( మదర్స్ డే ను (11 - 5 - 2025) పురస్కరించుకొని ) అమ్మ ఋణం తీర్చలేనిది - మా తుజే సలాం! లేదా మాతృమూర్తుల శేష జీవితం ఉన్నంతలో సుఖసంతోషాలతో సాగిపోయేలా చేయాల్సిన గురుతర బాధ్యత ముమ్మాటికీ వారి పిల్లలదే! నవమోసాలు మోసి అష్టకష్టాలు పడి పండంటి బిడ్డకు జన్మనిచ్చి వారి అలనాపాలనలో అలుపు సోలుపు లేకుండా తాము పడ్డ శ్రమను మరచిపోతుంది మాతృమూర్తి.తాను తిన్న తినకపోయినా పస్తులుండి అయిన తన బిడ్డ కడుపు నింపాలని ఆరాట పడుతుంది కరుణామయురాలైన ఆ మాతృమూర్తి. తన బిడ్డలు ఈ సమాజం లో ఉన్నత స్థానం అధిరోహించాలనే తపన తో తమ ఆరోగ్యాన్ని సైతం లెక్కచేయక ఎన్నో త్యాగాలకు సిద్దపడుతుంది ఆ మాతృమూర్తి.తన సర్వశక్తులు ఒడ్డి తనకు చాతనైయినంతలో తమ బిడ్డకు ఎలాంటి లోటు లేకుండా పెంచేందుకు మనసా,వాచ,కర్మణా పాటుపడుతుంది,తన శక్తి వంచన లేకుండా కృషి సల్పుతుంది మాతృమూర్తి! కాని సాక్షాత్తు దైవం తో సమానమైన మాతృమూర్తిని ప్రయోజకులైన కొంతమంది పిల్లలు ఎనలేని మూర్కత్వంతో అన్నం పెట్టిన చెయ్యినే తొలగించేలా వారిని అత్యంత కర్కసత్వంతో వృద్ధాశ్రమాలు,అనాధ ఆశ్రమాల పాలుచేస్తున్నారు,మరికొంతమంది ఇంటి నుంచి నిర్దాక్షిణ్యంగా వెడలకొట్టడం అనే అనాగరిక, విష సంస్కృతికి బీజం వేసి ఆ మాతృమూర్తి కి ఎనలేని గర్భశోకాన్ని మిగుల్చుతున్నారు.అదేవిధంగా తమ మాతృమూర్తి కంట కన్నీరు తెప్పిస్తే ఆ పాపం ఊరకేపోదు అనే సున్నితమైన విషయాన్నీ వారంతా గుర్తెరిగి మసలుకుంటే అందరికి మంచిది,సర్వదా శ్రేయస్కరం కూడా.అదేమాదిరి ' మాతృదేవోభవ ' అని మనం మన అమ్మను ఎందుకు సంభోదిస్తామంటే అమ్మ సాక్షాత్తు ఆ దుర్గ మాతతో సమానం కాబట్టి. ఎందుకంటే మనం ఏదైనా ఒక మంచి కార్యం మొదలు పెట్టే ముందు మన తల్లి గారి కాళ్ళు మొక్కి మరీ వారి ఆశీర్వచనాలు తీసుకుంటే అవి మనకు ఒక మంత్రదండంలా,బ్రహ్మస్రంలా పనిచేసి మనల్ని ఉన్నత స్థానంలో నిలబెట్టెందుకు ఒక ఊతకర్రలా పనిచేసి మన ఉజ్వల భవిష్యత్ కు ఒక సోపానంలా ఉపయోగపడుతుంది అనే మాట సత్యదూరం కాదు.అలాకాకుండా మన సొంత తల్లిని నిత్యం వేదిస్తూ ఆమెను మానసిక క్షోభకు గురిచేస్తే మాత్రం అది ఒక పెనుశాపంలా మనకు పరిణమించి మన జీవితం అల్లకల్లోలమయం కావడం తథ్యం.అందుకే ' అమ్మను మించిన దైవమున్నదా ' అని మన పెద్దలు తరచుగా సెలవిస్తూ వుంటారు.ఎందుకంటే మన తల్లి గారి రెక్కల కష్టంతో మనల్ని ఒక ప్రయోజకులుగా తీర్చదిద్దితే తీరా మనం పెద్దయ్యాక మన తల్లిని ఏ మాత్రం పట్టించుకోకుండా రెక్కలు వచ్చిన పక్షుల్లాగా ఎక్కడికో ఎగిరిపోతే వృద్ధాప్యంలో తన అలానా పాలనా చూసేవారెవ్వరూ? ముఖ్యంగా మలి వయస్సులో భర్తను కోల్పోయిన మహిళల పరిస్థితి మరీ దారుణంగా ఉంటుంది.ఒక విధంగా నా దృష్టిలో తల్లిని పట్టించుకోని వారి జీవితం వున్న ఒకటే లేకున్నా ఒకటే.పొరపాటున మన తల్లి గారే తెలిసో తెలియకో ఏదైనా పొరపాటు చేసిన మనం ఖచ్చితంగా పెద్ద హృదయంతో మన్నించి తీరాలి.ఎందుకంటే మన తల్లి గారు ఏది చేసిన మన మంచి కోరెందుకే చేస్తూ వుంటారు అనే విషయాన్నీ మనం ఎల్లవేళలా గుర్తుపెట్టుకొని ఆమె పట్ల ఎనలేని విధేయతతో నడుచుకుంటూ ఉండటం మన ధర్మం కూడా. ఏదిఏమైనా మాతృమూర్తి స్థానం ఈ సృష్టిలో అత్యంత మహోన్నతమైనది.ఎన్ని జన్మలెత్తిన ఆ మాతృమూర్తి ఋణం తీర్చుకోవడం అనేది దాదాపు అసంభవం ఓక వేళ దురదృష్టవశాత్తు విధి వక్రించి ఈ సభ్య సమాజం తన బిడ్డలను అనుకోని పరిస్థితుల వల్ల ఓక దుర్మార్గులుగా కితాబు ఇచ్చిన కూడా తాను మాత్రం తన బిడ్డల పట్ల ఎనలేని జాలి,దయ,కరుణ చూపిస్తుంది కాని ఎలాంటి పరిస్థితుల్లో వారిని ఎవగించుకోదు,అదే మాతృమూర్తి యొక్క విశిష్టత.ఏమైనా తన చివరి శ్వాస వరకు కూడా తన బిడ్డల యోగ క్షేమాల కోసం వారి ఎదుగుదల కోసం పరితపిస్తుంది.ఎవరు ఇష్టపడిన ఇష్టపడకపోయిన తన పిల్లల పట్ల ఎనలేని మమతానురాగాలు,ప్రేమ, ఆప్యాయతలు చూపించడంలో మాతృమూర్తిని మించిన వారు ఎవరులేరు అదే ఈ విశ్వంలో మాతృమూర్తి యొక్క వెలకట్టలేని గొప్పతనం.ఒక విధంగా చెప్పాలంటే మన అమ్మ పలికే ప్రతి పలుకు తేనే కంటే తియ్యనైనది,ఆమెతో మనం గడిపిన ప్రతి క్షణం ఓ మరచిపోలేని మధుర జ్ఞాపకమే.ఆమె ఆశయం,లక్ష్యం,దృఢచిత్తం ఒకటే.తాను జన్మనిచ్చిన పిల్లలు ఈ సమాజంలోని నలుగురిచే మన్ననలు అందుకొని మరీ ఉన్నత శిఖరాలు అధిరోహించాలని. తన పిల్లలు ఎలాంటి పరిస్థితుల్లో కష్టనష్టాలకు గురి కాకూడదని ఎల్లవేళలా వారి విలువైన జీవితాలు సుఖ,సంతోషాలతో సాగిపోవాలని ఆ సర్వేశ్వరుణ్ణి నిత్యం వేడుకుంటూ ఉంటుంది మన మాతృమూర్తి.అలాంటి గొప్పతనం,ప్రత్యేకత మన అమ్మలకు వుంది కాబట్టే ఎప్పటికి ఈ సమాజం యావత్తు మన అమ్మలను గౌరవిస్తూ,స్మరిస్తూనే ఉంటుంది అనే మాట ఎవ్వరూ కాదనలేని అక్షర సత్యం.అందుకే ఈ మాతృదినోత్సవాన్ని పురస్కరించుకొని ' మా తుజే సలాం ' అని మన మాతృమూర్తులను కీర్తిద్దాం,ఒక్కసారి వారి అజరామమైన సేవలను,వారు తమ పిల్లల కోసం పడే ఎనలేని శారీరక శ్రమను స్మరించుకుందాం!వారికి ఈ సమాజంలో మనమంతా ఓక ప్రముఖ స్థానం,గౌరవ,మర్యాదలు కల్పిద్దాం.జయ జయహో మదర్స్ డే!అమ్మ నీకు శతకోటి వందనాలు!✍️✍️✍️👩‍🍼👩‍🍼👩‍🍼 - బుగ్గన మధుసుష్మితారెడ్డి,సామాజిక విశ్లేషకుడు,బేతంచెర్ల,నంద్యాల జిల్లా. #💖హ్యాపీ మదర్స్ డే👩‍👧‍👦