அமெரிக்காவிற்கு இந்த உலகமே தேவை... ஆனால்? கனடா, மெக்சிகோ, வெனிசுவேலா, க்யூபா, ஆகிய நாடுகள் மட்டுமல்ல மூலோபாய ரீதியாக அமெரிக்காவுக்கு கிரீன்லாந்தும் தேவையாம். அமெரிக்க அதிபர் டிரம்ப் பனாமா கால்வாயை அமெரிக்காவின் கட்டுப்பாட்டிற்குள் கொண்டுவர விரும்புகிறார். இப்போது ஹொர்முஸ் நீரிணையையும் கட்டுப்படுத்த நினைக்கிறார். கனடா மற்றும் வெனிசுவேலா நாடுகளில் எண்ணெய் வளம் அதிகம். ஈராக்கின் சுத்திகரிப்பு நிலையங்களையோ அல்லது எண்ணெய் வயல்களையோ அமெரிக்கா இராணுவ ரீதியாகக் கட்டுப்படுத்தாவிட்டாலும், ஈராக்கின் பொருளாதாரம் மீது அது குறிப்பிடத்தக்க அதிகாரத்தைக் கொண்டுள்ளது. அதே மேலாண்மையை ஈரான் மீதும் ஏற்படுத்தும் நோக்கில் அமெரிக்கா செயல்படுகிறது. அமெரிக்க தொற்சாலைகளுக்கு சீனாவின் அரிய கனிமவள பொருட்கள் வேண்டும், இந்தியாவின் மலிவான மனிதவளம் அமெரிக்காவின் தொழில்துறை மற்றும் தொழில்நுட்ப வளர்ச்சிக்குத் தேவை. மத்திய கிழக்கு நாடுகள் தங்களுடைய எண்ணெய் மற்றும் எரிவாயுவை அமெரிக்க டாலர்களில் விற்க வேண்டும். அதுபோக, ஆங்காங்கே ராணுவ தளங்கள் வேண்டும்! அமெரிக்காவிற்கு இந்தியா, பாகிஸ்தான், தென்கொரியா, உக்ரைன், ஜப்பான், ஆஸ்திரேலீயா, ஐரோப்பிய மற்றும் மத்திய கிழக்கு நாடுகள் ஆயுதங்கள் வாங்குவதற்கு வாடிக்கையாளர்களாக தேவைப்படுகின்றன. உலகம் முழுவதையும் பதற்றத்தில் வைத்திருந்தால் அமெரிக்காவின் ஆயுத விற்பனை அமோகமாக இருக்கும் அல்லவா? இன்றைய உலக அரசியலில் எண்ணெய் என்பது வெறும் எரிபொருள் அல்ல; அது அதிகாரத்தின் மையம். அமெரிக்காவின் வெளியுறவு மற்றும் பொருளாதார கொள்கைகளில் எண்ணெய் மற்றும் எரிவாயு வளத்தை அடிப்படையாகக் கொண்ட அதன் ஏகாதிபத்திய நோக்கம் நன்கு வெளிப்படுகிறது. உலகின் பெரும்பாலான எண்ணெய் வளங்களையும் கடல் வழித்தடங்களையும் தனது கட்டுப்பாட்டிற்குள் கொண்டு வந்துவிட்டால், சீனா மற்றும் இந்தியா போன்ற பெரிய நாடுகளையும் தனது பொருளாதார மேலாதிக்கத்தின் கீழ் கொண்டு வந்துவிடலாம் என்று அமெரிக்கா நம்புகிறது. அமெரிக்காவிற்கு உலகம் தேவைப்படுவது போல, ஓர் ஒப்பீட்டளவில் பார்த்தால், உலக நாடுகளுக்கு அமெரிக்கா அவ்வளவு தூரம் தேவைப் படுவதாகத் தெரியவில்லை. இந்த உண்மையை உலக நாடுகள் மெதுவாக உணரத் தொடங்கியுள்ளன. ஆனால் அமெரிக்கா இன்னும் அதனை கொஞ்சமாவது உணர்ந்ததாகத் தெரியவில்லை. உலகின் அனைத்து இயற்கை வளங்களும் ஒரு நாட்டிற்கு சொந்தமில்லை. உலகநாடுகள் ஒன்றையொன்று சார்ந்திருக்கவேண்டும் என்பதே கடவுளின் விருப்பம்; எல்லா நாடுகளும் அமெரிக்காவைச் சார்ந்திருக்கவேண்டும் என்பதில்லை. காலம் மாறிவிட்டது. அமெரிக்காவை சுரண்டலுக்கு அனூமதிக்காமல் யாரும் அதனுடன் நட்புறவில் இருப்பது சாத்தியம் இல்லை. நேட்டோ நாடுகள் அமெரிக்காவின் பாதுகாப்பு வளையத்தில் இருந்து தற்போது கிட்டத்தட்ட வெளிவந்துவிட்டன. வளைகுடா நாடுகளுக்கு அமெரிக்கா தருவதாகச் சொன்ன பாதுகாப்புதான் அவர்களுடைய இன்றைய பிரச்சினைகளுக்கு ஆணிவேர்! முன்பு கம்யூனிஸ்டுகளின் பிடியிலிருந்து உலகநாடுகளைக் காப்பதற்காக போர்களை புரிந்ததாக அமெரிக்கா சொல்லி வந்தது. சோவியத் யூனியன் சகாப்தத்தில் அமெரிக்காவின் வெளியுறவுக் கொள்கை அதன் அடிப்படையிலேயே அமைந்திருந்தது. இப்போது அமெரிக்காவிடம் இருந்து உலக நாடுகளைக் காக்க யாரிடம் செல்வது? #Trump #USA #அமெரிக்கா #அரசியல் #Iran #ஈரான் #India #OilCrisis #EnergyCrisis Have you subscribed to our channel? If not, please subscribe now. This is your channel! #📺அரசியல் 360🔴 #🚹உளவியல் சிந்தனை