ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mDqEDlv?d=n&ui=v64j8rk&e1=cമന്ത്രകോടി :പാർട്ട്‌ -41🌺💚 ഇതേ സമയം സിറ്റിയിലൂടെ ചീറി പായുകയായിരുന്നു മഹിയുടെ ബൈക്ക്...... അവനനുഭവിക്കുന്ന മാനസിക സങ്കർഷങ്ങളും പിരിമുറുക്കവുമെല്ലാം വണ്ടിയുടെ സ്പീഡ് കൂട്ടുന്നുണ്ടായിരുന്നു. എന്തിനെന്നോ ഏതിനെന്നോ അറിയാതെ ബുദ്ധി മരവിച്ച് കണ്ണുനീർ കൊണ്ട് കാഴ്ച മങ്ങിയൊരു നിമിഷം എതിരെ വന്നൊരു ലോറിയിലേക്ക് മഹിയുടെ ബൈക്ക് ഇടിച്ചുകയറി..!!!!! 🌼🌼🌼🌼🌼🌼🌼🌼 സ്റ്റേഷനിൽ നിന്ന് വീട്ടിലേക്ക് ചെന്ന് കയറുമ്പോഴായിരുന്നു നന്ദന് ഹോസ്പിറ്റലിൽ നിന്നൊരു കാൾ വരുന്നത്. അത്‌ അറ്റൻഡ് ചെയ്ത് സംസാരിച്ചു കഴിഞ്ഞതും നന്ദൻ ചലനമറ്റ് നിന്നുപോയി. കാരണം അത്രമേൽ തളർന്നു പോകുന്നൊരു വാർത്തയായിരുന്നു മറുപ്പുറത്തു നിന്നും കേട്ടാത്. വീട്ടിലേക്ക് വന്നുകയറിയതിലും വേഗത്തിൽ തിരിച്ചിറങ്ങി പോകുന്നവനെ അമ്മയും ഭാമയും എന്തെന്നറിയാതെ നോക്കി നിന്നു. ഒരു നിമിഷം ഭാമയോട് ഒന്ന് പറയണമെന്നവനുണ്ടായിരുന്നു. എന്നാൽ അവളടുത്തേക്ക് നടന്നുവരുന്ന അമ്മയേ കണ്ടതും അത്‌ വേണ്ടന്ന് വച്ച് അവൻ പെട്ടന്ന് വണ്ടിയിലേക്ക് കയറി...... പോകുന്നവഴിയിൽ സഞ്ചുവിനെയും വിളിച്ച് ഹോസ്പിറ്റലിൽ നിന്നറിഞ്ഞ കാര്യം പറഞ്ഞിരുന്നു..... അവനും ഹോസ്പിറ്റലിലേക്ക് എത്താമെന്നു പറഞ്ഞുകൊണ്ട് ഫോൺ കട്ട് ചെയ്തു. 🌼 അരമണിക്കൂർ യാത്രക്കൊടുവിൽ ഓടിക്കിതച്ച് ഹോസ്പിറ്റൽ റിസപ്ഷനിലെത്തി വിവരങ്ങൾ അന്വഷിച്ച് I. C. U വിന് മുന്നിൽ എത്തുമ്പോൾ തളർന്നു പോയിരുന്നു നന്ദൻ....... ബൈസ്റ്റാൻഡർ വന്നത് കണ്ടതും മഹിയെ നോക്കിയ ഡോക്ടറെ ഡ്യൂട്ടി നഴ്സ് വിവരമറിയിച്ചു. ഉടൻ തന്നെ അവനെ ഡോക്ടർ ക്യാബിനിലേക്ക് വിളിപ്പിച്ചു. അപ്പോഴേക്കും സഞ്ജുവും എത്തിയിരുന്നു. ഇരുവരും ഒരുമിച്ചാണ് ഡോക്ടറുടെ ക്യാബിനിലേക്ക് കയറിയത്. ഡോക്ടർ മഹിയേട്ടന്....... നന്ദനൊന്ന് ചോദിച്ചു നിർത്തി...... നിങ്ങൾ മഹിയുടെ??? നന്ദനെ നോക്കി ഡോക്ടർ ചോദിച്ചു. ഞാൻ മഹിയുടെ ബ്രദറാണ് നന്ദൻ. ഇത് സഞ്ചയ് റിലേറ്റീവ് ആണ്. ഹ്മ്മ്.... സീ മിസ്റ്റർ നന്ദൻ മഹിക്ക് ഗുരുതരമായ പരിക്കുകളോടെയാണ് ഇവിടെ കൊണ്ട് വന്നത് ഞങ്ങൾ മാക്സിമം ശ്രമിക്കുന്നുണ്ട്. ഹെഡിഞ്ചറി നന്നായി ഉണ്ടായിട്ടുണ്ട് കൂടാതെ കൈക്കും കാലിനും ഓടിവും നടുവിന് ഉണ്ടായ ചതവുമെല്ലാം ഗൗരവമുള്ളതാണ്.... ബ്ലഡും നന്നായി പോയിട്ടുണ്ട്. ക്രിട്ടികൽ സിറ്റുവേഷനിൽ തന്നെയാണ്...... അതിൽ നിന്നൊരു മാറ്റം ഇപ്പോൾ പ്രതീക്ഷിക്കണ്ട. മാക്സിമം ഞങ്ങൾ ശ്രമിക്കുണ്ട്. ഡോക്ടർ പറഞ്ഞു നിർത്തിയതും നന്ദന്റ കണ്ണു നിറഞ്ഞു.... സഞ്ചു അവന്റെ കൈയിൽ ചേർത്തു പിടിച്ചു. ഡോക്ടർ പറഞ്ഞവസാനിപ്പിച്ചതും ഇരുവരും പുറത്തേക്കിറങ്ങി.... നന്ദൻ ഒരു തളർച്ചയോടെ ക്രിട്ടിക്കൽ i. C. U വിന് മുൻപിലിരുന്നു. കൂടെ സഞ്ജുവും...... നന്ദാ..... സഞ്ചു വിളിച്ചു ..... എടാ മാഹിയേട്ടൻ..... ഞാൻ.....ഞാൻ എങ്ങനെയാടാ ഇത് അമ്മയോട് പറയുക.... എന്നെക്കൊണ്ട് പറ്റുമെന്ന് തോന്നുന്നില്ല...... എത്രയൊക്കെ പറഞ്ഞാലും പാവമാണെ ടാ..... ഒരുപാട് സ്നേഹമുണ്ട് ആളോട്.... നന്ദൻ മഹിയെക്കുറിച്ച് പതം പറഞ്ഞു പോയി..... സഞ്ചു നന്ദനെ ചേർത്ത് പിടിച്ചു...... നന്ദന്റെ കണ്ണ് നിറഞ്ഞാൽ സഞ്ചുവിന്റെ ഉള്ളവുമൊന്ന് പിടയും.... ഇരുവരും അങ്ങനേയിരുന്നു..... മണിക്കൂറുകളോളം..... ഏകദേശം ഒരഞ്ചു മണിക്കൂർ കഴിഞ്ഞപ്പോൾ മഹി മെഡിസിനോട് പ്രതികരിച്ചു തുടങ്ങിയെന്ന് ഡോക്ടെർസ് അറിയിച്ചു. അപകട നില തരണം ചെയ്തിട്ടില്ല....I. C. U വിൽ തന്നെ തുടരേണ്ടിവരും..... ആ വാർത്തയറിഞ്ഞപ്പോൾ നേരിയ ഒരാശ്വാസം കിട്ടിയിരുന്നു. വൈകുന്നേരമായിട്ടും നന്ദനെകാണാതായതോടെ ഭാമ വിളിച്ചു തുടങ്ങി.....കുറച്ച് കഴിഞ്ഞതും ഫോണെടുത്ത് അവനവളോട് കാര്യം പറഞ്ഞു അത് കേട്ടതും അവളാകെ ഞെട്ടിയ അവസ്ഥയിലാണ്..... അമ്മയോട് എങ്ങനെ ഇക്കാര്യം പറയും.... അവളും ആകെ ടെൻഷനായി..... എന്നാലും ധൈര്യം സംഭരിച്ചവൾ അമ്മയോട് പറഞ്ഞു മഹിക്ക് ചെറിയൊരു ആക്‌സിഡന്റ് ഉണ്ടായെന്നും നന്ദനും സഞ്ജുവും അവിടെയാണെന്നും...... അത്‌ കേട്ടതും ദേവകിയമ്മ തളർന്നു പോയിരുന്നു.... കരണം രാവിലെമുതൽ അനുഭവിക്കുന്ന മാനസിക സമ്മർദ്ദം അത്രയും വലുതാണ്.... ഭാമ അമ്മക്കരികിൽ തന്നെയിരുന്നു.... പരമാവധി അവരെ ആശ്വസിപ്പിച്ചു..... നേരം ഒത്തിരി വൈകിയത് കൊണ്ട് പിറ്റേന്ന് രാവിലെ തന്നെ ഭാമയും അമ്മയും ഹോസ്പിറ്റലിലേക്ക് പുറപ്പെട്ടു. അവിടെ ചെല്ലുമ്പോഴാണ് അപകടമെത്ര വലുതായിരുന്നുവെന്ന് ദേവാകിയമ്മയ്ക്ക് മനസ്സിലായത്. മഹിയെ ഇതുവരെയും I. C. U വിൽ നിന്ന് മാറ്റിയിരുന്നില്ല...... എന്നാൽ അപകട നില തരണം ചെയ്തിരുന്നു. അന്ന് നന്ദൻ ഒത്തിരി നിർബന്ധിച്ചെങ്കിലും അമ്മ വീട്ടിലേക്ക് പോകാൻ കൂട്ടാക്കിയില്ല. അതുകൊണ്ട് തന്നെ അവർക്കായി അവിടെ റൂം എടുത്തിരുന്നു. ആവശ്യ സാധനങ്ങൾ വീട്ടിൽ പോയി കൊണ്ട് വന്നതെല്ലാം നന്ദനും സഞ്ചുവും ചേർന്നാണ്.... മൂന്ന് ദിവസങ്ങൾ...... മൂന്ന് യുഗങ്ങൾ പോലെ കഴിഞ്ഞുപോയി നന്ദനും ഭാമയും സഞ്ചുവും പല്ലവിയും മാറി മാറി i. C. U വിന് മുൻപിലിരുന്നു. ഇടക്കെപ്പോഴോ വിവരമറിഞ്ഞ് ഭാമയുടെ അച്ഛനും വന്നുപോയിരുന്നു. ഉറക്കമൊഴിഞ്ഞ് തള്ളി നീക്കിയ ദിവസങ്ങൾ ക്കൊടുവിൽ മഹിയെ I. C. U വിൽ നിന്ന് റൂമിലേക്ക് മാറ്റി..... ഒരു മൂന്നു നാല് മാസത്തേക്ക് ബെഡിൽ നിന്നും അനങ്ങാൻ കഴിയില്ല..... അതുപോലെയാണ് ശരീരത്തിൽ ഫ്രക്ചർ സംഭവിച്ചിരിക്കുന്നത്..... ഒരാഴ്ച കൂടി കഴിഞ്ഞതും മഹിയെ ഡിസ്ചാർജ് ചെയ്തു...... മഹി ഇനി കുറച്ച് നാൾ കിടപ്പ് തന്നെ യായതുകൊണ്ട് കൂടെ ഹോം നഴ്സ് ഏജൻസിയിൽ വിളിച്ച് ഒരു മെയിൽ നഴ്സിനേയും അറേൻജ് ചെയ്തു നന്ദൻ. 🌼🌼🌼 ആഴ്ചകൾക്ക് ശേഷം വീട്ടിലേക്ക് വരുമ്പോൾ എല്ലാവരും മടുത്തു പോയിരുന്നു.... അതുപോലെ യായിരുന്നു ഹോസ്പിറ്റൽ വാസം. നന്ദൻ ആകെ ക്ഷീണിച്ചവശനായിരുന്നു... അതുപോലെയായിരുന്നു ഇത്രയും ദിവസത്തെ ഓട്ടപ്പാച്ചിൽ. മുറിയിലെത്തി ഒന്ന് ഫ്രഷായികഴിഞ്ഞതും കടുപ്പം കൂട്ടിയൊരു ചായ ഭാമ അവനായി കൊണ്ട് വന്നു.... അവരുടെ മുറിയിലെ ജാലകവാതിൽ വഴി പുറത്തേക്ക് നോക്കി നിൽക്കുകയായിരുന്നു അവൻ. നന്ദേട്ടാ.... അവൾ പിന്നിൽ നിന്നും പതിയെ വിച്ചതും അവൻ തിരിഞ്ഞു നോക്കി...... ശേഷം ചായ അവളുടെ കൈയിൽ നിന്നും വാങ്ങി അടുത്ത് കിടന്ന കസേരയിലേക്കിരുന്നു. ഭാമ മെല്ലെ അവന്റെ മുടിയിഴകളിൽ ഒന്ന് തലോടി..... ഒത്തിരി ക്ഷീണിച്ചു.... അവൾ മുടിയിഴകൾ വിരലുകൾ കൊണ്ട് മെല്ലെ ഇളക്കിമറിച്ചു കൊണ്ട് പറഞ്ഞു..... ഇത്രയും ദിവസത്തേ ഓട്ടം അങ്ങനെയായിരുന്നില്ലേ ടൊ.... ഹ്മ്മ്മ്..... മഹിയേട്ടന് എത്ര നാൾ വേണ്ടിവരും ഏഴുന്നേറ്റ് നടക്കാൻ.... അടുത്തൊരു ചെയറിലേക്ക് ഇരുന്നുകൊണ്ട് ഭാമ ചോദിച്ചു . മാസങ്ങൾ വേണ്ടി വരുമെന്നാണ് ഡോക്ടർ പറഞ്ഞിരിക്കുന്നത്..... പിന്നെ മഹിയേട്ടന്റെ മനോബലം കൂടി ഉണ്ടെങ്കിൽ പെട്ടന്ന് എഴുന്നേറ്റ് നടക്കാം.... മ്മ്മ്.... ഭാമയൊന്ന് മൂളി. പക്ഷേ.... ആളൊരു തളർന്നമട്ടാണ് മെറിന്റെ കേസ് അത്രത്തോളം മഹിയേട്ടനെ ഉലച്ചിട്ടുണ്ട്...... ഒരിക്കലും പ്രധീക്ഷിച്ചിരുന്നില്ലല്ലോ അത്‌ മഹിയേട്ടന്റ കുഞ്ഞല്ലന്ന്..... എത്ര നന്നായാണ് അവൾ എല്ലാവരെയും വിഡ്ഢികളാക്കിയത് നന്ദൻ പറഞ്ഞു... ഭാമയൊരു നെടുവീർപുതിർത്തു ഇങ്ങനെയും മനുഷ്യൻമ്മാരുണ്ട്..... ചതിച്ചാലും നമുക്ക് മനസ്സിലാക്കാൻ പറ്റാത്തവർ..... അവരങ്ങനെയാണല്ലോ വിശ്വാസം നേടുന്നതും. ഇനി അതിനെക്കുറിച്ച് പറഞ്ഞിട്ട് കഥയല്ല ടൊ അവൾക്കുള്ളത് കൃത്യമായികിട്ടും. പുറത്ത് കടക്കാൻ ഒരു പഴുതുമില്ലാതെയാണ് സഞ്ചു പൂട്ടിയിരിക്കുന്നത്..... കേസ് നടക്കുകയല്ലേ...... അവളിനി അടുത്തെങ്ങും പുറം ലോകം കാണില്ല. ഹ്മ്മ്മ്..... 🌼🌼🌼 ഇതേ സമയം അടുത്ത മുറിയിൽ ഒന്നനങ്ങാൻ വയ്യാതെ കിടക്കുകയാണ് മഹി.... സ്വന്തം മുറിയിലെത്തിയതും അവനിൽ വല്ലാത്തൊരസ്‌ത്ഥത നിറഞ്ഞു.... ഒരു തരം ശ്വാസം മുട്ടൽ..... എന്നാൽ അതൊന്ന് തുറന്ന് പറയാൻ കൂടി കഴിയുന്നില്ല.... നാവാകെ വറ്റിയിരിക്കുകയാണ് ഒന്നുയർത്താൻ പോലും കഴിയാതെ..... ശരീരത്തിന്റെ അവസ്ഥയും മറിച്ചല്ല..... ഒന്നനക്കാൻ കൂടി കഴിയുന്നില്ല..... കുറച്ച് നേരം അവനങ്ങനേ കിടന്നു....... നിമിഷങ്ങൾക്കുള്ളിൽ അവന്റെ കണ്ണുകളിൽ നിന്ന് കണ്ണുനീർ ധാരയായി ഒഴുകിയിറങ്ങി..... ചെയ്ത കർമ്മത്തിന്റ ഭലമെല്ലാം അനുഭവിക്കുകയാണ്.......... ആർക്ക് വേണ്ടി എല്ലാം ഉപേക്ഷിച്ച് വീട്ടുകാരെ ചതിച്ച് ഇറങ്ങിപുറപ്പെട്ടോ ഇന്നയാൾകരണം തന്നെ മനസ്സിനും ശരീരത്തിനും മുറിവേറ്റ് ജീവശവമായി കിടക്കുന്നു........ അവൻ നിറഞ്ഞ കണ്ണുകൾ മെല്ലെയടച്ചു. തുടരും. 💚🌺 കണ്ണൂർകാരൻ 🌹🌹🌹🌹🌹🌹🌹🌹 #📚 ട്വിസ്റ്റ് കഥകൾ #💞 പ്രണയകഥകൾ #📙 നോവൽ #📔 കഥ #✍ തുടർക്കഥ