#📝 ഞാൻ എഴുതിയ വരികൾ #തുടർകഥ ഭാഗം 112. ##. ഒരിക്കലും ഇങ്ങനെ ഒരു കൂടിക്കാഴ്‌ച ഉണ്ടാകുമെന്ന്നിങ്ങളെ പോലെ ഞാനും സ്വപ്നത്തിൽ പോലും കരുതിയിരുന്നില്ല. ഒരുപാട് സ്വപ്നങ്ങളുമായി അയാളുടെ ജീവിതത്തിലേക്ക് കടന്ന് ചെന്നതായിരുന്നു ഞാനും... പക്ഷേ അയാൾക്ക് വേണ്ടിയിരുന്നത് ആരെയും ആകർഷിക്കുന്ന എന്റെ ശരീരമായിരുന്നു. ഒപ്പം പോറ്റി സാറിന് കിട്ടാതെ പോയ ആ ഗ്രന്ഥവും.... വല്ലാണ്ട് വിയർക്കിന്നുണ്ടായിരുന്നു ഉമ.. പുറത്തു മഴ നേർത്ത മൗനരാഗം പോലെ പെയ്യുന്നുണ്ട്.... അന്ന് രാത്രിയിൽ അയാളിൽ നിന്ന് രക്ഷപ്പെടാൻ എന്ന വ്യാജേന കാവിനുള്ളിലേക്ക് ഓടി കയറിയ എന്റെ ഉദ്ദേശം അയാളെ അവിടെ എത്തിക്കുക എന്നത് തന്നെയായിരുന്നു.... പക്ഷേ എന്റെ കണക്കുകൂട്ടലുകൾ തെറ്റിച്ചുകൊണ്ട് അവിടെ മറ്റൊരാൾ കാത്ത് നിന്നിരുന്നു.... അതാരാണ് ആ മറ്റൊരാൾ....? എസ്പി യുടെ ചോദ്യം അവൾ കേട്ടില്ലെന്ന് നടിച്ചു...പതിയെ മുന്നിലേക്ക് നടന്നു അവൾ ജാലകത്തിന് അരികിലെത്തി... പിന്തിരിഞ്ഞു നടക്കുന്ന അവളുടെ ഉടലഴകുകളിൽ ഒരു നിമിഷത്തേക്ക് എല്ലാവരുടെയും കണ്ണുകളുടക്കി... ഇന്നലെ വരെയും ഞാനൊരു കൊലപാതകി എന്ന് സ്വയം വിശ്വസിച്ചു... അല്ല വിശ്വസിപ്പിച്ചു... കോടികളുടെ എന്റെ സ്വത്ത്‌ കൈക്കലാക്കി പലരും. ഉമ വല്ലാതെ കിതായ്ക്കാൻ തുടങ്ങി... ഒരു സ്ത്രീക്കും ഇങ്ങനൊരു അവസ്ഥ ഉണ്ടാകരുത്... അറിയാതെ തെറ്റിലേക്ക് വഴുതി വീണു ഞാനും... കുഞ്ഞുനാളിൽ പഴമക്കാർ പറഞ്ഞു പരത്തിയ അന്ധ വുശ്വാസങ്ങളിൽ ഞാനും വീണു. കാവിനുള്ളിൽ വച്ചു വയസ്സറിയിച്ചത് എന്റെ കുറ്റമാണോ...? പ്രകൃതി ഓരോ മനുഷ്യന്റെ ഓരോ പ്രായത്തിൽ ശരീരത്തിൽ വരുത്തുന്ന മാറ്റങ്ങൾഅതേ എന്നിലും സംഭവിച്ചുള്ളൂ... പലവുരു ഒരു കാര്യം പറയുമ്പോ വിശ്വാസം ചിലത് മനസ്സിൽ ആഴത്തിൽ വേരൂന്നും.. എന്നിലും അതാണ് സംഭവിച്ചത്... അമിതയുടെ അടുത്തേക്ക് ചുവടുകൾ വച്ച് അവൾ വരുന്നത് കണ്ട് മുകുന്ദൻ പെട്ടെന്ന് അവർക്കിടയിലേക്ക് വന്നു.... (തുടരും )