ସାମ୍ନାକୁ ଆସିଛି ଲୋମହର୍ଷଣକାରୀ ହତ୍ୟା ଘଟଣା। ତେଲଙ୍ଗାନାର ରଙ୍ଗା ରେଡ୍ଡୀରେ ଜଣେ ୩୫ ବର୍ଷୀୟ ବ୍ୟକ୍ତି ଘଟାଇଛନ୍ତି ଜଘନ୍ୟକାଣ୍ଡ। ସେ ଜାମିନ ପାଇବା ମାତ୍ରେ ନିଜ ପତ୍ନୀ, ୨ ପୁଅ, ତାଙ୍କ ବିରୋଧରେ ଯୌନ ନିର୍ଯାତନା ଅଭିଯୋଗ ଆଣିଥିବା ୧୭ ବର୍ଷୀୟ ଝିଅ ଓ ପୀଡ଼ିତାଙ୍କ ପରିବାରର ୨ ଜଣଙ୍କୁ ଅତ୍ୟନ୍ତ ନିର୍ମମ ଭାବେ ହତ୍ୟା କରିଛନ୍ତି। ସେ ଗୋଟିଏ ରାତିରେ ୬ ଜଣଙ୍କୁ ହତ୍ୟା କରିଛନ୍ତି।ଅଭିଯୁକ୍ତ ରାଜ କୁମାର ପ୍ରଥମେ ନିଜର ୩୦ ବର୍ଷୀୟ ପତ୍ନୀ ପ୍ରଭାତୀ ସରିତା ଓ ଦୁଇ ପୁଅ(୪ ଓ ୧ ବର୍ଷ)ଙ୍କୁ ଶାବାଦ ସ୍ଥିତ ଘରେ ହତ୍ୟା କରିଥିଲେ। ଏହାପରେ ସେ ମେ’ ୧୬ରେ ତାଙ୍କ ବିରୋଧରେ ପୋକସୋ ଆଇନ ଅନୁଯାୟୀ ଅଭିଯୋଗ କରିଥିବା ଜଣେ ୧୭ ବର୍ଷୀୟ ଝିଅଙ୍କ ଘରେ ପହଞ୍ଚିଥିଲେ।ସେଠାରୁ ସେ କିଶୋରୀଙ୍କୁ ଗୋଟିଏ କାର୍‌ରେ ନିଛାଟିଆ ସ୍ଥାନକୁ ବଳପୂର୍ବକୁ ଉଠାଇ ନେଇଥିଲେ। ସେଠାରେ ଅତ୍ୟନ୍ତ ନିର୍ମମ ଭାବେ ଝିଅଟିକୁ ମାରି ଦେଇଥିଲେ। କିଶୋରୀଙ୍କୁ କାରରେ ଉଠାଇ ନେବା ପୂର୍ବରୁ ସେ ତାଙ୍କ ୪୫ ବର୍ଷୀୟ ମା’ ଓ ୬୫ ବର୍ଷୀୟ ଆଈଙ୍କୁ ମଧ୍ୟ ହତ୍ୟା କରିଥିଲେ। ଘଟଣା ବେଳେ କିଶୋରୀଙ୍କ ୨୦ ବର୍ଷୀୟା ମାଉସୀ ମଧ୍ୟ ଘରେ ଉପସ୍ଥିତ ଥିଲେ। ସେ ଜଣେ ଦିବ୍ୟାଙ୍ଗ ହୋଇଥିବାରୁ ଅଭିଯୁକ୍ତ ରାଜ କୁମାର ତାଙ୍କର କିଛି ବି କ୍ଷତି ଘଟାଇ ନାହାନ୍ତି। #🛕ରଥଯାତ୍ରା ବେଳକୁ ରାଜ୍ୟରେ ଛେଚିବ ବର୍ଷା⛈️

#🛕ରଥଯାତ୍ରା ବେଳକୁ ରାଜ୍ୟରେ ଛେଚିବ ବର୍ଷା⛈️

ପୁଣି ବଙ୍ଗୋପସାଗରରେ ଆସୁଛି ଲଘୁଚାପ। ରଥଯାତ୍ରା ବେଳକୁ ରାଜ୍ୟରେ ଛେଚିବ ବର୍ଷା। ଆସନ୍ତାକାଲି ଉତ୍ତର ପଶ୍ଚିମ ବଙ୍ଗୋପସାଗରରେ ଏକ ଘୂର୍ଣ୍ଣିବଳୟ ସୃଷ୍ଟି ହେବା ସମ୍ଭାବନା ରହିଛି। ଏହାର ପ୍ରଭାବରେ ୧୪ ତାରିଖରେ ସେହି ସ୍ଥାନରେ ଲଘୁଚାପ ସୃଷ୍ଟି ହୋଇପାରେ। ଯାହାକି ଉତ୍ତର ପଶ୍ଚିମ ଦିଗରେ ଗତି କରି ଛତିଶଗଡ ଯିବ। ଫଳରେ ଉତ୍ତର ଓ ପଶ୍ଚିମ ଓଡ଼ିଶାରେ ଅଧିକ ବର୍ଷା ହେବ। ଏହାଦ୍ବାରା ସୁବର୍ଣ୍ଣରେଖା, ବୁଢ଼ାବଳଙ୍ଗ, ବୈତରଣୀ ନଦୀରେ ଜଳସ୍ତର ବୃଦ୍ଧି ପାଇବ। ମହାନଦୀ ଉପର ମୁଣ୍ଡରେ ମଧ୍ୟ ପ୍ରବଳ ବର୍ଷା ହେବ। ତେବେ ତଳ ମୁଣ୍ଡରେ ବର୍ଷା କମ୍ ହେବା ଯୋଗୁ ମହାନଦୀରେ ବନ୍ୟା ଆଶଙ୍କା ରହିବନି। ଆଇଏମଡିର ସୂଚନା ଅନୁସାରେ, ଆସନ୍ତାକାଲିଠୁ ରାଜ୍ୟରେ ବର୍ଷା ବଢିବ। ରାଜ୍ୟରେ ବର୍ତ୍ତମାନ ସୁଦ୍ଧା ୩୪୧.୯ ମିଲିମିଟର ବର୍ଷା ହୋଇଛି। ଯାହାକି ସ୍ୱାଭାବିକ ବର୍ଷା ତୁଳନାରେ ୧୨% ଅଧିକ। ହେଲେ ଏବେ ବି ୪ ଜିଲ୍ଲା-ସୁନ୍ଦରଗଡ, ଦେବଗଡ଼, କଳାହାଣ୍ଡି, ନବରଙ୍ଗପୁରରେ ନିଅଣ୍ଟିଆ ବର୍ଷା ରେକର୍ଡ ହୋଇଛି। #🛕ରଥଯାତ୍ରା ବେଳକୁ ରାଜ୍ୟରେ ଛେଚିବ ବର୍ଷା⛈️

#🛕ରଥଯାତ୍ରା ବେଳକୁ ରାଜ୍ୟରେ ଛେଚିବ ବର୍ଷା⛈️

ବଙ୍ଗୋପସାଗରରେ ପୁଣି ଏକ ଲଘୁଚାପ ସୃଷ୍ଟି ହେବାର ସମ୍ଭାବନା ରହିଛି। ଫଳରେ ରାଜ୍ୟରେ ଆଗାମୀ ୭ ଦିନ ଧରି ପ୍ରବଳ ବର୍ଷାର ସମ୍ଭାବନା ରହିଛି। ଗାଙ୍ଗେଟିକ ୱେଷ୍ଟବେଙ୍ଗଲ ଓ ତା’ ପାଖାପାଖି ବାଂଲାଦେଶ ଉପରେ ଏକ ଘୂର୍ଣ୍ଣିବଳୟ ସୃଷ୍ଟି ହୋଇଛି। ସମୁଦ୍ରପତ୍ତନଠାରୁ ୪.୫ରୁ ୫.୮ କି.ମି. ଉଚ୍ଚତାରେ ଏହା ସକ୍ରିୟ ରହିଛି। ତେବେ ପାଗ ଅନୁକୂଳ ଥିବାରୁ ଲଘୁଚାପ ସୃଷ୍ଟି ହୋଇପାରେ ବୋଲି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି। ଫଳରେ ଆସନ୍ତା ୭ ଦିନ ଯାଏ ରାଜ୍ୟରେ ଘଡ଼ଘଡ଼ି ସହ ବର୍ଷା ଲାଗିରହିବ। ଏଥିସହ ୧୩ ତାରିଖରୁ ବର୍ଷା ପରିମାଣ ବଢିବ ବୋଲି ପାଣିପାଗ କେନ୍ଦ୍ର ନିର୍ଦ୍ଦେଶିକା ଡ. ମନୋରମା ମହାନ୍ତି ସୂଚନା ଦେଇଛନ୍ତି। ଶୁକ୍ରବାର ରାଜ୍ୟର ବିଭିନ୍ନ ଜିଲାରେ ବର୍ଷା ହୋଇଥିବାବେଳେ ଶନିବାର ମଧ୍ୟ ହାଲୁକାରୁ ମଧ୍ୟମ ଧରଣର ବର୍ଷା ହେବା ନେଇ ପୂର୍ବାନୁମାନ କରାଯାଇଛି। ଏଥିସହ ସୁନ୍ଦରଗଡ଼, କେନ୍ଦୁଝର ଏବଂ ମୟୂରଭଞ୍ଜ ଜିଲାର କିଛି ସ୍ଥାନରେ ବର୍ଷା ସହିତ ଘଡ଼ଘଡ଼ି, ବିଜୁଳି ଓ ଝଟ୍‌କା ପବନ ବହିବାର ସମ୍ଭାବନା ରହିଥିବାରୁ ୟେଲୋ ଓ୍ବାର୍ନିଂ ଜାରି କରାଯାଇଛି।ଶେଷ ୨୪ ଘଣ୍ଟା ମଧ୍ୟରେ ରାଜ୍ୟର ୧୩ ସ୍ଥାନରେ ବର୍ଷା ହୋଇଥିବାବେଳେ ସର୍ବାଧିକ ବର୍ଷା ସୁନ୍ଦରଗଡ ଗୁରୁଣ୍ଡିଆରେ ୭୧ ମି.ମି ରେକର୍ଡ ହୋଇଛି। ସେହିପରି ଜୁନ ୧ରୁ ଜୁଲାଇ ୧୦ ମଧ୍ୟରେ ରାଜ୍ୟରେ ମୋଟ ୩୪୧ ମି.ମି ବର୍ଷା ରେକର୍ଡ ହୋଇଛି, ଯାହାକି ସ୍ବାଭାବିକ ବର୍ଷାର ୧୨% ଅଧିକ। ସେହିପରି ଚଳିତ ମୌସୁମୀ ବର୍ଷାରେ ଏଯାବତ ୬ ଜିଲାରେ ଅତ୍ୟଧିକ ବର୍ଷା ରେକର୍ଡ କରାଯାଇଥିବାବେଳେ ୫ଟି ଜିଲାରେ ଅଧିକ ବର୍ଷା, ୧୫ ଜିଲାରେ ସ୍ବାଭାବିକ ବର୍ଷା ଏବଂ ୪ଟି ଜିଲା ଯଥା ସୁନ୍ଦରଗଡ଼, ନବରଙ୍ଗପୁର, ଦେବଗଡ଼ ଓ କଳାହାଣ୍ଡି ଜିଲାରେ ନିଅଣ୍ଟିଆ ବର୍ଷା ହୋଇଥିବା ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି। #🛕ରଥଯାତ୍ରା ବେଳକୁ ରାଜ୍ୟରେ ଛେଚିବ ବର୍ଷା⛈️