#maiamoffcial #மக்கள்நீதிமய்யம் அனைத்துக் கட்சிக் கூட்டம் மற்றும் நாடாளுமன்ற விவாதம் : இந்த விவகாரத்தில் அரசு உடனடியாக நாடாளுமன்றத்தில் சிறப்பு விவாதத்திற்கு வழிவகுத்திருக்க வேண்டும் அல்லது அனைத்துக் கட்சிக் கூட்டத்தைக் கூட்டி, நாட்டின் பொருளாதாரத்தைக் காக்க எதிர்க்கட்சிகளின் ஆலோசனைகளையும் பெற்றிருக்க வேண்டும். வெள்ளையறிக்கை (White Paper) வெளியிடுதல் : டாலர் உயர்வின் பின்னணி, அதன் சாதக பாதகங்கள் மற்றும் அதை எதிர்கொள்ள அரசு எடுத்து வரும் நடவடிக்கைகள் குறித்து ஒரு தெளிவான வெள்ளையறிக்கையை வெளியிட்டு மக்களிடம் வெளிப்படைத்தன்மையை உறுதி செய்திருக்க வேண்டும். எரிபொருள் மீதான வரிக்குறைப்பு : டாலர் உயர்வால் கச்சா எண்ணெய் விலை அதிகரிக்கும் போது, உள்நாட்டில் பெட்ரோல், டீசல் மீதான மத்திய கலால் வரியைக் (Excise Duty) குறைத்து நடுத்தர மற்றும் ஏழை மக்களின் மீதான விலைவாசிச் சுமையைக் குறைத்திருக்க வேண்டும். உள்நாட்டு உற்பத்தியை விரைவுபடுத்துதல் : உதிரிபாகங்கள் மற்றும் பாதுகாப்புத் தளவாடங்களின் இறக்குமதியைக் குறைப்பதற்கான 'மேக் இன் இந்தியா' திட்டங்களை வெறும் விளம்பரமாக இல்லாமல், போர்க்கால அடிப்படையில் செயல்படுத்தி டாலருக்கான தேவையை முன்கூட்டியே குறைத்திருக்க வேண்டும். #KamalHaasan #KamalHaasan_MP #MakkalNeedhiMaiam #IndianRupee #Economy