#किरण झेंडे फाउंडेशन #किरण झेंडे विचारधारा #किरण झेंडे विचार #(किरण झेंडे स्टेटस) #kiran zende चाललेला आयटी कोर्स स्कॅम.. तुम्ही कधी शांतपणे विचार केलाय, पदवी झाल्यावर नोकरी शोधणाऱ्या तरुणांची हतबलता बघून गल्लोगल्ली हे आयटी ट्रेनिग इन्स्टिट्यूट कसे काय उभे राहिले आहेत? हा कोणताही शिक्षणाचा बाजार नाही, तर तरुणांच्या भीती आणि नैराश्यावर चालणारा एक अत्यंत सिस्टीमॅटिक ट्रॅप आहे. सुरुवात एका आकर्षक जाहिरातीने होते. १०० टक्के प्लेसमेंट गॅरंटी आणि फक्त दोन ते तीन महिन्यात डेटा सायन्स, एआय किवा फुल स्टैंक डेव्हलपर बनवण्याचे भावनिक गाजर जो विषय समजायला आणि प्रॅक्टिकल लेव्हलवर काम करायला इंजिनिअरिंगची तीन-चार वर्षे लागतात, तो विषय हे लोक फक्त ९० दिवसांत शिकवण्याचा खोटा दावा करतात. नोकरीच्या शोधात थकला-भागलेला आणि घरच्यांच्या दबावाखाली असलेला तरुण या गॅरंटीला भुलतो. तो बापाचे दोन ते तीन लाख रुपये या इन्स्टिट्यूटच्या घशात घालतो. इथून सुरु होतो त्यांचा खरा बिझनेस. तुम्हाला वाटतं तुम्ही आयटीमधले काहीतरी भयंकर भारी आणि अवघड स्किल शिकत आहात. पण क्लासरूममध्ये तुम्हाला जे शिकवले जाते, ते युट्युबवर मोफत उपल असणाऱ्या बेसिक कोडिंगचे फक्त एक जुने व्हर्जन असते. प्रक्टिकल प्रोजेक्ट्सच्या नावाखाली वर्षांनुवर्षे तेच जुने कॉपी-पेस्ट केलेले कोड तुमच्याकडून रन करून घेतले जातात. यात तुमची लॉजिकल थिंकिंग किवा स्वतःचे काहीतरी नवीन बनवण्याची क्षमता अजिबात डेव्हलप होत नाही. कोर्स संपतो आणि मग येतो प्लेसमेंटचा खरा आणि क्रूर खेळ. तुम्हाला अशा डमी कंपन्यांमध्य मुलाखतीला पाठवले जाते ज्यांचे या इन्स्टिट्यूटसोबत आधीच छुपे सेटिंग असते. काही वेळा फक्त दिखाव्यासाठी ऑफर लेटर्स दिली जातात आणि नंतर ऑनबोर्डिंगच्या नावाखाली महिन्यानुमाहिने तारखांवर तारखा दिल्या जातात. काही मुले चुकून रुजू झालीच, तरी त्यांना दोन महिन्यांतच परफॉर्मन्स इश्यूचे कारण देऊन कामावरून काढून टाकले जाते. तोपर्यंत इन्स्टिछूटने तुमची पूर्ण फी वसूल केलेली असते आणि तुम्ही पुन्हा रस्त्यावर आलेले असता. दोन महिन्यात कोडिंगचा कोणताही तज्ज्ञ तयार होत नसतो. या प्लेसमेंटच्या खोट्या बाजारात तुम्ही स्वतःचे पैसे आणि वेळ दोन्ही जाळत आहात. खऱ्या आयटी कंपन्या तुमचे क्लासचे सर्टिफिकेट बघत नाहीत, तर तुमची स्वतःहून प्रॉब्लेम सोडवण्याची लायकी बघतात. त्यामुळे शॉर्टकटच्या नादी लागून स्वतःच्या करिअरचा खून करू नका. हा ट्रॅप वेळीच ओळखा.