​भाव मनातील ओलावा आणि शब्दांतील गोडवा ​🕉️🪷🕉️🪷🕉️🪷🕉️ ​भाव हा केवळ मनात असून चालत नाही, तर तो साक्षात प्रकट झाला पाहिजे. जेव्हा आपले भाव बाह्य जगात व्यक्त होतात, तेव्हाच आपले जीवन खऱ्या अर्थाने सुखी होते, एक साधे उदाहरण घेऊया—समोर जेवणाचे ताट वाढलेले आहे, पण जोपर्यंत आपण घास उचलून खाणार नाही, तोपर्यंत पोट भरेल का? नक्कीच नाही, तसेच, भावना मनात दाबून न ठेवता त्या समोरच्या व्यक्तीपाशी व्यक्त करणे आवश्यक आहे. तरच समोरच्याला खरा आनंद मिळतो. "माझ्या मनात आहे ना प्रेम," असे म्हणून चालत नाही; ते शब्दांत आणि वागणुकीत उतरावे लागते, ​तुमची वागणूक आणि तुमचे बोलणे हेच तुमच्या मनातील भावाचा आरसा असतात. मनात भावनांचे काहूर असूनही जर शब्द अबोल असतील, तर त्याचा अर्थ दुसऱ्याला कसा उमजणार? उदाहरण देते ​जर पत्नीने मनापासून छान जेवण बनवले असेल, तर ते मनातल्या मनात 'छान झाले' असे म्हणून चालणार नाही. तिला प्रेमाने सांगा, "खूप छान जेवण बनवले आहे, धन्यवाद दया, ​पतीने जर आपली आवड जपत आपल्याला कुठे फिरायला नेले, किंवा आपल्यासाठी काही खरेदी केली, एखादी वस्तू भेट दिली, तर त्यांनाही मनापासून 'धन्यवाद' म्हणा, ​जेव्हा तुम्ही व्यक्त होता, तेव्हाच तुमचे आंतरिक प्रेम आणि ओलावा दुसऱ्याला समजतो. भगवंताच्या बाबतीत आपण म्हणतो की भगवंताला मनातले कळते, पण संसारात मात्र शब्दांना खूप महत्त्व आहे. भगवंताला तुमचे भाव शब्दांद्वारे किंवा मौनातूनही कळतील, परंतु आपले पती, पत्नी, नातेवाईक किंवा शेजारी यांना तुमचे मन वाचता येत नाही. त्यांच्यासाठी तुम्हाला शब्दांचा आधार घ्यावाच लागतो. ​विचारांची शक्ती प्रचंड आहे, एक गोष्ट नेहमी लक्षात ठेवा, आपल्या मनातील विचारांची स्पंदने समोरच्या व्यक्तीपर्यंत चांगल्या किंवा वाईट स्वरूपात पोहोचतच असतात. त्याचा परिणाम प्रत्यक्ष व्यवहारावर होत असतो. म्हणून मनात नेहमी शुभ विचार ठेवा आणि ते तितक्याच चांगल्या पद्धतीने व्यक्त करायला शिका, ​व्यक्त होण्यात एक विलक्षण आनंद आहे. कशाला भावना मनात कोंडून ठेवायच्या? चला, मोकळेपणाने व्यक्त होऊया, सर्वांना आनंद देऊया आणि आपला संसार अन् परमार्थ दोन्ही सुखी करूया, आता तुम्हीच ठरवा तुमच्या भावना व्यक्त करायच्या की नाही करायच्या ​आता —आपल्या परिवाराला आनंदी ठेवायचे की नाही? हे लक्षात ठेवा, कारण तुम्हीच आहात तुमच्या जीवनाचे निर्माते. ​🕉️🪷🕉️🪷🕉️🪷🕉️ #🙏कर्म क्या है❓ #🙏🏻हनुमान जी के भजन #🙏गीता ज्ञान🛕 #🙏🏻आध्यात्मिकता😇 #🙏गुरु महिमा😇