BG (ISKCON) 15 ശ്ലോകം 19 ഒരാൾക്ക് തികച്ചും കൃഷ്ണാവബോധമുണ്ടെങ്കിൽ, ഭഗവത് സേവനത്തിൽ തത്പരനാണെങ്കിൽ അയാൾക്ക് വേദജ്ഞാനം പൂർണ്ണമായുണ്ടെന്ന് മനസ്സിലാക്കാം. കൃഷ്ണന്റെ ഭക്തിയുതസേവനത്തിൽ മുഴുകിയവന് പരമനിരപേക്ഷതത്ത്വം മനസ്സിലാക്കാൻ മറ്റൊരാദ്ധ്യാത്മിക പ്രക്രിയയും ആവശ്യമില്ലെന്ന് വൈഷ്ണവപരമ്പര പ്രസ്താവിച്ചിട്ടുണ്ട്. യോ മാമേവമസംമൂഢോ ജാനാതി പുരുഷോത്തമം സ സർവവിദ് ഭജതി മാം സർവഭാവേന ഭാരത. ഭാരതഃ - ഹേ ഭാരതാ; യഃ - യാതൊരുവൻ; ഏവം - ഇപ്രകാരം; അസംമൂഢഃ – സംശയം കൂടാതെ; മാം - എന്നെ; പുരുഷോത്തമം – പുരുഷോത്തമനെന്ന്; ജാനാതി - അറിയുന്നു; സഃ - അവൻ, സർവവിത് - എല്ലാം അറിയുന്നവനായി; സർവഭാവേന - എല്ലാ വിധത്തിലും; മാം - എന്നെ; ഭജതി - ഭജിക്കുന്നു. എന്നെ പരമദിവ്യോത്തമപുരുഷനായ ഭഗവാനെന്ന് നിസ്സംശയം അറിയുന്നവർ എല്ലാം അറിയുന്നവരാണ്. ഹേ ഭാരതാ, അതുകൊണ്ട് അവർ എന്റെ ഭക്തിയുതസേവനത്തിൽ പൂർണ്ണമായും മുഴുകിയിരിക്കുന്നു. ജീവസത്തകളുടേയും നിരപേക്ഷതത്ത്വത്തിന്റേയും മൂലസ്വരൂപത്തെപ്പറ്റി താത്ത്വികങ്ങളായ പല ഊഹാപോഹങ്ങളുമുണ്ട്. ഈ ശ്ലോകത്തിൽ ഭഗവാൻ തീർത്തുപറയുന്നു, ശ്രീകൃഷ്ണൻ തന്നെ പരമപുരുഷൻ എന്നറിയുന്നവരാണ് പരിപൂർണ്ണ ജ്ഞാനം സിദ്ധിച്ചവർ എന്ന്. അല്പജ്ഞാനി നിരപേക്ഷതത്ത്വത്തെപ്പറ്റിയുള്ള ഊഹാപോഹങ്ങളിൽ മുഴുകി സമയം പാഴാക്കുന്നു. ജ്ഞാനസിദ്ധനാകട്ടെ, സമയം പാഴാക്കാതെ നേരെ കൃഷ്ണാവബോധത്തിലൂടെ ഭക്തിപൂർവ്വം ഭഗവത് സേവനത്തിലേർപ്പെടുന്നു. ഭഗവദ്ഗീതയിൽ ഉടനീളം ഈയൊരു സത്യത്തെയാണ് ഊന്നിപ്പറഞ്ഞിട്ടുള്ളത്. എന്നിട്ടും ചില ഭഗവദ്ഗീതാ വ്യാഖ്യാതാക്കൾ നിരപേക്ഷതത്ത്വവും ജീവാത്മാവും ഒന്നുതന്നെയെന്ന് വാശി പിടിക്കുന്നു. വേദജ്ഞാനത്തെ ശ്രുതി അഥവാ കേട്ടറിയേണ്ടത്, എന്ന് പറയുന്നു. കൃഷണനിൽ നിന്നും ഭഗവത്പ്രതിനിധികളായ പ്രാമാണികരിൽ നിന്നും കേട്ടറിയേണ്ടതാണ് വേദസന്ദേശം. ഇവിടെ കൃഷ്ണൻ ഈ വിഷയങ്ങളെ അത്യന്തം വിശകലനംചെയ്താണ് പ്രതിപാദിക്കുന്നത്. ഇതിൽ നിന്നാണ് ഒരാൾ കേട്ടു ഗ്രഹിക്കേണ്ടതും. പ്രാമാണികരിൽ നിന്ന് അത് മനസ്സിലാക്കുകയും വേണം. കാല്പനികങ്ങളായ ഊഹാപോഹങ്ങൾ നടത്തണമെന്നില്ല. ജീവസത്തകളെല്ലാം എപ്പോഴും പരമപുരുഷനായ ഭഗവാന് അധീനരാണെന്ന സത്യം ഭഗവദ്ഗീതയിലൂടെ വിനയപുരസ്സരം കേട്ടറിയുക. ഇങ്ങനെ ചെയ്യാൻ കഴിയുന്നവർക്കു മാത്രമേ വേദോദ്ദേശ്യം ഗ്രാഹ്യമാവുകയുള്ളൂ എന്നാണ് ഭഗവത് മതം. മറ്റാർക്കും വേദോദ്ദേശ്യം അറിയില്ല. ‘ഭജതി’ എന്ന വാക്ക് ശ്രദ്ധിക്കുക. ഭഗവത് സേവനത്തോട് ബന്ധപ്പെടുത്തി ഈ വാക്ക് പല സ്ഥലങ്ങളിലും ഉപയോഗിച്ചിട്ടുണ്ട്. ഒരാൾക്ക് തികച്ചും കൃഷ്ണാവബോധമുണ്ടെങ്കിൽ, ഭഗവത് സേവനത്തിൽ തത്പരനാണെങ്കിൽ അയാൾക്ക് വേദജ്ഞാനം പൂർണ്ണമായുണ്ടെന്ന് മനസ്സിലാക്കാം. കൃഷ്ണന്റെ ഭക്തിയുതസേവനത്തിൽ മുഴുകിയവന് പരമനിരപേക്ഷതത്ത്വം മനസ്സിലാക്കാൻ മറ്റൊരാദ്ധ്യാത്മിക പ്രക്രിയയും ആവശ്യമില്ലെന്ന് വൈഷ്ണവപരമ്പര പ്രസ്താവിച്ചിട്ടുണ്ട്. ഭഗവത്സേവനത്തിലേർപ്പെട്ടതുകൊണ്ട് അയാൾ ലക്ഷ്യസ്ഥാനത്ത് എത്തിക്കഴിഞ്ഞു. വിവേകത്തിന്റെ പ്രാരംഭപ്പടവുകളെല്ലാം പിന്നിട്ടിരിക്കുന്നു. നൂറായിരം ജന്മങ്ങൾ തത്ത്വാന്വേഷണത്തിൽ ചെലവാക്കിയിട്ടും കൃഷ്ണൻ തന്നെ പരമപുരുഷനെന്നും, അദ്ദേഹത്തിന് സ്വയം സമർപ്പിക്കണമെന്നുമുള്ള നിലപാടിലെത്താത്തവർക്കാകട്ടെ, അത്രയും ജന്മങ്ങളിലെ തത്ത്വാന്വേഷണവും അതിന് ചെലവാക്കിയ സമയവും പാഴായിപ്പോയതുതന്നെ. ##𝗔𝗗𝗩𝗢𝗖𝗔𝗧𝗘𝗠𝗔𝗡𝗢𝗝𝗚𝗨𝗥𝗨𝗩𝗔𝗬𝗨𝗥 #🆕 ലേറ്റസ്റ്റ് അപ്ഡേറ്റ് #💭 Best Quotes #🙏 ശ്രീകൃഷ്ണ ഭജനകൾ #Devotional