*महाराष्ट्र प्रदेश गड किल्ले संवर्धन सेल* *इतिहास शिवरायांचा* ********************************** *शिव दिनविशेष* 🚩🚩🚩⛳⛳⛳⛳🚩🚩🚩 *२१ जून इ.स.१६६०* *संग्रामदुर्ग – चाकणच्या भुईकोट किल्ल्याला शाईस्तेखानाचा वेढा पडला. हा वेढा तब्बल ५५ ते ५६ दिवस चालला. तोफा बंदुकांचा काही उपयोग होत नाही, हे पाहिल्यावर शायीस्ताखानाने भुयार खणून सुरुंग ठासण्याची आज्ञा केली. आतल्या मराठ्यांना जर या भुयाराची कल्पना आली असती तर कदाचित खंदकातील पाणी त्यात सोडून सुरुंग नाकाम करता आले असते. ३००-३५० लोकांनीशी फिरंगोजी नरसाळे यांनी चाकण झुंजवत ठेवला होता. १४ ऑगस्ट १६६० रोजी मुघलांनी सुरुंगाला बत्ती दिली.पूर्वेच्या कोपरयाचा बुरुज अस्मानात उडाला. त्यावरचे मराठेही हवेत उडाले. आरोळ्या ठोकत मुघल त्या खिंडाराकडे धावले. फिरांगोजींनीही वाट न पाहता ते खिंडार लढवण्याची तयारी केली. तो पूर्ण दिवस मराठ्यांनी जोमाने लढाई केली. दुसऱ्या दिवशी राव भावसिन्हामार्फत मराठे किल्ल्याबाहेर आले आणि मुघलांनी चाकणचा संग्रामदुर्ग जिंकला.* 🚩🚩⛳⛳⛳🚩🚩 *२१ जून इ.स.१६७४* *भारतातील तेजस्वी पुरुषांचे शौर्य काव्य नमूद करणारे पहिलेच कवि भूषण यांनी छत्रपती शिवरायां वर लिहिलेले " शिवराज भूषण " हे काव्य शके १५९६ जेष्ठ व.त्रयोदशी फिरंगी दि.२१ जून इ.स. १६७४ रोजी काव्य पूर्ण केले तसेच त्यांनी 'शिवराज-भूषण' व 'शिवबावनी' यांतून छत्रपती श्री शिवाजी महाराजांचे गौरवपूर्ण स्तोत्र गायले आहे. व 'छत्रसाल-दशक' हे नामक काव्यांत छत्रसाल बुंदेलखंड राजा यांचा पराक्रम वर्णिला आहे.* 🚩🚩⛳⛳⛳🚩🚩 *२१ जून इ.स.१६९४* *हमीदुद्दीनखान हा ठाणी बसविणे आणि कही (घासदाणा, रसद) आणणे या उद्देशाने गढीसंख (जत तालुका) च्या दिशेने गेला होता. ठाणी बसवून व कही बरोबर घेऊन तो परत आला. त्याने आपले पथक मोतीगाव येथील फौजेच्या तळावर ठेवले.* 🚩🚩⛳⛳⛳🚩🚩 *२१ जून इ.स.१७००* *परळीपासून बादशहाला सैन्यासह भूषणगडाकडे जावयाचे होते. भूषणगड परळीपासून रस्त्याने ४५ मैल अंतरावर. परळीहून बादशहाने भूषणगडाकडे जाण्यासाठी भर पावसाळ्यात २१ जून १७०० ला कूच केले. ज्या जनावरांवर सामानाची ओझी लावली होती ती जनावरे पटापट मरू लागली. कृष्णा नदीला पूर होता. त्यातून सैन्य मोठ्या मुष्किलीने पैलतीरी पोहोचले. शेकडो उपासमारीने मेले, पुढे हळूहळू मार्ग आक्रमत मोगली लष्कर २५ जुलै रोजी भूषणगडास पोहोचले व गडाचा ताबा मिळवला.* 🚩🚩⛳⛳⛳🚩🚩 *२१ जून इ..१७२४* *बादशहाकडून परवानगी घेऊन निजाम दिल्लीहून निघाला तो भोपाळवरून औरंगाबादेस येऊन पोहचला.* 🚩🚩⛳⛳⛳🚩🚩 *२१ जून इ.स.१७३५* *श्रीमंत बाजीराव (पहिले) पेशव्यांच्या मातोश्री राधाबाई ह्या १४ फेब्रुवारी १७३५ रोजी काशी यात्रेसाठी पुण्याहून निघाल्या. २१ जूनला जयपूरला पाहुणचार घेऊन त्यांनी काशीकडे कूच केले. वाटेत फर्रुखाबाद, इटा, कानपूर, मैनपुरी, बदाउन, शहजाहानाबाद वगैरे जिल्ह्यांचा मुलुख होता. हा सर्व प्रदेश महम्मदखान बंगश याचा होता. होय, हा तोच बंगश, ज्याने श्रीमंत बाजीरावांच्या समशेरीचे तेज बुंदेलखंडात चाखले होते. राधाबाईंना ओलीस ठेऊन राऊंना पर्यायाने मराठी साम्राज्याला जेरीस आणण्याची सुवर्णसंधी खरेतर बंगशाकडे चालून आली होती. पण तसा विचारही त्याच्या मनाला शिवला नाही किंवा असा विचार मनात आला असेल, तरी तो प्रत्यक्षात उतरवण्याची हिम्मत बंगशात नव्हती. कारण तो चांगलाच जाणून होता, असा कोणताही प्रकार घडला तर गाठ थेट बाजीराव पेशव्यांशी आहे. विस्तवाशी खेळल्याने इजा आपल्यालाच होते, हे त्याला माहित होते. म्हणून त्याने सर्वात सोप्पा आणि सुरक्षित मार्ग निवडला. "बाजीरावांची आई ती आमची आई" असा पवित्रा घेऊन राधाबाईंच्या सुरक्षिततेची सर्व जबाबदारी स्वतःवर घेतली आणि स्वखर्चाने त्यांना यात्रा करून दिली. हा मुद्दा नक्की लक्षात घेण्यासारखा आहे. पुढे बुंदेलखंडात जाऊन छत्रसाल बुंदेले यांचे पुत्र (जे बाजीरावांना त्यांचे भाऊ मानीत) जगतराज व हिर्दोसा यांचा पाहुणचार घेऊन राधाबाई २६ मे १७३६ ला सव्वावर्षाने सुखरूप पुणे प्रांती परतल्या.* 🚩🚩⛳⛳⛳🚩🚩 *जय जगदंब जय जिजाऊ* *जय शिवराय जय शंभूराजे* ⛳ *जय गडकोट*⛳ *!! हर हर महादेव !!* 🚩आम्ही_शिवपाईक_बारा_मावळचे🚩 *श्री मंगेश चंद्रकांत वीर* ( भोर तालुका गड किल्ले संवर्धन सेल सोशल मीडिया प्रमुख ) मा श्री महेंद्र तानाजी देवघरे* ( अध्यक्ष पुणे जिल्हा ) मा श्री योगेशजी सुदामराव शेलार (प्रदेशाध्यक्ष - महाराष्ट्र प्रदेश गड किल्ले संवर्धन सेल) महाराष्ट्र प्रदेश गड किल्ले संवर्धन सेल #🙏शिवदिनविशेष📜 #🚩छत्रपति शिवाजी महाराज #📜इतिहास शिवरायांचा #🚩जय भवानी जय शिवाजी🚩 #🙏 शिवराय स्टेटस