'टक्कल आणि तोतरेपणामुळे लग्न नको होते'; केतन अग्रवाल हत्येप्रकरणी सिया गोयलचा धक्कादायक कबुलीजबाब पुण्यातील बांधकाम व्यावसायिकाच्या मुलगा केतन अग्रवाल यांच्या हत्येप्रकरणात मुख्य आरोपी सिया गोयल हिने पोलिस चौकशीत धक्कादायक खुलासे केल्याची माहिती समोर आली आहे. सियाने कबूल केले की, केतनचे टक्कल आणि तोतरे बोलणे यामुळे तिला त्याच्याशी लग्न करायचे नव्हते. तसेच ती त्याला कधीच पसंत करत नव्हती. पोलिस चौकशीत सियाने सांगितले की, जर हे लग्न मोडले असते तर दोन्ही कुटुंबांची बदनामी झाली असती. त्यामुळे हा विवाह टाळण्यासाठी तिने टोकाचे पाऊल उचलत केतनच्या हत्येचा कट रचल्याचे समोर आले आहे. तपासादरम्यान सियाने आणखी एक महत्त्वाचा खुलासा करत सांगितले की, तिचे चेतन चौधरी याच्यासोबत प्रेमसंबंध होते. दोघांनी मिळून केतन अग्रवाल यांच्या हत्येचा कट आखला आणि त्याची अंमलबजावणी केली. या प्रकरणात चेतन चौधरीलाही अटक करण्यात आली असून पोलिसांकडून पुढील तपास सुरू आहे. #😱लोहगड मर्डर प्रकरणात धक्कादायक खुलासा🔴 #🔪क्राईम अपडेट्स😎