दक्षिण भारत कडील मंदिरात बनवली जाणारी प्रसाद पुलिहोरा ही रेसिपी बनवली आहे. तशी ही डिश मी पहिल्यांदाच बनवली आहे, पण खरं सांगू हे राइस खाल्यावर मला मी चक्क साऊथ मध्ये बसून जेवल्यासारख वाटायला लागलं, एकदम त्यांच्याच हातासारखी चव, एवढा छान झाला होता हा राइस की मला पुन्हा बनवून खायची इच्छा व्हायला लागली.(Tamarind Rice) भातासाठी: तांदूळ: २ कप (शक्यतो सुट्टा शिजवलेला) हळद: १ छोटा चमचा तेल: २ चमचे चिंचेच्या कोळासाठी: चिंच: लिंबाएवढी (कोमट पाण्यात भिजवलेली) गूळ: १ छोटा चमचा तेल: ३ ते ४ चमचे मीठ: चवीनुसार फोडणीसाठी: शेंगदाणे: २ मोठे चमचे मोहरी: १ छोटा चमचा हरभरा डाळ (चणा डाळ): १ चमचा उडीद डाळ: १ चमचा हिरव्या मिरच्या: ३-४ (उभ्या चिरलेल्या) कढीपत्ता: ८-१० पाने सुक्या लाल मिरच्या: २-३ हिंग: चिमूटभर पुलीहोरा मसाल्यासाठी: धणे: १ चमचा मेथी दाणे: पाव चमचा पांढरे तीळ: १ चमचा भात तयार करणे: तांदूळ मोकळा आणि सुटसुटीत शिजवून घ्या. तो एका ताटात पसरवून थंड करा. त्यावर २ चमचे तेल आणि हळद घालून हलक्या हाताने मिक्स करा. २. मसाला तयार करणे: धणे, मेथी दाणे आणि तीळ कोरड्या कढईत थोडे भाजून घ्या. थंड झाल्यावर मिक्सरमध्ये बारीक वाटून घ्या. ३. चिंचेचा कोळ: भिजवलेल्या चिंचेचा कोळ (घट्ट रस) काढून घ्या. त्यात मीठ आणि गूळ घाला. ४. चिंचेची पेस्ट बनवणे: एका कढईत तेल गरम करून त्यात मोहरी, शेंगदाणे, हरभरा डाळ, उडीद डाळ, हिंग, कढीपत्ता, सुक्या लाल मिरच्या आणि हिरव्या मिरच्या घालून परतून घ्या. नंतर यात चिंचेचा कोळ घाला. मिश्रण आटून तेल बाजूला होईपर्यंत मंद आचेवर शिजवून घ्या. ५. मिश्रण एकत्र करणे: शिजवलेला चिंचेचा मसाला आणि तयार केलेला पुलीहोरा मसाला भातावर टाका. सर्व जिन्नस भातात एकजीव होईपर्यंत हलक्या हाताने मिक्स करा. खाण्यासाठी तयार आहे स्वादिष्ट आणि खमंग पुलीहोरा! #😋आम्ही खादाडी🥧