*🔇నెలాఖరున భారీగా పోలీస్ ల బదిలీలు?*
*🔷కొత్త డీజీపీ సీవీ ఆనంద్ నియామకంతో పాటే ఐపీఎస్ ల బదిలీలకు కసరత్తు*
*🔶భద్రతా విభాగం సలహాదారుగా డీజీపీ*
*శివధర్ రెడ్డి నియామకం*
*🔷బదిలీలపై కసరత్తుకు సీఎం రేవంత్రెడ్డి శ్రీకారం?*
*🔷నిఘా విభాగం చీఫ్ గా సజ్జనార్ సిటీ సీపీగా బడుగుల సుమతి?*
• *🔶 హోం శాఖ ఫ్యూచర్ సిటీ*
*ముఖ్య కార్యదర్శిగా సౌమ్యా మిశ్రా*
*🍥తెలంగాణ పోలీసువిభాగంలో భారీ ప్రక్షాళనకు ముఖ్యమంత్రి రేవంత్ రెడ్డి సమాయత్తమవుతున్నట్టు ఉన్నత స్థాయి వర్గాల సమాచారం. తెలంగాణ పోలీసు విభాగం అధిపతి (డీజీపీ) బత్తుల శివధర్ రెడ్డి ఈ నెలాఖరుకు ఉద్యోగ విరమణ చేస్తున్నారు. డీజీపీగా ఎవరిని నియమించాలన్న అంశంపై ఇప్పటికే స్పష్టత రాగా, ఈ పదవిలో సీవీ ఆనందన్ను నియమిస్తూ నాలుగైదు రోజుల్లో ఉత్తర్వులు వెలువరించే అవకాశాలున్నట్టు సీఎం కార్యాలయ వర్గాలు చెబుతున్నాయి. డీజీపీగా ఉద్యోగ విరమణ చేయనున్న శివధర్ రెడ్డిని రాష్ట్ర ప్రభుత్వ భద్రతా విభాగ సలహాదారుగా నియమిం చేందుకు రంగం సిద్ధమైనట్టు సమాచారం. రెండు రోజుల క్రితం డీజీపీలుగా పదోన్నతి పొందిన ఆరుగురు ఉన్నతాధికారులను కీలక విభాగాల్లో నియమించేందుకు హోంమంత్రిగా బాధ్యతలు నిర్వహిస్తున్న ముఖ్యమంత్రి రేవంత్ రెడ్డి సమాలోచనలు జరిపినట్టు అత్యంత విశ్వసనీయ వర్గాలు చెబుతున్నాయి. త్వరలో పరిషత్, జీహెచ్ఎంసీ ఎన్నికలు నిర్వహించేందుకు సమాయ* *చేపట్టాక ఎస్పీ ఆపై స్థాయి అధికారుల బదిలీలకు పచ్చ జెండా ఊపా లని ప్రతిపాదించినట్టు సమాచారం. ఎస్పీలు, పోలీసు కమిషనర్ల బదిలీలకు సంబంధించి ఆయా జిల్లాల ఇన్చార్జ్ మంత్రులు, జిల్లా*
*మంత్రులు, ఎమ్మెల్యేల అభిప్రాయాలను పరిగణనలోకి తీసుకుని తుది నిర్ణయం తీసుకోవాలని సీఎం రేవంత్ రెడ్డి భావిస్తున్నట్టు ఆయనకు సన్నిహితంగా ఉండే ఇరువురు మంత్రులు చెప్పారు. ప్ర భుత్వ ఆశయాలకు, విధానాలకు అనుగుణంగా పని చేసే అధికారులకు పోస్టింగ్లో ప్రథమ ప్రాధాన్యమివ్వాలని సీఎం రేవంత్ రెడ్డి నిర్ణయించినట్టు తెలుస్తోంది.*
*⚫అదనపు డీజీపీల స్థానాల్లో కొత్త డీజీపీలు*
*🌀అదనపు డీజీపీల స్థానాల్లో కొత్తగా డీజీపీలుగా పదోన్నతి పొందిన అధికారులను నియమించాలని ముఖ్యమంత్రి కార్యాలయం సమాలోచనలు జరుపుతున్నట్టు చెబుతున్నారు. పౌరసరఫరాల కమిషనర్, తెలంగాణ రాష్ట్ర రోడ్డు రవాణాసంస్థ(టీ జీ ఆర్టీసీ)మేనేజింగ్ డైరెక్టర్, ఫైర్ సర్వీసెస్ విభాగాల చీఫ్ లుగా అదనపు డైరక్టర్ జనరల్ స్థాయి అధికారులు పనిచేస్తున్నారు. ఈ విభాగాల్లో డీజీపీ స్థాయి అధికారులను నియమించాలన్న*
*ప్రతిపాదనపై ముఖ్యమంత్రి రేవంత్ రెడ్డి అధ్యయనం చేస్తున్నట్టు విశ్వసనీయ వర్గాలు చెబుతున్నాయి. విజిలెన్స్ అండ్ ఎన్ఫోర్స్ మెంట్, అవినీతి నిరోధక శాఖ(ఏసీబీ) సీఐడీ, రైల్వే, జైళ్ళ శాఖకు సమర్థులైన అధికారులను నియమించే అవకాశం ఉన్నట్టు తెలుస్తోంది. హైదరాబాద్ నగర పోలీసు కమిషనర్ గా ఉన్న సజ్జనార్ను నిఘా విభాగం(ఇంటెలిజెన్స్) అధిపతిగా ఎంపిక చేయాలని సీఎం భావిస్తున్నట్టుసమాచారం. ఇటీవలకొత్తగా ఏర్పా టైన ఫ్యూచర్ సిటీ పొలీస్ కమిషనర్గా కౌంటర్ ఇంటెలిజెన్స్ ఐజీ గా విధులు నిర్వహిస్తున్న 2001 బ్యాచ్ ఐపీఎస్ అధికారి బడుగుల సుమతి పేరును పరిశీలిస్తున్నట్టు సమాచారం. మావోలు భారీ ఎత్తున లొంగుబాటుకు సంబంధించి సుమతి కీలక పాత్ర పోషించారని భావిస్తున్న ప్రభుత్వం ఆమె సేవలను ఫ్యూచర్ సిటీ క "మిషనర్గా వినియోగించుకోవాలని భావిస్తున్నట్టు సమాచారం.*
*సజ్జనార్ ను నిఘా విభాగం అధిపతిగా నియమించాలని ప్రభుత్వం ప్రతిపాదిస్తే హైదరాబాద్ నగర పోలీసు కమిషనర్గా 1999 ఐపీఎస్ బ్యాచ్ కు చెందిన స్టీఫెన్ రవీంద్ర పేరును పరిశీలించే అవకాశం ఉన్నట్టు చెబుతున్నారు. స్టీఫెన్ ప్రస్తుతం పౌర సరఫరాల శాఖ కమిషనర్ గా బాధ్యతలు నిర్వహిస్తున్నారు. హోం శాఖ కార్యదర్శిగా ఉన్న సీవీ ఆనంద్ డీజీపీ గా బాధ్యతలు చేపట్టనుండడంతో ఆ స్థానంలో 1994 బ్యాచ్ ఐపీఎస్ అధికారిణి డాక్టర్ సౌమ్య మిశ్రాను నియమించే అవకాశాలున్నట్టు ప్రచారం జరుగుతోంది. శాంతి భద్రతల విభాగం అదనపు అధికారి మహేష్ మురళీధర్ భగవత్ను కీలకమైన పదవిలో నియమించే అవకాశం ఉన్నట్టు సమాచారం. ఖమ్మం, నిజామాబాద్, రామగుండం, సిద్ధిపేట, కరీంనగర్ పోలీసు కమిషనర్లతో సహా నిర్మల్, మహబూబ్ నగర్, సిరిసిల్ల, మహబూబాబాద్, నాగర్ కర్నూల్, నారాయణపేట, గద్వాల్, మెదక్, యాదాద్రి భువనగిరి, కామారెడ్డి, జనగాం జిల్లాల ఎస్పీలకు, హై దరాబాద్, సైబరాబాద్, మల్కాజిగిరి పోలీసు కమిషనరేట్ల పరిధిలో పనిచేస్తున్న డీసీపీలకు కూడా స్థానచలనం ఉంటుందన్న ప్రచారం జరుగుతోంది.* #మన సంప్రదాయాలు సమాచారం