#എന്റെ സ്റ്റാറ്റസ് #🥘വീട്ടിലെ പാചകം _*🌶️ ഇന്നത്തെ പാചകം 🍳*_ *ചോക്ലേറ്റ് മൂസ്* +-----+------+-------+------+ ```ആഹാരം ബാക്കി വന്നാൽ കളയുകയല്ലാതെ എന്തു വഴി എന്നാണ് എല്ലാ ദിവസവും ചിന്തിക്കാറുള്ളത്. ബാക്കി വന്ന ചോറ് ചൂടാക്കി പിറ്റേ ദിവസം ഉപയോഗിക്കുന്ന ശീലം ഒരു കാലത്തുണ്ടായിരുന്നു. എന്നാൽ ഇന്ന് അധികം ആളുകൾക്കും അതിനോട് താൽപ്പര്യമില്ല. ഭക്ഷണം പാഴാക്കുന്ന ശീലം ഇനി മാറ്റിയെടുക്കാം. ചോറ് ബാക്കി വന്നാൽ ഒരു ഡെസേർട്ട് തയ്യാറാക്കിക്കോളൂ. വെറും ഡെസേർട്ടല്ല ചോക്ലേറ്റ് മൂസാണ് താരം. വേവിച്ച ചോറും അൽപ്പം ചോക്ലേറ്റും ഉണ്ടെങ്കിൽ സംഗതി റെഡി. ഇതിനോട് താൽപ്പര്യമില്ലാത്തവർ ചുരുക്കമേ കാണൂ. കുട്ടികൾക്കായി ഇനി വേറൊരു സ്പെഷ്യൽ ഐറ്റം വേണ്ട.``` _____________________ *ചേരുവകൾ* _____________________ ```ഡാർക്ക് ചോക്ലേറ്റ് - ഒന്നര കപ്പ് ചോറ് - ഒന്നര കപ്പ് വെള്ളം - അര കപ്പ് കൊക്കോ പൊടി - 1 ടേബിൾ സ്പൂൺ``` _______________________ *തയ്യാറാക്കുന്ന വിധം* ______________________ ```വെള്ളം നന്നായി ചൂടാക്കി ഡാർക്ക് ചോക്ലേറ്റ് അലിയിച്ചെടുക്കുക. ഒന്നര കപ്പ് വേവിച്ച ചോറിലേക്ക് അര കപ്പ് ചൂടു വെള്ളവും, അലിയിച്ചെടുത്ത ഡാർക്ക് ചോക്ലേറ്റ് ഒന്നര കപ്പും ചേർത്ത് അരച്ചെടുക്കുക. ഇതൊരു ബൗളിലേക്കു മാറ്റി രണ്ട് മണിക്കൂർ ഫ്രിഡ്ജിൽ സൂക്ഷിക്കുക. കട്ടിയായി വന്നു എന്ന് ഉറപ്പാക്കിയതിനു ശേഷം അൽപ്പം കൊക്കോ പൊടി അല്ലെങ്കിൽ ചോക്ലേറ്റ് പൊടിച്ചത് മുകളിൽ ചേർത്തു കഴിക്കാം.``` +-----+-------+-------+-------+