🌸 డొళ్ళు కర్తరి ప్రారంభం : 04.05.2026 ముగింపు : 29.05.2026 ▫️ సూర్యుడు మేషరాశికి చెందిన భరణి నక్షత్రం 4 వ పాదంలోనికి ప్రవేశించినది మొదలుకొని... వృషభ రాశిలోని రోహిణి నక్షత్రం మొదటి పాదం దాటే వరకు గల మద్య కాలాన్ని "కర్తరి" అంటారు. అంటే భరణి నాలుగో పాదం, కృత్తిక నాలుగు పాదాలు, రోహిణి మొదటి పాదం మొత్తం ఆరు పాదాలలో సూర్యుడు ఉన్న కాలాన్నే కర్తరీ అంటారు. కర్తరి నక్షత్ర కాలంలో సూర్యుడు చండ్రనిప్పులు చెరుగుతాడు. సూర్యుడు భరణి నక్షత్రం ప్రవేశించిన రోజే "డొల్లు కర్తరి" ప్రారంభమవుతుంది. సూర్యుడు కృత్తికా నక్షత్రం మొదటి పాదంలో ప్రవేశించే రోజుతో డొల్లు కర్తరీ అంతమై “నిజకర్తరి” ప్రారంభమవుతుంది. సూర్యుడు రోహిణి నక్షత్ర రెండో పాదం ప్రవేశంతో కర్తరీ ముగింపు అవుతుంది. ఈ కర్తరి సమయాల్లో గృహ సంబంధమయిన పనులు చేయకూడదు. చెట్లు నరకటం, నారతీయటం, వ్యవసాయం ఆరంభం, విత్తనాలు చల్లటం, తోటలు వేయటం, చెఱువులు, బావులు, కొలనులు త్రవ్వటం వంటి పనులకు కర్తరిలో ముహూర్తాలను పంచాంగకర్తలు సైతం చెప్పరు. #తెలుసుకుందాం