#📙 നോവൽ - കാശിയുടെ പെണ്ണ് 💐💐 🔻 പാർട്ട്_ 78 ✍️ രചന - ജിഫ്ന നിസാർ 💥 രാവിലെ മുതൽ ബഹളങ്ങളാണ്. പക്ഷെ കാർത്തുവിന്റെ മനസ്സാവിടെയെങ്ങുമല്ല. മിയ പറഞ്ഞത് പോലെ തന്നെ ചെയ്യാൻ പ്ലാൻ ചെയ്ത് കഴിഞ്ഞതുമാണ്. പക്ഷെ അപ്പോഴും കാശിയെ ഓർക്കുമ്പോൾ.. താൻ ഇവിടെ നിന്നും മാറി നിന്നാൽ അതിന്റെ പേരിൽ അവനെ അച്ഛനും മഹേഷും കൂടി ജയിലിൽ തന്നെ പ്പെടുത്തി കളയുമോ എന്നോർക്കുമ്പോൾ അവൾക്ക് രക്ഷപ്പെട്ടു പോകണമെന്നില്ല. തത്കാലം നീ മാറി നിൽക്ക് കാർത്തു.. അല്ലെങ്കിൽ മഹേഷ്‌ നിന്റെ കഴുത്തിൽ താലി കെട്ടും. നിന്നെ അവന്റെ ഭാര്യയാക്കും. പക്ഷെ എന്നിട്ടും അവർ പറഞ്ഞ വാക്ക് പാലിക്കും എന്നെനിക്ക് തോന്നുന്നില്ല. അത്രയും മനസ്സാക്ഷി ഇല്ലാത്തവരാ നിന്റെ അച്ഛനും ആ മഹേഷും. എനിക്കവരെ ഒട്ടും വിശ്വാസവുമില്ല. ആദ്യം കാശിയെ പെടുത്തി കളഞ്ഞു. പിന്നെ അവന്റെ പേരിൽ നിന്നെയും. ഇനിയും അവരെ നീ വിശ്വസിച്ചു കൊണ്ടിരുന്ന.. ആ മഹേശിന്റെ കൂടെ നീ..അത് വേണോ.. നീ തന്നെ ചിന്തിച്ചു നോക്ക്. എന്നിട്ടൊരു തീരുമാനം പറയ്യ്. അതെന്തായാലും ഞാൻ നിന്റെ കൂടെ ഉണ്ടാവും.." മിയ അറുത്തു മുറിച്ച് പറഞ്ഞു കഴിഞ്ഞു. അത് കൂടി ആയതോടെ കാർത്തുവിന്റെ മനസ്സ് വീണ്ടും അസ്വസ്ഥമായി. വ്യക്തമായൊരു തീരുമാനമെടുക്കാൻ കഴിയാത്ത അവസ്ഥ. മഹേഷിനെ സ്വീകരിക്കുന്നത് ഓർക്കാൻ കൂടി വയ്യ. അതോടൊപ്പം തന്നെ താൻ കാരണം കാശിക്കൊരു വേദന കൂടി വരുന്നതും. കുഞ്ഞാറ്റെ. പിന്നിൽ നിന്നും അശോകന്റെ വിളി കേട്ടതും അവളൊന്ന് ഞെട്ടി. നിറഞ്ഞ ചിരിയോടെ അവൾക്കരികിലേക്ക് വരുന്ന അശോകനും തുളസിയും. ദിവസങ്ങളായി അവരെ അവളെങ്ങനെ ഒരുമിച്ചടുത്തു കണ്ടിട്ടും. കാശിയുടെ കാര്യം അച്ഛനോട് പറഞ്ഞതിൽ പിന്നെ പൊള്ളയായ ഒരു അച്ഛനും അമ്മയുമായിരുന്നു അവർ അവൾക്ക് മുന്നിൽ. ഇന്നത്തോടെ മകൾ സേഫായി എന്നുള്ള ചിന്തയാവും ഇപ്പൊ രണ്ടു പേർക്കും. കാർത്തുവിനവരെ കണ്ടപ്പോൾ ദേഷ്യമാണ് വന്നത്. എങ്കിലും അവളൊന്നും മിണ്ടാതെ അവരെ നോക്കി. "നീ ഇനിയും കുളിച്ചില്ലേ മോളെ.. നേരം എത്രയായെന്നാ.." തുളസി വാത്സല്യത്തോടെ കൈ നീട്ടി തൊടാൻ വന്നതും കാർത്തു പിന്നിലേക്ക് മാറി. അവരുടെ മുഖത്ത് വേദന നിറഞ്ഞിട്ടും അത് കണ്ടിട്ടും കാർത്തുവിന്റെ മുഖത്തെ കടുപ്പം അൽപ്പം പോലും കുറഞ്ഞതുമില്ല. "മോൾക്ക് ഞങ്ങളോട് ദേഷ്യമുണ്ടാവും. പക്ഷെ കുറച്ചു നാൾ കഴിയുമ്പോൾ നിനക്ക് തന്നെ തോന്നും ഇന്നത്തെ അച്ഛന്റെ തീരുമാനം എത്ര ശെരിയായിരുന്നു എന്ന്.. അന്ന് നീ ഇതിനൊക്കെ വേദനിക്കേണ്ടി വരും.." അശോകൻ ചിരിച്ചു കൊണ്ട് തന്നെയാണ് പറയുന്നത്. "മറിച്ചാണെങ്കിലോ..?! ഒട്ടും അയവില്ലാതെ അവൾ തിരിച്ചു ചോദിച്ചു. "ഞാനെടുത്ത തീരുമാനം ഒരിക്കലും ഇത് വരെയും തെറ്റി പോയിട്ടില്ല കുഞ്ഞാറ്റെ.." അശോകന്റെ അങ്ങേയറ്റം ആത്മവിശ്വാസം.. കാർത്തു പുച്ഛത്തോടെ ചുണ്ട് കോട്ടി. "ഇപ്രാവശ്യം ആ പതിവ് തെറ്റും. എനിക്കുറപ്പുണ്ട്. ഇന്നിപ്പോ എന്നോട് ചെയ്തു കൂട്ടിയതിനെല്ലാം.. എന്നേം എന്റെ.. എന്റെ കാശ്യേട്ടനേം പിരിച്ചതിനടക്കം അച്ഛൻ വേദനിക്കും. കുറ്റബോധം കൊണ്ട് നീറും. അന്ന് എനിക്ക് മുന്നിൽ വരുന്ന നിങ്ങൾക്കീ ചിരി ഉണ്ടാവില്ല." കിതപ്പോടെ പറഞ്ഞിട്ട് അവൾ അശോകനെ തുറിച്ചു നോക്കി. മോളെ... " തുളസി വേദനയോടെ വിളിച്ചിട്ടും അവൾക്കൊരു മാറ്റവും വന്നില്ല. "മരിക്കുവോളം എനിക്ക് കാശിയേട്ടനെ മറക്കാൻ കഴിയില്ല. അതേ മനസ്സോടെ മറ്റൊരാളുടെ കൂടെ ജീവിക്കേണ്ടി വരുന്ന എന്റെ അവസ്ഥ.. അതാണ്‌ നിങ്ങൾക്കുള്ള എന്റെ ശിക്ഷ. ഉരുകി ഉരുകി തീരുന്ന എന്നെ ഞാൻ നിങ്ങൾക്ക് കാണിച്ചു തരും.. അന്നേ നിങ്ങള് പഠിക്കൂ.." തുളസി വാ പൊതിഞ്ഞു കരച്ചിലൊതുക്കി. അശോകൻ അവളെ തന്നെ നോക്കി നിൽപ്പാണ്. അയാൾക്കപ്പോഴും വലിയ ഭാവമാറ്റങ്ങൾ ഒന്നുമില്ല. ഇതൊക്കെ തന്നെ പ്രതീക്ഷിക്കുന്നു എന്നൊരു നിസംഗതാ. "മതി.. കല്യാണത്തിന് ക്ഷണിക്കപ്പെട്ട അതിഥികൾ വന്നു തുടങ്ങി. ഇനിയും വെല്ലുവിളിച്ചു നിൽക്കാൻ തന്നെയാണ് നിന്റെ പ്ലാൻ എങ്കിൽ.. അതിന് അനുഭവിക്കേണ്ടി വരിക അവനാണ്.. കാശി നാഥൻ. അത് മറക്കണ്ട നീ. " അശോകൻ അവൾക്കരികിലേക്ക് നീങ്ങി നിന്നിട്ട് പറഞ്ഞു. "വൈകുന്നേരത്തെ ഫങ്ക്ഷനുണ്ട്.ഇപ്പൊ നീ അതിന് വേണ്ടി റെഡിയാവുക.. അതിൽ കൂടുതൽ ഒന്നുമിപ്പോ ഓർക്കണ്ടാ..ഒന്നും." അതും പറഞ്ഞു കൊണ്ടയാൾ തുളസിയെ കൂടി പിടിച്ചു വലിച്ചു കൊണ്ട് താഴെക്കിറങ്ങി പോവുകയും ചെയ്തു. കാർത്തു വീണ്ടും പ്രതീക്ഷയറ്റത് പോലെ അവിടെ തന്നെ ഇരുന്നു.. 💥💥 അമ്പലപറമ്പിൽ അശോകന്റെ ഒരേ ഒരു മകളുടെ കല്യാണത്തിന് ആഡംബരമൊട്ടും കുറവില്ല. ഉണ്ടാവരുതെന്ന് അയാൾക്കത്രേം നിർബന്ധമുണ്ടായിരുന്നു. ലാവണ്ടർ കളറിൽ അനാർക്കലി ചുരിദാർ.. അതി സുന്ദരിയായി തന്നെ അവളെ ഒരുക്കിയിരിക്കുന്നു. പക്ഷെ ആ മുഖത്തെ സങ്കടവും കണ്ണുകളിലെ തീവ്ര ദുഃഖവും ഒരു മേക്കപ്പ് കൊണ്ടും കവർ ചെയ്തു മറക്കാൻ ആർക്കും പറ്റിയില്ല. അവൾക്കൊപ്പം.. അവൾക്ക് ചേരുന്ന മണവാളനായിട്ട് തന്നെയാണ് മഹേഷും എത്തിയത്. ലാവണ്ടർ കളർ കുർത്തയുമൊക്കെയായി സ്റ്റയിലായി ഒരുങ്ങി വന്നവനെ കണ്ടവർക്കാർക്കും യാതൊരു കുറ്റവും പറയാനില്ലാത്ത വിധം പൂർണം. എന്നാൽ കാർത്തുവിന് മാത്രം മനസ്സിലാവും വിധമൊരു പരിഹാസമുണ്ടവന്റെ മുഖത്തെ ചിരി നിറയെ.. വെല്ലുവിളി പോലുള്ള നോട്ടം.. അതൊന്നും സഹിക്കാൻ വയ്യാഞ്ഞിട്ടും അവന് മുന്നിൽ തോറ്റു കൊടുക്കില്ലെന്ന വാശിയോടെ അവൾ പിടിച്ചു നിന്നു. കസിൻസ് പിള്ളേരുടെ ഡാൻസും പാട്ടിനുമൊപ്പം മഹേഷും കൂടുന്നുണ്ട്. കാർത്തുവിനെ കൂടി അവരതിലേക്ക് ഉൾപെടുത്താൻ ശ്രമിച്ചെങ്കിലും ഉള്ളുലഞ്ഞു നിൽക്കുന്നവൾക്കെന്ത് ആഘോഷം.. മിയ മാത്രം അവളുടെയാ ദയനീയ അവസ്ഥ കണ്ടിട്ട് സങ്കടം സഹിക്കാൻ പറ്റുന്നില്ല. ഒന്നും ചെയ്യാനും കഴിയുന്നില്ല. പ്ലാൻ ചെയ്ത പോലൊക്കെ നടക്കുമോ എന്നതിലും യാതൊരു ഉറപ്പുമില്ല. എല്ലാം കൂടി വല്ലാത്തൊരു പിരി മുറുക്കത്തോടെയാണ് കാർത്തുവിനൊപ്പം മിയയും ആ മണിക്കൂറുകൾ തള്ളി നീക്കിയത്. കഴിക്കാൻ ഇരുന്നിട്ടും ഒരു വറ്റ് പോലും വാരി കഴിക്കാൻ വയ്യാത്ത പോലൊരു തളർച്ച കാർത്തുവിനെ പൊതിഞ്ഞു. ഇടയ്ക്കിടെ ആ ആൾക്കൂട്ടത്തിൽ വെറുതെയെങ്കിലും കണ്ണുകൾ തിരഞ്ഞത് അവനെയാണ്. ഞാൻ ജീവനോടെ ഉണ്ടെങ്കിൽ നിന്നെ രക്ഷപ്പെടുത്തി കൊണ്ട് പോകും എന്നുള്ള അവന്റെ വാക്കിലുള്ള വിശ്വാസത്തിന്റെ അന്ത്യശ്വാസം വലി തുടങ്ങിയിരിക്കുന്നു. ഇനി മുന്നിലുള്ളത് ഈ ഒരു രാത്രി മാത്രം.. ആ ഓർമ പോലും നടുക്കം കൊണ്ട് വിറപ്പിക്കുന്നു. "അവന്നിനയും വരുമെന്ന് കരുതുന്നുണ്ടോ ഡീ നീ.." കയ്യ്ക്കൊരു തട്ട് തന്നിട്ട് കഴിക്കാൻ അരികിലിരിക്കുമ്പോൾ മഹേഷ്‌ പുച്ഛത്തോടെ ചോദിക്കുന്നു. കാർത്തു പല്ല് കടിച്ചു കൊണ്ടവനെ ഒന്നു നോക്കിയതല്ലാതെ ഒന്നും മിണ്ടിയില്ല. എന്നിട്ടും അവൻ വിടാതെ വീണ്ടും എന്തൊക്കെയോ പറഞ്ഞു പ്രകോപിപ്പിക്കുന്നത് തടയാൻ വേണ്ടി അവൾ അവിടെ നിന്നും എഴുന്നേറ്റ് മാറി...വാഷ് റൂമിന് നേരെ നടക്കുമ്പോൾ കാർത്തു എല്ലാ നിയന്ത്രണങ്ങളെയും ഭേദിച്ചു കൊണ്ട് കരഞ്ഞു പോയിരുന്നു. 💥💥 മോളാ മുറിയിൽ കിടന്നോ.. ഞാനിന്ന് കുഞ്ഞാറ്റയുടെ കൂടെയാണ് " കാർത്തുവിന്റെ മുറിയുടെ എതിർ വശത്തെ മുറിയുടെ നേരെ ചൂണ്ടി കൊണ്ട് തുളസി മിയയോട് പറഞ്ഞു. വെള്ളിടി പോലെയാണ് തുളസിയുടെ ആ വാക്കുകൾ കാർത്തുവിന്റെയും മിയയുടെയും കാതിൽ വന്നു പതിച്ചത്. അവരുടെ സകല പ്ലാനും വെള്ളത്തിലായത് പോലാണ് തുളസിയുടെ ആ തീരുമാനം. അങ്ങനൊരു തിരിച്ചടി അവരോരിക്കലും പ്രതീക്ഷിക്കുന്നില്ലല്ലോ. "ആന്റി.. അത്.. ഞാൻ.." മിയക്ക് കാർത്തുവിനെ നോക്കുമ്പോൾ പോകാൻ തോന്നിയില്ല. "ഇനിയെന്റെ മോളെ എന്നാ എനിക്കൊന്ന് ഇങ്ങനെ കിട്ടുന്നത്. ഇന്നെനിക്ക് അവളുടെ കൂടി കിടക്കണം.. അത് കൊണ്ടാ.." മങ്ങിയൊരു ചിരിയോടെ തുളസി അത് കൂടി പറയുമ്പോൾ എതിർക്കാൻ പിന്നെ മിയയുടെ മുന്നിൽ കാരണങ്ങൾ ഏതുമില്ലായിരുന്നു. പാതി ജീവൻ പോയത് പോലെ നിൽക്കുന്ന കാർത്തുവിനെ ഒന്നു ദയനീയമായി നോക്കിയിട്ട് മിയ മുറിയിൽ നിന്നിറങ്ങി പോയതും കാർത്തു കുഴഞ്ഞു കൊണ്ട് കിടക്കയിലെക്കിരുന്നു. തിരികെ വന്നിട്ടൊരു കുളിയും കഴിഞ്ഞതാണ് അവൾ. അത്യാവശ്യം വേണ്ടുന്ന സർട്ടിഫിക്കറ്റ് അടക്കം എടുത്തു വെച്ച ബാഗിന് നേരെ നോക്കുമ്പോൾ അവളുടെ കണ്ണ് നിറഞ്ഞു. എല്ലാം അവസാമിക്കുകയാണിവിടം മുതൽ. കാർത്തിക പൂർണ്ണമായും തോറ്റു പോയിരിക്കുന്നു. ഇനിയാ വൃത്തികെട്ടവന് മുന്നിൽ താലിക്കായി കഴുത്തു നീട്ടി കൊടുക്കേണ്ട അവസ്ഥ.. മുള്ള് വേലിയിൽ ഉരസിയത് പോലെ അവളൊന്ന് പുളഞ്ഞു. "കിടന്നോ.. കുളിച്ചിട്ട് അമ്മയിപ്പോ വരാം.." അവളുടെ തലയിലൊന്ന് തടവി തുളസി ബാത്റൂമിന് നേരെ നടക്കുമ്പോൾ മൂളാൻ കൂടി കഴിയാത്ത പോലെ കാർത്തു കൈകൾ കൊണ്ട് തല താങ്ങി കുനിഞ്ഞിരുന്നു.. തുളസി വാതിൽ അടച്ചു ലോക്ക് ചെയ്ത തൊട്ടടുത്ത നിമിഷം.. എതിരെ ബാൽകണിയിലേക്ക് തുറക്കാവുന്ന വാതിൽക്കൽ നിന്നും കേട്ട ചൂളം വിളിയുടെ ശബ്ദം. ഞെട്ടി കൊണ്ട് മുഖമുയർത്തി നോക്കിയ കാർത്തു ഒരു നിമിഷം ശ്വാസം പിടിച്ചിരുന്നു പോയി. വാതിൽ പടിയിൽ ചാരി കൈകൾ നെഞ്ചിൽ കെട്ടി ചിരിയോടെ നിൽക്കുന്നവൻ.. കാശി നാഥൻ. അവളുടെ പ്രാണൻ. ഒരു വേള സ്വപ്നം കാണുകയാണോ എന്നറിയാത്തൊരു വേവലാതിയാണ് അവൾക്കാദ്യം തോന്നിയത്. പക്ഷെ ആ കണ്ണ് ചിമ്മി കൊണ്ടുള്ള ചിരി. കാറ്റ് പോലെ അവളവന്റെ നേരെ കുതിച്ചു ചെന്നു. തൊട്ട് മുന്നിൽ വന്നു നിന്നു കിതക്കുന്നവളുടെ നിറഞ്ഞ കണ്ണുകളിൽ കാശി അവനെ തന്നെ കണ്ടു. അവനോടുള്ള തീവ്രമായ പ്രണയത്തിലേക്ക് അന്നാദ്യമായി അവൻ ഹൃദയം കൊണ്ട് നോക്കി.. "ഞാൻ വരില്ലെന്ന് കരുതിയോ..?! പതിയെ.. ശ്വാസകാറ്റ് പോലെ അവളെ നോക്കി കൊണ്ടുള്ള ആ ചോദ്യം. കാർത്തു കണ്ണ് നിറച്ചു കൊണ്ട് അതേ എന്ന് തലയാട്ടി.. "വാക്ക് തന്നതല്ലേ ഞാൻ..കൊണ്ട് പോകാമെന്നും രക്ഷപ്പെടുത്താമെന്നും.. എന്നിട്ടും പിന്നെന്തേ.." ചിരിയോടെ... ആർദ്രമായ ആ ചോദ്യത്തിനൊപ്പം അവളുടെ കണ്ണുനീർ തുടക്കാൻ കൂടി അവന്റെ കൈകൾ നീണ്ടതും പിന്നെയും പിടിച്ചു നിക്കാൻ വയ്യെന്നത് പോലെ കാർത്തു അവനെ ഉടുമ്പടക്കം കെട്ടിപിടിച്ചു. അപ്പോൾ മുതൽ അവളുടെ ഹൃദയമിടിപ്പ് നേരെയായി. നാളത്തെ ദിവസം ഭയമില്ലാതെ ഓർക്കാൻ കഴിഞ്ഞു... നാളുകൾക്ക് ശേഷം സ്വസ്തമായി അവളൊന്ന് ശ്വാസമെടുത്തു. അവളെക്കാൾ മുറുക്കത്തോടെ കാശിയവളെ അവന്റെ നെഞ്ചിലേക്ക് അമർത്തി പിടിച്ചു.. തുടരും... വാക്ക് കൊടുത്തതെന്റെ ചെക്കനല്ലേ.. അവനത് പാലിക്കാതിരിക്കുമോ 😘 വരില്ലെന്ന് കരുതിയോ നിങ്ങളും 🥰🥰 റിവ്യൂ ഇട്ടിട്ട് പോണേ..വല്ല്യ റിവ്യൂ.. ഇന്നത് must ആണ്. കാരണം ഇന്നെന്റെ ചെക്കനൊന്നു ചിരിച്ചു കണ്ടില്ലേ.. 💥💥 കവർ പിക്ചർ കണ്ടിട്ട് ആശ്വാസം കൊണ്ടവരില്ലേ.. ഇന്നത്തെ പാർട്ട് നിങ്ങൾക്കുള്ളതാണ് ട്ടാ 😁 സ്നേഹത്തോടെ jif💐 #💞 പ്രണയകഥകൾ #📔 കഥ