meeseva Images & Post | ShareChat - Kalam Daily

557 views • 6 days ago

#Kalam #KalamPaper #KalamEpaper #kalamDaily #kalamNewsPaper #meeseva #latest news #తాజా వార్తలు #fraud #big fraud

కల కలం ప్రజల గళం ... మీ సేవ .. అక్రమాల తోవ ! • ప్రభుత్వ నిర్ణీత రుసుముకంటే ఎక్కువ వసూలు • అధికారుల పర్యవేక్షణ లేక నిర్వాహకుల ఇష్టారాజ్యం • సర్వర్ డౌన్ పేరుతో తిప్పుకుంటున్నారని దరఖాస్తుదారులు ఆవేదన కలం , మెదక్ బ్యూరో : ప్రభుత్వ సేవలను వేగంగా , సులభంగా , పారదర్శకంగా ప్రజలకు అందించాలనే లక్ష్యంతో మీసేవ కేంద్రాలను ఏర్పాటు చేసింది . కులం , ఆదాయం , నివాసం , జననం , మరణం , భూములకు సంబంధించిన సేవలు , సంక్షేమ పథకాల వంటి సేవల కోసం ప్రజలు మీసేవ కేంద్రాలకు వెళ్తుంటారు . ఎప్పటికప్పుడు కొత్త సేవలు చేరుతుండగా డిమాండ్ కూడా పెరిగింది . Kalam Main Wed , 22 July 2026 THERE SCHOLARSHIP PILABLE HERE దీంతో కొందరు నిర్వాహకులు ప్రభుత్వం నిర్ణయించిన రుసుము కంటే అధికంగా వసూలు చేస్తున్నారు . అధికారుల పర్యవేక్షణ లోపంతో ప్రభుత్వ లక్ష్యం నీరుగారుతోందని ప్రజలు ఆవేదన వ్యక్తం చేస్తున్నారు . ప్రతి మీసేవ కేంద్రంలో ప్రభుత్వం నిర్ణయించిన రుసుములతో కూడిన సిటిజన్ చార్టర్ , ఈఎస్ఓ నిబంధనలు , భూభారతి వివరాలు , సంబంధిత అధికారుల ఫోన్ నంబర్లు తప్పనిసరిగా ప్రదర్శించాలి . ఇష్టారాజ్యంగా వసూళ్లు ఉమ్మడి మెదక్ జిల్లాలో సుమారు 700 కు పైగా మీసేవ కేంద్రాలు పనిచేస్తున్నాయి . దరఖాస్తుదారులు చెల్లించే ఫీజులో కొంత శాతాన్ని ప్రభుత్వం కమీషన్ చెల్లిస్తున్నప్పటికీ , కొందరు నిర్వాహకులు అదనపు రుసుములు వసూలు చేస్తున్నారని ఆరోపణలు ఉన్నాయి . అంత ఎందుకుని ప్రశ్నిస్తే “ ఇష్టం ఉంటే చేయించుకోండి .. లేకుంటే వెళ్లండి అంటున్నారని దరఖాస్తుదారులు వాపోతున్నారు . కొన్ని చోట్ల ' సర్వర్ డౌన్ ' , ' టెక్నికల్ సమస్యలు ' పేరుతో దరఖాస్తులను నమోదు చేయకుండా పలుమార్లు తిప్పిస్తున్నారనే విమర్శలు కూడా ఉన్నాయి . గ్రామాల నుంచి వచ్చిన ప్రజలు తిరిగి రావడం కష్టమై , అడిగినంత చెల్లిస్తున్నామంటున్నారు . మీసేవ కేంద్రాలను పర్యవేక్షించాల్సిన అధికారుల తనిఖీలు లేక కొందరు నిర్వాహకులు అధిక వసూళ్లకు పాల్పడుతున్నారని ఆరోపిస్తున్నారు . ఇకపై డిజిటల్ రశీదులు నిర్ణీత రుసుము కంటే ఎక్కువ వసూలు చేసినట్లు ఫిర్యాదు వస్తే సంబంధిత మీసేవ కేంద్రాలపై కఠిన చర్యలు తీసుకుంటామని మెదక్ ఈ - డిస్ట్రిక్ట్ మేనేజర్ సందీప్ తెలిపారు . అధిక రుసుము డిమాండ్ చేసినా , ఇతర అవకతవకలు జరిగినా తహసీల్దార్కు ఫిర్యాదు చేయాలని సూచించారు . పౌర సేవలను మరింత పారదర్శకంగా అందించేందుకు ప్రభుత్వం కొత్త విధానాన్ని అమలు చేస్తోంది . దరఖాస్తుల పరిశీలన మొత్తం ఆన్లైన్లోనే జరుగుతుంది . మీసేవలో దరఖాస్తు చేసిన వెంటనే దరఖాస్తుదారుడి మొబైల్కు అప్లికేషన్ నంబర్ , సేవ వివరాలు , చెల్లించిన ఫీజు , డిజిటల్ రశీదు లింక్ తో కూడిన ఎస్ఎంఎస్ పంపబడుతుంది . ఆ రశీదును ఎప్పుడైనా వీక్షించడం , డౌన్లోడ్ చేసుకోవడం లేదా ప్రింట్ తీసుకోవడం సాధ్యమవుతుంది . తద్వారా ప్రజలకు మరింత వేగంగా సేవలు అందుతాయని తెలిపారు .

9 likes

13 shares

More like this

Kalam Daily

#Kalam #KalamPaper #KalamEpaper #kalamDaily #kalamNewsPaper #meeseva #latest news #తాజా వార్తలు

13

11
lingababu

#TG మీసేవ😊 #మీ-సేవ సమాచారం😊 #👋విషెస్ స్టేటస్ #తెలంగాణ సమాచారం👍 #🆕షేర్‌చాట్ అప్‌డేట్స్

17

6