദിച്ചു. അവൻ മറുപടി ഒന്നും പറയുന്നില്ലായിരുന്നു. അവന്റെ കണ്ണുകൾ ബെല്ലയുടെ കണ്ണിലും, ചുണ്ടിലും, കവിളിലുമായി ഓടി നടക്കുക ആയിരുന്നു. ഇവനെന്താ ഈ പെണ്ണിനെ ഇങ്ങനെ നോക്കുന്നത്.. ആ.. മോളേ.. ഇവിടുന്ന് പോയി വലത്തോട്ട് തിരിഞ്ഞാൽ മതി.. അഗസ്റ്റി ബെല്ലയോട് പറഞ്ഞ് കാർത്തിയെ ഉഴിഞ്ഞൊന്ന് നോക്കി. thanks... ബെല്ല അഗസ്റ്റിയെ നോക്കിയൊന്ന് ചിരിച്ച് അവിടെ നിന്ന് പോകുന്നു. അവൾ അവിടെ നിന്ന് പോയിട്ടും അവളെ എത്തിയും വലിഞ്ഞും നോക്കുക ആയിരുന്നു കാർത്തി. ടാ കാർത്തീ.. അവന്റെ നോട്ടം കണ്ട് അഗസ്റ്റി അവന്റെ തോളിൽ കുലുക്കി വിളിച്ചു. എന്താടാ.. (കാർത്തി) നിന്റെ നോട്ടം കണ്ടപ്പോ ഞാൻ കരുതി, അവൾ അവിടെ കിടന്ന് പ്രസവിക്കും എന്ന്.. അഗസ്റ്റി ചുണ്ട് രണ്ടും കടിച്ചു പിടിച്ചു കൊണ്ട് പറഞ്ഞു. ഒന്ന് പോടാ.. കാർത്തി വീണ്ടും അവൾ പോയ വഴിയേ നോക്കുക ആയിരുന്നു. കഴിഞ്ഞില്ലേടാ... കാർത്തി ആഗസ്റ്റിയെ നോക്കിയൊന്ന് നല്ലത് പോലെ ഇളിച്ചു. നിനക്കപ്പോ പ്രേമിക്കാനാണ് അറിയാത്തത്, വായീ നോക്കാൻ അറിയാലേ.. അഗസ്റ്റി കളിയോടെ പറഞ്ഞതും അവൻ ചിരിച്ചു. ടാ.. അഗസ്റ്റി.. ഞാൻ ഒരു കാര്യം പറയട്ടെ.. കാർത്തി ആഗസ്റ്റിയുടെ ബട്ടൻസിൽ വിരലോടിച്ചു കൊണ്ട് പറഞ്ഞു. ആ... പറ... (അഗസ്റ്റി) എനിക്ക് നേരത്തെ പറഞ്ഞ സാധനം അടിച്ചു... (കാർത്തി) എന്ത്... (അഗസ്റ്റി) spark... (കാർത്തി) എപ്പോ... (അഗസ്റ്റി) ദാ ഇപ്പോ ഒരു രണ്ട് മിനിറ്റ് മുമ്പ്.. അവൻ നാക്ക് കടിച്ചു കൊണ്ട് പറഞ്ഞു. ഹാ.. ഇപ്പോ പോയത്.. എനിക്ക് തോന്നി. അല്ലടാ... അവളെ കണ്ടാൽ നമ്മുടെ ബ്രായനെ പോലെ ഇല്ലേ.. ഹാ.. അപ്പോ എനിക്ക് മാത്രല്ലല്ലേ അങ്ങനെ തോന്നിയത്.. ഇനി അവന്റെ പെങ്ങൾ ആയിരിക്കോ, ഇക്കൊല്ലം ഇങ്ങോട്ട് എത്തും എന്ന് പറഞ്ഞിരുന്നു.. കാർത്തി അഗസ്റ്റിയുടെ തോളിൽ മുറുക്കി പിടിച്ചു കൊണ്ട് പറഞ്ഞു. ഇതാണെന്ന് തോനുന്നു നമ്മുടെ ക്ലാസ്സ്. നമുക്ക് ആ ചേട്ടനെ വെറുതെ പോയൊന്ന് മുട്ടിയാലോ... ക്ലാസ്സിന്റെ മുമ്പിൽ പുറം തിരിഞ്ഞു നിൽക്കുന്ന ബ്രയാനെ ചൂണ്ടി കാവ്യ പറഞ്ഞു. എടി കോഴി വേണ്ടാട്ടോ... വെറുതെ മേടിക്കാൻ നില്ക്കണ്ട.. ദിയ പറഞ്ഞു. നീ ചുമ്മാ ഇരി ഇതൊക്കെ ഒരു രസല്ലേ.. കാവ്യ പതുക്കെ ബ്രയാന്റെ അടുത്തേക്ക് നടന്നു കൊണ്ട് പറഞ്ഞു. അവളുടെ ഒരു രസം, അവസാനം എല്ലാം കൂടി സാമ്പാർ ആവാതിരുന്നാ മതി.. റീത്ത ചിരിച്ചു കൊണ്ട് പറഞ്ഞു. excuse me ചേട്ടാ... ബ്രയാൻ ആരോടോ സംസാരിക്കുക ആയിരുന്നു. കാവ്യയുടെ ശബ്ദം കേട്ട് അവൻ തിരിഞ്ഞു നോക്കി. മ്മ്മ്... എന്താ.. ബ്രയാനെ കണ്ട കാവ്യക്ക് spark അടിച്ചെങ്കിലും അവനൊരു കുലുക്കവും ഇല്ല. എന്റെ ദൈവമേ... എന്തൊരു മസിലാ... പൊളി ചേട്ടൻ.. അവൾ അവനെ വായീ നോക്കി നിൽക്കുമ്പോൾ ദിയയും, റീത്തയും അവളുടെ കൈ പിടിച്ചു വലിച്ചു. പക്ഷെ അവൾ അവിടെ നിന്ന് ഒരടി അനങ്ങാതെ അവനെ തന്നെ നോക്കി നിൽക്കുക ആയിരുന്നു. എന്താടി പെണ്ണെ... നീ ആണുങ്ങളെ കാണാത്ത പോലെ നോക്കുന്നത്... ആണുങ്ങളെ ഒക്കെ കണ്ടിട്ടുണ്ട് പക്ഷെ, ചേട്ടനെ ആദ്യായിട്ടല്ലേ കാണുന്നത്.. കാവ്യ നാണത്തോടെ ചോദിച്ചു. അവൻ അത് കേട്ട് നെറ്റി ചുളിച്ചു. first day തന്നെ ഇവൾ നമുക്ക് അടി വാങ്ങിച്ച് തരുമെന്നാ തോന്നുന്നത്.. ദിയ റീത്തയുടെ ചെവിയിൽ അവൾ കേൾക്കാൻ പാകത്തിന് പറഞ്ഞു. മ്മ്മ്... എനിക്കും അത് തന്നെയാ തോന്നുന്നത്... റീത്ത ബ്രയാനെയും, കാവ്യയെയും മാറി മാറി നോക്കി കൊണ്ട് പറഞ്ഞു.. ഇതെന്താ കാവിലെ ഭാഗവാൻ നേരിട്ട് പ്രത്യക്ഷപ്പെട്ടതൊ.. കാവ്യ പുഞ്ചിരിയോടെ പറഞ്ഞു, അത് കേട്ട് ചിരി വന്നെങ്കിലും പുറത്തേക്ക് വരുന്നതിന് മുന്നേ അതിനെ ലോക്ക് ഇട്ട് നിർത്തി അവൻ. മ്മ്.. പോയെ പോയെ രാവിലെ തന്നെ ഓരോന്ന് ഇറങ്ങിക്കോളും.. ബ്രായാൻ അതും പറഞ്ഞ് മുമ്പോട്ട് നടന്നു, കാവ്യ പുറകെ പോയി അവന്റെ മുമ്പിൽ ചെന്ന് നിന്നു. അവൻ ആകെ ഞെട്ടി പോയിരുന്നു. ചേട്ടാ പോവല്ലേ പറയട്ടെ.. ഹോ.. ഇത് വല്യേ ശല്ല്യം ആണല്ലോ.. എന്താ കൊച്ചേ വേണ്ടേ.. അവൻ നേട്ടത്തടിച്ചു ദേഷ്യത്തിൽ ചോദിച്ചു. എന്താ ചേട്ടന്റെ പേര്... എന്റെ പേര് വാസു ഇഷ്ടായില്ലേ.. ന്നാ ശരി ഞാൻ പോട്ടെ... അവൻ ദൃതിയിൽ പറഞ്ഞ് അവിടെ നിന്ന് പോയി, കാവ്യ അവന്റെ പേര് കേട്ട് ആകെ തരിച്ചു പോയിരുന്നു. അയ്യേ.. ഇത്രേം look ഉള്ള ഈ ചേട്ടന്റെ പേര് വാസു എന്നോ.. അവൾ അവൻ പോകുന്നത് നോക്കി കൊണ്ട് പറഞ്ഞു. അത് കേട്ട് ദിയയും, റീത്തയും അവളുടെ അടുത്തേക്ക് ചെന്നു. എന്തെ നിനക്ക് ഇഷ്ടായില്ലേ.. റീത്ത ചോദിച്ചു. ചേട്ടനെ ഇഷ്ടായി, പക്ഷെ പേര് പോരാ.. അയ്യാ... നീ നിന്റെ സ്ഥിരം പരിപാടി തൊടങ്ങീ ല്ലേ.. ഒന്ന് നന്നായിക്കൂടെ ടീ.. റീത്ത പറഞ്ഞു. നന്നാവണം എന്ന് എനിക്ക് ആഗ്രഹം ഉണ്ട്.. പക്ഷെ മനസ്സ് അനുവദിക്കുന്നില്ല ടീ.. കാവ്യ പറയുന്നത് കെട്ട് ദിയയും, റീത്തയും പൊട്ടി ചിരിച്ചു. എന്നാലും എന്ത് look ആണെടീ ആ ചേട്ടൻ.. കാവ്യ നാണത്തോടെ പറഞ്ഞു. എന്താണ് മോളെ spark അടിച്ചോ.. ദിയ കാവ്യയുടെ തോളിൽ പിടിച്ചു കൊണ്ട് ചോദിച്ചു. അടിച്ചു മോളേ... അവൾ കള്ള ചിരിയോടെ പറഞ്ഞു. മ്മ്.. നടക്കട്ടെ നടക്കട്ടെ.. ദിയയും, റീത്തയും ഒരുമിച്ച് പറഞ്ഞു. അവർ അങ്ങനെ സംസാരിച്ച് അവിടെ നിൽക്കുക ആയിരുന്നു. ട്ടോ... പെട്ടന്നാണ് ശബ്ദം ഉണ്ടാക്കി ബെല്ല അങ്ങോട്ട് വന്നത്.. അവൾ ഉണ്ടാക്കിയ ശബ്ദം കേട്ട് 3 പേരും പേടിച്ചിരുന്നു. ഈ.. കുരുപ്പ് മനുഷ്യനെ പേടിപ്പിച്ചല്ലോ.. കാവ്യ നെഞ്ചിൽ കൈ വച്ച് പറഞ്ഞു. ആ.. അന്ത ഭയം ഇറുക്കട്ടും... ബെല്ല പറഞ്ഞു. അല്ല ബെല്ലാ.. നീ എന്താ വരാൻ വൈകിയേ.. റീത്ത ചോദിച്ചു. സത്യം പറയാലോ റീത്തെ എന്റെ alarm അടിച്ചില്ല.. ബെല്ല കള്ള സങ്കടത്തോടെ പറഞ്ഞു. വക്കാത്ത alarm എങ്ങനെ അടിക്കാനാ.. കാവ്യ ചിരിച്ചു കൊണ്ട് പറഞ്ഞു. അത് കേട്ട് റീത്തയും, ദിയയും പൊട്ടിച്ചിരിച്ചു. ബെല്ല 3 പേരെയും നോക്കി പല്ല് കാട്ടി ഒരു ചിരിയും ചിരിച്ചു. ഇവിടെ ഇങ്ങനെ നിന്നാൽ മതിയോ ക്ലാസ്സിൽ കയറാം.. അതും പറഞ്ഞ് റീത്ത ക്ലാസിലേക്ക് നടന്നപ്പോൾ ദിയയും, കാവ്യയും, ബെല്ലയും പുറകെ നടന്നു. അവർ അങ്ങനെ ക്ലാസ്സിൽ എത്തി അടുത്തടുത്തായി ഇരുന്നു. LKG മുതൽ ഇവർ ഒരുമിച്ചാണ് പഠിച്ചത്. അന്ന് മുതലേ ഒരു ബെഞ്ചിൽ ആണ് ഇവർ ഇരുന്നിട്ടുള്ളൂ. 4 പേരും വീട്ടിൽ ഉള്ള വിശേഷങ്ങൾ എല്ലാം പറഞ്ഞിരിക്കുമ്പോൾ ആണ് അങ്ങോട്ട് ഒരു മസിലൻ sir വന്നത്. sir വന്നപ്പോൾ എല്ലാവരും good morning പറഞ്ഞ് എഴുന്നേറ്റ് നിന്നു. sit down... അത് കേട്ട് എല്ലാവരും അവരവരുടെ സീറ്റിൽ ഇരുന്നു. dear students.... ഞാൻ നിങ്ങളുടെ ക്ലാസ് teacher ആണ്, എടുക്കുന്ന വിഷയം english ആണ്.. hai... നല്ല മസിലുള്ള സാർ.. റീത്ത പറഞ്ഞു. ഒന്ന് മിണ്ടാതിരിക്കടീ.. ദിയ പല്ല് കടിച്ച് പറഞ്ഞു. sir... what is your name... ബെല്ല എഴുന്നേറ്റ് നിന്ന് ചോദിച്ചു. my name is മാത്യു... your sweet name please... ബെല്ല.. ഹോ.. nice... thank you sir.... അപ്പോ ഇന്ന് first day അല്ലേ നമുക്ക് എന്തെങ്കിലും സംസാരിച്ചോണ്ടിരുന്നാലോ.. എന്ത് പറയുന്നു.. yes sir... കോറസ് മുഴങ്ങി. hai നല്ല sir... ഇങ്ങനെ വേണം സാറുമാരായാൽ... കാവ്യ അവളുടെ അഭിപ്രായം പറഞ്ഞു. അതെ അതെ.. ബെല്ല പറഞ്ഞു. അങ്ങനെ ക്ലാസിലുള്ള എല്ലാവരും അവരുടെ പേരും അഡ്രസ്സും പറഞ്ഞു, പത്തെൺപത് കുട്ടികളെ പരിചയപ്പെട്ടപ്പോഴേക്കും മാത്യു sir ഒന്ന് വിയർത്തിരുന്നു. interevel സമയത്തും മാത്യു സാറിനെ കുറിച്ചു പറയുക ആയിരുന്നു നമ്മുടെ ആൾക്കാർ. നല്ല സാർ അല്ലേ എനിക്കിഷ്ടായി.. ദിയ അഭിപ്രായം പറഞ്ഞു. മ്മ്.. മാത്യു.. കാവ്യ അത് പറഞ്ഞതും റീത്ത അവളെ ഒന്ന് ഇരുത്തി നോക്കി. എന്താ നിന്റെ ഉദ്ദേശം അയാൾ മുതുക്കനാടി.. റീത്ത ചിരിയോടെ പറഞ്ഞപ്പോൾ ബെല്ലയും, ദിയയും പൊട്ടി ചിരിച്ചു. പോടി അവിടുന്ന് ഞാൻ അയാളുടെ പേര് വെറുതെ പറഞ്ഞതാ.. കാവ്യ ചമ്മലോടെ പറഞ്ഞു. അല്ല... നീ ആയോണ്ട് പറയാൻ പറ്റില്ല.. അതായിരിക്കും അവൾ അങ്ങനെ പറഞ്ഞത്.. ദിയ ചിരി അടക്കിപിടിച്ചു കൊണ്ട് പറഞ്ഞു. അയ്യേ.... എനിക്ക് വേണ്ട ആ വയസ്സനെ... എനിക്കവനെ മതി... കാവ്യ നാണത്തോടെ പറഞ്ഞു. അത് കേട്ട് ദിയയും, റീത്തയും പരസ്പരം നോക്കി ചിരിച്ചു. ബെല്ലക്ക് മാത്രം ഒന്നും മനസിലായില്ല. 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://share.aksharathalukal.in/s/52628/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ