വിനോദ് മാളുവിന്റെ ഇടുപ്പിൽ കൈ മുറുക്കിക്കൊണ്ട് പതിയെ അവളുടെ ചുണ്ടുകളെ നുണഞ്ഞു തുടങ്ങി. മാളുവിന്റെ കൈകൾ അവന്റെ തോളിൽ കൂടുതൽ മുറുകി.. അത്രമേൽ വന്യമായിരുന്നു അവന്റെ ചുംബനം. ഇത്രയും നേരം അവൻ അനുഭവിച്ച ടെൻഷൻ കൊണ്ടായിരിക്കാം ചിലപ്പോൾ അത്. തന്റെ ചുണ്ടുകളെ ചുംബിച്ചു തളർത്തുന്നവനെ തടയാൻ മാളുവിന്റെ കൈകൾ ഉയർന്നില്ല. അവന് വിധേയയായി നിന്നവൾ... ദേവിക പെട്ടന്ന് അവരിൽ നിന്നും നോട്ടം മാറ്റിക്കൊണ്ട് താഴേക്ക് നോക്കി.. ഇതുവരെയുള്ള ടെൻഷൻ എല്ലാം മാറി മനസ്സിൽ ശാന്തത നിറയുന്നത് അവർ അറിഞ്ഞു. അവർ സുമതിയെ മുഖം ഉയർത്തി നോക്കി. സുമതി വിനോദിനെയും മാളുവിനെയും നോക്കി വായും തുറന്ന് നിൽക്കുകയാണ്. ദേവികക്ക് ചിരി വന്നു. അവർ പതിയെ സുമതിക്ക് നേരെ കൈ ഞൊടിച്ചു. അവർ ഞെട്ടലോടെ അവരിൽ നിന്നും കണ്ണ് മാറ്റി ദേവികയെ നോക്കി നാണത്തോടെ ചിരിച്ചുകൊണ്ട് തലതാഴ്ത്തി. അടുക്കളയിൽ ജോലിയുണ്ട് അങ്ങോട്ട് പൊക്കോളു... അവർ സുമതിയോട് പറഞ്ഞപ്പോൾ അവർ ഇടങ്കണ്ണാൽ ആ കാഴ്ച ഒന്നുകൂടി കണ്ട് ചിരിയോടെ അടുക്കളയിലേക്ക് പോയി. കല്യാണി ഗൗരിയുടെ കവിളിൽ തട്ടി. അവൾ ഒരു ഞെരുക്കത്തോടെ കല്യാണിയെ നോക്കി. കല്യാണി കണ്ണ് മുന്നോട്ട് കാണിച്ചു. ഗൗരി കണ്ണുകൾ മാത്രം പതിയെ ചലിപ്പിച്ച് മുന്നോട്ട് നോക്കി.. കണ്ട കാഴ്ച്ചയിൽ അവൾ പകച്ചുപോയി. മാളുവിനെ ചുംബിക്കുന്ന വിനോദ്... അവൾക്ക് ദേഷ്യമോ സങ്കടമോ ഒക്കെ വന്നുപോയി... പക്ഷെ എന്ത് ചെയ്യാനാണ്.... ഗൗരി പതിയെ കണ്ണടച്ച് അവിടെ തന്നെ കിടന്നു. അവര് എന്താ എന്ന് വെച്ചാ ആയിക്കോട്ടെ.. എനിക്കെന്റെ ജീവനാണ് വലുത് എന്നതായിരുന്നു അപ്പോഴുള്ള അവളുടെ ഭാവം. മാളുവിനെ എല്ലാം മറന്ന് ചുംബിക്കുന്നതിനിടയിൽ വിനോദിന്റെ കൈകൾ അവളുടെ ഇടുപ്പിൽ നിന്നും പതിയെ അവളുടെ മാറിടത്തിലേക്ക് നീങ്ങി... ആ നീക്കം മാളുവും അറിഞ്ഞു... അവന്റെ ചുംബനത്തിൽ എപ്പോഴോ അടഞ്ഞുപോയ കണ്ണുകളെ വലിച്ചു തുറന്നു മാളു... മാളുവിന് തങ്ങൾ ഇപ്പോൾ എവിടെ ആണെന്ന ബോധം അവൾക്ക് ഇപ്പോഴാണ് വന്നത്. അവൾ ഞെട്ടലോടെ പെട്ടന്ന് വിനോദിന്റെ നെഞ്ചിൽ കൈ വെച്ച് അവനേ പുറകിലേക്ക് തള്ളി.. അപ്രതീക്ഷിതമായ ആ നീക്കത്തിൽ വിനോദ് പിന്നിലേക്ക് ഒന്ന് വേച്ചുപോയി. അവൻ്റെ കൈ ചുമരിൽ ചെറുതായി തട്ടി. ആഹ്... അവൻ വേദനയോടെ പറഞ്ഞു. അവൻ മാളുവിനെ മിഴിച്ചു നോക്കി. അവന്റെ വേദനയോടെയുള്ള ശബ്ദം കേട്ടതും ദേവിക പെട്ടന്ന് തിരിഞ്ഞു നോക്കി. മാളുവും ഞെട്ടിക്കൊണ്ട് പെട്ടന്ന് അവന്റെ അടുത്തേക്ക് ചെന്ന് അവൻ്റെ കയ്യിൽ പിടിച്ചു നോക്കി. അയ്യോ ഉണ്ണിയേട്ടാ.. ഞാൻ... ഞാൻ അറിയാതെ... അവൾ വെപ്രാളത്തോടെ പറഞ്ഞുകൊണ്ട് അവന്റെ കയ്യെടുത്ത് ആകുലതയോടെ ഉഴിഞ്ഞു കൊണ്ടിരുന്നു. എന്താ ഉണ്ണി... ദേവിക പേടിയോടെ അവന്റെ കയ്യിലേക്ക് നോക്കികൊണ്ട് ചോദിച്ചു. വിനോദ് മാളുവിൻ്റെ മുഖത്തേക്ക് നോക്കി... അവൾ അവന്റെ കൈ തിരിച്ചും മറിച്ചും നോക്കിക്കൊണ്ടിരിക്കുവായിരുന്നു. വിനോദ് പെട്ടന്ന് ദേഷ്യത്തോടെ അവളിൽ നിന്ന് കൈ വലിച്ചെടുത്ത് കുടഞ്ഞു. മാളു പകപ്പോടെ അവനെ നോക്കി. ദേവിക എന്തുപറ്റി എന്നറിയാതെ അവരെ രണ്ടാളെയും മാറി മാറി നോക്കിക്കൊണ്ട് നിന്നു. എന്താ ഉണ്ണി... ദേവിക വീണ്ടും ചോദിച്ചു ഗായു എന്നെ തള്ളിയപ്പോ എൻ്റെ കൈ അവിടെ ഇടിച്ചു. ഞാൻ ഇനി ഗായൂനോട് മിണ്ടില്ല. അവൻ ദേഷ്യത്തോടെ പറഞ്ഞുകൊണ്ട് നേരെ നോക്കിയത് തങ്ങളെ തന്നെ നോക്കിയിരിക്കുന്ന കല്യാണിയെയാണ്. പെട്ടന്ന് അവന്റെ മുഖം മാറി. കല്യാണി പേടിയോടെ ഉമിനീർ ഇറക്കിക്കൊണ്ട് ഗൗരിയെ തട്ടിവിളിച്ചു. ഗൗരി ആയാസപ്പെട്ട് കണ്ണ് തുറന്ന് കല്യാണിയെ നോക്കി. അവരുടെ നോട്ടം തന്നിൽ അല്ലെന്നറിഞ്ഞ അവൾ പതുക്കെ സോഫയിൽ നിന്നും നിവർന്നിരുന്നു കൊണ്ട് അവരുടെ കണ്ണുകൾ പോയ ഭാഗത്തേക്ക് നോക്കി. തങ്ങളെ തുറിച്ചു നോക്കുന്ന വിനോദിനെ കണ്ട് അവളുടെ ശരീരം വിറച്ചു. അമ്മേ... അവൾ പേടിയോടെ വിളിച്ചുകൊണ്ട് കല്യാണിയുടെ കയ്യിൽ പിടി മുറുക്കി. അവർ അവളെ ദയനീയമായി നോക്കി ഗൗളി നീ ഇനിയും പോയില്ലേ ഇവിടുന്ന്.... എണീറ്റ് പോ.. നീയിനി ഇങ്ങോട്ട് വരണ്ട... എനിക്ക് നിന്നെ ഇഷ്‌ടല്ല... നീയും പോ വിനോദ് ആദ്യം ഗൗരിയോടും പിന്നീട് കല്യാണിയോടും ഗൗരവത്തോടെ പറഞ്ഞു. കല്യാണി ഗൗരിയെ താങ്ങിപിടിച്ച് എഴുന്നേൽപ്പിച്ചു. ആഹ്... അമ്മേ... അവൾ വേദനയോടെ പറഞ്ഞു.. അവളുടെ കണ്ണുകൾ വേദനകൊണ്ട് നിറഞ്ഞു പോടീ ഇവിടുന്ന്... വിനോദ് വീണ്ടും ശബ്ദ‌ം ഉയർത്തിയതും കല്യാണി ഗൗരിയെ ഇറുക്കിപിടിച്ചുകൊണ്ട് പുറത്തേക്ക് നടന്നു.. പുറത്തേക്ക് പോകുന്ന വഴി കല്യാണി ദേവികയെ തിരിഞ്ഞു നോക്കി. ഇന്ന് വരെ തന്നെ നോക്കുന്ന ദേവികയുടെ കണ്ണുകളിൽ പേടി മാത്രമേ കണ്ടിട്ടുള്ളു. ഏടത്തി ആണെങ്കിലും തനിക്ക് മേൽ ഭരിക്കാൻ താൻ ആരെയും അനുവദിച്ചിട്ടില്ല. പക്ഷെ ഇന്ന്... ഇന്ന് ഈ നിമിഷം ആദ്യമായി ദേവികയുടെ കണ്ണിൽ വിരിഞ്ഞ തന്നോടുള്ള വികാരം പുച്ഛമാണെന്ന് കല്യാണി പകപ്പോടെ മനസ്സിലാക്കി... അവരുടെ തല താഴ്ന്നു‌. അവർ ഗൗരിയെയും കൂട്ടി മുന്നോട്ട് നടന്നു. ഉണ്ണിയേട്ടാ.... അവർ പോയതും മാളു വീണ്ടും അവനെ വിളിച്ചു. ഗായൂനോടല്ലേ എന്നോട് മിണ്ടണ്ട എന്ന് പറഞ്ഞത്. രാവിലെയും എന്നെ സങ്കടപ്പെടുത്തി ഇപ്പൊ ഞാൻ ഗായൂനെ സ്നേഹം കൊണ്ടല്ലേ ഉമ്മ വെച്ചത്... എന്നിട്ടും എന്നെ ഇപ്പഴും സങ്കടപ്പെടുത്തിയില്ലേ. ഇനി ഞാൻ മിണ്ടില്ല.. പോ... വിനോദ് അത്രയും പറഞ്ഞുകൊണ്ട് വരാന്തയിലേക്ക് നടന്നു. മാളുവിന്റെ കണ്ണു നിറഞ്ഞു. അവൾ ദയനീയമായി ദേവികയെ നോക്കി. അവർ അവളെ നോക്കി പുഞ്ചിരിച്ചു. സാരമില്ല മോളെ... നിങ്ങൾ അപ്പൊ നേരത്തെയും പിണങ്ങിയല്ലേ... സാരമില്ല... അവൻ കുറച്ചു കഴിയുമ്പോൾ മോളോട് തനിയെ വന്നു മിണ്ടിക്കോളും. എൻ്റെ മോള് സങ്കടപ്പെടണ്ട. അവർ പറഞ്ഞുകൊണ്ട് അവളെ നെഞ്ചിലേക്ക് ചേർത്തു. ഉണ്ണീടെ അമ്മേ.... അപ്പോഴേക്കും വിനോദിന്റെ ഗൗരവത്തോടെയുള്ള ശബ്‌ദം കേട്ടു....പുറത്തുനിന്നാണ്. അവർ മാളുവിനെ അകത്തി നിർത്തി നെറുകയിൽ ചുംബിച്ചുകൊണ്ട് പുറത്തേക്ക് പോയി. മാളു പുറത്തേക്കൊന്ന് നോക്കി അടുക്കളയിലേക്ക് നടന്നു. എന്താ മോളെ... എന്തെങ്കിലും വേണോ... സുമതി അവളെ അടുക്കളയിൽ കണ്ടുകൊണ്ട് അവളിൽ നിന്നും പെട്ടന്ന് മുഖം മാറ്റി ചിരിയോടെ ചോദിച്ചു. അവർക്ക് നേരത്തെ കണ്ട കാഴ്ച്ചയിൽ നിന്നും മുക്തയാകാൻ കഴിഞ്ഞിരുന്നില്ല... മാളുവിന് അവരുടെ ചിരി കണ്ടപ്പോൾ ചമ്മൽ തോന്നിയെങ്കിലും അവൾ അത് മറച്ചുവെച്ചുകൊണ്ട് പാത്രങ്ങൾ കഴുകാൻ എടുത്തു. അയ്യോ എന്റെ മോളെ...മോളെന്താ ഈ ചെയ്യുന്നേ... --ദേവികചേച്ചിയെ കൊണ്ട് എന്നെ വഴക്ക് കേൾപ്പിക്കാനാണോ... മോളങ്ങോട്ട് മാറിക്കെ ചേച്ചി ചെയ്തോളാം. അവർ പറഞ്ഞുകൊണ്ട് അവളുടെ കയ്യിലെ ---പാത്രം വാങ്ങാൻ ശ്രമിച്ചു. ആരും വഴക്ക് പറയില്ല സുമതിയേച്ചി... എനിക്കിവിടെ വെറുതെ ഇരുന്ന് ബോർ അടിച്ചു.. അതുകൊണ്ടാ ഞാനിപ്പോ ഇങ്ങോട്ട് വന്നത്. ഞാൻ പറഞ്ഞോളാം അമ്മയോട്.. അമ്മ ഒന്നും പറയില്ല. അവൾ പറഞ്ഞപ്പോൾ അവർ മനസ്സില്ലാമനസ്സോടെ തലകുലുക്കി. ഉച്ചക്ക് ഭക്ഷണം വാരികൊടുക്കാൻ മാളു അടുത്ത് വന്നിരുന്നപ്പോഴേക്കും വിനോദ് അമ്മയുടെ നേർക്ക് വായ തുറന്നു. ദേവിക മാളുവിനെ നോക്കി... അവളുടെ മുഖം മങ്ങിയത് അവർ ശ്രദ്ധിച്ചിരുന്നു. ദേവിക പുഞ്ചിരിയോടെ അവളെ നോക്കി ഒന്ന് കണ്ണുചിമ്മി കൊണ്ട് വിനോദിന് വാരി കൊടുത്തു. മാളു വിനോദിനെ നോക്കിക്കൊണ്ട് ഭക്ഷണം കഴിച്ചു. രാത്രി ഹരിയും രാജനും വന്നിരുന്നു... ദേവിക അവരെ വിളിച്ച് വരാൻ പറഞ്ഞതായിരുന്നു...ഇന്നുണ്ടായ സംഭവങ്ങൾ എല്ലാം ദേവിക അവരെ അറിയിച്ചു. ഹരിക്ക് എല്ലാം കൂടി കേട്ടപ്പോൾ ദേഷ്യം വന്നിരുന്നു. അവൻ അപ്പോൾ തന്നെ കല്യാണിയുടെ വീട്ടിലേക്ക് പുറപ്പെട്ടു.. രാജനും ദേവികയും ഒരുവിധമാണ് അവനെ പറഞ്ഞു സമാധാനിപ്പിച്ചു നിർത്തിയത്. രാത്രി ഭക്ഷണവും കഴിച്ച് ഒരുപാട് വൈകിയാണ് അവർ മടങ്ങിയത്..ഹരി മാളുവിനെ ഓരോന്ന് പറഞ്ഞു സമാധാനിപ്പിച്ചിരുന്നു...ഈ നേരമത്രയും വിനോദ് മാളുവിനെ ഒന്ന് നോക്കുക പോലും ചെയ്‌തിരുന്നില്ല... അവൾക്കതിൽ നല്ല വേദന തോന്നിയിരുന്നു. അവനെ തന്നെ നോക്കി നിൽക്കെ അവളുടെ കണ്ണുകൾ നിറഞ്ഞു. നിറഞ്ഞ കണ്ണുകൾ തുടച്ചുകൊണ്ട് അവൾ ദേവികയോട് പറഞ്ഞുകൊണ്ട് മുകളിലേക്ക് കയറി... അവൾ പോയെന്ന് കണ്ടതും വിനോദ് കുസൃതിചിരിയോടെ അവളെ തിരിഞ്ഞു നോക്കി.. ഉണ്ണീടെ അമ്മേ ഉണ്ണിക്കും ഉറക്കം വരുന്നു... അവൻ ഉറക്കം വരുന്നത് പോലെ കോട്ടുവായിട്ടു.. ദേവിക അവനെയൊന്നു നോക്കികൊണ്ട് തലയാട്ടി. അവൻ ചിരിയോടെ മുകളിലേക്ക് കയറി. മാളു മേല് കഴുകാൻ ബാത്റൂമിൽ കയറിയ സമയത്തായിരുന്നു വിനോദ് റൂമിലേക്ക് വന്നത്. മാളിവിനെ റൂമിൽ കാണാഞ്ഞതും അവൻ സങ്കടത്തോടെ ബെഡിൽ ഇരുന്നു.. അപ്പോഴാണ് ബാത്റൂമിൽ നിന്നും വെള്ളം വീഴുന്ന ശബ്ദം അവൻ കേട്ടത്. അവൻ വാതിൽ പോയി ലോക്ക് ചെയ്ത്‌ അങ്ങോട്ടൊന്നു നോക്കികൊണ്ട് ബെഡിലേക്ക് കിടന്നു. വസ്ത്രം മാറാനായി ഹേങ്ങറിൽ നിന്നും അത് എടുത്തതും അവയൊന്നാകെ താഴെ വെച്ചിരിക്കുന്ന വെള്ളം നിറച്ച ബക്കറ്റിലേക്ക് വീണു. അയ്യോ... മാളു പറഞ്ഞുപോയി എന്റെ മഹാദേവാ... ഇതപ്പിടി നനഞ്ഞൂലോ... അവൾ പറഞ്ഞുകൊണ്ട് ബക്കറ്റിൽ നിന്നും അവൾ ഇടാൻ വേണ്ടി കൊണ്ടുവന്ന ദാവണി നോക്കി.. അവളുടെ അശ്രദ്ധ കൊണ്ട് അവ മുഴുവനായും വെള്ളത്തിൽ വീണിരുന്നു. മാളുവിന് കരച്ചിൽ വന്നു. ഇനി ഞാൻ എന്താ ചെയ്യാ... പുറത്ത് ഉണ്ണിയേട്ടൻ വന്നിട്ടുണ്ടാവോ... എങ്ങനെ ഞാനിപ്പോ എൻ്റെ ഡ്രസ്സ് എടുക്കാ... അവൾ ടെൻഷനോടെ നഖം കടിച്ചു. അവൾ മേല് തുടച്ച ടവൽ എടുത്ത് പെട്ടന്ന് അവളുടെ ശരീരം പൊതിഞ്ഞു. അവൾ സ്വയം അവളെ തന്നെ ഒന്ന് നോക്കി. അയ്യേ.... ഇതെൻ്റെ തുട വരെ ഇറക്കം ഉള്ളൂ.. ഞാനിപ്പോ എന്താ ചെയ്യാ... അവൾക്ക് വെപ്രാളം തോന്നി. ഉണ്ണിയേട്ടൻ വന്നുകാണില്ല... എന്നോട് പിണങ്ങി ഇരിക്കുവല്ലേ ഹാളിൽ.. ഇനിയിപ്പോ ഇന്ന് അമ്മടെ കൂടെയാണ് കിടക്കുന്നത് എനെങ്ങാനും പറയുവോ... അയ്യോ... അപ്പൊ ഞാൻ എങ്ങനെയാ ഒറ്റക്കിവിടെ... നിക്ക് പറ്റില്ല.. കാല് പിടിച്ചിട്ടായലും ഞാൻ ഉണ്ണിയേട്ടനെക്കൊണ്ട് മിണ്ടിപ്പിക്കും...എന്നിട്ട് ഇതുവരെ പിണങ്ങിയതിനൊക്കെ ഞാൻ ഉമ്മ കൊടുത്തു പ്രതികാരം ചെയ്യും. അവൾ നാണത്തോടെ പറഞ്ഞുകൊണ്ട് ബാത്രൂം വാതിൽ തുറന്നു. വാതിൽ തുറക്കുന്ന ശബ്ദം കേട്ടതും വിനോദ് ബെഡിൽ നിന്നും എഴുന്നേറ്റിരുന്നു. ബാത്റൂമിൽ നിന്നിറങ്ങുന്ന മാളുവിനെ കണ്ട് അവൻ മിഴിച്ചിരുന്നു. മാളു അലമാരയിൽ നിന്നും ഒരു ബ്ലാക്ക് കളർ ദാവണി എടുത്ത് കയ്യിൽ പിടിച്ചു. വിനോദ് പതിയെ ബെഡിൽ നിന്നും എഴുന്നേറ്റ് അവൾക്കടുത്തേക്ക് നടന്നു. മാളു അലമാരയുടെ കണ്ണാടിയുടെ മുന്നിൽ നിൽക്കുവായിരുന്നു. തന്റെ ചെവിക്കടുത്ത് പതിക്കുന്ന നിശ്വാസത്തിൽ മാളു ഞെട്ടലോടെ കണ്ണാടിയിലേക്ക് മുഖം ഉയർത്തി നോക്കി... തന്നെ തന്നെ നോക്കി നിൽക്കുന്ന വിനോദിനെ കാണേ അവൾ ഉമിനീർ ഇറക്കിപ്പോയി. ഉണ്ണി... ഉണ്ണിയേട്ടാ... അവൾ വിക്കലോടെ വിളിച്ചു. അവൻ പെട്ടന്ന് അവളെ പുറകിൽ നിന്നും ആഞ്ഞു പുണർന്നു. മാളുവിൻ്റെ കയ്യിൽ നിന്നും ദാവണി താഴെ വീണു. മാളു 😍 അവൻ വിളിച്ചുകൊണ്ട് അവളെ ഒന്നുകൂടി വരിഞ്ഞു മുറുക്കി. മാറിൽ കുത്തിയിരുന്ന ടവലിൻ്റെ കെട്ട് അഴിഞ്ഞ് അത് താഴേക്ക് വീണു. മാളു ഞെട്ടിപ്പോയി...!! തുടരും 💘 #📙 നോവൽ #💞 പ്രണയകഥകൾ #📔 കഥ