ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mOOdm6p?d=n&ui=v64j8rk&e1=cപരിണയം❣️10 ദേവകിയും അശോകനും കൂടി രണ്ടാളുടെയും ജാതകം നോക്കി മുഹൂർത്തം കുറിച്ചിരുന്നു. അടുത്ത ആഴ്ച തന്നെ ഒരു നല്ലൊരു മുഹൂർത്തം ഉണ്ടെന്ന് ദേവകി ഗായത്രിയെ അറിയിച്ചതും അവരുടെ അഭിപ്രായം കൂടി അറിഞ്ഞു അവർ അത് തന്നെ ഫിക്സ് ആക്കി. അനു ആകെ ടെൻഷനിൽ ആണെന്ന് കണ്ടതും അഭി അവളെ മാക്സിമം ഹാപ്പി ആക്കാൻ ശ്രമിച്ചു കൊണ്ടിരുന്നു. മീനു വിളിച്ചു അറിയിക്കുന്നത് പ്രകാരം ഹരിയുടെ ഓരോ വിവരങ്ങളും അനു അറിയുന്നുണ്ടായിരുന്നു. അനുവിന്റെ വിവാഹം കഴിഞ്ഞു എന്നറിഞ്ഞതും അവളോട് ഉള്ള വാശി തീർക്കാൻ എന്ന പോൽ ഹരിയും അമ്മയുടെ നിർബന്ധത്തിനു വഴങ്ങി ഒരു പെൺകുട്ടിയെ ജീവിതസഖി ആക്കിയെന്നറിഞ്ഞതും അനുവിന് സന്തോഷം തോന്നി. താൻ കാരണം ഹരിയുടെ ലൈഫ് നഷ്ടം ആയില്ല എന്ന ആശ്വാസം അവളിൽ ഉണ്ടായിരുന്നു. എങ്കിലും പ്രണയിച്ചു നടന്ന നാളുകൾ ഓർമ്മ വന്നതും അവ മറക്കാൻ എന്ന പോൽ അവൾ കണ്ണുകൾ അടച്ചു ബെഡിലേക്ക് ചാഞ്ഞു. ഹരിയുടെ ലൈഫ് സേഫ് ആയി. ഇനി തന്റെ വിവാഹമാണ്. എന്നാൽ താൻ കാരണം ദേവന്റെ ലൈഫ് സേഫ് ആകുമോ എന്ന ടെൻഷൻ അവളെ വല്ലാതെ അലട്ടി. "ചേച്ചി അറിഞ്ഞോ. ഹരിയുടെ വിവാഹം കഴിഞ്ഞു. ഇപ്പൊ എന്റെ ഒരു ഫ്രണ്ട് പറഞ്ഞു അറിഞ്ഞതാ. അവളുടെ ചേച്ചിടെ ഫ്രണ്ട് ആണ് ഹരിയുടെ വധു. ഇന്നലെ ആയിരുന്നു പോലും. എന്റെ ചേച്ചിന്റെ കല്യാണം അതിന് മുൻപ് നടത്താൻ എനിക്ക് വാശി ആയിരുന്നു." ബെഡിന്റെ ഓരത്തു വന്നിരുന്നു പരാതി പറയുന്ന അഭിയുടെ ശബ്ദം കേട്ടാണ് അനു ഉണർന്നത്. "ആഹാ ചേച്ചി മയക്കത്തിൽ ആയിരുന്നോ.? ഞാൻ പറഞ്ഞത് വല്ലതും കേട്ടോ നീ? ഹരിയുടെ വിവാഹം കഴിഞ്ഞു." മറക്കാൻ ആഗ്രഹിക്കുന്നത് വീണ്ടും വന്നു പുലമ്പുന്നവളോട് അനുവിന് നീരസം തോന്നി. "ഞാൻ അറിഞ്ഞു അഭി. പിന്നെ വിവാഹം എന്നത് മറ്റൊരാളോട് ഉള്ള വാശിയോ പകയോ തീർക്കാൻ ഉള്ളതല്ല. നീ ഈ കാട്ടുന്ന ആവേശം ഒരിക്കലും നിന്റെ ലൈഫിലും മാതൃക ആക്കരുത് അഭി. നന്നായി പഠിക്കണം. സ്വന്തം കാലിൽ നിന്ന ശേഷം ഒരു വിവാഹം. അല്ലാതെ ആരോടേലും ഒരു ദേഷ്യം തോന്നിയാൽ അയാൾക്ക് മുൻപ് എന്റെ വിവാഹം നടക്കണമെന്ന വാശി കാട്ടി പെട്ടെന്ന് ഒരു മാര്യേജ് ലൈഫ് തിരഞ്ഞെടുക്കരുത്. ഹരിയോട് ഉള്ള തെറ്റിദ്ധാരണ കാരണം നീ ഇപ്പൊ എന്റെ കാര്യത്തിൽ കാണിക്കുന്ന ആവേശം കണ്ടു പറഞ്ഞു പോയതാണ് മോളെ." അഭിയുടെ നെറുകയിൽ തലോടി അനു പറഞ്ഞതും ആ കൈകൾ അഭി തട്ടി മാറ്റി. "തെറ്റിദ്ധാരണ ഒന്നുമല്ല. ഹരിയുടെ ഒപ്പം ഉള്ളതിനേക്കാൾ സന്തോഷം നിനക്ക് ദേവേട്ടനൊപ്പം ഉണ്ടാകും. ഹരി അയാൾ ഈ അവസ്ഥ അറിഞ്ഞു നിന്നെ ഉപേക്ഷിച്ചു പോയതല്ലേ. അല്ല അതാണ് സത്യം. എന്നിട്ട് ഇപ്പോഴും അയാൾക്ക് വേണ്ടി എന്തിനാ ചേച്ചി നീ വാദിക്കണേ. നീ ഇനി കൂടുതൽ ന്യായികരിക്കാൻ നിൽക്കണ്ട. അടുത്ത ആഴ്ച നിന്റെ വിവാഹമാണ്. ദേവേട്ടന്റെ ഒപ്പം നീ ഹാപ്പി ആയിരിക്കും. നിന്റെ ലൈഫ് തന്നെ മാറി മറിയും ചേച്ചി. അത്രക്ക് പാവാ അയാൾ. ഗായത്രി അമ്മയും അങ്ങനെ തന്നെ . ഇതിൽ കൂടുതൽ എന്ത് വേണം എന്റെ ചേച്ചിക്ക്.." അഭി ചോദിച്ചതും മങ്ങിയ ചിരി അവൾക്കായി നൽകി അനു പതിയെ ഒന്ന് നിവർന്നു. "സ്വന്തം ആയി തീരുമാനം എടുക്കാൻ ചേച്ചിക്ക് ഇത്ര നാൾ അവകാശം ഉണ്ടായിരുന്നു. ഇപ്പോഴും സ്വയം ജോലി ചെയ്തു ജീവിക്കുന്നത് കൊണ്ട് ആരും ഉപേക്ഷിക്കില്ല. എന്നാൽ പണം കൊണ്ട് മാത്രം ഒരാൾക്ക് ജീവിക്കാൻ കഴിയോ. ഒന്ന് കിടന്നു പോയാൽ തീർന്നു മോളെ. പിന്നെ മറ്റുള്ളോർക്ക് ശല്യം ആകാൻ മാത്രമേ നമുക്ക് കഴിയൂ. പിന്നെ സ്വന്തം തീരുമാനം പോലും അവിടെ മറന്നു മറ്റുള്ളവരുടെ സന്തോഷം നോക്കി ജീവിക്കേണ്ടി വരും. ഇനി ദേവന്റെ ലൈഫിലും ഞാൻ..." "മതി.. നീ കൂടുതൽ ഒന്നും പറയണ്ട. ദേവേട്ടൻ നിന്നെ നോക്കാൻ തയാറാണ്. പിന്നെ ഗായത്രി അമ്മയും കട്ടക്ക് കൂടെ ഉണ്ട്. പിന്നെ എന്താ.? വെറുതെ ശോകം അടിച്ചു ഇരിക്കാതെ ദേവേട്ടനെ വിളിച്ചു ഒന്ന് സംസാരിച്ചൂടെ. ഈ ചേച്ചീനെ ആണോ ആ ഹരി പ്രേമിച്ചത്. ഒന്ന് വിളിച്ചു സംസാരിക്കാൻ പോലും അറിയില്ല ഈ ചേച്ചിക്ക്." അഭി വീണ്ടും ശബ്ദം ഉയർത്തിയതും അനു നിവൃത്തി ഇല്ലാതെ അവളെ റൂമിൽ നിന്നും നിർബന്ധപൂർവ്വം പറഞ്ഞു അയച്ചിരുന്നു. "ഹരി തന്നെ ഉപേക്ഷിക്കില്ല. എന്നാൽ ആ അമ്മക്ക് വേണ്ടി ഉപേക്ഷിക്കില്ലെന്ന് യാതൊരു ഉറപ്പുമില്ല തനിക്ക്. ഇപ്പൊ അമ്മ കണ്ടെത്തിയ പെണ്ണ് ആയത് കൊണ്ട് തന്നെ അവൾക്ക് ഒപ്പം ഹരിയും ഹാപ്പി ആയിരിക്കും. ഞാൻ നിന്നെ മറക്കാൻ പഠിച്ചു ഹരി. ഇനി ഒട്ടും നിന്നെ ഓർമ്മിക്കാൻ പാടില്ല. നീ മറ്റൊരാൾക്ക്‌ സ്വന്തം ആണ്. സോ എന്റെ ചിന്തയിൽ നിന്നും പോലും നിന്നെ മായ്ച്ചു കളഞ്ഞിരിക്കുന്നു ഞാൻ.." അത് അനുവിന്റെ ഉറച്ച തീരുമാനം ആയിരുന്നു. എന്നാൽ അഭി ഹരിയെ കുറ്റപ്പെടുത്തുന്നത് കേൾക്കുമ്പോൾ അനുവിന് സങ്കടം തോന്നാതിരുന്നില്ല. ✨️✨️✨️✨️✨️✨️✨️✨️✨️✨️✨️✨️✨️✨️✨️✨️✨️ രണ്ടു ദിവസത്തിന് ശേഷം അനുവിന് വേണ്ട ആഭരണങ്ങളും വസ്ത്രങ്ങളും ഗായത്രി അവൾക്കായി നൽകാൻ കൊണ്ട് വന്നെങ്കിലും അവൾ അത് സന്തോഷപൂർവ്വം നിരസിച്ചു. ആഡംബരമില്ലാതെ ഒരു വിവാഹം അതാണ് തനിക്ക് ഇഷ്ടം. ഇഷ്ടം ഇല്ലാഞ്ഞിട്ട് കൂടി വിവാഹത്തിന് സമ്മതിച്ചു ഇനി അതിലുപരി ഒരു വധുവായി അണിഞ്ഞൊരുങ്ങുവാൻ അവളും ആഗ്രഹിച്ചില്ല. ദേവന്റെ അഭിപ്രായവും അതായിരുന്നു. സിംപിൾ ആയി ഒരു വിവാഹം. ഗായത്രി നൽകിയ ഒരു ബ്ലു കളർ കരയുള്ള സെറ്റ് സാരിയിൽ സുന്ദരി ആയിരുന്നു അനു. ഒപ്പം ദേവകി നൽകിയ ഒരു പാലക്കാ മാലയും അതിന് ചേരുന്ന ഒരു കമ്മലും അണിഞ്ഞു അനു. അവളെ ഒരുക്കിയത് അഭി ആണ്. എല്ലാം വളരെ സിംപിൾ ആണെങ്കിൽ പോലും അഭിയുടെ കരവിരുതിൽ ഒന്ന് കൂടി സുന്ദരി ആയി മാറിയിരുന്നു അനു. വീട്ടിൽ നിന്നും ഇറങ്ങുമ്പോൾ അവളുടെ മിഴികൾ വടക്ക് കോണിൽ ആയി കാണുന്ന തന്റെ റൂമിലേക്ക് തന്നെ തറഞ്ഞു പോയിരുന്നു. തന്റെ ലോകം ഇനി തനിക്ക് അന്യമാകുന്നത് പോലൊരു തോന്നൽ അവളിൽ ഉടലെടുത്തു. ക്ഷേത്രത്തിൽ എത്തിയതും നടയുടെ മുൻപിൽ അനുവിനെ കാത്തു ദേവനും ഫാമിലിയും ഉണ്ടായിരുന്നു. തന്റെ അരികിലേക്ക് അഭി കൂട്ടി കൊണ്ട് വരുന്നവളുടെ മേൽ ആയിരുന്നു ദേവന്റെ കണ്ണുകൾ. ആ കുഞ്ഞു മുഖത്ത് പുഞ്ചിരി ഇല്ലെന്ന ഒരു കുറവ് മാത്രമേ അവനു കാണുവാൻ കഴിഞ്ഞുള്ളു. അത് ഒരു വലിയ അഭാവം തന്നെ ആണ്. ഒരാളുടെ ഭംഗി തന്നെ അവരുടെ പുഞ്ചിരിയിൽ ആണ്. പ്രിയപ്പെട്ടവരുടെ നിഷ്കളങ്കമായ പുഞ്ചിരി കണ്ടാൽ തന്നെ നമ്മുടെ മനസ്സ് നിറയും. അവനും അവളിൽ നിന്ന് ആഗ്രഹിച്ചത് അതാണ്. പക്ഷെ നിരാശ ആയിരുന്നു ഫലം. ദേവന്റെ അരികിലായി അഭി അനുവിനെ കൊണ്ട് ആക്കിയതും എല്ലാവരുടെയും അനുഗ്രഹത്തോടെ അനുഗ്രഹ എന്ന അനുവിനെ ദേവൻ താലി ചാർത്തി സ്വന്തം ആക്കിയിരുന്നു. കഴുത്തിൽ അവന്റെ കൈകളുടെ തണുപ്പ് പടർന്നതും അവൾ മിഴികൾ ഉയർത്തി അവനെ നോക്കി. ആ മുഖത്ത് യാതൊരു സങ്കടവോ നിരാശയോ ഇല്ല. പകരം തനിക്കായി നൽകുന്ന ആ കുസൃതി ചിരി ആണ് ആ മുഖത്ത് നിറഞ്ഞു നിന്നത്.ആരവങ്ങളും മേളവും ഇല്ലാതെ തന്നെ സ്വന്തം വീട്ടുകാരുടെ ഇഷ്ടത്തോടെയും അനുഗ്രഹത്തോടെയും അവളെ സ്വന്തം ആക്കിയപ്പോൾ തന്നെ ദേവന്റെ കണ്ണുകൾ നിറഞ്ഞു. അത്രമേൽ അവൻ ആഗ്രഹിച്ചതാണ് അവളെ.. എന്നാൽ അനുവോ....? അതിപ്പോഴും അവരുടെ മുൻപോട്ടുള്ള ലൈഫിൽ ചോദ്യചിഹ്നമായി അവശേഷിക്കുന്നു. ഒരിക്കലും ഒരാളുടെ ആഗ്രഹം മാത്രം നടന്നാൽ അത് മറ്റൊരാൾക്ക്‌ സന്തോഷം സമ്മാനിക്കണമെന്നില്ലല്ലോ. ഒരാൾ സന്തോഷിക്കുമ്പോൾ മറ്റൊരാൾ വേദനിക്കാനും ഇടയാകില്ലേ? അനുവിന് വേദനക്ക് അപ്പുറം മറ്റൊരുവന്റെ ലൈഫിൽ കൂടി താൻ ഇനി ശല്യം ആകാൻ പോകുന്നു എന്ന ചിന്ത ആ നിമിഷവും ഉള്ളിൽ തികട്ടി വന്നതോടെ അവജ്ഞയോടെ അവൾ തന്റെ കഴുത്തിലെ താലിയിലേക്ക് നോക്കി കുറ്റബോധം കൊണ്ട് തല കുനിച്ചിരുന്നു. എന്നാൽ പ്രാണനായി ആ നിമിഷം മുതൽ ദേവൻ അവളെ തന്റെ ജീവിതസഖി ആയി അംഗീകരിച്ചു കഴിഞ്ഞിരുന്നു. (തുടരും ).. കണ്ണൂർകാരൻ 🥰🥰🥰 #📙 നോവൽ #✍ തുടർക്കഥ #💞 പ്രണയകഥകൾ #📔 കഥ #📚 ട്വിസ്റ്റ് കഥകൾ