పిట్ట కొంచెం కూత ఘనం అన్న రీతిలో తన సమ్మోహనమైన బ్యాటింగ్ తో ప్రత్యర్థి జట్లకు చుక్కలు చూపుతూన్న పసికూన వైభవ్ సూర్య వంశీ! లేదా తన పేరుకు తగ్గట్లుగానే అత్యంత వైభవంగా బ్యాటింగ్ చేస్తూ,పలు రికార్డులను తన ఖాతాలో వేసుకుంటూ ప్రపంచ క్రికెట్ ఆటలో దిగ్గజాలైన ఆటగాళ్ల ప్రశంసలు అందుకుంటున్న వైభవ్ సూర్య వంశీ! 15 ఏళ్ల చిన్న వయస్సులోనే ఐపీఎల్ టోర్నమెంట్ లో భాగంగా రాజస్థాన్ రాయల్స్ తరపున ఆడుతూ తన బ్యాట్ తో వీర విహారం చేస్తూ ప్రత్యర్థి జట్టు బౌలింగ్ శ్రేణిని నిర్దాక్షిణ్యంగా ఊచకోత కొస్తూ పలు సరికొత్త రికార్డులను కొల్లగొడుతూ,పాత రికార్డులకు మంగళం పాడుతున్న యువ సంచలన బ్యాటర్ వైభవ్ సూర్య వంశీని టీం ఇండియా జట్టులోకి తీసుకోవడం అనేది ఎంతైనా, ముమ్మాటికీ ఆహ్వానించదగ్గ పరిణామం! ప్రత్యర్థి జట్టు బౌలర్ ఎంతటి కాకలుతీరినవాడు అయిన బంతి వేసిందే తడవుగా ఏ ఫోరో ,సిక్సర్ గానో బాదే,చితగ్గొట్టే వైభవ్ సూర్య వంశీ వంటి హార్డ్ హిట్టర్ టీం ఇండియాకు అత్యంత అవసరం.ఎందుకంటే ఇప్పుడు ఉన్న ఇతర అంతర్జాతీయ జట్లలో పలువురు దూకుడుగా ఆడే యువ బ్యాట్స్ మ్యాన్ లు లెక్కలేనంత మంది అందుబాటులో వున్న నేపథ్యంలో వారికి దీటుగా మన టీం ఇండియా జట్టును బలోపేతం చేయాలంటే మాత్రం వైభవ్ సూర్య వంశీ వంటి డేర్ అండ్ డాషింగ్ బ్యాట్స్ మ్యాన్ లు మన టీం ఇండియాకు మరింతమంది కావాలి. ఏమైనా 14 ఏళ్లుగా పదిలంగా ఉన్న వెస్ట్ ఇండీస్ జట్టు స్టార్ బ్యాట్స్ మ్యాన్,వీర బాదుడుకు మారుపేరైనా అయిన క్రిస్ గేల్ సిక్సర్ల రికార్డునే బ్రేక్ చేసి,అసాధ్యాన్ని సుసాధ్యం చేసి, అందరిచే శెభాష్ అనిపించుకున్న వైభవ్ సూర్య వంశీ వంటి మేటి యంగ్ డైనమిక్,యువ రక్తం పొంగిపోర్లే బ్యాట్స్ మ్యాన్ టీం ఇండియా జట్టుకు ఓక కోహినూర్ వజ్రంతో సమానం అనే మాట అక్షర సత్యం.ఏమైనా ఈ చిచ్చర పిడుగు వైభవ్ సూర్య వంశీ రాబోయే కాలంలో టీం ఇండియా జట్టుకు ఎంపిక అయ్యి మరెన్ని రికార్డులను సాధించిపెడతాడో కాలమే నిర్ణయిస్తుంది. హ్యాట్సాఫ్ టూ యువ ఆటగాడు వైభవ్ సూర్యవంశీ! జయ జయహో టీం ఇండియా!🏏🏏🏏✍️✍️✍️ బుగ్గన మధుసూదనరెడ్డి,సామాజిక విశ్లేషకుడు,బేతంచెర్ల! #వైభవ్ సూర్య వంశీ