#😱ਉੱਡਦੇ ਜਹਾਜ਼ ਦੀ ਟੁੱਟੀ ਖਿੜਕੀ, ਵਾਲ-ਵਾਲ ਬਚਿਆ ਯਾਤਰੀ! #🏙️ ਦੇਸ਼ ਵਿਦੇਸ਼ ਦੀਆਂ ਅਪਡੇਟਸ 📰 #👉🏻 ਸਥਾਨਕ ਅਪਡੇਟਸ 📰 #😲ਅਜ਼ਬ-ਗਜ਼ਬ #👉 ਤਾਜ਼ਾ ਅਪਡੇਟਸ ⭐ ਗਰੀਸ ਦੇ ਥੇਸਾਲੋਨਿਕੀ ਤੋਂ ਜਰਮਨੀ ਦੇ ਮੈਮਿੰਗਨ ਜਾ ਰਹੀ ਰਿਆਨ ਏਅਰ ਦੀ ਇੱਕ ਉਡਾਣ ਵਿੱਚ ਸ਼ੁੱਕਰਵਾਰ ਨੂੰ ਉਸ ਵੇਲੇ ਹਾਦਸਾ ਵਾਪਰਿਆ ਜਦੋਂ ਉਡਾਣ ਭਰਨ ਤੋਂ ਕੁਝ ਦੇਰ ਬਾਅਦ ਹੀ ਜਹਾਜ਼ ਦੀ ਇੱਕ ਖਿੜਕੀ ਟੁੱਟ ਕੇ ਬਾਹਰ ਨਿਕਲ ਗਈ। ਇਸ ਹਾਦਸੇ ਵੇਲੇ ਜਹਾਜ਼ 30 ਹਜ਼ਾਰ ਫੁੱਟ ਦੀ ਉਚਾਈ ’ਤੇ ਉਡ ਰਿਹਾ ਸੀ। ਇਸ ਹਾਦਸੇ ਤੋਂ ਬਾਅਦ ਹਵਾ ਦੇ ਦਬਾਅ ਕਾਰਨ ਇਹ ਯਾਤਰੀ ਅੱਧਾ ਖਿੜਕੀ ਦੇ ਬਾਹਰ ਹੋ ਗਿਆ ਤੇ ਫਸ ਗਿਆ ਜਿਸ ਨੂੰ ਉਸ ਦੀ ਪਤਨੀ ਦੇ ਜ਼ੋਰ ਲਾ ਕੇ ਖਿੱਚ ਲਿਆ ਤੇ ਉਸ ਦਾ ਬਚਾਅ ਹੋ ਗਿਆ। ਜਾਣਕਾਰੀ ਅਨੁਸਾਰ ਇਸ ਯਾਤਰੀ ਦੀ ਪਛਾਣ ਸਰਬੀਆ ਦੇ ਨਾਗਰਿਕ ਵਜੋਂ ਹੋਈ ਹੈ ਜੋ ਹਵਾ ਦੇ ਭਾਰੀ ਦਬਾਅ ਕਾਰਨ ਅੱਧਾ ਖਿੜਕੀ ਤੋਂ ਬਾਹਰ ਵੱਲ ਖਿੱਚਿਆ ਗਿਆ ਜਿਸ ਤੋਂ ਬਾਅਦ ਜਹਾਜ਼ ਨੂੰ ਤੁਰੰਤ ਵਾਪਸ ਥੇਸਾਲੋਨਿਕੀ ਹਵਾਈ ਅੱਡੇ ’ਤੇ ਐਮਰਜੈਂਸੀ ਲੈਂਡਿੰਗ ਕਰਨੀ ਪਈ। ਰਿਆਨ ਏਅਰ ਨੇ ਆਪਣੇ ਬਿਆਨ ਵਿੱਚ ਪੁਸ਼ਟੀ ਕੀਤੀ ਹੈ ਕਿ ਖਿੜਕੀ ਟੁੱਟਣ ਕਾਰਨ ਜਹਾਜ਼ ਨੂੰ ਵਾਪਸ ਮੋੜਿਆ ਗਿਆ ਸੀ ਅਤੇ ਇੱਕ ਵਿਅਕਤੀ ਨੂੰ ਡਾਕਟਰੀ ਸਹਾਇਤਾ ਦਿੱਤੀ ਗਈ ਹੈ ਪਰ ਕੰਪਨੀ ਨੇ ਹਾਦਸੇ ਦੇ ਅਸਲ ਕਾਰਨਾਂ ਬਾਰੇ ਕੋਈ ਖ਼ੁਲਾਸਾ ਨਹੀਂ ਕੀਤਾ। ਅਮਰੀਕੀ ਫੈਡਰਲ ਐਵੀਏਸ਼ਨ ਐਡਮਿਨਿਸਟ੍ਰੇਸ਼ਨ (FAA) ਨੇ ਦੱਸਿਆ ਕਿ ਇਹ ਜਹਾਜ਼ ਬੋਇੰਗ 737 NG ਮਾਡਲ ਸੀ, ਜਿਸ ’ਤੇ ਫਿਲਹਾਲ ਬੋਇੰਗ ਕੰਪਨੀ ਵੱਲੋਂ ਕੋਈ ਅਧਿਕਾਰਤ ਟਿੱਪਣੀ ਨਹੀਂ ਆਈ ਹੈ। Advertisement ਸਬੰਧਤ ਖਬਰ: Air India Delhi Halwara Flight: ਜਦੋਂ ਏਅਰ ਇੰਡੀਆ ਦੀ ਉਡਾਣ ਨੇ ਯਾਤਰੀਆਂ ਨੂੰ ਵਖ਼ਤ ਪਾਇਆ ਸਥਾਨਕ ਮੀਡੀਆ ਰਿਪੋਰਟਾਂ ਅਤੇ ਹਵਾਈ ਅੱਡੇ ਦੇ ਸੂਤਰਾਂ ਅਨੁਸਾਰ ਉਡਾਣ ਦੌਰਾਨ ਜਹਾਜ਼ ਦੇ ਇੰਜਣ ਦਾ ਇੱਕ ਹਿੱਸਾ ਟੁੱਟ ਕੇ ਖਿੜਕੀ ਨਾਲ ਜਾ ਟਕਰਾਇਆ ਸੀ। ਇਸ ਕਾਰਨ ਖਿੜਕੀ ਦੇ ਸ਼ੀਸ਼ੇ ਚਕਨਾਚੂਰ ਹੋ ਗਏ ਅਤੇ ਜਹਾਜ਼ ਦੇ ਅੰਦਰ ਹਵਾ ਦਾ ਦਬਾਅ ਅਚਾਨਕ ਘੱਟ ਗਿਆ ਜਿਸ ਨੇ ਕੋਲ ਬੈਠੇ ਯਾਤਰੀ ਨੂੰ ਬਾਹਰ ਵੱਲ ਖਿੱਚ ਲਿਆ। ਫਲਾਈਟ ਟ੍ਰੈਕਿੰਗ ਵੈੱਬਸਾਈਟ 'ਫਲਾਈਟਰੇਡਾਰ24' ਮੁਤਾਬਕ ਇਹ ਜਹਾਜ਼ ਸ਼ੁੱਕਰਵਾਰ ਸਵੇਰੇ ਹਾਦਸੇ ਦਾ ਸ਼ਿਕਾਰ ਹੋਣ ਤੋਂ ਬਾਅਦ ਵਾਪਸ ਪਰਤ ਆਇਆ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਹੀ ਜਹਾਜ਼ ਵੀਰਵਾਰ ਸ਼ਾਮ ਨੂੰ ਵੀ ਸਾਰਾਜੇਵੋ ਦੀ ਉਡਾਣ ਦੌਰਾਨ ਅਚਾਨਕ ਥੇਸਾਲੋਨਿਕੀ ਵਾਪਸ ਮੁੜਿਆ ਸੀ ਪਰ ਉਸ ਵੇਲੇ ਦੇ ਕਾਰਨਾਂ ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ। ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈਆਂ ਵੀਡੀਓਜ਼ ਵਿੱਚ ਜਹਾਜ਼ ਦੇ ਅੰਦਰ ਟੁੱਟੀ ਹੋਈ ਖਿੜਕੀ ਅਤੇ ਛੱਤ ਤੋਂ ਲਟਕਦੇ ਆਕਸੀਜਨ ਮਾਸਕ ਸਾਫ਼ ਦੇਖੇ ਜਾ ਸਕਦੇ ਹਨ। ਰਿਆਨ ਏਅਰ ਨੇ ਕਿਹਾ ਕਿ ਜਹਾਜ਼ ਸੁਰੱਖਿਅਤ ਉਤਰ ਗਿਆ ਹੈ ਅਤੇ ਸਾਰੀਆਂ ਸਵਾਰੀਆਂ ਨੂੰ ਟਰਮੀਨਲ 'ਤੇ ਵਾਪਸ ਲਿਆਂਦਾ ਗਿਆ ਹੈ, ਜਿੱਥੇ ਜਾਂਚਕਰਤਾ ਮਾਮਲੇ ਦੀ ਪੜਤਾਲ ਕਰ ਰਹੇ ਹਨ। ਸਾਲ 2018 ਵਿੱਚ ਵੀ ਵਾਪਰਿਆ ਸੀ ਅਜਿਹਾ ਹੀ ਹਾਦਸਾ; ਪਹਿਲਾਂ ਹੋ ਚੁੱਕੀ ਹੈ ਇੱਕ ਮੌਤ ਇਸ ਘਟਨਾ ਨੇ ਸਾਲ 2018 ਵਿੱਚ ਵਾਪਰੇ ਇੱਕ ਅਜਿਹੇ ਹੀ ਹਾਦਸੇ ਦੀਆਂ ਯਾਦਾਂ ਤਾਜ਼ਾ ਕਰ ਦਿੱਤੀਆਂ ਹਨ। ਉਸ ਸਮੇਂ ਸਾਊਥਵੈਸਟ ਏਅਰਲਾਈਨਜ਼ ਦੇ ਇੱਕ ਬੋਇੰਗ 737 NG ਜਹਾਜ਼ ਦੇ ਇੰਜਣ ਦਾ ਬਲੇਡ ਟੁੱਟਣ ਕਾਰਨ ਖਿੜਕੀ ਫਟ ਗਈ ਸੀ, ਜਿਸ ਕਾਰਨ ਇੱਕ ਮਹਿਲਾ ਯਾਤਰੀ ਬਾਹਰ ਵੱਲ ਖਿੱਚੀ ਗਈ ਸੀ ਅਤੇ ਉਸ ਦੀ ਮੌਤ ਹੋ ਗਈ ਸੀ। ਸਾਲ 2009 ਤੋਂ ਬਾਅਦ ਅਮਰੀਕਾ ਵਿੱਚ ਕਿਸੇ ਯਾਤਰੀ ਜਹਾਜ਼ ਹਾਦਸੇ ਵਿੱਚ ਹੋਣ ਵਾਲੀ ਇਹ ਪਹਿਲੀ ਮੌਤ ਸੀ। ਉਸ ਹਾਦਸੇ ਤੋਂ ਬਾਅਦ ਅਮਰੀਕੀ ਨੈਸ਼ਨਲ ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ (NTSB) ਨੇ ਬੋਇੰਗ ਨੂੰ 737 NG ਜਹਾਜ਼ਾਂ ਦੇ ਇੰਜਣ ਦੇ ਕਵਰ (ਫੈਨ ਕਾਊਲ) ਦੇ ਡਿਜ਼ਾਈਨ ਨੂੰ ਬਦਲਣ ਲਈ ਕਿਹਾ ਸੀ। ਇਹ ਵੀ ਪੜ੍ਹੋ: Delhi-Munich Flight: 500 ਯਾਤਰੀਆਂ ਨਾਲ ਹਵਾ ‘ਚ ਫਸਿਆ ਜਹਾਜ਼; ਦੋ ਵਾਰ ਕੋਸ਼ਿਸ਼ ਕਰਨ ਦੇ ਬਾਵਜੂਦ ਨਾ ਉਤਰ ਸਕਿਆ ਸਾਲ 2018 ਦੇ ਉਸ ਹਾਦਸੇ ਤੋਂ ਬਾਅਦ ਨਿਯਮਾਂ ਵਿੱਚ ਬਦਲਾਅ ਕਰਕੇ ਏਅਰਲਾਈਨਜ਼ ਲਈ ਹਰ 9 ਤੋਂ 12 ਮਹੀਨਿਆਂ ਵਿੱਚ ਇੰਜਣ ਦੇ ਬਲੇਡਾਂ ਦੀ ਬਾਰੀਕੀ ਨਾਲ ਜਾਂਚ ਕਰਨਾ ਲਾਜ਼ਮੀ ਕਰ ਦਿੱਤਾ ਗਿਆ ਸੀ। ਮੌਜੂਦਾ ਹਾਦਸੇ ਦਾ ਸ਼ਿਕਾਰ ਹੋਏ ਰਿਆਨ ਏਅਰ ਦੇ ਜਹਾਜ਼ ਵਿੱਚ ਵੀ CFM ਇੰਟਰਨੈਸ਼ਨਲ ਕੰਪਨੀ ਦੇ CFM56 ਇੰਜਣ ਲੱਗੇ ਹੋਏ ਹਨ ਜੋ ਜਨਰਲ ਇਲੈਕਟ੍ਰਿਕ (GE) ਅਤੇ ਫਰਾਂਸ ਦੀ ਸਫਰਾਨ (Safran) ਕੰਪਨੀ ਦਾ ਸਾਂਝਾ ਉੱਦਮ ਹੈ। ਫਿਲਹਾਲ ਇੰਜਣ ਬਣਾਉਣ ਵਾਲੀ ਕੰਪਨੀ ਨੇ ਇਸ ਘਟਨਾ 'ਤੇ ਕੋਈ ਵੀ ਬਿਆਨ ਦੇਣ ਤੋਂ ਇਨਕਾਰ ਕਰ ਦਿੱਤਾ ਹੈ, ਜਦਕਿ ਹਵਾਨਬਾਜ਼ੀ ਅਥਾਰਟੀਆਂ ਇਸ ਦੀ ਜਾਂਚ ਕਰ ਰਹੀਆਂ ਹਨ।